Ukiunut 2022-2026 Sulianik ICC-p Siulittaasuata nalunaarutaa

Sulianik nalunaarut · July 2022 – July 2026

ICC-ip Siulittaasuata siulequtsiussai

2022-miit 2026-mut qinigaaffik maanna naaammat ukiut sisamat kingumut qiviarpavut. Ukiut taakku Inuit sorpassuarnik aporfeqarput ataatsimoornitsinnik aammalu Inuit Nunaanni tamarmi suleqatigiikkumanitsinnut akornutaasinnaasunik. Pissaanilissuit pissaaneqarniuteqqilernerat takuarput, taavalu ukiut 50-ingajaat matuma siorna 1977-imi Inuit Issittormiut Siunnersuisoqatigiiffiata pilersinneqarnerata nalaanisulli killeqarfiit Inoqarfinnik avissaartitsisut pitarlugit angalasinnaatitaaneq angalarusunnerlu ilungersunartorsiorfiulersimapput. Taamaattorli ICC Inuillu nikallujaassuserminnik takutitsisimapput. Inuttut ataasiussuserput attatissallugu aalajangiusimavarput, attaveqatigiinnivut suliavullu uummarissartuarpavut, neriorsuut ICC plersinneqarmat tunniussaasoq attattuartarput.

Ass.: Samuel Lagacé

Inuit Issittormiut Siunnersuisoqatigiiffiat Nunat tamalaat akornanni Nunat inoqqaavisa suleqatigiiffigaat immikkuullarissoq. ICC tamatta kattuffigaarput – ICC Inuit tamarmik pigaat, Inoqarfiillu tamarmik ICC-mut ilaapput. Ataatsimoorluta killeqarfiit pitarlugit inummiit inummut attaveqalersimavugut, imaanngitsoq killeqarfiit pitarlugit suleqatigiinnissaq politikkikkut anguniagarigatsigu, kisiannili Inuit ilaqutariittut, kulturikkut, oqaatsitigut kinaassutsitigullu ataasiugatta. Avannaarsuarni Nunat Inoqqaavisut, qangarsuaaniilli nunagisatsinni ingerlalluarsimavugut. Ukiuni tusindtilinni Issittup nunaa, imartai, sermeq, siku najorsimavavut mannalu tikillugu nunamut pisuussutaanullu atavissuuvugut. Ilisimasat kinguaariinni ingerlaartut nassataraavut Inuiattut Issittumilu najukkatta immikkuullareqqutai.

Qinigaaffimmi matumani Inuttut ataatsimoorsimavugut nikeriartitassaasimanatalu, taavalu Inuit pingaartitaasalu politikkiisalu nunat tamalaat akornanni siuarsarneqarnissaannik 2022-mi Ataatsimeersuarnermi siunniussarput angusimavarput. Pertujaassuseq Eqqisseqatigiinnerlu, qinigaaffimmi kusanaqisumik qulequtassatut toqqarneqarsimasut, timitalersimavavut. Tamassi aalajaassimanersi siulersuisimanersilu pillugu qutsavigiumavassi.

Nunarsuarmi politikkikkut nalorninartorsiornerup nalaani ilungersunartunut nalaatatsinnut inuppalaartumik qisuariartarnermik ICC takutitsiuarpoq. Tassa ICC-itsialak taamaappoq. Tassaasimavugut inuit nipaat - inuiaat nipaat – nunagisavut nunarsuarmi politikkikkut sakkussatut imaluunniit sermiinnartut soqanngitsutut isiginngilavut, imaluunniit pissanilissuit pissaaneqarniuffissaattut, kisianni nunagisatsitut – ataatsimoorluta kinaassusitsinnit atugarissaarnitsinnillu immikkoortinneqarsinnaanngitsut, nunani inoqarfinnilu siammarsimaffitsinni, aamma killeqarfiit pitarlugit. Issittumi eqqisseqatigiinnermi, patajaassusermi suleqatigiinnermilu kattuffitta pingaaruteqassusia suussupagissanngilarput.

Qinigaaffiup ingerlanerani, naapilluta ataatsimiittarnissarput ilungersunarsimavoq, pingaartumik qinigaaffiup naajartornerani. Neriuppunga ICC-mi siuttorisatta ICC-ip immikkut inissisimanera erseqqissartuassagaat – akunnitsinni ilinniarfigeqatigiittarnissatsinnut naapilluta ataatsimiissinnaassuserput pingaaruteqarpoq.

Nalunaarusiami matumani 2022-miit 2026-mut qinigaaffimmi suliat angusallu pingaarnerpaat ICC-ip Siulersuisuunerinit saqqummiunneqarput. Neriuppunga nalunaarusiaq manna atorlugu ukiuni sisamani kingullerni Inuit tamaasa sinnerlugit ICC-ip suliarisarsimasai naammaginartumik paasisaqarfigissagisi.

Aallarniut

Juuli 2022-mi Inuit Issittormiut Siunnersuisoqatigiiffiata Ataatsimeersuarnera assigiinngitsunik peqataaffiusumik ataatsimiinnertut ingerlanneqarpoq, tassa Inuit Nunaanni ICC-mut ilaasortat attaveqaatit atorlugit ataatsimiipput, taavalu 2022mi ICC-ip Ilulissaniit Nalunaarutaa – Pertujaassuseq Eqqisseqatigiinnerlu akuersissutigalugu. Avammut nalunaarummi qulequttat pingaarnerutitat arfineq-marluk uku erseqqissarneqarput:

Aqutsilluarneq, Sillimaniarneq Inuillu Nunaat, Peqqissuseq Inuunerissaarnerlu, Oqaatsit Ileqqullu, Piniarneq Isumannaatsumillu inuussutissaqarneq, Issittup Imartaa Imaanilu Avatangiisit kiisalu Attaveqaasersuutitigut Amigaatit. Nalunaarummi aalajangersakkat suliassartallit 39-iusut ilaat aqqanillit Inuit Nunaanni aqutsilluarnermut isumannaallisaanermullu tunngasuupput, taavalu aalajangersakkat suliassartallit 13-it imartanik aqutsinermut kiisalu piniarnermut inuussutissaqarniarnermullu tunngasuullutik. Taamaammallu qinigaaffiup ingerlanerani ICC-ip suliaasa ilarpassui imartanik aqutsinermi Inuit peqataanissaannik nunat tamalaat akornanni sulissutiginninnermut tunngasimapput. Piniarneq inuussutissaqarniarnerlu aamma pingaartitanut ilaapput taavalu ukununnga attuumassuteqaqalutik: imartanik aqutsineq, Issittup imartaani aqutaanngitsumik aalisarneq, nunat tamalaat akornanni peqataaneq atorlugu qangaaniit inuussutigisatsinnik mingutitsitsinaveersaarneq, kiisalu Issittumi uumassusileqarfinnik allanngutsaaliinikkut aammalu aqutsinermi nungutsaaliuinermilu nammineq aalajangiisinnaatitaanermik iperaanaveersaarnikkut Inuit inuussutissanut oqartussaassusiannik attassinikkut.

ICC-ip 2022-mi Ilulissanit Nalunaarutaani Issittumi allanngoriartupiloornermi Inoqarfiit salliullutik inissisimanerat paasilluarneqarpoq, aamma inuit pisinnaatitaaffiinut, kulturimut, peqqissusermut inooqatigiinnermullu sunniutit assigiinngitsut eqqarsaatigalugit. Aalajangersakkat suliassartallit amerlasuut akornanni qulit avatangiisinut silallu pissusiata allanngoriartorneranut tunngasuupput taavalu nunarsuup kiatsikkiartornerata 1,5 °C-mut killilerneqarnissaa anguniarlugu sutigut tamatigut nunarsuarmi politikkikkut anguniagaqartoqarnissaanik ICC ilungersuuteqaqqullugu peqquneqarluni. Taamalu silap pissusiata allanngoriartornera, allannguutit annikillisarneqarnerat, naleqqussarneq, aammalu nukissiornikkut allanngortitsiartornerit qanoq iliuuseqarfigineqarnerini inuit pisinnaatitaaffiinik aallaaveqarnissamik Inuit ukiorpassuarni suleriaaseqarsimanerat ICC-mit nanginneqarpoq.

Peqqissuseq atugarissaarnerlu pillugit ICC-ip sulinera eqqarsaatigalugu 2022-mi Ataatsimeersuarnermi Inuit meerartaasa inuusuttortaasalu pisinnaatitaaffiisa siuarsarneqarnissaat aammalu qanoq iliuuseqarfigineqarnissaat pisussaaffiliissutigineqarpoq, soorlu ilinniagaqarnissamut pisinnaatitaaffik kiisalu timikkut tarnikkullu peqqissuseq atugarissaarnerlu aamma ilanngullugit. Ataatsimeersuarnermi erseqqissarneqarpoq kikkut tamarmik najukkaminni ilumut toqqissisimasinnaatitaammata, angerlarsimaffimmi sakkortuuliornermik nalaataqaratik, aanngajaarniutinik atornerluiffigineqaratik, kinguaassiutitigut atornerlugaanatik kiisalu persutaasunik nalaataqaratik. Aamma, ICC-ip Siulersuisuuneri peqquneqarsimapput inoqarfitsinni katsorsaaneq, peqqissuseq atugarissaarnerlu anguniarlugit periaatsinik pitsaanerpaanik nassaarniaqqullugit, Inuit inuiaqatigiit ingerlatitaaneranni immikkoortitaanerannik ilisimasaqarfiusuni tamanna qaangerniarlugu ajornartorsiut eqqumaffigineqalerseqqullugu suleqqullugit iliuuserineqartunullu tapersersueqqullugit. Inuit Peqqissusiat pillugu Issittormiut Aqutsisoqatigiivi sukumiisumik iliuusissatut pilersaarusiorput, Inuit Nunaanni tamarmi periaatsit ilisimasallu siammarterniarlugit sammisaqartitsinerit assigiinngitsut qinigaaffiup ingerlanerani aaqqissuunneqarlutik, aamma ICC-ip oqaluttuarisaanerani Inuit Arnartaasa pernaataasumik Ataatsimeersuartinneqarnerat aqqutigalugu.

Qinigaaffiup ingerlanerani Nunat Inoqqaavisa Oqaasiinut Naalagaaffiit Peqatigiit ukioritaat qulit malinnaavigineqarnerat ICC-p nangippaa. Immikkut Ilisimasallit Suleqatigiissitaannut Inuit peqataasussat ICC-p innersuussutigai, taavalu Inuit

oqaasiinik uummarsaaqqinneq, siuarsaaneq kiisalu sumiorpaluutinik Inuillu oqaasiinik illersuineq Naalagaaffiit Peqatigiinni ICC-ip sulinerani tamarmi saqqummiuttarpai siammartertarlugillu.

2022-mi Ataatsimeersuarnermissaaq ICC peqquneqarpoq Inuit Nunaanni inuiaqatigiinnut iluaqusersuutit amigaataanerat qitiutillugu suliniuteqarfigeqqullugu. Avammut nalunaarummi qulequtaritinneqartut akornanni inuiaqatigiinnut iluaqusersuutit amigaataanerat Inuit Nunaanni tamarmi qanoq toqqaannartumik iliuuseqarfiginiassani ajornarnerpaajusoq paasinarsivoq.

Qinigaaffiup ingerlanerani ICC qasseeriarluni katersuutsitsisarpoq, ataatsimiititsisarluni kiisalu ataatsimeersuartitsisarluni, taakkulu Sulianik Nalunaarutip naggataata tungaani sukumiinerusumik nalunaarusiarineqassapput. Aaqqissuussinerit ilaatigut tassaapput Kalaallit Nunaanni Ilulissani 2023-mi Aallartitat Ataatsimiinnerat, soorlu Nalunaarummi aalajangersakkat suliassartallit aappaanni tamanna peqqussutigineqarsimasoq. 2022-mi ICC-ip Ilulissaniit Nalunaarutaani pingaarnerutitassatut saqqummiunneqartut tunngavigalugit ICC-ip Siulersuisuuneri aalajangersimapput Aallartitat ataatsimiinnerat sammisaqartitsinernut tallimanut agguataarniarlugu, (1) ICC-p Immini aqunneqarnera, ataatsimiinneq matoqqasoq, taavalu sammisaqartitsinerit tamanut ammasut (2) Imartanik Aqutsineq, (3) Piniarneq Inuussutissaqarniarnerlu, (4) Inuiaqatigiinnut Iluaqusersuutit amigaataanerat, kiisalu (5) Nunat inoqqaavinut ukioritat qulit.

Aallartitat ataatsimiinnerata kingorna Issittormiut Ataatsimeersuarnerannit ukiunik 50-inngortorsiorneq Issittup Inoqqaavinik allanik kiisalu Issittumi Naalagaaffinni qulliusunik ICC pillugu Ilulissanut katersuussimasunik peqateqarluni nalliussineqarpoq.

Februar 2023-mi ICC Chukotka Chukotkami Nunat Inoqqaavisa oqaasii pillugit ukiumoortumik Nalliuttorsiornerup aaqqissuunneqarnissaanut akisussaasutut ingerlatsivoq, tamannalu Nunani tamalaaani Ilitsoqqussaralugu Oqaatsit ullorititami ingerlanneqarpoq. Oktober 2023-mi Inuit Issittormiut Allattartut Nalliuttorsiornerat Titiraqtat Nunavummi Iqalunni ingerlaneqarpoq, tassali ullut pingasut ingerlaneranni Inuit allattartut najukkameersut, nunami tamarmeersut nunanillu tamalaaneersut allakkaminninnik nuannaarutiginninniarlutik saqqummiisarniarlutillu katersuupput.

2024-mi marsimi ICC Canada Ottawami Isumaginninnermi siunnersortinik Kalaallit Nunaanni Canadamilu sulisuusunik katersuutitsivoq. Marts 2025-mi ICC Alaska Nunat Inoqqaavinik immikkut malinnaavigisanik ataatsimiititsivoq. ICC Canada Peqqissuseq atugarissaarnerlu pillugit Attaveqaatit atorlugit oqalugiartitsisarpoq.

2024-miit 2026-mut ICC Inuusuttunut Suliniummik ingerlataqarmat Inuit inuusuttaat aqqaneq-marlut ICC-p nunani tamalaani sulineranut tunngasumik ilinniartitsinermut siullermut peqataapput, taakkulu ICC-p nunat tamalaat akornanni ataatsimeeqataasarneranut isumaqatigiinniartarneranullu malinnaasarput.

Ataatsimut isigalugu 2022-miit 2026-mut qinigaaffimmi ICC-p sulinera sammisaqartitsinerpassuarnik imaqarpoq kiisalu nunat tamalaat akornanni toqqaannartumik peqataasarnernik Inuit nunagisatsinnit assigiinngitsunik pisunik akuutitsiviusunik imaqaqaluni. Sulianik Nalunarusiap matuma sinnera paasissutissanik sukumiinerusunik 2026-mi ICC-p Ataatsimeersuarnerani akuerisassanik saqqummiiviussaaq.

Inuit Oqartussaanerat aammalu Nammineq aalajangiinissamut pisinnaatitaaffiat

2022-miit 2026-mut qinigaaffik nunat tamalaat inatsisaannut, inuit pisinnaatitaaffiinut silarsuarmioqatigiillu malittarisaqarlutik ingerlanerannut naalagaaffiit isiginnittaasiisa allanngorujussuarfiat nalaarlugu pivoq. Allanngorneq tamanna Issittumi naalagaaffiit akornannissaaq erserpoq, ICC-illu allannguutit tamakku qanimut misigisaqarfigai. Naalagaaffiit Peqatigiinni ICC-ip nalaappaa qanoq naalagaaffiit siusinnerusukkut inuit pisinnaatitaaffiinik, aamma Nunat Inoqqaavisa pisinnaatitaaffiinik, malinninniaqqissaartarsimagaluarlutik tunuartilersimasut, kiisalu naalagaaffiit qassiit isumaqatigiissutaannik atuutitsinissaq isumaqatigiissuteqarnissarlu ajornartornerulersimasut, kiisalu suleqatigiiffiit nunat tamalaat kiisalu qanigisariissut akornanni pilersinneqarsimasut tunngavigalugit nunarsuarmi angusat pingaarutillit timitalernissaat ajornakusuulersimasoq. Qinigaaffiup tamatuma ingerlanerani allannguutit tamakku isumakulunnartoqartillugit ICC-p saqqummiuttuartarpai naalagaaffiillu kajumissaartarlugit inuit pisinnaatitaaffiinik Nunallu inoqqaavisa pisinnaatitaaffiinik tapersersueqqullugit. Aammattaaq nunat qanitariissut suleqatigiiffii, soorlu Issittumi Siunnersuisoqatigiit, Inunnit peqataaffigineqarlutik ingerlajuarnisssaannik piuinnarnissaannillu ICC ilungersorluni suliniuteqartarpoq.

Nunarsuarmi politikki naalagaaffiillu Inuit najugarisaasa akornanni pissutsit allannguuteqarsimapput, taavalu Inuit oqartussaanerat imminnullu tunngasunik aalajangiisinnaatitaanerat tatisimaneqalersimallutik. Taamaammat imminut tunngasunik oqartussaatitaanissaq, nunagisat ataqqineqarnissaat aammalu nunat tamalaat inatsisaat naapertorlugit malittarisaqarluni ingerlanissaq ICC-mit tapersersorlugit ilungersuutigineqartarput. Issittumi suleqatigiinnerup attanneqarnissaa taamalu Inuit Nunallu Inoqqaavisa allat Issittumi suleqatigiinnermi ineriartortitsinermilu siuttuunissaat ICC-mit qitiullugu sulissutigineqarpoq, Issittup Inoqqaavisa ukiorpassuarni kingullerni angusarisimasaat siulersuisimanerallu erseqqissumik takutittarlugit.

