ᕿᒧᒃᓯᖃᑎᒋᓪᓗᒍ
ᐅᖃᓕᒫᕆᐅᖅᓴᓂᖅ
ᐊᓈᓇᑦᓯᐊᕋ
Uqalimaariuqsaniq | Level 10
Uqalimaariuqsaniq is an Inuktitut reading program developed in Nunavut. This program is based on language-acquisition research from around the world. Uqalimaariuqsaniq is a sequential and progressive Inuktitut reading program that supports students in their development from emergent to fluent readers.
Book details
Level: 10
Text type: Fiction
Subjects/themes: land skills, dogsledding, family relationships
Key features: dialogue, first-person point of view, past tense
ᕿᒧᒃᓯᖃᑎᒋᓪᓗᒍ ᐊᓈᓇᑦᓯᐊᕋ ᑎᑎᕋᖅᑐᖅ ᒥᐅᕋᓐ ᕕᓱᓚ ᑎᑎᖅᑐᒐᖅᑐᖅ ᐋᓕ ᕼᐃᓐᑦ
2
ᕿᐅ, ᕿᐅ, ᕿᐅ ᐊᐳᑎ ᐊᑎᓐᓂ ᑐᓴᖅᓴᐅᕗᖅ. ᖁᕕᐊᓱᒃᑐᒻᒪᕆᐅᓚᐅᖅᐳᖓ ᐅᓪᓗᓕᒫᖅ ᐊᓈᓇᑦᑎᐊᓐᓂᑦ ᐃᓕᓐᓂᐊᕐᓂᐊᕋᒪ ᕿᒧᒃᓯᕐᓂᐅᑉ ᒥᒃᓵᓄᑦ. ᐊᓈᓇᑦᑎᐊᕋ ᕿᒻᒥᖃᐃᓐᓇᐅᔭᓚᐅᖅᑐᖅ ᐊᐅᓪᓛᕆᐊᒃᓴᕐᓗ ᖁᕕᐊᒋᔭᖃᖅᖢᓂ. ᐊᐅᓪᓛᕆᐊᒃᓴᖅᑕᐅᖅ ᖁᕕᐊᒋᓚᐅᕐᒥᔭᕋ! 3
ᕿᒻᒥᑦ ᓄᑖᒥᒃ ᐊᐳᒻᒥᒃ ᖃᐅᔨᓴᖅᑐᑦ. ᐅᓐᓄᐊᖅ ᖃᓐᓂᓚᐅᕐᒪᑦ ᖃᒧᑏᒃ ᓴᖅᑭᔮᙱᑲᓴᑦᑎᐊᓕᖅᑑᒃ. “ᖃᓄᐃᓪᓚᖓ?” ᐊᓈᓇᑦᑎᐊᕋ ᐊᐱᕆᕙᕋ. “ᖃᒧᑏᒃ ᓴᖅᑭᑎᑦᑕᕆᐊᖃᖅᑕᕗᒃ, ᒥᐊᓕ,” ᐊᓈᓇᑦᑎᐊᕋ ᐅᖃᖅᐳᖅ. 4