Issittormiut pernaammik Ataatsimeersuarnerannit ukiunik 50-inngortorsiorneq ICC-mit Saamillu Siunnersuisoqatigiiffiannit ataatsimut aaqqissuunneqarpoq. Ataatsimeersuarnermi 1973-mi Københavnimi peqataaqqaarsimasut ilaat kiisalu Issittup Inoqqaavisa suliniaqatigiiffiisa taamanernit pilersimasut ineriartorsimasullu siuttui naapitinneqarput. Nalliuttorsiorneq ataatsimut oqaaseqaasiorfiuvoq taavalu Issittup Inoqqaavisa Naalagaaffiit akornanni ukiuni 50-ini sulisimanerat pillugu atuakkamik saqqummersitsiviulluni. Issittup Inoqqavisa nunani ataasiakkaani nunallu tamalaat akornanni suleqatigiiffinni Issittup Inoqqaavisa tunniussarisarsimasaat katersuuttunit saqqummiunneqartarput, imminut tunngasunik aalajangiisinnaatitaaneq kinguaariiaallu akornanni ilisimasat pillugit nipimik ataasiusumik saqqummiussisarlutik, taavalu nunat tamalaat inatsisaannik tunngaveqarluni naligiilluni suleqatigiinnissamik noqqaassuteqarlutik.

ICC-eqarfinni tamani Inuit siuttuussiannik imminnullu oqartussaaffiginerannik aammalu oqartussaassuseqarnerannik erseqqissaasunik sammisaqartitsisoqartarpoq. 2025-mi ICC Alaska Alaskami Inuit Siuttuisa Naapeqatigiinnerannik aaqqissuussaqarpoq taavalu Alaskami Inuit Issittoq pillugu Periusissiaannik saqqummiussilluni. Periusissiami “Issittoq pillugu takorluukkat sapiiserfiusut ataatsimoorfiusullu” Alaskami Inunnit kissaatigineqartut piumasarineqartullu erseqqissarneqarput, soorlu ilaatigut “Issittup siunissaa Inunnit siulersorneqassaaq, siunissaq taanna pisinnaatitaaffitsinnik pigeriikkatsinnik ataqqinniffiussaaq, naleqartitatsinnik ersersitsiviulluni kiisalu aalajangiinerni tamani uatsinnut, inoqarfitsinnut, nunagisatsinnut, imartatsinnut, isumannaassusitsinnut oqartussaassutsitsinnullu tunngasunik aalajangiisarnerni Inunnik qitiutitsiviussalluni.” Ataatsimeersuarnermi Inuit oqartussaanerat imminnullu aalajangiiffigisinnaanerat oqallinnermi qitiupput. Periusissiami pingaarnerutitanut ilaapput Inunnit siulersugaasumik Ineriartortitsineq Nungutsaaliuinerlu; Silap Allanngoriartornerata Najukkatsinnut Sunniutai; Imartanik aqutsineq Inuit siuttuuffigisaat; Inuit Inuussutissaqarniarnerat Inuussutissaqarnikkullu Oqartussaassuseq kiisalu Inoqarfinni Atugarissaarneq. Inuit siulersugaannik ingerlataannillu

Ataatsimeersuarneq Periusissiamik inerneqartoq immikkuullarippoq, taavalu Periusissiakkut peqqussutigineqartut piviusunngortinniarlugit sulineq qinigaaffimmi tulliuttumi tamatumalu kingorna ingerlateqqinneqassaaq.

2025-ip aallartilaarnerani aammaarlunilu 2026-mi USA-p Kalaallit Nunaannik soqutiginninnera pillugu nipimik ataasiusumik tusarliussisarpoq. Oqaaseqaammini siullermi Issittumi eqqisseqatigiinnerup ataqqeqatigiinnerullu pisariaqarnerat ICC-p erseqqissarpai, erseqqissarlugu nunasiaatilittut pingaarnerussusermik eqqarsartaaseqarneq maanna qaangiutereersimammata. ICC-p Siulittaasua Sara Olsvigip oqaaseqaataa “Nunasiaatillit arlaannaalluunniit pitsaanerunngilaq” 2025-mi 2026-milu assut issuarneqartarpoq, Siulittaasoq saqqummiisoqarluni oqallinnerni qassiini, attaveqaatit atorlugit isumasioqatigiinnerni ataatsimeersuarnernilu peqataasarpoq ICC-ip oqaaseqaatigisaa utertarlugu, ataqqeqatigiissumik suleqatigiinnissamik piumasaqartarluni.

“Nunasiaatillit arlaannaalluunniit pitsaanerunngilaq”, ICC-p siulittaasua Sara Olsvig, Januarip ulluisa 27-iat, 2025.

2026-mi februaarimi pisinnaatitaaffivut pillugit Nunat Inoqqaavisa tamarmik aalajaannissaannik ataatsimoornissaannillu ICC ataatsimoorussamik oqaaseqaateqarpoq. Issittup eqqisseqatigiiffiuinnarnissaa naalagaaffiillu oqaloqatigiinnikkut suleqatigiinnerata attanneqarnissaa ICC-mit uteqqinneqarpoq.

“Silarsuarmi allannguutinik Inuit toqqaannartumik nalaataqarput. Allannguut taanna pissutigalugu nunagisatsinni inuit isumannaatsuunerat atugaallu pillugu Issittumi siuttuusut tamarmik isumalioqqissaartariaqarput. Tamatumani inuttut pisinnaatitaaffiit, Nunat Inoqqaavisa pisinnaatitaaffii, kiisalu nunat tamalaat inatsisaannik toqqammaveqarluni nunat tamalaat suleqatigiinnerat aalajaaffigisariaqarput. Silarsuarmi aaqqissugaaneq eqqunngitsuliornernik pinaveersaartitsiviussaq – taakkuninnga uteqqiiviunngitsoq, pingaartumik Nunat Inoqqaavinut sammisumik eqqunngitsuliorfiunngitsoq aalajaaffigisariaqarparput”, ICC-ip siulittaasua Sara Olsvig, februaarip ulluisa aappaat, 2026.

“Issittup eqqisseqatigiiffittut suleqatigiiffittullu attatiinnarneqarnissaanik noqqaassuteqarpugut”, Chukotkamiit ICC-p siulittaasuata tullia, Valentina Leonova, februaarip ulluisa aappaat, 2026.

“Uatsinnut Issittoq illersornissakkut pisuussutaannaanngilaq. Nunagaarput kinguaariippassuarni inuuginnarfigisimallugu naalagaaffigisimallugulu. Naggueqatigiit Inuit inuttut pisinnaatitaaffii namminnerlu aalajangiisinnaassuseqarnerat nunarsuarmi politikkip allannguuteqarnera naleqqussarfiginiarlugu navianartorsiortinneqassanngillat.” Alaskamit ICC-ip siulittaasuata tullia Marie Greene, februaarip ulluisa aappaat, 2026.

“Siunissarput, Inuit kinguaariit tulliit siunissaat, Issittumi suleqatigiinnermik najukkattalu eqqisseqatigiiffiuinnarnissaanik toqqammaveqarpoq. Nunat Inoqqaavi tamarmik, aamma Kalaallit Nunaanni Inuit imminnut naalakkersortuunissamut pisinnaatitaaffeqarput, taamalu namminneq siunissaminnik aalajangiinissamut pisinnaatitaaffeqarlutik”. Canadamit ICC-ip siulittaasuata tullia Herb NakiMajak, februaarip ulluisa aappaat, 2026.

“Nammineq aalajangiisinnaatitaanerput isumaqatigiinniutissaanngilaq. Inunnit naggueqatitsinnit, nunarsuarmilu tamarmi Nunat Inoqqaavinit allanit tapersersorneqarnerput assorujussuaq qujarupparput”, Kalaallit Nunaannit ICC-ip siulittaasuata tullia Hjalmar Dahl, februaarip ulluisa aappaat, 2026.

Nunat tamalaat akornanni ICC-ip suliniartarnera

Nunat tamalaat akornanni suleqatigiiffinni qassiini ICC suliniarluartarpoq, soorlu nunat tamalaat isumaqatigiissutaasa isumaqatigiinniutigineqarneri aqqutigalugit kiisalu nunat tamalaat assigiinngitsutigut ataatsimeersuartarneri, pisut qaffasissut aqqutigalugit, kiisalu Naalagaaffinnik, taakku naalakkersuisuinik, Aallartitanik, Ataatsimiittartoqatigiit ilaasortaannik, qaffasissumillu sinniisuutitat allat, kattuffiit, suleqatigiiffiit, aningaasaateqarfiillu kiisalu Nunat Inoqqaavisa Suliniaqatigiiffiisa allat ataatsimeeqatigineqartarneri aqqutigalugit. Isumaqatigiinniarnerit ataatsimiinnerillu tamakku ilarpassui nalunaarusiami uani qulequttani assigiinngitsuni saqqummiunneqartarput qulequttani tamakkunani ICC-ip suliniarnerata qanoq siammasitsinera ersersikkumallugu. Ataatsimiinnerit aaqqissuussinerillu nalunaarsorneqarsimasut Siulittaasup aammalu immikkoortortat sisamaasut ataatsimeeqateqartarnerisa ilaannannguaraat, kisiannili pingaaruteqarluartuullutik. Qinigaaffiup ingerlaneranini ICC-p Siulittaasuata pingaartumik ataatsimiinnerit matoqqasut, Chatham House Rule naapertorlugit oqalliffiit oqaloqatigiiffiillu peqataaffigisarpai, taakkulu uani nalunaarusiorneqanngillat kisianni ICC-ip Issittoq nunallu tamalaat akornanni suleqatigiinneq pillugu isumaanik siammarteriffiusarput, taakkunanilu Issittup eqqisseqatigiiffiunissaata killeqarfiillu akornanni suleqatigiinnerup attanneqarnissaat qitiutinneqartarpoq.

Issittoq pillugu sammisaqarfinni tamalaani ICC-p oqariartuutini nunat tamalaat akornanni ataatsimeersuarnerni saqqummiukkajuttarpai, aamma ICC-ip ukiumoortumik peqataaffigisartagaani. Matuma kinguliani ataatsimiinnerit Issittumut tunngasorpiaat qulequttat Inunnut soqutiginaatillit assigiinngitsut pillugit naapittartut nalunaarsorneqarput.

Ass.: Inuit Circumpolar Council

ATAATSIMIINNERIT PISULLU

ATTUUMASSUTEQARTUT PEQATAAFFIGINEQARTUT

August 2022 Saamit ataatsimeersuarnerat

August 2022

Váhčir (Gällivare), Sverige

Arctic Circle Kalaallit Nunaat pillugu Oqallinneq Nuuk, Kalaallit Nunaat

September 2022 Issittumi Inatsisartut Ataatsimeersuarnerat Nuuk, Kalaallit Nunaat

Oktober 2022 Arctic Circlep Katersuunnera Reykjavik, Island

November 2022 Arctic Futures Symposium Bruxelles, Belgia

Januar-Februar 2023 Arctic Frontiers Romsa (Tromsø), Norge

Februar 2023 EU-p Issittoq pillugu Oqalliffia Nunat Inoqqaavinillu Oqaloqateqarneq Nuuk, Kalaallit Nunaat

Februar 2023 Muchenimi Isumannaallisaaneq pillugu Ataatsimerersuarneq Munchen, Tyskland

Marts 2023 Arctic Encounter Anchorage, Alaska

September 2023 Normandiami Silarsuarmi eqqisseqatigiinneq pillugu oqalliffik Caen, Frankrig

Oktober 2023 Arctic Circlep Katersuunnera Reykjavik, Island

November 2023 One Planet Polar Summit Paris, Frankrig

Januar 2024 Arctic Frontiers Romsa (Tromsø), Norge

Februar 2024 Polar Symposium Monaco

April 2024 Arctic Encounter Anchorage, Alaska

Maj 2024 EU-p Issittoq pillugu Oqalliffia Nunat Inoqqaavinillu Oqaloqateqarneq Bruxelles, Belgia

Maj 2024 Future Greenland Nuuk, Kalaallit Nunaat

Maj 2024 Issittoq pillugu Ataatsimeersuarneq Bådåddjo (Bodø), Norge

December 2024 Arctic Futures Symposium Bruxelles, Belgium

Januar 2025 Issittumi Inatsisartunut Ilaasortat Ataatsimiinnerat Romsa (Tromsø), Norge

Januar 2025 Arctic Frontiers Romsa (Tromsø), Norge

Juni 2025 EU-p Issittoq pillugu Oqalliffia Nunat Inoqqaavinillu Oqaloqateqarneq, Inuusuttunik Issittormiunik Oqaloqateqarneq Gihttel (Kittilä), Finland

Juni 2025 Folkemøde 2025 Bornholm, Danmark

Juli 2025 Arctic Encounter Anchorage, Alaska

Oktober 2025 Arctic Circlep Ataatsimiinnera Reykjavik, Island

Oktober 2025 Polar Law Symposium Nuuk, Greenland

December 2025 Arctic Futures Symposium Bruxelles, Belgia (Attaveqaatitigut)

Februar 2026 ICC-ip Siulittaasuata aamma H.E. Governor General of Canada Mary Simon Nuuk, Kalaallit Nunaat

Februar 2026 Canadap Kalaallit Nunaanni Konsuleqarfiata ammarneqarnera Nuuk, Kalaallit Nunaat

Februar 2026 Polar Symposium Monaco

Marts 2026 Arctic Circle Ruumami Oqallitsitsinera – Issittoq pillugu Oqaloqatigiinneq Ruuma, Italjia

April 2026 Arctic Encounter Anchorage, Alaska

Maj 2026 Future Greenland Nuuk, Kalaallit Nunaat

Maj 2026 Governor Generalip Canadami Siuttunik Ataatsimeersuartitsinera Quebec City, Canada

Juni 2026 Issittumi Isumannaallisaaneq pillugu ataatsimeersuarneq Ottawa, Canada

Juni 2026 Saamit Ataatsimeersuarnerat Ohcejohka (Utsjoki), Finland

Naalagaaffiit Peqatigiit, Inuit pisinnaatitaaffii, kiisalu

Annertusisamik Peqataaneq

Ass.: Inuit Circumpolar Council

Naalagaaffiit Peqatigiit Nunat Inoqqaavinut tunngasorpianik pingasunik suleqatigiiffeqarpoq. Nunat Inoqqaavi pillugit Ataavartumik Oqallittarfik (UNPFII) ukioq 2000-mi Naalagaaffiit Peqatigiit Aningaasarsiornermut Inooqatigiinnermullu Siunnersuisoqatigiiffiannit pilersinneqarpoq. Oqallittarfik Naalagaaffiit Peqatigiit iluanni qaffasissumik siunnersuisoqatigiiffiuvoq. 2001-mi Nunat Inoqqaavisa Pisinnaatitaaffii pillugit Immikkut Nalunaarusiortartoq siulleq Naalagaaffiit Peqatigiinnit toqqarneqarpoq, taannalu Suleriaatsit Immikkut ittut Naapertorlugit piginnaassusiligaavoq. 2007-mi Nunat Inoqqaavisa pisinnaatitaaffii pillugit Naalagaaffiit Peqatigiit Nalunaarutaat Naalagaaffiit Peqatigiinnit akuersissutigineqarpoq, taavalu Nunat Inoqqaavisa pisinnaatitaaffii pillugit Ataatsimiittartoqatigiit Immikkut Ilisimasallit Naalagaaffiit Peqatigiit Inuit pisinnaatitaaffii pillugit Siunnersuisoqatigiivisa ataanniittussatut pilersinneqarput.

Nunat tamalaat akornanni naggueqatigiit Inuit pisinnaatitaaffiinik siuarsaaniartutut nipaannillu saqqummiussisartutut ICC 1983-miilli Naalagaaffiit Peqatigiinnit sinniisuuffeqartutut naleqartitaalersimavoq. Suleqatigiiffiit pingasut ukiuni piuffiini ilusilersorneqarnerannut ICC ikiuussimavoq qinigaaffimmilu qaangiuttumi pingasut taakku tamarmik ataatsimiittarnerini suliaqartitsisarnerinilu peqataasarsimalluni. Issittumi Inooqatigiinnikkut Kultureqarfiit aqqutigalugit ICC Saaminik peqate-

qarluni ICC-mi siulittaasuusimasup Dr. Dalee Sambo Doroughip qinigaaffimmi 2023-2026-mi EMRIP-mi Ilaasortatut Immikkut Ilisimasalittut qinnuteqaataanut tapersersuisimavoq, ICC-illu nuannaarutigaa Dr. Dorough qinigaaffiit aappassaanni Issittumiit Immikkut Ilisimasalittut ilaasortaasussatut toqqarneqarsimammat. Nunat inoqqaavi pillugit Naalagaaffiit Peqatigiit Ataavartumik Oqallittarfiannut Issittumiit ilaasortassatut Aluki Kotierkimik 2022-mi iluatsittumik inassuteqaateqarnerup kingorna 2025-mi Ms. Kotierk inassutigeqqinneqarpoq. ICC-ip nuannaarutigisaanik Ataavartumik Oqallittarfimmit Ms. Kotier Ataavartumik Oqallittarfip 2025-mi siulittaasussaatut qinerneqarpoq, 2026-milu aamma qinerneqaqqilluni. 2023-imi Naalagaaffiit Peqatigiinni Nunat Inoqqaavisa Pisinnaatitaaffii pillugit Immikkut Nalunaarusiortartoq Canadamut, Kalaallit Nunaannut Danmarkimullu misissuiartorpoq. Kalaallit Nunaannut Danmarkimullu misissuiartornerani ICC tusarniaanermut peqataalluartarpoq. Kalaallit Nunaannut kiisalu Danmarkimut tikeraarnera, tamatuma kingorna Nunat Inoqqaavisa Danmarkimi najugaqartut pisinnaatitaaffiinik atuutitsinerup annertusineqarnissaanik sammisaqarnera suliaqarneralu naggueqatigiit Inuit pisinnaatitaaffiinik siuarsaaniarnermi pingaaruteqartuusoq paasinarsivoq. Naalagaaffiit Peqatigiinni Immikkut Nalunaarusiortartup inassuteqaatai ICC-ip malittarisarpai piviusunngortinneqarnissaallu ilungersuutigisarlugu. Aamma, 2023 aamma 2025-mi Naalagaaffiit Peqatigiit Inuit pisinnaatitaaffii pillugit Siunnersuisoqatigiit ataatsimiinneranni ICC peqataasarpoq ilaatigut Immikkut Nalunaarusiortartup nunanut marluunnut tikeraarnerminit nalunaarusiaanut qisuariaateqarnissani siunertaralugu.

2022-miit 2026-imut qinigaaffiup ingerlanerani EMRIP-ip aammalu UNPFII-p ataatsimiinneri tamaasa ICC-p oqaaseqaateqarfigisarpai, tassa 2023-imi EMRIP-ip ataatsimiinnera minillugu, taamanili ICC-mut Aallartitat Ilulissani ataatsimiimmata. Saqqummiisarnerni Inuit isumakuluutaat, pingaartitaat kiisalu inassuteqaatigisaat ICC-ip saqqummiuttarpai, aamma ajornartorsiutit suliniaqatigiiffiit ilaasortarisatta ICC-mut saqqummiuttagaat. Suut Inunnut pingaaruteqartut ICC-ip ukkatariuarpai, soorlu 1960-70-ikkunni danskit siuttuuffigisaannik Kalaallit Nunaanni naartunaveersaasersuisimaneq pillugu misissuinerit ingerlasut. Taamani Kalaallit arnartaat niviarsiarartaallu ammut 12 tikillugit ukiullit spiralilersugaapput, amerlasuut akuersiseqqaarnagit, allaallu ilaat paasiteqqaarnagit. Spiralilersuinerup inuit pisinnaatitaaffiisigut kingunerinik misissuinissaq siunertaralugu Suleqatigiissitat immikkut ilisimasallit Kalaallit Nunaanni Naalakkersuisunit pilersinneqartut sulinerminni najoqqutassiorneqarneranni ICC peqataavoq kiisalu immikkut ilisimasalittut peqataasussanik inassuteqaateqarluni, taavalu Nunat Inoqqaavisa kinguaassiornikkut peqqissuunissamut pisinnaatitaaffii pillugit Naalagaaffiit Peqatigiit Immikkut Nalunaarusiortartuata nalunaarusiorneranut annertuumik tunniussaqarpoq Inuit Arnartaannik ICC-ip Ataatsimeersuartitsineranit nalunaarusianik tunngaveqarluni. Aamma, EMRIP-ip misissuinerinut qassiinut isumasioqatigiisitsinerit aqqutigalugit ICC oqaaseqaateqartarpoq tunniussaqartarlunilu, aamma Nunat inoqqaavi kiisalu paasissutissanut pisinnaatitaaffiit pillugit misissuinermut tunngasut eqqarsaatigalugit, qangatuut inuuniuteqarnermut pisinnaatitaaffiit pillugit misissuinermut, kiisalu UNDRIP-ip timitalerneqarneranik misissuinermut.

Qinigaaffiup ingerlanerani UNPFII-p ataatsimiinnerinut siammasissunik aallartitaqarluni ICC peqataasarpoq. Ataatsimiinnerni tamani ICC-ip aallartitai saniatigut aaqqissuussinernit qassiini oqalugiartarput taavalu pisortatigoortumik ataatsimiinnerni ICC-ip pisortatigoortumik oqalugiaataanik saqqummiussisarlutik. Naalagaaffiit Peqatigiinni tamarmiusuni isumakulunnartoqartitat pingaarnerutitallu pillugit nalunaaruteqarnissamut Oqallittarfiup Ataavartup ataatsimiittarneri ICC-ip atortarpai, amerlasuutigut Naalagaaffiit Peqatigiit ingerlatsiviini Nunat Inoqqaavisa tamakkiisumik sunniutilimmillu peqataanissamut pisinnaatitaaffeqarnerat erseqqissartarlugu, soorlu Silap Allanngoriartornera pillugu Tunngaviusumik Naalagaaffiit Peqatigiit isumaqatigiissutaanni kiisalu Uumassusillit Assigiinngissitaarnerat pillugu Naalagaaffiit Isumaqatigiissutaanni. Naalagaaffiit Peqatigiinni Inuit pisinnaatitaaffii pillugit Siunnersuisoqatigiit ataanni inuit pisinnaatitaaffiisa malinnaavigineqarnerisa kiisalu nalunaaruteqartarnerup pingaaruteqassusiinik erseqqissaasarnini ICC-ip ingerlattuarpai. Taavalu Arnanut Immikkoorsitsinerit Suulluunniit Unitsinneqarnissaat pillugu Ataatsimiititaliap Nunat Inoqqaavisa arnartaasa niviarsiarartaasalu pisinnaatitaaffii pillugit Inassuteqaataata nr. 39-ip piviusunngortinneqarnissaanik Ataavartumik Ataatsimiittartoqatigiit ukiumoortumik oqaloqatigiisitsisarnerani ilungersuuteqartarluni.

2023-mi 2026-milu Nunat inoqqaavisa arnartaasa niviarsiarartaasalu pisinnaatitaaffii pillugit ataatsimiinnerup saniatigut ICC aaqqissuussisarpoq. Nunat Inoqqaavisa Arnartaasa Nunat Tamalaat akornanni Oqallittarfiat (FIMI) ICC-p suleqatigalugu CEDAWip Inassuteqaataata nr. 39-ip timitalerneqarnissaa qitiutillugu pernaammik ataatsimiinnerup saniatigut aaqqissuussaqarpoq. Saniatigut aaqqissussinerit aappaat Saamit Siunnersusioqatigiiffiannit tapersersueqataaffigineqarpoq, tassanilu Inuit Arnartaasa Ataatsimeersuarnerat Nunat inoqqaavisa siuttuinut siammasinnerusumik saqqumiunneqarpoq aammalu Nunat inoqqaavisa arnartaasa niviarsarartaasalu pisinnaatitaaffiisa siuarsarneqarnissaannik nunarsuarmiut oqallinnissaannut peqatiserineqarlutik. 2024-mi Issittumi inuussutissaqarniarnermut oqartussaassuseq pillugu ICC UNPFII-p ataatsimiinnerani saniatigut aaqqissuussamik ingerlataqarpoq, taannalu Nunavumi Inuussutissaqarniarnikkut Oqartussassuseq pillugu suliniummit Inuksiutinik taanilimmit tapersersorneqarpoq. Suliniut taanna Canadami Inuit Nunangata kiisalu Tuluit Nunaata Issittumi Ilisimatusarnerata ataani ingerlanneqarpoq. Ataatsimiinnermilu tassanissaaq Inuit Saamillu inuusuttaat ICC aammalu Saamit Siunnersuisoqatigiiffiat aqqutigalugit suleqatigiillutik ataatsimiinnerup saniatigut aaqqisuussaqarput Issittormiut Ataatsimeersuarnerannit oqaaseqaataasut saqqummiukkumallugit.

Ukiuni kingullerni aningaasannaniarnikkut ajornartorsiutinik Naalagaaffiit Peqatigiit nalaataqarput suleqatigiiffinni pingasuni taakkunani suliat ikilinerannik kinguneqartumik. Tamatumalu peqatigisaanittaaq taakkunani Nunat inoqqaavisa peqataanissamut periarfissaat pisinnaasaallu aamma annikillipput. “UN80)-mik taallugu, tassami Naalagaaffiit Peqatigiit ukiunik 80-inngortorsiornerat nalerorlugu suliniut pimmat, Naalagaaffiit Peqatigiinni annertuumik allanngortiterisoqalerpoq. Suleqatigiiffinni pingasut immikkuullarissut pisariaqassusiat attanneqarnissaasa pingaaruteqassusia ICC-mit erseqqissaqqinneqartarpoq, suleqatigiiffinni aningaasassaaleqinerup sunniutaasa aarleqqutigineqarnerannik ersersitsisarluni. Isumakuluullu taanna UNPFII-p 2026-mi ataatsimiinnerani nalunaarusiarineqartumi ersersinneqarpoq.

2027-mi ukiut 20-it qaangiussimalissapput Nunat Inoqqaavisa Pisinnaatitaaffii pillugit Nalunaarummik Naalagaaffiit Peqatigiit akuersissuteqarneranniit. 2027-mi Ataatsimiittartoqatigiit 26-issaannik ataatsimiinneranni nalliuttorsiornerup malunnartinneqarnissaa UNPFII-mut ICC-mit inassutigineqarpoq. Nunat inoqqaavisa pisinnaatitaaffiinik Naalagaaffiit Peqatigiinni, aammalu Issittumi tamarmi timitaliinerup qanoq annertutigineranik naliliivigissallugu UNDRIP-ip ukiunik 20-inngortorsiornera pissarsiaqaataalluassaaq.

Qinigaaffiup ingerlaneranissaaq Naalagaaffiit Peqatigiinni Nunat inoqqaavisa peqataanerannik annertusaaniarnermut ICC akuulluartarpoq. Anguniagaq tassaavoq inuiaqativut Naalagaaffiit Peqatigiinni peqataatinniarlugit Nunat Inoqqaavisa namminnerisaminnik nutaamik sinniisuutitaqarnikkut inissisimaffeqalernerat pilersinneqassasoq. Sinniisuutitaqartitseriaatsip nutaap tamatuma Ataavartumik Alaatsinaattuutitaqarnertut ittuunissaa Nunat inoqqaavinit tikkuarneqarpoq. Sinniisuutitaqartitseriaatsimi tassani sinniisuutitaqaataasut tassaasinnaapput inatsisartut, naalakkersuisut, imaluunniit sinniisut allat imaluunniit qinikkatut inissisimaffiit allat soorlu qangatut siunnersuisoqatigiit, 2013-mi Altamit Inerniliussami oqaatigineqartutut, taannalu 2014-mi Nunat Inoqqaavisa Nunarsuarmi Ataatsimeersuarnerat sioqqullugu inooqatigiinnikkut kultureqarfinnit arfineq-marlunnit Nunat Inoqqaavinut ICC-mit isumaqatiginiutigineqarpoq. Nunat Inoqqaavisa Ataatsimeersuarnerat 2014-mi Naalagaaffiit Peqatigiit Katersuunnerannut atatillugu ingerlanneqarpoq. Altamit Inerniliussaq 2014-mi Nunat Inoqqaavisa Ataatsimeersuarneranni Aalajangersakkamut (Naalagaaffiit Peqatigiit aalajangersagaannut) ilanngussatut ikkunneqarpoq.

Naalagaaffiit Peqatigiinni Nunat inoqqaavisa peqataasarnerannik siuarsaanerup killiffiani qulequttat sisamat oqaluuserineqarput: 1) Suut peqataaffigineqartut – Naalagaaffiit Peqatigiinnit ataatsimiiffinnut tamanut peqataasinnaatitaanissartik Nunat inoqqaavisa piumasaraat, 2) Peqataanerit qanoq ittuussusii, 3) Peqataasinnaatitaanermi suut uuttuutigineqassasut – Nunat Inoqqaavini inuiaqatigiit ingerlatsivii inunnut sinniisuusutut isigineqassappata suut uuttuutaassappat – kikkut peqataasinnaasunik akuersisartuutitaassappat aammalu qanoq. Nunat Inoqqaavinut tunngasunik Ataqatigiissaarisoqatigiit suli oqallipput aammalu suliap taassuma siuarsarneqarnissaanik ilungersuuteqarlutik, taavalu november 2022-mi

Inuit Pisinnaatitaaffii pillugit Naalagaaffiit Peqatigiit Høj Kommisariatiat (OHCHR) immikkut ilisimasalinnik katersuutsitsivoq, tassanilu ICC-p siulittaasua Sara Olsvig Issittumit immikkut ilisimasalittut peqataavoq Nunat Inoqqaavisa peqataanerulernissaat suli sukumiinerusumik oqaluuserineqaqqullugu, siullermik Naalagaaffiit Peqatigiinni Inuit pisinnaatitaaffii pillugit Siunnersuisoqatigiit sulineranni.

2024-mi Naalagaaffiit Peqatigiinni Inuit Pisinnaatitaaffii pillugit Siunnersuisoqatigiit katersuunnerit akornanni ataatsimiinnernik marlunnik aaqqissuipput siuliani qulequttat sisamat taaneqartut oqaluuserineqarfigisaannik. ICC ataatsimiinnerni marlunni akuulluartarpoq. Ataatsimiinnernit marlunnit ataatsimut nalunaarusiaq Nunat Inoqqaavisa piginnaatitaaffii pillugit Immikkut Ilisimasallit Suleqatigiiffiata (EMDRIP) Genevemi ataatsimiinnerani saqqummiunneqarpoq. Nalunaarusiaq ICC-imit taperserneqarpoq taavalu Saamit peqatigalugit siunnersuutigineqarpoq nalunaarusiaq taanna Inuit Pisinnaatitaaffii pillugit Siunnersuisoqatigiit ataanni alloriarnerni tullerni aallaavigineqassasoq. Pisut kingulliit ilaat tassaavoq Inuit Pisinnaatitaaffii pillugit Naalagaaffiit Peqatigiinni Siunnersuisoqatigiinni ataatsimiinnerit ilaanni “Nunat Inoqqaajusutut” akuerisaaneq atorneqartalermat, angusarlu tamanna Nunat Inoqqaavisa inuiaqatigiittut sinniisuisa ilaanni pioreersunit atorluarneqarsinnaavoq.

Taakku saniatigut attaveqaatit atorlugit, naapilluni kiisalu attaveqaatit akuleriisillugit kiisalu najuulluni tusarniaasarnerit qassiit atorlugit peqataatitaqartarnerup annertunerulernissaa anguniarneqartarpoq ersersinniarneqartarlunilu, tamatumanilu Naalagaaffiit Peqatigiinnut ilaasortaasut Nunat Inoqqaavinik oqaloqateqartinneqartarlutik. Issittumi Inooqatigiinnikkut kultureqarfik Nunat Inoqqaavi pillugit Ataqatigiissaarisoqatigiinni inissanik marlunnik tigummiarpoq. Suleqatigiiffik taanna 2020-mi pilersinneqarpoq inooqatigiinnikkut kultureqarfiit arfineq-marluk tamaasa Naalagaaffiit Peqatigiinni naalagaaffinnilu Nunat Inoqqaavisa peqataanerulernissaat pillugu sulinermi sinniisuutitaqartikkumallugit.

ATAATSIMIINNERIT AAQQISSUUSSINERILLU NAJUUFFIGINEQARTUT

(Qaammat) (Ukioq) (Ataatsimiinnerup aqqa) (Illoqarfik, nuna)

November 2022 Reykjavik Global Forum –politikkikkut siuttut Reykjavik, Island

November 2022 Inuit pisinnaatitaaffii pillugit Siunnersuisoqatigiinni Nunat Inoqqaavisa annerusumik peqataalernissaat pillugu Naalagaaffiit Peqatigiinni OHCHR-mi Immikkut Ilisimasallit Isummersoqatigiisinneqarnerat

Februar 2023 Nunat Inoqqaavisa pisinnaatitaaffii pillugit Naalagaaffiit Peqatigiinni Immikkut Nalunaarusiortartup Kalaallit Nunaannut tikeraarnera

Marts 2023 Arnat Killiffiat pillug Ataatsimiititaliap 67-issaannik ataatsimiinnera (CSW67)

April 2023 UNPFII-ip 22-issaannik ataatsimiinnera

Geneve, Schweiz

Nuuk, Kalaallit Nunaat

New York, USA

New York, USA

Maj 2023 Womenomics DE&I Conference København, Danmark

September 2023 Inuit pisinnaatitaaffii pillugit Naalagaaffiit Peqatigiinni Siunnersuisoqatigiit 53-issaannik ataatsimiinnerat

Februar 2024 Naalagaaffiit Peqatigiinni Nunat Inoqqaavinut tunngasunik suliaqarfimmi Immikkut ilisimasallit ataatsimiinnerat “inoqarfinnut” tunngasoq.