5
6
ᐃᑲᔪᖅᑎᒌᒃᖢᓄᒃ ᖃᒧᑏᒃ ᐊᐳᑕᐃᔭᖅᐸᕗᒃ. ᐱᕐᕌᖏᒡᓗ ᐊᐳᑕᐃᔭᖅᖢᑎᒃᑯ. “ᖃᓄᖅ ᑕᐃᒪ, ᐊᓈᓇᑦᑎᐊᖅ?” ᐊᐱᕆᕙᕋ. “ᓯᕗᓪᓕᕐᒥᒃ, ᓄᖅᑲᐅᑎᖓ ᐊᐳᒻᒧᑦ ᑲᑉᐳᑎᓗᒍ! ᖃᒧᑏᒡᓗ ᓇᕿᑕᕆᓗᒋᒃ. ᐊᒥᓱᓂᒃ ᓇᒃᓴᒐᒃᓴᖃᖅᑐᒍᒃ,” ᐅᖃᖅᐳᖅ ᐊᓈᓇᑦᑎᐊᕋ. 7
ᐊᓈᓇᑦᑎᐊᕋ ᓯᕐᓗᐊᕐᒦᑦᑐᓂᒃ ᐱᓪᓗᓂ ᐅᖃᖅᐳᖅ, “ᖃᒧᑏᖕᓂ ᐃᒃᓯᕚᕐᕕᒃᓴᖃᑦᑎᐊᕆᐊᖃᖅᑐᒍᒃ! ᐅᑯᐊ ᐊᒦᑦ ᐃᖑᕆᒧᐊᕐᓗᒋᑦ ᖃᒧᑏᖕᓄᑦ ᓇᕿᑕᕆᓕᑦ.” ᐊᓈᓇᑦᑎᐊᕋ ᕿᓚᒃᓯᓪᓗᓂ ᐅᖃᖅᐳᖅ, “ᒥᐊᓕ ᐃᒪᓐᓇ ᕿᓚᒡᓗᒍ ᖃᒧᑏᖕᓄᑦ ᐊᒃᑐᖏᑦᑎᐊᕈᓐᓇᖅᑐᖅ.” 8
9
10
ᕿᒻᒥᑦ ᑕᐅᑐᒃᐳᑦ ᐸᕐᓇᒃᑎᓪᓗᓄᒃ. ᐊᓈᓇᑦᑎᐊᕋ ᑎᒃᑯᐊᖅᖢᓂ ᓴᕕᒃᑯᕕᖕᒥᒃ. “ᑕᐃᒪ ᓴᕕᒃᑯᕕᒃ ᓇᕿᑕᕆᒃᐸᑦ. ᐊᒃᖢᓈᖅ ᕿᓚᒡᓗᒍ ᐃᓕᖕᓄᑦ ᓇᕿᑕᕆᔾᔪᓯᕆᖅᑲᐅᔭᑦᑐᑦ,” ᐅᖃᖅᐳᖅ. ᕿᓚᒋᐊᕋᒃᑯ. “ᐃᒪᓐᓈ ᐊᓈᓇᑦᑎᐊᖅ?” ᐊᐱᕆᕙᕋ. “ᐄ,” ᐊᓈᓇᑦᑎᐊᕋ ᑭᐅᕗᖅ. 11
ᓇᓂᔭᐅᔪᓐᓇᐅᑎᓗ.
“ᐅᐸᓗᖓᐃᖅᓯᒪᐃᓐᓇᐅᔭᕆᐊᖃᖅᑐᒍᑦ,”
“ᓯᓚ ᐊᓯᔾᔨᑳᓪᓚᒍᓐᓇᕐᒪᑦ, ᖃᓄᐃᑦᑐᖃᕐᓂᐊᕐᓂᖓᓗ
ᖃᒧᑏᖕᓄᐊᖅᐸᕗᒃ
ᓂᒡᓕᓱᐃᑦᑐᖅ, ᐸᓚᐅᒑᖅ, ᓂᒃᑯᒃ, ᓴᕕᒃ, ᑕᒻᒪᕇᒃᑯᑦ,
ᖁᑭᐅᒻᒥᒃ ᓇᕿᑕᕆᒋᕗᒍᒃ ᐸᕐᓇᑦᑎᐊᖅᓯᒪᔪᒪᒧᑦ!
ᐅᖃᖅᐳᖅ ᐊᓈᓇᑦᑎᐊᕋ.
ᓇᖕᒪᒑᖅ,
ᓇᓗᓇᖅᐸᒃᖢᓂ.” 12
13
14
ᑭᖑᓪᓕᕐᒥᒃ ᐊᒃᖢᓈᑦ ᖃᒧᑏᒃ ᓯᕗᓂᐊᓄᑦ ᐃᓯᕕᑉᐸᕗᒃ ᐊᓄᐃᓪᓗ ᐃᓕᐅᖅᑲᖅᖢᒋᑦ. ᐊᒃᖢᓈᓪᓗ ᖃᒧᑏᖕᓄᑦ ᐊᑦᑕᑕᖅᑎᖦᖢᒋᑦ. ᐊᓈᓇᑦᑎᐊᕐᒪ ᐊᑕᐅᓯᐅᓈᖅᑎᖅᖢᒋᑦ ᕿᒻᒥᑦ ᐊᓄᕙᖏᑦ, ᐅᖃᐅᑎᓪᓗᓂᒋᓪᓗ ᕿᑲᖁᓪᓗᓂᒋᑦ. ᕿᒻᒥᑦ ᐃᓄᖕᒥᓂᒃ ᖃᐅᔨᒪᑦᑎᐊᖅᑐᑦ ᓈᓚᒃᖢᑎᒡᓗ! 15