April 2024 UNPFII-p 23-issaanik ataatsimiinnera

Geneve, Schweiz

Rome, Italy

New York, USA

April 2024 Annerusumik peqataaneq pillugu Nunat ilaasortaasut kiisalu Nunat inoqqaavisa tusarniaavigineqarnerat

Attaveqaatitigut

Juli 2024 Naalagaaffiit Peqatigiinni EMRIP-ip 17-issaannik ataatsimiinnera Geneve, Schweiz

Juli 2024 Inuit pisinnaatitaaffii pillugit Siunnersuisoqatigiit sulineranni Nunat inoqqaavisa qanoq peqataanerulernissaat pillugu Ataatsimiinnerit akornanni ataatsimiinneq pernaataasoq

Oktober 2024 Inuit pisinnaatitaaffii pillugit Siunnersuisoqatigiit sulineranni Nunat inoqqaavisa qanoq peqataanerulernissaat pillugu Ataatsimiinnerit akornanni ataatsimiinnerit aappaat

April 2025 UNPFII-ip 24-issaanik ataatsimiinnera

Geneve, Schweiz

Geneve, Schweiz

New York, USA

Juli 2025 Naalagaaffiit Peqatigiinni EMRIP-ip 18-issaannik ataatsimiinnera Geneve, Schweiz

September 2025 Inuit pisinnaatitaaffii pillugit Naalagaaffiit Peqatigiit Siunnersuisoqatigiivisa 60-issaannik ataatsimiinnerat

December 2025 Aporaannerit nalaanni aammalu kingorna Nunat inoqqaavisa pisinnaatitaaffii pillugit EMRIP-imi immikkut ilisimasallit isumasioqatigiinnerat

Marts 2026 Arnat killiffii pillugit Naalagaaffiit Peqatigiinni Ataatsimiititaliap 70-issaannik ataatsimiinnera (CSW70)

April 2026 UNPFII-p 25-issaannik ataatsimiiinnera

April 2026 Nunat inoqqaavi peqataanerulersinniarlugit annerusumik iliuuserineqarsinnaasut pillugit tusarniaaneq

April 2026 Nunat inoqqaavisa eqqisseqatigiisitsinerat pillugu Nunarsuarmioqatigiinnik Ataatsimeersuartitsineq

Maj 2026 ICB-ip ataatsimiinnera

Geneve, Schweiz

Geneve, Schweiz

New York, USA

New York, USA

New York City, USA

New York, USA

Attaveqaatitigut

Juli 2026 Naalagaaffiit Peqatigiinni EMRIP-ip 19-issaannik ataatsimiinnera Geneve, Schweiz

Issittumi Siunnersuisoqatigiit

Issittumi Siunnersuisoqatigiit 1996-mi pilersinneqarput, naalagaaffinnit Issittumiittunit arfineq-pingasunit tamanit ilaasortaaffigineqalerlutik, aallaqqaammullu taamami Nunat inoqqaavisa suliniaqatigiiffigisaanit pingasunit Ataavartumik Peqataasartuuffigineqarlutik. ICC Issittumi Siunnersuisoqatigiinnik pilersitsisunut ilaavoq Issittumilu Siunnersuisoqatigiit sulineranni sutigut tamatigut suli peqataalluarpoq, soorlu Naalakkersuisut qaffasissumillu inissisimasut naapittarfiini kiisalu Issittumi Siunnersuisoqatigiinni suleqatigiissitani arfiniliusuni tamani, taakkunanngalu tallimat qinigaaffimmi 2022-2026-mi ICC suliatigut tunniussaqarfigai.

ICC-ip 2022-mi Ilulissaniit Nalunaarutaatigut ICC-p Siulersuisuuneri peqquneqarput Issittumi Siunnersuisoqatigiit sulineranni sukutsitaanilu pingaarnerni toqqaannartumik peqataanissarput qularnaaqqullugu aammalu Inuit soqutigisaannik tapersersuinermi pingaarnertut suliniarfissatut Issittumi Siunnersuisoqatigiit atoqqullugit kiisalu ICC-ip Ataavartumik Peqataasartuuneranik immikkuullarissumik nukittorsaaneq nalilersortuaqqullugu. ICC-ip ukiuni qulikkaani arlalinni Issittumi Siunnersuisoqatigiinni peqataanera ingerlateqqillugu Isummersornikkut qanoq Inissisimanermik allakkiaq 2024-mi juulimi saqqummersinneqarpoq taaguuteqartoq “Issittumi Siunnersuisoqatigiit Allanngutsaalineqarnerat Nukittorsarneqarnerallu.” Inissisimaffimmik Allaaserisamut ilaapput qulequttat arfinillit inassuteqaatitallit iliuusissartallillu, Issittumi Siunnersuisoqatigiinni Ataavartumik Peqataasarneq aqqutigalugu Nunat Inoqqaavisa peqataanerannik imalimmillu akuunerannik nukittorsaanissamik ukkataqarfiusut.

Immikkullu taasariaqarpoq februar 2022-mi nunat Issittumiittut arfineq-marluk Issittumi Siunnersuisoqatigiinni peqataanerminnik unitsitsigallarmata nunarsuup avannaani politikkikkut najummassimanartorsiorneq pissutigalugu. Pisunik isumakulunnartoqartitsinini ICC-p ersersippaa Issittumilu Siunnersuisoqatigiit sulinerata aallarteqqinnissaanik anguniagaqarluni. Marsip ulluisa arfineq-aappaanni 2022 ‘unikkallarnermut’ qisuariaateqarluni ICC oqaaseqaateqarpoq unnerluni “ICC-ip pissutsit malinnaavigeqqissaarpai Issittumilu Oqartussat Qaffasinnerit isumaqatigai oqarmata taama unikkallarnikkut ‘pissutsit massakkut atuuttut eqqarsaatigalugit Siunnersuisoqatigiit sulinerata pingaarutillip nanginneqarnissaanut periusissat pisariaqartut’ isumaliutigineqartariaqartut.”

2022-mi ICC-p Ataatsimeersuarnerata kingorna ICC-ip siulittasua Sara Olsvig Issittumi Siunnersuisoqatigiinni Qaffasissumik Inissisimasuni kiisalu Naalakkersuisunit Aallartitani Aallartitanut Siuttutut akisussaaffeqarsimavoq. Issittumi Siunnersuisoqatigiit sulinerminnik aallartitseqqinnissaat ukkatarineqarsimavoq, taamalu oqallinnernut ICC akuusorujussuusimavoq, tassa Naalagaaffiit kiisalu Ataavartumik Peqataasartut allat pisortatigoortumik pisortatiguunngitsumillu oqallittarneri eqqarsaatigalugit. 2023-2025-mi Norgep Issittumi Siunnersuisoqatigiinni siulittaasuutitaqarnerani Issittumi Siunnersuisoqatigiit sulinerata aallarteqqinnissaa anguniarlugu allatut ittumik suleriaaseqarnissaq ICC-mit ilungersuutigineqarpoq tamatumani nassuerutigalugu naalagaaffiit toqqarlutik naapinissartik suli nangaanartoqartissammassuk imaluunniit nalinginnaasumik sulinermut assingusumik peqatigiittarnissartik nangaanartoqartissammassuk. Taamaammat Norgemiut Siulittaasuutitaqarfiata ataatsimeeriaatsit nutaat saqqummiussai ICC-mit assorujussuaq taperserneqarput, ta-

matumani taarsiullugu Issittumi Qaffasissumik Inissisimasut siulittaasuata Ataavartumik Peqataasartut arfiniliusut naapillugit ataatsimeeqatigisassallugit. Norgemiut Siulittaasuutitaqarnerisa nalaanni Issittumi Qaffasissumik Inissisimasut kiisalu Ataavartumik Peqataasartut ataatsimiittarnerini sisamani ICC peqataalluartarpoq taavalu Kunngeqarfiup Danmarkip 2025-2027-mi Siulittaasuutitaqarnerata nalaani ataatsimeeriaatsip tamatuma ingerlateqqinneqarnissaanik aamma suli tapersersuivoq. Peqataanerup nanginneqarnera oqaloqatigiinnerillu taakku aqqutigalugit 2023-mi Issittumi Siunnersuisoqatigiit 13-issaannik Ataatsimiinneranni kiisalu 2025-mi Issittumi Siunnersuisoqatigiit 14-issaannik ataatsimiinneranni Issittumi Siunnersuisoqatigiit ataatsimoorussamik isummernissartik angusinnaasimavaat.

2026-mi maajimi ICC aammaarluni ataatsimeeriaatsimut allatut ittumut peqataavoq, tamatumuuna Kunngeqarfiup Danmarkip Siulittaasuutitaqarfia naalagaaffinnit aallartitat qaffasissut periusissiorfiusumik tusarniaavigisarmagit, Ataavartumik Peqataasartut marluk ataatsimeeqatigalugit kiisalu Suleqatigiissitat marluk siulittaasui kiisalu allattoqarfiit ataatsimeeqatigisarlugit. Ataatsimiinnerni tamani Suleqatigiissitani tallimani ICC-ip timitalimmik peqataaffigisamini sulinini nalunaarutigisarpaa, taavalu sulinerup nangeqqinneqarnissaa kiisalu suliniutinik aaqqissuussanillu pingaarnersiuinerup nanginneqarnissaanik pillugu periusissiornermut peqataasarluni.

2025-2027-mi Kunngeqarfiup Danmarkip Siulittaatitaqarnermik Norgemiit tigusinerani Siulittaasuutitaqarnerup nalaani suliniutissanut Kalaallit Nunaanni Naalakkersuisut ilanngutassaminnik suliaqarnerannut ICC qanimut suleqataavoq. Aammattaaq 2025-mi Issittumi Siunnersuisoqatigiit Ataatsimiinnerannit ataatsimut oqaaseqaatissap isumaqatigiinniutigineqarnerani ICC timitalimmik peqataavoq, ilaatigut Nunat Inoqqaavisa ataasiakkaatut ataatsimoortutullu pisinnaatitaaffiinik ilanngussinissamik iluatsittumik ilungersuuteqarsimalluni.

Suleqatigiissitani naapilluni ataatsimiittoqartarnissaa ICC-mit suli illersorneqarpoq, tamatumani erseqqissarneqarpoq imartuumik suleqatigiinnermut pingaaruteqarmata kiisalu Siunnersuisoqatigiinni ilisimasallit piffissami kingullermi tunuartitersimammata. Issittumi tamarmi ilisimasanik paasissutissanillu pilersitsiortornerup ingerlaannartariaqarnera kiisalu Nunat Inoqqaavisa Ilisimasaasa sutigut tamatigut akuutinneqartariaqarnerat ataqqineqartariaqarnerallu erseqqissarneqartuartarpoq.

Nunat Inoqqaavisa Ilisimasaat aammalu ilisimasanik pilersitseqatigiinneq Kunngeqarfiup Danmarkip Siulittaasuutitaqarnermini Suliniutissaanut “Issittumi Siunnersuisoqatigiinni sulinermi Nunat Inoqqaavisa akuunerulersinneqarnissaannut” naapertuulluarput. Nunat Inoqqaavisa ilisimasaat pillugit Issittumi Siunnersuisoqatigiinni 2027-mi suliaqaqatigiisitsinissanut piareersarluni ICC aallartissimavoq. Suliaqaqatigiinnerit Ataavartumik Peqataasartunit siulersorneqassapput taavalu aningaasalersugaanikkut periarfissatigut, ilisimatusarnermi periarfissatigut naligiinnginneq, kiisalu Nunat Inoqqaavisa angusaqarfiusumik imarluutumillu peqataanissaannik suli killilersuiffiusumik aalajangeeriaaseqarneq sammineqassalluni. Nunat Inoqqaavisa Ilisimasaasa allanut naligititaallutik akuerisaalernissaannik ilungersorneq, aammalu Issittumi Siunnersuisoqatigiit suiniutaanni ilisimasanik pilersitseqatigeeriaatsit Issittumi Siunnersuisoqatigiit iluatsilluarnissaanut pingaaruteqarput. Issittumi Siunnersuisoqatigiit suliaqaqatigiisitsineranni tassani Ataavartumik Peqataasartut, naalagaaffiit sinniisui, Issittumi Siunnersuisoqatigiit Allattoqarfiat, Suleqatigiissitat Allattoqarfii kiisalu Issittumi Siunnersuisoqatigiinni suliallit attuumassuteqartut katersuutsinneqassapput, taannalu nalilersuinissamut, suleqatigiinnissamut nutaaliornermullu aallaaviulluassaaq – tamatumuunakkullu Nunat Inoqqaavisa ilisimasaasa Issittumi Siunnersuisoqatigiit ilisimatusarneranni, politikkiini, aalajangiisarnerannilu tunngaviuttuinassallutik nukittorsaataaginnassallutillu.

ATAATSIMIINNERIT AAQQISSUUSSINERILLU NAJUUFFIGINEQARTUT

Maj 2023 Issittumi Siunnersuisoqatigiit 13-issaannik ataatsimiinnerat (Attaveqaatitigut)

September 2023 Issittumi Siunnersuisoqatigiit siunissaat pillugu isummersoqatigiisitsineq Boston, USA

Maj 2024 Issittumi Oqartussat qaffasinnerit siulittaasuata kiisalu Ataavartumik Peqataasartut ataatsimeeqatigiinnerat

Bådåddjo (Bodø), Norge

September 2024 Norgep Aallartitaata aammalu Issittumi Oqartussat qaffasinnerit siulittaasuata, SDWG-ip siulittaasuata aammalu Issittumi Siunnersuisoqatigiit Allattoqarfiata ICC Canadamut pulaarnerat Ottawa, Canada

January 2025 Issittumi Oqartussat qaffasinnerit siulittaasuata kiisalu Ataavartumik Peqataasartut ataatsimeeqatigiinnerat

Romsa (Tromsø), Norge

January 2025 Issittormiut Inuusuttaasa Ataatsimiinnerat Romsa (Tromsø), Norge

April 2025 Kunngeqarfiup Danmarkip Siulittaasuutitaqarnermini Suliassaanik saqqummiineq Nuuk, Kalaallit Nunaat

Maj 2025 Issittumi Siunnersuisoqatigiit 14-issaannik ataatsimiinnerat Romsa (Tromsø), Norge (Attaveqaatitigut)

Juni 2025 Issittumi Oqartussat qaffasinnerit siulittaasuata kiisalu Ataavartumik Peqataasartut ataatsimeeqatigiinnerat

Februar 2026 Issittumi Oqartussat qaffasinnerit siulittaasuata, Suleqatigiissitat kiisalu Ataavartumik Peqataasartut ataatsimeeqatigiinnerat

Romsa (Tromsø), Norge

Romsa (Tromsø), Norge

Marts 2026 Issittumi Siunnersuisoqatigiit Siulittaasuutitaqarfiata Sila pillugu ulloqartitsinera Aarhus, Danmark

Maj 2026 Issittumi Siunnersuisoqatigiit Siulittaasoqarfiata Imartat ataqatigiinnerat pillugu ataatsimiititsinera

Maj 2026 Issittumi Oqartussat qaffasinnerit siulittaasuata Issittumi Naalagaaffinnik, Ataavartumik Peqataasartunik kiisalu Suleqatigiissitanik Periusissiorfiusumik Pilersaarusiorneq pillugu ataatsimeeqateqarnera

Tórshavn, Savalimmiut

Nuuk, Kalaallit Nunaat

Issittumi Siunnersuisoqatigiinni Suleqatigiissitat:

Ajunaarnernik pinaveersaartitsineq, Upalungaarsimaneq Iliuuseqartarnerlu (EPPR)

Ajunaarnernik pinaveersaartitsineq, Upalungaarsimaneq Iliuuseqartarnerlu pillugit Suleqatigiissitami (EPPR) ICC 2022-mi Nunat Inoqqaavisa Ilisimasaannik Atorluaalernissamut suliniummik Canadami Sinerissamik Nakkutilliisunit aningaasaliiffigineqartumik aallartitsivoq. Marts 2023-mi ataatsimiinnermik aallarniutaasumik ICC Ottawami aaqqissuivoq, kingornalu annertusisamik ulluni marlunni sivisussusilimmik Norgemi Bodømi marts 2025-mi Issittumi Ajutoortoqartillugu Iliuuseqarneq pillugu Ataatsimeersuarnermik aaqqissuilluni. Aaqqissuussinermit nalunaarusiaq 2026-mi EPPR-I-mi ataatsimoornermi akuersissutigineqarpoq, tassanilu Nunat Inoqqaavisa Ilisimasaannik Atorluaaneq EPPR-imi suliniutitut ingerlaavartutut oqaatigineqarpoq. EPPR-ip suliniuterpassuisa akornanni qulequtaq taanna ICC-ip aallutiinnarpaa taavalu Ataavartumik Peqataasartunik peqateqarluni makkuninnga suliaqarluni (1) EPPR-mi Periusissanik pilersaarusiorneq, kiisalu (2) Issittumi Ujaasineq Annaassiniarlu pillugit Isumaqatigiissummi Suleriaatsini Najoqqutassanik ineriartortitsineq ingerlaavartoq. Issittumi Ujaasineq Annaassiniarnerlu pillugit Isumaqatigiissut Issittup Inoqqaavinut najugaqarfiinullu tunngatillugu inissisimaffiit sunniutillu pillugit nipaammat, ICC Ataavartumik Peqataasartunik peqateqarluni suliami tassani Nunat Inoqqaavisa Ilisimasaasa, UNDRIP-ip piviusunngortinneqarnerata aammalu kajumissutsiminnik iliuuseqaqqaartut tapersersorneqarnerisa ersersinneqarnissaanik suliaqarpoq. Missingiut inaarutaasoq februar 2027-mi naatsorsuutigineqarpoq. ICC Inoqarfiit sinnerlugit ilungersorpoq taavalu Ujaasinermut Annaassiniarnermullu, Qinngornilerinermut, Imaani Avatangiisitigut Iliuuseqarnermut Immikkut ilisimasallit ataatsimiinnerini Nunat Inoqqaavisa Ilisimasaannik ilanngussisarnissaq ilungersuutigalu.

ATAATSIMIINNERIT AAQQISSUUSSINERILLU NAJUUFFIGINEQARTUT

Marts 2023 EPPR-ip Nunat inoqqaavisa ilisimasaannik atuilernissaq pillugu isummersoqatigiisitsinera Ottawa, Canada

Oktober 2024

EPPR-ip katersuunnera (Attaveqaatitigut)

Marts 2025 Issittumi Navianartorsiornernik Aqutsineq pillugu Ataatsimeersuarneq

Bådåddjo (Bodø), Norge

Oktober 2025 EPPR-ip katersuunnera (Attaveqaatitigut)

Issittup Naasuinik Uumasuinillu Nungutsaaliuineq (CAFF)

CAFF-mut Aallartitat Siuttuattut ICC-mi akisussaaffik ICC Alaskamiit ICC Kalaallit Nunaannut 2023-mi nuuppoq. September 2024-mi CAFF-ip attaveqaatit atorlugit ataatsimiittarnini nangippai, tassa suleqatigiissitat aammalu suliniutit eqqarsaatigalugit, taamanerniillu ukioq allortarlugu Aqutsisut kiisalu Suleqatigiissitat ataatsimiinneri ingerlanneqartarput. Kunngeqarfik Danmark CAFF-mi 2022-2025-m siulittaasuutitaqarpoq, maannalu Island 2025-2027-mi CAFF-mi siulittaasuutitaqarluni. CAFF-ip ataani suliniutit 15-it ingerlapput, taakkunanngalu qulit ICC-ip aqutsisoqatigeeqarnikkut imaluunniit immikkut ilisimasalittaqarnikkut peqataaffigai, taavalu CMBP Coastalimi nunap immikkoortui aallaavigalugit peqataallujni, kiisalu AMAP/CAFF-ip ataatsimut sulinmiutaani matuma kinguliani sukumiinerusumik oqaatigisami ilisimasanmik pilersitseqatigiinnermi siuttooqataalluni.

Qinigaaffiup matuma ingerlanerani CAFF-ip suliai makku ICC-ip aaqqissuuppai imaluunniit aaqqissueqataaffigai:

Issittumi Uumassusillit Malinnaavigineqarnerannut Suliniut (CBMP) Sineriammut tunngasoq

• Nunat inoqqaavisa ilisimasaannik pigisallit nunap immikkoortuineersut Alaskap Avannaata kitaani North Slopemi kiisalu Kujataata Kitaaneersut naapipput ajornartorsiutit sakkortusiartuinnartut soorlu silap pissusiata sunniutai, uumassusilinnik aqutsineq aammalu inuussutissaqarniarneq qanoq iliuuseqarfigiumallugit. Peqataasunit angallatit angallannerat

piniartaasitoqqanut sunniuteqarsinnaasutut tikkuarpaat aammalu piumasaqarlutik malittarisassanik allanguisoqarnissaanik, aqutsinermi nunat inoqqaavisa peqataanerulernissaannik, kiisalu sinerissami uumassusileqarfiit illersornissaat pillugu siumoortumik nungutsaaliuinermi iliuuseqarnissamik.

• Nunat inoqqavisa ilisimasaannik pigisallit toqqartukkat paasiniaavigineqarnerat Alaskami Anchoragemi ingerlanneqarpoq, immikkut toqqartukkat ataatsimiinneranni angusat CBMP-mi siamasinnerusumik toqqammavissiamut Pilersaarummit ilanngussanut ilaapput, tamatumuunalu taassuma uumassusillit assigiinngissitaarnerat pillugu ataatsimoorullugu malinnaaviginninnermi toqqammavissiaanera erseqqissaqqinneqarluni.

• Nunat inoqqaavisa ilisimasaannik pigisallit peqatigalugit CBMP Canadamik timitaliinermut ilanngullugu Nunavummi Sanikiluami suliaqaqatigiisitsineq, tassani qarasaasiakkut oqarasuaatikkulluunniit atortorissaarutit SIKU-kkututut ittut Nunap Inoqqaavisa ilisimasaannik nalunaarsuinermi qanoq atorneqarsinnaanerat samminmeqarpoq kiisalu issittumi uumassusillit assigiinngissitaarnerat pillugu nalilersuisarnerni Nunat inoqqaavisa ilisimasaat qanoq annertunerusumik atorneqarsinnaanersut sammineqarpoq.

AMAP/CAFF-mit Silap allanngoriartornerata Issittumi uumassusileqarfinnut sunniutai pillugit suliniut aammalu qisuariaatit attuumassuteqartut:

• Akuleriinnik periaaseqarluni peqataaffigineqartumik Nunat Inoqqavisa ilisimasaannik pigisallit suliaqaqatigiisinneqarnerat, aamma Nunat inoqqaavisut ilisimasallit Ataavartumik Peqataasartunit toqqagaasut, uumassusileqarfinnut silap allanngornerata sunniutai, naleqqussarneq maattussuserlu pillugit aammalu ilisimasanik pilersitseqatigiinneq pillugu oqallinnermik sammisaqarfiusoq.

• Nunat inoqqaavisut ilisimasalinnik kiisalu ilisimatuutut misissuisunik ataatsimut sammisaqaqatigiisitsineq silap pissusiata allannguutaasa uumassusileqarfinnut sunniutai pillugit ilisimasanik paarlaasseqatigiisitsiniarfiusoq, kiisalu ilisimasanik pilersitsinermi pilersitseqatigiinnermilu periaatsinik pitsaanerpaanik paarlasseqatigiiffiusoq.

2022- 2026-mi ICC-ip CAFF-ip suliaanut tulliuttunut tunniussai:

• Issittup Imartaani Uumassusillit imarmiut imartanit allaneersut (CAFF/PAME-p nalunaarusiaa)

• Issittumi Imaani Avatangiisini Sumiiffik Aallaavigalugu Nungutsaaliuinermi Iliuutsit pitsaasut allat (CAFF/PAME-p nalunaarusiaa)

° Sumiiffiit Nunat Inoqqaavinit Illersugaasut Nungutsaaliuiffiusullu pillugit kapitali ICC-mit allanneqarpoq

• Issittumi Uumassusillit Assigiinngissitaarnerat pillugu Suliat 2025-2035

° Imaqarniliamut Paasiuminarsakkamut ICC suleqataagami Issittumi Siunnersuisoqatigiit sulineranni Nunat Inoqqaavisa ilisimasaasa pingaarutaat erseqqissarpaa, aamma UNDRIP-mit innersuussineq ilanngullugu.

• Uumassusillit assigiinngissitaarnerat pillugu Nunat inoqqaavisa SIKU atorlugu nalunaarsugaasa CAFF-ip Ataatsimut Nalunaarsugaanut atalersinneqarnerat

° CAFF-mi Canadamit Issittup Inoqqaavinit Inuusuttumit Nersornaatitut Suleqataasumit Joshua Komangapik-mit allagaasoq. Nersornaatitut suleqataanermut ICC siunnersortaavoq nalunaarusiamillu nalilersuisuulluni.

ATAATSIMIINNERIT

November 2023

Februar 2024

Marts 2024

April 2024

CBMP-ip Canadap Sineriaani Nunat inoqqaavisa inuusuttaannik aallarniutaasumik ataatsimiititsinera Ottawa, Canada

CBMP-ip Alaskap kimmut kujataani nunat inoqqaavisut ilisimasanik pigisalinnik katersuutitsinera

CBMP-ip Alaskami qaqqarsuit avannaanni nunat inoqqaavisut ilisimasanik pigisalinnik katersuutitsinera

Bethel, USA

Utqiaġvik, USA

CBMP-ip Alaskap kimmut avannaani nunat inoqqaavisut ilisimasanik pigisalinnik katersuutitsinera (Attaveqaatitigut)

September 2024 Meeting of CAFF-ip siulittaasuata, Allattaaanerup, ICC-ip siulittaasuata, ICC CAFF HoD-ip ataatsimiinnerat

Nuuk, Kalaallit Nunaat

September 2024 CAFF-mi Ukioq allortarlugu siulersuisut ataatsimiinnerat (Attaveqaatitigut)

November 2024 CAFF CBMP Nunani avannarlerni nunami misissuiffissanik nalilersuinera

København, Danmark

December 2024 Issittumi Suliniummi Kapilisinniartartut ataatsimiinnerat (Attaveqaatitigut)

January 2025 CAFF-mi Ukioq allortarlugu siulersuisut ataatsimiinnerat Ottawa, Canada

Februar 2025 CAFF-mi Ukioq allortarlugu siulersuisut ataatsimiinnerat (Attaveqaatitigut)

September 2025 CAFF-imi Aqutsisuunerit ataatsimiinnerat kiisalu Suleqatigiissitat katersuunnerat (Attaveqaatitigut)

January 2026 Atlantikup Avannaani appat piniagaanerat pillugu aqutsinermi isummersoqatigiinneq

Reykjavik, Island

Februar 2026 CAFF-imi Aqutsisuunerit ataatsimiinnerat kiisalu Suleqatigiissitat katersuunnerat (Attaveqaatitigut)

Marts 2026 AMAP/CAFF-mi Nunat inoqqaavisut ilisimasallit Isummersoqatigiisinneqarnerat aammalu Ilisimatuutut misissuisunik isummersoqateqarneq

Aarhus, Danmark

April 2026 CBMP-ip Nunat inoqqaavisut ilisimasalinnik isummersoqatigiisitsinera Sanikiluaq, Canada

Issittup Imartaani Avatangiisinik Illersuineq (PAME)

PAME tallimanik immikkut ilisimasallit suleqatigiissitaliorsimavoq, soorlu Assartuineq, Pisuussutinik Misissuineq kiisalu Inerirtortitsineq (REDDEG), Uumassusileqarfinnik Aallaaveqarneq, Imartat Illersugaasut (MP), kiisalu Imaanut Eqqaaneq, immikkullu ilisimasalittut suleqatigiissitat tamarmik namminneq qassiinik suliniutinik ingerlataqarlutik. ICC immikkut ilisimasallit suleqatigiissitaanni tamani peqataasarpoq, tapersersuisarluni aammalu ilanngussaqartarluni, suliniutinili aqutseqataaffigisatsinni siumut isiginerusarluni. Suliniutit ilaat aallarteqqaarneraniilli ICC-ip peqataaffigisimasaa tassaavoq Imaani Suliat Timitalimmik Peqataaffigineqarnerat (MEMA). MEMA-p suliniutai marluk ineriartortinneqarsimapput, kiisalu qinigaaffiup matuma aallartinnerani Issittumi Siunnersuisoqatigiiinni aporfissaasut pissutigalugit unikaallattarsimagaluartumik suliat avammut attaveqarfiusut suliaraavut. Uumassusileqarfinnik Aallaaveqarneq pillugu immikkut ilisimasallit suleqatigiissitaata Naleqartitat Nalilersuisarnerlu pillugit isumasioqatigiisitsinerata oktober 2025-mi pisup pilersaarusiorneqarnerani ICC peqataavoq. Inuit naleqartitaasa Uumassusileqarfinnik Aallaaveqarnermut ilaatinneqarnissaat qularnaarumallugu isumasioqatigiinneq taanna pisariaqartinneqartutut oqaatigineqarsimavoq. Inuit najugaqarfiini pisariaqartitat pingaartitallu naapertorlugit suliniutinik pilersitsisoqarnissaanik ICC Naalagaaffinnut kiisalu Assartuineq pillugu Immikkut

Ilisimasallit suleqatigiissitaannut noqqaassuteqarsimavoq. Imaanut Eqqaasarneq pillugu Immikkut Ilisimasallit Suleqatigiissitaat PAME-mi immikkut ilisimasallit nutaanersaraat, taavalu Nunat immikkoortuini Iliuusissatut Pilersaarusiamut oqaaseqaasiornermut ICC peqataasimavoq taavalu Sinerianni Saliinerit pillugit suliniutini Inuit najugaasa ilanngunneqarnissaannik kajumissaaruteqarsimalluni.

Imartat Illersugaasut pillugit Immikkut Ilisimasallit Suleqatigiissitaannut ilaasutut Issittumi Imartani Nungutsaaliuneq pillugu Suleqatigiiffimmi Toqqammavissat pillugit nalunaarusiamut ICC suleqataasimavoq, kiisalu Sumiiffiit Aallaavigalugit Nungutsaaliuinerit Allat pillugit nalunaarusiamut peqataasimalluni. Issittup Imartaani Nungutsaaliuineq pillugu Isumasioqatigiinnermi pilersaarusioqatigiinnut / ataqatigiissaarisoqatigiinnut 2026-mi ICC ilannguppoq, kiisalu Uumassusileqarfinnik Aallaaveqarneq kiisalu Imartat Illersugaasut pillugit sulinermi najoqqutassiortussanut ilanngulluni PAME-mi pingaarnerutitat pillugit naatsumik paasissutissiissusiornissaq siunertaralugu. Aammattaaq PAME/CAFF-ip ataatsimoorlutik suliniutaanni Issittumi uumasut uumassusileqarfiillu Sumiiffik Aallaavigalugit Nungutsaaliuiffigineqarneranni Pilersaarusiornermi Atortussamik Ineriartortitsinermi immikkut ilisimasallit ICC-ip 2026-mi ilannguffigai.

ATAATSIMIINNERIT AAQQISSUUSSINERILLU NAJUUFFIGINEQARTUT

December 2024 PAME-p Uumassusileqarfinnik aallaaveqarluni suleriaaseqarnerup atulersinneqarnissaa pillugu isummersoqatigiisitsinera København, Danmark

April 2025 Uumassusileqarfinnik aallaaveqarneq pillugu Ataatsimeersuarneq Romsa (Tromsø), Norge

Piujuartitsinermik Tunngaveqarluni Ineriartortitsinermut Suleqatigiissitat (SDWG) Qinigaaffiup ingerlanerani suliniutip Local 2 Global (L2G)-ip 2021-mi naammassisup iluatsilluarsimaneranik ICC ingerlatitseqqittuartarpoq. ICC suliniutinik namminerisaminik ingerlataqartarpoq taavalu SDWG-mut taakku saqqummiuttarpai isumassarsianik nutaanik pilersitsinissaq siunertaralugu. Assersuutigalugu 2024-mi martsimi ICC Inunnik Siunnersuisartunik Nunat tamalaat akornanni katersortitsivoq Inuit Nunaanni tamarmit siunnersortit suleriaasii pitsaanerpaat tamakkerlugit katersorumallugit, nalunaarusiamilu paasisat siammarumallugit. Issittumi Nunat Inoqqaavisa Peqqissusiat pillugu Nunat inoqqaavinit siulersugaasumik oqalliffiusumik katersuutitsineq aqqutigalugu paarlaasseqatigiinnissaq, inassuteqaasiornissaq kiisalu suleqatigiinnerup tapersersorneqarnissaa siunertaralugu ICC Saamit Siunnersuisoqatigiiffiannik kiisalu Gwich’init Nunanit arlalinneersut Siunnersuisoqatigiiffiat suleqatigalugit Issittumi Nunat Inoqqaavisa Peqqissusiat pillugu Oqallittarfimmik Qaffasissumik suliaqarnermut peqataavoq.

2025-2027-mi ICC SDWG-imi Ataavartumik Peqataasartunit siulittaasup tulliattut innersuunneqarsimavoq. ICC Ataavartumik Peqataasartunik allanik ataqatigiissaareqateqartarpoq taavalu Nunat Inoqqaavisa ataatsimoorlutik pingaartitaat pillugit oqallitsitsiniartarlutik. SDWG marlunnik siulittaasup tulleqarpoq: ataaseq qinigaaffimmi Issittumi Siulittaasuutitaqartussanngortunit pisoq (Sverige) kiisalu ataaseq Ataavartumik Peqataasartunit innersuussutaasoq.

ICC SDWG-imi Aallartitat Siuttuisa Ataatsimiinnerannut, SDWG-ip ataani suleqatgiiissitaaqqanut peqataalluartarpoq, kiisalu Issittumi Peqqissuseq pillugu Immikkut Ilisimasalinnut (AHHEG) kiisalu Isumaginninnikkut, Aningaasarsiornikkut Kulturikkullu Immikkut Ilisimasalinnut (SECEG), SDWG-mi Immikkut ilisimasalinnut akuulluartarluni. Issittumi Siunnersuisoqatigiinni suleqatigiissitanut taakkununnga Nunat Inoqqaavinut kiisalu inunnut tunngasunik ICC saqqummiiuartarpoq.