ᑕᒪᕐᒥᒃ ᑎᓴᒪᐅᔪᖅᑐᑦ ᕿᒻᒥᑦ ᐊᓄᓯᒪᓕᕐᒪᑕ, ᖃᐅᔨᒋᐊᒃᑲᓐᓂᖅᐳᒍᒃ ᑭᓱᓕᒫᓂᒃ ᐱᓯᒪᒐᓗᐊᕐᒪᖔᓐᓄᒃ. ᐊᓈᓇᑦᑎᐊᕐᒪ ᐃᖏᖁᓪᓗᓂᖓ ᐅᖃᖅᐳᖅ, “ᕿᒻᒥᑦ ᕿᒧᒍᒪᔪᒻᒪᕆᐅᖕᒪᑕ. ᑎᒍᒥᐊᑦᑎᐊᕆᑦ!” 16
17
18
ᕿᒻᒥᑦ ᓂᓪᓕᐊᕗᑦ ᐱᔪᒃᓯᒧᑦ. ᐊᓈᓇᑦᑎᐊᕋ ᖃᒧᑏᖕᓄᒃ ᐃᖏᖦᖢᓂ, ᕿᒻᒥᓄᑦ ᐅᕕᙱᐊᖅᖢᓂ ᓄᖅᑲᕈᑦ ᐊᒧᕚ. ᐆᔅᔅ! ᖃᒧᑏᒃ ᐃᖏᕐᕋᓯᕘᒃ ᕿᒻᒥᑦ ᐸᖓᓕᒃᓯᖕᒪᑕ. ᐆᒻᒪᑎᒐ ᑎᒡᓕᓗᐊᑲᓴᒃᐳᖅ, ᕿᒧᒃᓯᕐᒦᑦᑕᕆᐅᕋᒪ. 19
ᕿᒻᒥᑦ ᕿᒧᒃᑐᒻᒪᕆᐅᕗᑦ. ᐊᑯᓂᐅᓗᐊᙱᑦᑐᖅ ᐃᖏᕐᕋᔮᑦᑎᐊᓕᖅᐳᒍᑦ. ᐊᓈᓇᑦᑎᐊᕐᒪ ᕿᒻᒥᑦ ᓴᕿᓴᖅᖢᒋᑦ ᖃᒧᑕᐅᔭᕐᓄᑦ
ᐃᒡᓕᓂᖅ ᐊᖅᑯᑎᑦᑎᐊᕙᐅᖕᒪᑦ ᐊᐱᕋᑖᖅᓯᒪᑎᓪᓗᒍ.
ᑲᔾᔮᕐᓇᖅᑐᒻᒪᕆᐅᕗᖅ.
ᐅᕙᖓᓗ ᖁᙵᑑᒋᕗᖓ! 20
ᐃᒡᓕᓂᒃᑰᓕᖁᕙᖏᑦ.
ᓂᒡᓚᓱᒃᑲᓗᐊᖅᑎᓪᓗᒍ
ᐊᓈᓇᑦᑎᐊᕋ ᖁᙵᑑᕗᖅ,
21
22
“ᓯᓈᖓᓄᙵᐅᔪᒍᒃ ᒥᐊᓕ, ᖃᐅᔨᔪᒪᒐᒪ ᐅᓪᓗᒥ ᐊᖑᓇᓱᒋᐊᖅᓯᒪᔪᖃᕐᒪᖔᑦ,” ᐅᖃᖅᐳᖅ ᐊᓈᓇᑦᑎᐊᕋ. “ᐊᓕᐊᓇᐃᑦ!” ᑐᖅᖢᓚᕗᖓ. “ᕿᒻᒥᑦ ᑕᒪᐅᓈᖃᑦᑕᖅᓯᒪᔪᑦ ᐊᒥᓱᐊᖅᑎᒻᒪᕆᒃᖢᑎᒃ, ᐅᓪᓗᒥᓗ ᖁᕕᐊᓱᑦᑎᐊᖅᖢᑎᒃ ᕿᒧᒋᐊᒃᓴᖅ!” ᐊᓈᓇᑦᑎᐊᕋ ᐅᖃᖅᐳᖅ. 23
ᕿᒻᒥᑦ ᕿᒧᑦᑎᐊᖑᔭᖅᐳᑦ. ᐊᓂᕐᓂᖏᑦ ᐃᓯᒐᖏᓪᓗ ᓂᐱᖃᖅᑐᑐᐊᑦᑎᐊᖑᓪᓗᑎᒃ. “ᓴᐃᓕᓐᓇᒦᒃ, ᖃᒧᑕᐅᔭᕐᓂᕐᒥᒃ ᓂᐱᖃᙱᓐᓂᖅᓴᒻᒪᕆᒃ,” ᐅᖃᖅᐳᖓ. “ᐄᓛᒃ, ᖃᒧᑕᐅᔭᐃᑦ ᓱᒃᑲᓂᖅᓴᒻᒪᕆᐅᒐᓗᐊᑦ ᐊᒃᓱᕈᕐᓇᙱᓐᓂᖅᓴᐅᓪᓗᑎᒡᓗ, ᑭᓯᐊᓂ ᓂᐸᐃᑦᑐᒥ ᐊᓃᕆᐊᒃᓴᖅ ᖁᕕᐊᒋᒻᒪᕆᒃᑲᒃᑯ,” ᐅᖃᖅᐳᖅ
24
ᐊᓈᓇᑦᑎᐊᕋ.