ATAATSIMIINNERIT AAQQISSUUSSINERILLU NAJUUFFIGINEQARTUT

Oktober 2022 Qarasaasiatigut Oqaluttuartarneq pillugu isummersoqatigiinneq (Local 2 Global) Akureyri, Island

Marts 2024 Inuit Isumaginninnermi siunnersortit katersuunnerat Ottawa, Canada

Juli 2024 Issittumi peqqissutsimut immikkut ilisimasallit suleqatigiissitaat Attaveqaatitigut

Issitummi Avatangiisinik Malinnaaviginninneq Naliliisarnerlu (AMAP) ICC ukiorpassuarni AMAP-mut ilaasortaasimavoq aammalu naliliisarnerni immikkullu ilisimasallit suleqatigissitaanni suli peqataasarpoq kiisalu AMAP-mi Nunat inoqqaavisa pitsaanerusumik akuutinneqarnisaannik erseqqissaajuartarluni. Issittumi Silap Allanngoriartornera pillugu AMAP-ip 2024-mi paasisanik nutarterinerani Immikkoortumi Issittumi Immap Seernarsiartorneranut tunngasumi ICC suleqataavoq. 2021-mi AMAP-ip naliliineranut: Issittumi Inuit Peqqissusiat-nut ilanngullugu ajutoorfiusinnaasut pillugit saqqummiussisarneq pillugu immikkoortoq ICC-lip siuttuuffigaa, taavalu suliaq taanbna tunngavigalugu allaaserisaq ilisimasalinnit allanit naliliivigineqartoq siuttuuffigaa, Issittumi Kviksølv pillugu naliliinermut ilanngullugu Issittumi kviksølv pillugu misissuinermut Nunat Inoqqavisa suleqataanerat pillugu immikkoortortaq pernaataasoq ICC-mit siuttooqqataaffigineqarpoq, aammattaarlu suliaq taanna pillugu allaaserisaq ilisimasalinnit allanit nalileeqqataaffigineqartoq saqqummersippaa. ICC-ip AMAP-mi immikkut ilisimasallit suleqatigiiffianni akuunini nangippaa, soorlu Minguit Timimi Arrortikkuminaatsut (POP), aammattaaq naliliiffigisavut kiisalu allaaserisap saqqummerneranut peqataaffigisavut.

Massakkut Nunat Inoqqaavisa Plastikkit pillugit Suleqatigiissitaannik pilersitsiniarsarivugut AMAP-ip Plastikkit pillugit Immikkut Ilisimasalinnik Suleqatigiissitaanut attuumassuteqartussamik, aammalu Silap Allanngoriartornera pillugu Immikkut Ilisimasallit Suleqatigiissitaannut peqataallutik (Silap Allanngornerata Inunnut Sunniutaanik Naliliineq), taavalu AMAP/ CAFF-ip Uumassusileqarfiit pillugit sulineranut ilanngutissallutik.

Ass.: Inuit Circumpolar Council

Imartanik aqutsineq

ICC-ip imartanik aqutsinermi peqataaffigisai amerliartorput. Ukiut kingulliit sisamat ingerlaneranni Inuit imartat sikullu ataatsimoorussatta illersorneqarnissaannik allanngutsaaliorneqarnissaannillu sulinermi siuttuusimapput illersuisuusimallutillu. Inuiaqatigiittut imarsiortuunerusutut Inuit Issittup imartaanik inuussuteqarfeqarput, tassuuna inuttut attaveqatigiipput, aningaasarsiorfeqarlutik aammalu inoqarfinnut ungasissunut pisuussutinik pajuttorfeqarlutik.

Qangali isigilerparput angallannerup inuillu piliaasa annertusiartornerannit imaani avatangiisit imaanilu miluumasut sunnigaanerat. Suliat, soorlu immap naqqani itisuumi aatsitassarsiornerit, avasissup naqqani suliat suliffissuaqarnikkullu suliat allat pillugit Naalagaaffiit suliaqarfiillu allat paasissutissanik katersuipput, oqallillutik aalajangiisarlutillu Inuit peqataaffigingisaannik. Issittumissaaq suliat amerliartornerisa kingunerisaannik Issittup Imartaata Qiterpasissuani imarpimmi nungutsaaliuinermi periaatsinut Naalagaaffiit suliniaqatigiiffiillu soqutiginninnerat alliartorpoq. Ulloq manna tikillugit imarpiit aqunneqartarsimapput nunat eqqaamioriit isumaqatigiissutaat kiisalu nunat tamalaat isumaqatigiissutaat soorlu OSPAR-ikkutut ittut aqqutigalugit (Atlantikup Avannaata Kangisissuani Imaani Avatangiisinik Illerusineq pillugu Oslo-Parisimi Naalagaaffiit Isumaqatigiissutaat.

OSPAR-ip Issittumut isiginiarnerata annertusiartornera ilutigalugu ICC OSPAR-mut attuumassuteqariartuinnarpoq. Issittumi Angusat pillugit Suleqatigiissinut peqataanini aqqutigalugu Inuit pisinnaatitaaffiinut ataqqinnilluni attassillunilu imartani nungutsaaliuinermi suleriaatsinik ICC illersuisarpoq. 2025-mi juunimi OSPAR-ip Kommissionip aammalu Naalakkersuisut Ataatsimiinneranni Isumaqatigiissummik atsiueqataasunit Vigo-mit Nalunaarut atsiorneqarpoq, tassungalu ilaavoq Imaani Allanngutsaalisaqarfiit imaluunniit Atlantikup Avannaata Kangisissuani Issittumi sumiiffimmik aallaaveqarluni nungutsaaliuinermi iliuutsit pitsaasut pingaarnersiorneqarnissaannut sammivik, tassuunalu sumiiffinnik taama ittunik al-

lanngutsaalisassanngortillugu Nunat Inoqqaavisa pisinnaatitaaffiinik ataqqinnittalernissaq pisussaaffiliutinneqartassaaq, kiisalu OSPAR-mik atsiueqataasut Nunat Inoqqaavisa Pisinnaatitaaffii pillugit Naalagaaffiit Peqatigiit Nalunaarutaannik “assut ataqqinninnissaannut” isumaqatigiissuteqarfigineqarlutik. Juuni 2025-mi OSPAR Kommissionip Naalakkersuisullu Ataatsimiinneranni ICC najuuppoq oqaaseqaateqarluni, maj 2026-milu ICC-ip Siulersuisuuneri aalajangerput Nunat Inoqqaavisa Suliniaqatigiiffiisa sinniisuutitaqarsinnaasutut imminnut inissisimaffeqalernerat qanittukkut pisoq tunngavigalugu Alaatsinaattut Inissisimalernissamik anguniagaqarniarlutik.

Imartani avatangiisit illersorneqarnissaannut nunarsuarmioqatigiit toqqammavissaat nutaanerpaaq tassaavoq Nunat Killeqarfiisa Avataanni Imaani Uumassutillit Amerlaarsuuginnarnissaannik Naalagaaffiit Peqatigiit Isumaqatigiissutaat (BBNJ), aammattaaq Imaviit pillugit Naalagaaffiit Peqatigiit Isumaqatigiissutaattut ilisimaneqartoq, nunarsuaq tamakkerlugu isumaqatigiissut januar 2026-mi atuutsilersoq. Isumaqatigiissutikkut tassuuna imavinni nungutsaaliuineq pillugu nunarsuarmioqatigiit toqqammavissaqalerput, taannalu Inuit immamut, immap sikuani uumasuinullu atasuunerput eqqarsaatigalugu assut uatsinnut naleqquttuuvoq. Atsiueqataasut Ataatsimeersuarnerat siulleq januar 2027-mi pissaaq.

ATAATSIMIINNERIT AAQQISSUUSSINERILLU NAJUUFFIGINEQARTUT

Oktober 2023 OSPAR Issittumi angusat pillugit suleqatigiissitat ataatsimiinnerat København, Danmark

November 2023 Inuit pisinnaatitaaffii kiisalu aalisarneq pillugu immikkut ilisimasallit ataatsimiinnerat København, Danmark

SeptemberOktober

2024 OSPAR Issittumi angusat pillugit suleqatigiissitat ataatsimiinnerat Nuuk, Kalaallit Nunaat

April 2025 Imaani pisuussutit pillugit Suleqatigiinneq aamma Aqutsineq Shanghai, China

April 2025 Ataqatigiissaarisoqatigiit kiisalu Aallartitat siuttuisa ataatsimeeqatigiinnerat London, United Kingdom

April 2025 Our Oceans Conference (Imartavut pillugit Ataatsimeersuarneq) Busan, Korea Kujalleq

Juni 2025 Naalagaaffiit Peqatigiit Imarpiit pillugit Ataatsimeersuartitsinerat Nice, Frankrig

Juni 2025 OSPAR Kommission aamma Naalakkersuisut ataatsimiinnerat Vigo, Spain

Pikialasorsuaq pillugu suliniut

(1) Inuit siulersugaannik aqutsisoqarfiliornissaq siunertaralugu, (2) Pikialasorsuup eqqaani inoqarfiit isumasiorlugit aqutsivimmik annerusumik pilersitsinikkut illersuiffimmik pilersitsinissaq siunertaralugu, kiisalu (3) Pikilasorsuup eqqaani Canadap Kalaallillu Nunaata akornanni naalagaaffimmut isernissamut akuersissuteqarani sumiuussusermullu allagartaqarani (pas) angalasoqarsinnaalernissaa siunertaralugu 2017-mi Pikialasorsuaq pillugu Ataatsimiititaliap Inassuteqaatai saqqummiunneqarmatali taakku piviusunngortinneqarnissaat pillugu ICC annertuunik suliaqarsimavoq. Ataatsimiititaliap kingornalu anguniakkanik timitaliinerup sulissutigineqarneranni inoqarfiit akuutinneqarsimapput anguniakkat timitalerneqassappata suut pisariaqarnersut paasiumallugu.

Pikialasorsuarmi suliat suli siuarsaqqikkumallugit suleqatigiinnerulernissamik siunertaqarlutik 2023-mi oktoberimi Canadap Naalakkersuisui kiisalu Kalaallit Nunaata Naalakkersuisui siunniussat pillugit isumaqatigiissummik atsioqatigineqarput. Siunniussanik Isumaqatigiissummi inassuteqaat 1 kisimi sammineqarpoq: Inuit siulersugaannik aqutsinermut oqartussanik pilersitsisoqarnissaa.

Septembarip 11-12-ianni, 2024, ICC-ip Siulittaasuata allaffia, ICC Kalaallit Nunaat aamma QIA, ICC Canadamit taperser-

sorneqarlutik Isumaqatigiissummut Atsiueqataasunik Nuummi ataatsimiititsipput. Atsiueqataasut Ataatsimiinnerat ICC-p Siulittaasuanit Sara Olsvigimit kiisalu Siulittaasumit Olayuk Akesuk-mit siuttooqqataaffigineqarpoq, taavalu Pikialasorsuaq pillugu Suliniut suli sukumiinerusumik timitalerniarlugu pitsanngorsarniarlugulu inassuteqaatit nutaat 21-it suliarineqarput.

Siunertamik isumaqatigiissummi Kalaallit Nunaata Canadallu akornanni pilersinneqartussatut piumasarineqartutut Pikialasorsuarmi Aqutsisoqatigiit Sulinerminni Najoqqutaasaannut missingiut Teknikkimut Ataatsimiititaliamit suliareqqinneqarlunilu oqaasertalersoqqinneqarsimavoq. ICC Kalaallit Nunaat kiisalu Qikittani Inuit Suleqatigiiffiat, ICC Canadamit tapersersorneqarlutik Aqutsisoqatigiit Sulinerminni najoqqutassaannik Inuit peqataanerannik qularnaarisussamik suliaqarput. Ukiuni aggersuni Aqutsisoqatigiit allattoqarfeqarnissaanut Gordon and Betty Moore Foundationimit ICC Kalaallit Nunaat aningaasanik pissarsisimavoq, taavalu Pikialasorsuarmi Suliniutip siuarsarnissaa pillugu ICC-ip Kalaallit Nunaanni kiisalu Canadami naalakkersuisut suleqatigittuinnassavai.

2023-mi ICC Pikialasorsuarmi Suliniut pillugu Naalagaaffiit Peqatigiit Ineriartortitsinermut Suliniutaannit (UNDP) Nersornaammik (Equator) tunineqarpoq. Tamatuma kingorna suliamik misisissuineq UNDP-mit saqqummersinneqarpoq. Tamatuma saniatigut 2024-2025-mi ICC Kalaallit Nunaat WWF Danmarkip Kalaallit Nunaanni immikkoortortaanit kiisalu WWF Canadamit aningaasannappoq Pikialasorsuaq pillugu Inuit ilisimasaannik Kalaallit Nunaata tungaanneersunik misissuinermut atugassanik. Suliaq taanna ICC Kalaallit Nunaata Nalunaarusiaanik Pikialasorsuarmik eqqaanillu inuuniuteqarnermik immikkut ittumik nalunaarusiaq Piniartut aalisartullu Pikialasorsuup imaanik avatangiisiminnillu inuuniuteqarnerat, 13-inik pingaarutilinnik oqariartuutitalimmik inerneqarpoq. 2025-mi maajimi ICC aamma QIA suleqatigiillutik Issittumi Siunnersuisoqatigiit saqqummersittagaanni allaaserisamik - Pikialasorsuaq in Pathways – saqqummersitsipput.

Canadami suliniutinik timitaliinermi ICC Canadap Qikittani Inuit Suleqatigiiffiat (QIA) qanimut suleqatigiinnarpaa, tamatumanilu Canadap Aalisarnermut Imartanullu Pisortaqarfia ataqatigiissaareqartigisarlugu. Sarvarjuup, Pikialasorsuup Canadamut tungerliata Inuktitut taaguutaata, aqunneqarnera tapersersorpaa, imartarlu taanna marts 2026-mi Imartatut Illersukkatut (MPA) inissisimalerpoq.

ATAATSIMIINNERIT AAQQISSUUSSINERILLU NAJUUFFIGINEQARTUT September 2024 Pikialasorsuarmi Isumaqatigiissummut Peqataasut ataatsimiinnerat Nuuk, Kalaallit Nunaat

Imarsiorneq pillugu Nunarsuarmioqatigiit Suleqatigiiffiat

2021-mi Imarsiorneq pillugu Suleqatigiiffissuarmi alaatsinaattuugallartut inissisimatitaalerluni, 2025-milu aalajangersimasumik tusarniaaviusartunngortitaalluni ICC Nunat inoqqaavisa suliniaqatigiiffiini siullersaalluni Imarsiorneq pillugu Suleqatigiiffimmi issiaveqalerpoq, tamannalu Inuiaqatitsinnit inoqarfinniillu ICC-mut taama inissinniaqqusinermut toqqaannartumik qisuariaataavoq. Imarsiorneq pillugu Suleqatigiiffissuup oqaluttuarisaanermi pingaarutilimmik aalajangernera taanna imartanik aqutsinermi Nunat inoqqaavisa pisinnaatitaaffiinut ilisimasaannullu akuersaarnermik ersersitsineruvoq assut pingaarutilik. Inuiaqatittat isumaannik pingaartitaannillu Imarsiorneq pillugu Suleqatigiiffimmut saqqummiussisarnerit aqqutigalugit paaliortunik aniatitsinerup annikillisarneqarnissaanik suleqatigiissitanut allagaqaateqartarluni najuuttarlunilu ICC suliniarsimavoq, gassinik silamik kiassiartortitsisartunik annikillisaanissaq pillugu periusissiornermut, kiisalu immap iluani nipiliornerup annikillisinneqarnissaa pillugu suliniarnermut saqqummiussaqartarsimalluni. Qulequttat taakku pillugit ICC toqqaannartumik ilanngussaqartarpoq, nunat eqqaamioriit suleqatigiiffiinik suleqateqarluni, taavalu ataatsimiititaliaaqqat Mingutsitsinermik Pinaveersaartitsinermik Iliuuseqarnermillu, kiisalu Umiarsuit Ilusilersugaanerat Sannaallu

pillugit suliaqarfiusut najuuffigisarlugit. Imarsiorneq pillugu Suleqatigiiffiup marts 2024-mi Imaani Avatangiisinik Illersuinermut Ataatsimiititaliap ataatsimiinnerani Issittumi Silaannarmik Aniatitsineq pillugu Aqutsivimmik Canadap siunnersuutaata akuerineqarneratigut aningaasartuutikillisaanermut Canadap iliuusissatut pilersaarutaa toqqammavissiaalu akuerineqartinniarlugu sulineq ingerlavoq, tassa piumasaqaatinut nutaanut ikaarsaarnerup tamatuma ingerlanerani Inuit allanut naleqqiullutik annerusumik aningaasartuutinik nammataqannginnissaat qularnaarumallugu.

Imarsiorneq pillugu Suleqatigiiffimmi Nunat inoqqaavisa ilisimasaannik akuutitsisarneq eqqumaffiginnilersitsinerlu atorlugit ICC-ip pingaartitavut siammartertuarpai, taavalu Issittumi Inuillu Nunaanni umiarsuit angalasut imannaatsumik pinngortitamullu ajoqutaanngitsumik angalanissaat qularnaarniarlugu Nunat Inoqqaavisa pisinnaatitaaffii pillugit Naalagaaffiit Peqatigiit Nalunaarutaat timitalersinniartarpaa. Inunnut tunngassuteqartutigut Imarsiorneq pillugu Suleqatigiiffimmi malunnaatilimmik allannguinissaq siunertaralugu ICC ukiunut qassiinut atuuttussamik iliuusissatut pilersaarusiussaaq.

ATAATSIMIINNERIT AAQQISSUUSSINERILLU NAJUUFFIGINEQARTUT

Oktober 2022 Issittumi imaatigut angallanneq pillugu ataatsimiinneq Imaani Isumannaallisaaneq pillugu Ataatsimiinneq

London, UK

December 2022 Imaani Avatangiisinik Illersuineq pillugu Ataatsimiititaliap ataatsimiinnera London, UK

Januar 2023 Immap iluani nipiliorneq pillugu Ataatsimiinneq

April 2023 Mingutsitsinaveersaarneq pillugu Iliuuseqarnermut ataatsimiititaliaaqqap ataatsimiinnera

September 2023 Imarsiorneq pillugu Suleqatigiiffiup Immap Iluani Nipiliorneq GHG-mik annikillisaaneq pillugu isummersoqatigiinnermut atasoq

Februar 2024 Mingutsitsinaveersaarneq pillugu Iliuuseqarnermut ataatsimiititaliaaqqap ataatsimiinnera

London, UK

London, UK

London, UK

London, UK

Marts 2024 Imaani Avatangiisinik Illersuineq pillugu Ataatsimiititaliaq aamma Nunat Inoqqaavinut tungerliit aaqqissuussinerat London, UK

September 2024 Imaani Avatangiisinik Illersuineq pillugu Ataatsimiititaliap ataatsimiinnera London, UK

Januar 2025 Issittumi Imarsiorneq pillugu Isumasioqatigiinneq London, UK

Januar 2025 Umiarsuit ilusaat sannaallu pillugit ataatsimiititaliaaqqap ataatsimiinnera London, UK

Februar 2025 Mingutsitsinaveersaarneq pillugu Iliuuseqarnermut ataatsimiititaliaaqqap ataatsimiinnera London, UK

April 2025 Imaani Avatangiisinik Illersuineq pillugu Ataatsimiititaliap ataatsimiinnera London, UK

Juli 2025 Imarsiorneq pillugu Suleqatigiiffimmi Siunnersuisoqatigiit London, UK

December 2025 Imarsiorneq pillugu Suleqatigiiffimmi Katersuunneq London, UK

April 2026 Imaani Avatangiisinik Illersuineq pillugu Ataatsimiititaliap ataatsimiinnera London, UK

Maj 2026 Imaani isumannaallisaanermut ataatsimiitititaliap ataatsimiinnera London, UK

Issittup Imartaata Qiterpasissuani Aalisarneq pillugu Isumaqatigiissut

Ass.: Inuit Circumpolar Council

Aallaqqaataaniilli Issittup Imartaata Qiterpasissuani Malittarisassaqartitaanngitsumik Aalisarnerup Pinngitsoortinneqarnissaanik Isumaqatigiissutip (CAOFA) isumaqatigiinniutigineqarnerani ICC peqataasimavoq nunat ataasiakkaat aallartitaat aqqutigalugit. Nunat tamalaat isumaqatigiissutaattut Issittup Inoqqaavinik kiisalu Nunat inoqqaavisa ilisimasaannik erseqqissumik akuutitsiviusutut inatsisitigut pisussaaffiliisuummat nunat killeqarfiisa avataanni aqunneqanngitsumik aalisartoqalernissaa pinngitsoortinniarlugu ICC akuutinneqarnissaminik ilungersuuteqarsimavoq taavalu Issittup Imartaata Qiterpasissuata (CAO) pitsaasumik aqunneqarnissaa siunertaralugu ilisimatuussutsikkut misissuisut suleqatigineqarnissaannik ilungersuuteqarsimalluni.

Nunat inoqqaavisa ilisimasaasa atorneqarnissaannik suliniarnermi Ilisimasanik pigisallit Inoqarfiillu pingaartitaasa tunniussaasalu aallaavigineqarnissaat qularnaarumallugu 2022-miilli ICC-ip immikkoortortaqarfiiniit Inuit nunaasa immikkoortui suleqatigineqartarsimapput. Atsiueqataasut katersuunneranni (COP) aammalu Ilisimatuussutsikkut Ataqatigiissaarisoqatigiit (SCG) ataatsimiinnerini tamani aammalu 2022-mi COP1-imiit suleqatigiissitaani sisamaasuni ICC najuuttarsimavoq, taakkunanilu Nunat inoqqqaavisa Ilisimasaasa suunerat, nunagisatsinni Inuit ilisimatuunut qanoq qanimut suleqateqarsinnaanerat, aammalu Ilisimasatta uumassusileqarfinnik aallaaveqarluni Issittup Imartaata Qiterpasissuanik qanoq paasisaqarfiutigisarneranik ICC erseqqissaasarpoq. CAOFA-ip suliaani tamani allagaatini najoqqutarineqartuni pingaarutilinni tamani Nunat inoqqaavisa Ilisimasaat ilanngunneqartarput. Suliani ingerlasuni isumaqatigiissut naapertorlugu immap sikuata illersugaanerani sikup Inunnut qanoq pingaaruteqartiginera paasititsissutiginiarneqartarpoq, aammalu paasissutissanik aqutsinerup, isumannaallisaanerup oqartussaassuseqarnerullu paasissutissanik Nunat inoqqaavisut ilisimasallit pigisaannik pissarsinissamut, piginittuunermut aqutsinermullu aqqutaasarnerat qularnaarniarneqartarluni.

ATAATSIMIINNERIT AAQQISSUUSSINERILLU NAJUUFFIGINEQARTUT

November 2022

Isumaqatigiissummut peqataasut pernaammik ataatsimiinnerat Incheon, Korea Kujalleq

Marts 2023 Ilisimatuussutsikkut Ataqatigiissaarisoqatigiit pernaammik ataatsimiinnerat Utqiaġvik, USA

Juni 2023 Isumaqatigiissummut peqataasut aappassaannik ataatsimiinnerat Incheon, Korea Kujalleq

April 2024 Ilisimatuussutsikkut Ataqatigiissaarisoqatigiit aappassaannik ataatsimiinnerat Boston, USA

Juni 2024 Isumaqatigiissummut peqataasut pingajussaannik ataatsimiinnerat Incheon, Korea Kujalleq

Marts 2025 Ilisimatuussutsikkut Ataqatigiissaarisoqatigiit pingajussaannik ataatsimiinnerat Hafnarfjordur, Island

Juni 2025 Isumaqatigiissummut peqataasut sisamassaannik ataatsimiinnerat Romsa (Tromsø), Norge

Februar 2026 Misileraalluni Aalisarneq pillugu Suleqatigiissitat ataatsimiinnerat Tokyo, Japan

Marts 2026 Ilisimatuussutsikkut Ataqatigiissaarisoqatigiit sisamassaannik ataatsimiinnerat Hangzhou, China

Juni 2026 CAOFA-ip Oqallitsitsinera Bruxelles, Belgium

Juni 2026 Isumaqatigiissummut peqataasut tallimassaannik ataatsimiinnerat Bruxelles, Belgium

Ass.: Inuit Circumpolar Council

Inuit Ilisimasaat kiisalu Ilisimatusarnernik Aqutsineq

Ass.: Inuit Circumpolar Council

2022-mi Ilulissanit Nalunaarutikkut ICC peqquneqarpoq ilisimatusarfiit suleriaatsiminnik allannguinissaat siunertaralugu Ileqqorissaartumik Naligiiffiusumillu Peqataatitsinermut Malitassanik nunat tamalaat akornanni atuutsitsileqqullugu. Aamma, 2022-mi Ilulissanit Nalunaarummi aalajangersakkap 10-ikkut ICC peqquneqarpoq “Inuit Nunaanni ilisimatusarnerit sukutsitaanni tamani Inuit imminnut tunngasunik aalajangiisinnaatitaanerannik ataqqinninissamut aammalu Inuusugut aammalu najugaqarfivut naligiimmik ileqqorissaartumillu suleqatigeqqulluta, tamatumuunakkut Inuit nalaatatik pillugit tunngavissarissaarlutik aalajangiisarnissaannut paasissutissat pissarsiarineqarsinnaasut tunniunneqaqqullugit.”

Oktober 2024-miit Siulittaasoq Sara Olsvig Issittumut Ukiorititat (IPY) Tallimassaanni 2032-33-mi Pilersaarusioqatigiinni kiisalu Issittumi Ilisimatusarnernik Pilersaarusiorneq pillugu Nunat tamalaat Katersuuffianni Nunat Tamalaat Aqutsisoqatigiivini (ICARP IV)-mi ICC-mut sinniisuusimavoq. 2024-mi decembarimi isummat tunngavissagineqartut ukiumoortumik nalilersorneqarnerannut ICC tunniussaqarluni qisuariaateqarpoq Nunat Inoqqaavisa pisinnaatitaaffiisa erseqqissumik oqaasertalerneqartarnissaat qularnaarumallugu kiisalu “qitiusut pingajussaannik” oqaasertaliussap peerneqarnissaa siunertaralugu oqaaseqaateqarluni. Maj 2025-mi ICARP IV-mi Ilisimatusarfissanik Pingaarnersiueqatigiinnut sulisumik aallartitaqarniarluni ICC aalajangerpoq, aamma tamatumani suliat suleqatigiiffiillu ilisimatusarnermut tunngassuteqartut qasseerpassuit eqqarsaatigalugit. 2025-ip ingerlanerani ICARP-ip suliaanut ICC peqataasarpoq, taavalu ICC-ip politikkii tunniussaalu, aamma Naligiimmik Ataqqinnittumillu Peqataatitsinissamik Suleriaatsit, ICARP IV-ip nalunaarusiaani 2026mi saqqummersumi ersersilluarneqarput.

2025-mi ukiakkut Issittumut Ukiorititani Siulersuisuunerit Nunani Tamalaani Ataqatigiissaarinermut Allaffimmik ingerlatsinermik aningaasaliinermillu ammasumik isumaginnittussarsiorput. Tassunga qisuariaatitut ICC Kalaallit Nunaat Nunani

Tamalaani Tuttuuteqarnermut Sullissivik (ICR) siunnersuumik tunniussaqarput. Issittumut Ukiorititat tallimaanni Ataqatigiissaarinermut Allaffik pillugu Nunat Inoqqaavisa siunnersuutaat akuerineqassappat allattoqarfimmullu tamarmiusumut ilanngullugu pilersinneqassappat ICC KN-ip ICC-ip allaffeqarfii allat nukiit kattullugit suleqatigissavai.

Aammattaaq ICC Nunat Inoqqaavisa Suliniaqatigiiffii arfiniliusut Issittumi Siunnersuisoqatigiinni Ataavartumik Peqataasartuusut akuutinneqarnissaanik siunertaqarami Issittumi Ilisimatusarnermut Aningaasaliisartut Oqaloqatigiittarfiannut (ASFF) ilaasortaavoq.

2026-mi ICC Canada Alaskap Avannaani Uumasunik Aqutsinermut Pisortaqarfimmik kiisalu Alaskami Utqiagvimmi Nunat Inoqqaavisut Ilisimasalinnik suleqateqarluni Nunat inoqqaavisa ilisimasaat pillugit misissuinermik naammassisaqarpoq taaguutilimmik “Ussuit (Erignathus barbatus) Alaskap Imartaani najugannaavi pillugit Nunat Inoqqaavisa ilisimasaat”, taannalu 2024-2026-mi ingerlanneqarpoq Pew Charitable Trust Lenfest Ocean Programimiillu aningaasaliiffigineqarluni. Suliniummik ingerlatsisut ussuit ukiup kaajallakkiartornerani najugannaarisartagaannik nalunaarsuipput Inuppiaat piniartortaannik suleqateqarlutik, taamaaliornikkullu paasissutissat aallaavippiaanni puisit sumiffinnavi pissusiilu pillugit Nunat inoqqaavisa ilisimasaat toqqaannartumik atorneqarput. Suliniutikkut tassuuna ussuit najugannaaminnik atuisarnerat pissusilersuutaallu annerusumik paasisimalerneqarnissaat siunertaavoq, taamalu Alaskami ussuit naliliiviginiarlugit aqunniarlugillu paasissutissat “pitsaanerpaat pissarsiarineqarsinnaasut” amigaatigineqartarnerat qanoq iliuuseqarfigineqarpoq. Suliaq taanna Sikup Puisaanut Ataatsimiititaliamit tapersersorneqarlunilu suleqataaffigineqarpoq, taannalu tassaavoq Alaskami puisit sikumiittartut aqutseqatigiiffigineqarnissaannut ataatsimiititaliaq. ICC eqqarsaatigalugu suliniutikkut tassuuna ersersinneqarpoq Nunat inoqqaavisa ilisimasaannut suut assersuutaasinnaanersut kiisalu uumasut assigiinngitsut ikiliartunnginnissaat pillugu nunarsuarmioqatigiit paasissutissinneqarnissaannut periarfissat suut pigineqarnersut.

2025-mi 2026-milu ICC iluatsittumik nunanit tamalaanit suleqataasunit aningaasaliisussanik siunnersuuteqarpoq, ilisimatusarnermullu aningaasaliinerit pingasut pissarsiarisimallugit. Nordforskimiit aningaasaliissutit ICC Canadamit pissarsiarineqarput Silap Allanngoriartornera pillugu Naalakkersuisut Isummersoqatigiittarfianni ICC-ip peqataanerata ingerlaqqinnissaanut atugassanik (IPCC), tassani silap allanngornerata immap sikuanik allannguinera pillugu pisussatut akorluukkat kiisalu uumasut najugannaaminnik allannguisinnaanerat pillugu Nunat inoqqaavisa ilisimasaannik akuutitsinermi periaasissanik misissuineq sammineqassalluni. Suliaq taanna 2025-mi aallartippoq 2030-milu naammassissalluni. ICC Canada kiisalu ICC KN EU Horizonimit aningaasaliiffigineqarput sulianut makkununnga atugassanik: nunat tamalaat ilisimatusarnerini aqutsineq, paasissutissanut oqartussaasuseq, Nunat inoqqaavisa ilisimasaannik nalunaarsuineq kiisalu silap pissusianik siumut eqqoriaanermi taakkuninnga atuineq eqqarsaatigalugit ICC suliai, Pikialasorsuarmi aqutsinermi Inuit periaasiannik ineriartortitsinermut atasumik ilisimatusarneq, kiisalu ICARP-imi, IPY-mi, Issittumilu Siunnersuisoqatigiinni peqataanera, aamma ICC KN-mi sulisumik piffissaq tamaat atorfeqartitsinermut aningaasaliineq aqqutigalugu, tassuuna IPY-mi suliniutissat tapersersorneqassallutik. Suliniut taanna ukiuni sisamani ingerlasussaavoq 2026-milu ukiakkut aallartissalluni.

2025-imi februaarimi ICC Alaska Nunat inoqqavisut ilisimasalinnik immikkut paasiniaavigisanik ulluni pingasuni katersuutitsivoq, tassanilu katersuutsinneqarput Alaskap Inoqqaavi immikkut ilisimasallit, ICC-ip sulisui Alaskamit, Canadamit, Kalaallillu Nunaannit pisut. Naligiimmik Ileqqorissaartumillu Peqataatitsinermi Malitassat tunngavigalugit ilisimasallit immikkut misissuiffigisat issittumi ilisimatusarnermi aalajangiisarnernilu Inuit imartuumik peqataanissamut periarfissaannik ammasumik eqqartuinissamut periarfissaqartitaapput, tassanngalu ICC-ip sulinerani allanilu Nunat Inoqqaavisa ilisimasaannik suli siuarsaanerunissamik erseqqissumik sammiviliillutik. Nunat tamalaat akornanni ilisimatusarneq pillugu ataatsimeersuartoqartillugu isumasioqatigiittoqartillugulu ICC-ip malunnaatilimmik peqataasalertariaqarnera, Nunat Inoqqaavisa Ilisimasaat pillugit Isumasioqatigiinnermik namminerisatsinnik Inuit aaqqissuisariaqarnerat Ilisimasanik pigisalinnit erseqqissarneqarpoq, kiisalu ilisimasanik pilersitseqatigiinneq piviusoq anguniarlugu ataatsimut sulinissatsinnut tunniu-

simanertik uppernarsaqqippaat. Nunat inoqqaavisut ilisimasallit Immikkut paasiniaavigisat katersuunnertik inaarlugu nalunaarusiorput Nunat inoqqaavisa ilisimasaannut tunngasutigut angusanik pingaarnernik inassuteqaatinillu timitalerneqarsinnaasunut, Issittup Imartaata Qiterpasissuani Aalisarneq pillugu Isumaqatigiissummut, kiisalu Sinerissami Uumasut assigiinngissitaarnerannik Malinnaaviginninnermut tunngasumik.