25
26
ᐊᓈᓇᑦᑎᐊᕋᓗ ᓂᐱᖃᕋᓄᒃ ᐃᒃᓯᕚᖅᐳᒍᒃ, ᓴᓂᓕᕇᒃᖢᓄᒃ ᖃᒧᑏᖕᓂ. ᐅᖓᓯᖅᑐᖅ ᐳᔪᖅ ᑕᑯᔪᓐᓇᖅᐸᕗᒃ ᓯᓈᓂ. ᑕᑯᖅᑲᐅᓪᓗᓄᒡᓗ ᐊᖑᓇᓱᒃᑎᓂᒃ ᓂᒃᐸᖅᑐᓂᒃ. ᕿᒻᒥᑦ ᓱᒃᑲᓴᓕᖅᐸᓪᓕᐊᓕᖅᐳᑦ! 27
ᐊᖑᓇᓱᒃᑎᓄᐊᕋᑦᑕ, ᐊᓈᓇᑦᑎᐊᕋ ᐅᖃᖅᐳᖅ “ᐅᐊ” ᕿᒻᒥᓪᓗ ᓄᖅᑲᖅᖢᑎᒃ. “ᓄᖅᑲᕈᑎᖓ ᕿᕐᓗᑎᒍᒃ ᐊᐳᒻᒧᑦ ᒥᐊᓕ,” ᐊᓈᓇᑦᑎᐊᕋ ᐅᖃᕐᒪᑦ ᕿᕐᓗᑎᓪᓗᒍ. ᐊᓈᓇᑦᑎᐊᕋ ᖃᒧᑏᖕᓂᑦ ᓂᐅᓪᓗᓂ ᕿᒻᒥᑦ ᕿᑲᖁᕙᐃᑦ. ᕿᒻᒥᑦ ᐊᓈᓇᑦᑎᐊᓐᓂᒃ ᓈᓚᑦᑎᐊᖅᐸᒃᑐᑦ! ᑕᐃᒪᑐᖅ ᐊᓂᑯᓗᒐ ᑕᐃᒪᓐᓇ ᓈᓚᑦᑎᐊᖅᑎᒋᕙᒡᓕ. 28
29
30
ᓂᒡᓕᓱᐃᑦᑐᖅ ᑕᒧᐊᔭᒃᓴᓪᓗ ᓴᖅᑭᖦᖢᒋᑦ ᐊᖑᓇᓱᒃᑎᑦ ᓂᕆᖃᑎᒋᕙᕗᒃ. “ᖁᔭᓐᓇᒦᒃ ᕿᒧᒃᓯᖃᑎᒋᒐᕕᖓ ᐊᓈᓇᑦᑎᐊᖅ,” ᐅᖃᖅᐳᖓ. “ᐄᓛᒃ! ᖁᕕᐊᒋᔭᓐᓂᒃ ᐃᕐᖑᑕᒃᑲ ᐱᖃᑎᒋᓪᓗᒋᑦ ᖁᕕᐊᒋᒐᒃᑯ,” ᐊᓈᓇᑦᑎᐊᕋ ᐅᖃᖅᐳᖅ. 31
“ᐅᓪᓗᒥ ᐅᓪᓗᑦᑎᐊᕙᒻᒪᕆᐊᓗᒃ, ᐊᓈᓇᑦᑎᐊᖅ! ᓇᒡᓕᒋᕙᒋᑦ!” ᐅᖃᐅᑎᕙᕋ ᐃᕿᖦᖢᒍᓗ. 32
Department of Education, Government of Nunavut
PO Box 1000, Station 960, Iqaluit, NU X0A 0H0
© 2016 Government of Nunavut
All rights reserved. The use of any part of this publication reproduced, transmitted in any form or by any means, electronic, mechanical, photocopying, recording, or otherwise, or stored in a retrievable system, without written consent of the publisher, is an infringement of copyright law.
ISBN: 978-1-77266-168-2
Developed and published in Canada by Inhabit Education www.inhabiteducation.com
ᒥᐊᓕ ᐊᓈᓇᑦᑎᐊᕐᒥᓂᒃ ᕿᒧᒃᓯᖃᑎᖃᖅᑐᖅ ᐃᓚᐅᕝᕕᒋᒍᒃ ᐸᕐᓇᒃᑎᓪᓗᒋᒃ ᖃᒧᑏᖕᓂᒃ, ᐊᓄᕆᑎᓪᓗᒋᒃ ᕿᒧᒃᓯᖅᑎᓪᓗᒋᒡᓗ ᓯᓈᓄᑦᐊᖑᓇᓱᒃᑐᖅᓯᐅᖅᖢᑎᒃ.