ICC aammattaaq 2025-miit Nunat Inoqqaavinik Peqataatitsinermut Ataatsimiititaliami inissisimanini aqqutigalugu Nunat Tamalaat Issittoq pillugu Ilisimatusarnermut Ataatsimiititaliaannut (IASC) peqataasimavoq. Taanna aqqutigalugu Issittumi Ilisimatusarneq pillugu Ukiumoortumik Sapaatit akunneqartitsinermik kiisalu ukioq allortarlugu Issittumi Malinnaaviginninneq pillugu Naapeqatigiisitsinermik ICC pilersaarusioqataanissamut periarfissaqalersimavoq. Taavalu Canadami Kalaallillu

Nunaanni allaffinniit 2024-imi Issittumi Malinnaaviginninneq pillugu Naapisitsisarnerup Najukkamiit Nunarsuarmioqatigiinnut Suleqatigiissitaani kiisalu 2026-mi Nunat Inoqqaavisa Siuttuuffigisaanik Malinnaaviginninnermut Suleqatigiissitaanisiulersueqataapput. Kiisalu Issittumi Malinnaaviginninnermut Suleqatigiiffiup (SAON) suliaanut ICC peqataanerminik nangitsivoq, aamma Inoqarfinnik aallaaveqarluni malinnaaviginninnermi nunap assinganik qarasaasiakkoortumik nutarterinermi (www.arcticcbm.org), taavalu SAON-ROADS-ip Issittup Sikuata allanngorarnera pillugu immikkut ilisimasallit oqallittarfiani aqutsisoqatigiinnut ilaasortaalluni. Suliat taakku aqqutigalugit ilisimatusarnerup qanoq ingerlanneqarneranut Issitumullu pilersaarusiorneqarneranut ICC annertuumik sunniuteqartarpoq, tamatumanissaaq Issittumi ilisimatusarnermut Inuant Inoqqaavisa ileqqorissaartumik naligisitaallutillu peqataasarnerannik paasinninnerulernissamut, aamma EU-mi, annertuumik sunniuteqarpoq.

Memorial Universitit peqatigalugu Issittumi Mingutsitsinani Imaatigut Angallanneq pillugu Suliniut (CASI) ICC Canadamit siulersueqataaffigineqarpoq. Taanna suliniutaavoq million dollarikkaanik nalilik, aammattaaq Canadami Inuit Nunamik Piginittussaaneq pillugu Isumaqatigiissuteqartuinit siulersueqataaffigineqartoq, tassanilu suliat tamarmik Inunnit siulersorneqarput taavalu ilisimatusarnikkut Inuit namminneq aalajangiisinnaatitaalernissaannik sulinermi najoqqutaqarfiullutik. Issittumi imaatigut angallannerup annertusiartorneranut taavalu nunatsinnut, imartatsinnut, inoqarfinnullu sunniutaanik CASI sammisaqarpoq taakkununngalu qisuariaateqartarluni. Ilisimatusarnermi qulequttat sammineqartut pingasut tassaapput (1) piujuartitsiviusumik imaatigut assartuineq aammalu sinerissami / inoqarfinni attaveqaasersuutit, (2) akisussaassusilimmik umiarsuarnik ilusilersuineq, kiisalu (3) Issittumi imaatigut angallannermik aqutsineq. CASI 2030-ip tungaanut ingerlassaaq taavalu suliutip ineriartornera malillugu ICC-eqarfiit allat akuutinneqassallutik.

ATAATSIMIINNERIT

December 2022

ArcticNet Ilisimatuut Ukiumoortumik ataatsimiinnerat Toronto, Canada

November 2023 Kalaallit Nunaanni Ilisimatusarneq pillugu Sapaatit akunnerat Nuuk, Kalaallit Nunaat

December 2023 ArcticNet Ilisimatuut Ukiumoortumik ataatsimiinnerat Iqaluit, Canada

Marts 2024 Arctic Science Summit Week Issittumi Ilisimatusarneq pillugu sapaatit akunnerat katersuunneq (ASSW) Aamma Issittumi Malinnaaviginninneq pillugu ataatsimeersuarneq Edinburgh, Scotland

Juni 2024 ArcticPASSION Katersuunneq Aanaar (Inari), Finland

December 2024 ArcticNet Ilisimatuut Ukiumoortumik ataatsimiinnerat Ottawa, Canada

Februar 2025 ICC Alaska Nunat inoqqaavisut ilisimasallit immikkut paasiniaaviit Anchorage, Alaska

Marts 2025 ASSW aamma Issittumi Ilisimatusarnernik pilersaarusiorneq pillugu Nunat tamalaat Ataatsimeersuarnerisa sisamassaat Boulder, USA

April 2025 UArctic Suleqatigiilluni Pisuussutinik aqutsineq pillugu Issittumi isummersoqatigiinneq Nuuk, Kalaallit Nunaat

November 2025 Kalaallit Nunaanni Ilisimatusarneq pillugu Sapaatit akunnerat Nuuk, Kalaallit Nunaat

November 2025 QIMMIT Workshop Nuuk, Kalaallit Nunaat

November 2025 SAON Immap sikua pillugu immikkut ilisimasallit ataatsimiinnerat Nuuk, Kalaallit Nunaat

December 2025 ArcticNet Ilisimatuut Ukiumoortumik ataatsimiinnerat Calgary, Canada

December 2025 Ilisimatusarnikkut nunat akornanni suleqatigiinneq pillugu EU-p ataatsimeersuartitsinera København, Danmark

Marts 2026 ASSW aamma aamma Issittumi Malinnaaviginninneq pillugu ataatsimeersuarneq Aarhus, Danmark

Maj 2026 Uarcticip Ataatsimeersuartitsinera Tórshavn, Savalimmiut

Silap pissusiata allanngoriartornera, Avatangiisit, Uumasut assigiinngissitaarnerat

Silap pissusiata allanngoriartornera kiisalu UNFCCC aamma IPCC

2022-2026-ip ingerlanerani Silap Allanngoriartornera pillugu Naalagaaffiit Peqatigiit Isumaqatigiissutaanni (UNFCCC) kiisalu Silap Allanngoriartornera pillugu Naalakkersuisut Akornanni Oqaloqatigiittarfimmi (IPCC) silap allanngoriartornera pillugu oqallittarnerni ICC Inuit nipaannik killeqarfiit pitarlugit saqqummiussisarpoq.

ICC UNFCCC-mi pisortatigoortumik Alaatsinaattutut Ataatsimiititaliat Allequtaasut (SB) ataatsimiittarnerini, Isumaqatigiissummut peqataasut Ataatsimiittarnerini (COP-it), Inoqarfiit Nunallu Inoqqaavisa Ataatsimoorfiata (LCIPP ataatsimiittarnerini kiisalu aaqqissuussinerni piginnaatitaalluni peqataaffiusarluni, Naalagaaffiit Peqatigiit pisortatigoortumik saniatigut aaqqissuisarnerini, kiisalu saqqummiiviit saniatigut aaqqissuussisarnerni peqataasarpoq silap allanngoriartornera eqqarsaatigalugu Inuit nalaattagaannik pingaartitaannillu saqqummiussinissamik siunertaqarluni.

2022-2026-imi qinigaaffiup ingerlanerani COP-inut tamanut ICC -ip aallartitai iluatsilluartumik peqataasarput. Silap Allanngoriartornera pillugu Nunani Tamalaanit Nunat Inoqqaavisa Oqallittarfianni (IIPFCC) ICC maannamut suli suut pingaarutillit isummernernut oqaaseqaatinullu ataatsimoorfiusunut tunniussaqaqataasarpoq, soorlu Naapertuilluartumik Sulianik Ikaarsaartitsineq, silap pissusianut tunngasutigut aningaasalersuineq, aammalu Nunarsuarmi Killiffissiuineq. Naapertuilluartumik Ikaarsaarneq pillugu Nunat Inoqqaavisa Katersuunnerata aaqqissorneqarneranut ICC tapersersuivoq, tassanilu Naapertuilluartumik Ikaarsaarneq pillugu Nunat inoqqaavisa Tunngavii Najoqqutassiaallu suliarineqarput, tassuunalu Nunat inoqqaavisa suliniaqatigiiffiisa pinngortitamut ajoqutaanngitsumik aningaasarsiornermut ikaarsaarneq kiisalu silap allanngoriartorneranik annikillisaaniutit allat pillugit isumaqatigiinniartarneri tapersersorneqartarput. ICC-ip Siulittaasua Sara Olsvig Aatsissat Nukissiornikkut Ikaarsaarnermi Pinngitsoorneqarsinnaanngijtsut pillugit Naalagaaffiit Peqatigiit Pisortaata Oqallitsitsineranut peqataaqqullugu aggersarneqarsimavoq. Oqallitsitsinermit nalunaarusiami nukissiornikkut ikaarsaarnermi aatsitassarsiornermi inuit pisinnaatitaaffiisa pingaaruteqassusiat erseqqissarneqarpoq. Allaaserisat taakku tamarmik ICC-ip aammalu IIPFCC-ip suliniarnerini sakkusaasimapput assut naleqartut. UNFCCC-mi isumaqatigiinniarnerit aalajangiinerillu ilungersunarsiartuinnarsimapput, uuliakkunnik assigisaannillu ikummateqarnermiit ikaarsaarnermi ajornartorsiutit pingaarnerit Peqataasunit isummerfigineqarneq ajorsimammata, aamma aatsitassanik pinngitsoorneqarsinnaanngitsunik qalluineq kiisalu uuliakkunnik ikummateqarnerup atorunnaarsikkiartuaarneqarnissaa pillugu oqaasertaliussat eqqarsaatigalugit. Naapertuilluartumik Sulinermi Ikaarsaarneq pillugu Suliniut pillugu oqaaseqatigiit suliassartallit Nunat inoqqaavisa pisinnaatitaaffiinik, aamma imminut tunngasunik aalajangiisinnaatitaanerannik erseqqissaaviusut immikkuullarissut COP30-mi akueritinneqarnerat sulianut iluatsittunut ilaavoq, taakkulu tassaapput UNFCCC-mi oqaaseqatigiit suliassartallit tamatuminnga toqqaannartumik akuersaarfiusut siulliit.

ICC Saamit Siunnersuisoqatigiiffiannik suleqateqarluni 2023-mi Issittumi Eqqaamioriit Katersuunnerannik aaqqissuivoq, tassa LCIPP-ip ataani piginnaatinneqarluni aaqqissugaq Norge, Issittumi Siunnersuisoqatigiinni Norgep Siulittaasuutitaqarfia, kiisalu UNFCCC LCIPP-ip Allattoqarfia peqatigalugit aaqqissugaasoq ingerlanneqartorlu. Katersuunneq UNFCCC-ip kiisalu Issittumi Siunnersuisoqatigiit ataatsimoorlutik aaqqissugaraat Issittumi Siunnersuisoqatigiit naapittannginnerisa nalaanni Ataavartumik Peqataasartut naapissinnaalersikkumallugit. ICC-ip aallartitaanut ilaapput politikkikkut siuttut, sulisut, Nunallu inoqqaavisut ilisimasanik pigisallit. Katersuunnermi tassani kalaallisut oqalutseqarneq, LCIPP-ip Allattoqarfianit aningaasalersugaasoq, Naalagaaffiit Peqatigiinni ataatsimiinnerit qaqutigoortut ilagaat ICC-ip taama ittumik naligiisisinermik tunniussaqarfigisaa, Nunat inoqqaavisut ilisimasalittatta tusarfigineqarnissaannut periarfissiiviusoq

aammalu Naalagaaffiit Peqatigiinni Nunat inoqqavisa oqaasiisa pingaaruteqassusiannik erseqqissaaviusoq. Nunarsuup Issittortaaneersut Dr. Victoria Qutuuq Buschman 2025-mi LCIPP-ip Suleqatigiissitaani Aqqutissiuisuni Issittumit Sinniisuusussatut toqqarpaat ukiuni pingasuni atuuttussanngorlugu.

Piffissap taassuma ingerlaneranissaaq silap allanngoriartornera pillugu nalunaarutit pingaarutillit suliarineqartarsimapput. UNFCCC COP-ini tamani ICC isummiussanik allaaserisaqartarpoq, silap pissusia pillugu isumaqatigiinniarnerni tamani Inuit isumaannik saqqummiussiviusunik erseqqissunik inassuteqaasiortarluni, aamma nunani tamalaani silap pissusianut tunngasutigut siuttuusunut, ilisimatuussutsikkut suliaqartunut, namminersorlutik inuussutissarsiortunut allanullu. 2023-mi ICC silap allanngoriartornera pillugu isiginnaagassiamik nutaamik pisortatigoortumik saqqumiussaqarpoq, Silavut Asijjiliqtuq — The Weather is Changing, COP28-mi Sila pillugu Nunat Inoqqaavisa Siuttuunerannut Ullorititami saqqummersinneqartumik. 2024-2025-mi ICC Canada Sila pillugu Suliniarnermi Inuit sakkussaannik saqqumiussaqarpoq, taakku atortorissaarutitigut atortussiaapput, pissarsiareriaannaallutik, UNFCCC-mik kiisalu Inuit sila pillugu suliniarnerannik ilisaritsitsissutaallutik. Atortussat taakku siunissami ICC-p aallartitarisartagassaannut, pingaartumik inuusuttunut, atorneqarneqarput atorneqartarumaarlutillu. Videop immikkoortui Inunnik nunallu inoqqaavinik allanik COP29-mut aallartitaasunik, Inuit suliniaqatigiiffiini sulisunik, kiisalu Canadami naalakkersuisuni sulisunik apersuinernik tunngaveqarput.

Ass.: UNFCCC Secretariat

ICC Canada nunani tamalaani nunat inoqqaavinik nunarsuup kujataaneersunik suleqateqarnissamut canadamiut dollariinik 1,6 million tunineqarpoq aaqqiissutissat pinngortitamik aallaavillit tapersersorneqarnerinut atugassanik kiisalu silap allanngoriartornera pillugu nunat inoqqaavisa suliniarnerat pillugu ilisimasaqarnerulersitsinissaq tapersersuinissarlu pillugit. Tongami Nunat inoqqaavisa siuttuuffigisaannik suliniaqatigiiffik, Take the Lead, ICC Canadap suleqatigilerpaa nunamiit nunamut paarlaateqatigiittarnissaq siunertaralugu kiisalu 2026-mi silap allanngoriatornera pillugu siuttussatut inuusuttunik sungiusaanissaq siunertaralugu. Suliniut taanna Inuit inuusuttaannik piginnaanngorsaanerup nanginneqarnissaanut periarfissatsialaavoq aammalu silap allanngoriartornera pillugu nunat tamalaat akornanni ataatsimiittarnernut peqataanerulernissamut periarfissatsialaalluni, taakkunuunatigullu 2026-mi ukiakkut UNFCCC COP31-mi inuusuttut saniatigut aaqqissuussinermik immersuinissaat ingerlatsinissaallu siunertaavoq. Suliniutikkut tassuunattaaq ICC-ip Sila pillugu Suliniarnermi atortussiai ineriartorteqqinneqassapput, video imarisai paasissutissallu nutaat suliarineqassallutik.

ICC aammattaaq Saamit Siunnersuisoqatigiiffiannit aningaasannappoq UArcticip Issittumi Silap pissusia pillugu iliuuseqar-

nissamut ilanngullugu Saamit Siunnersuisoqatigiiffiata Silap pissusianik Naliliinermi iliuusissiorneranut ilanngutassiornissaq siunertaralugu. Sulisussaaleqineq kiisalu Kalaallit Nunaanni silap pissusia nunallu pisuussutai pillugit avataaniit soqutiginninnerujussuaq pissutigalugu Kalaallit Nunaanni silap pissusia pillugu iliuuseqarnissaq siunertaralugu Kalaallit Nunaanni sullissiveqarfinnut sammisumik ICC ataatsimut suliaqartitsivoq. Ataatsimut suliaqartitsinermi inassuteqaatit qassiit suliarineqarput sila pillugu iliuuseqarneq pillugu malittarisassani inuit pisinnaatitaaffiisa isiginiarneqartarnerisa pingaassusiannik erseqqissaaviusunik, aamma nammineq aalajangiisinnaatitaanerup qitiussusia eqqarsaatigalugu. Tamanna pillugu ilisimatusarnerit misileraanerillu annertusiartortillugit, kiisalu Inuit Nunaanni sikumut imartanullu sunniuteqartunik suliniutit amerliartortillugit ICC pisortatigoortumik suliniaqatigiiffillu tamaat sinnerlugu isummernissaminik aalajangersinnaavoq.

IPCC-mi ICC-ip alaatsinaatuunini IPCC-mi silap pissusiata allannguutaanik naliliisarnerani Nunat Inoqqaavisa ilisimasaasa naligititaallutik ilaatinneqartarnissaannik suliniuteqarnermut atorsimavaa Ilisimatusarnermit Ileqqorissaarnerup naligiisitsinerullu atorneqarnissaanik malittarisassani naapertorlugit, taavalu Nunat inoqqaavisa ilisimasaat, Nunat inoqqaavi, Inuit, kiisalu Issittoq eqqartorneqartillugit oqaatsit eqqortut IPCC-mi atorneqartarnissaat oqaatigineqartullu eqqortumik sumut sammisuunerisa oqaatigineqartarnissaat ilungersuutigisimavaa. IPCC pillugu isummaminik allaaserisamini 2024-mi oktobarimi akuerisaasumi ICC-ip iliuusissatut noqqaassutini qassiit iluatsilluartumik saqqummiuttarsimavai. Noqqaassutit taakku ilaatigut tassaapput IPCC-ip Naliliinerani Nunat Inoqqaavinik allaqataasussanik innersuussinissamik toqqaanissamillu noqqaassutit. Naliliinerit Arfineq-Aappassaannik Nalunaarusiami (AR7) pingaarnertut allattuusussat Inuit ilinniagartuut marluk ICC-ip iluatsittumik innersuussutigisimavai, aamma soorlu kapitali “ilisimasanik pissarsivissat aalajangerneqartarneri periaatsillu,” “Amerika avannarleq,” kiisalu “Issittumi Sumiiffiit”.

Isummernermik Allakkiamissaaq piumasarineqarpoq Nunat Inoqqaavisa Suleqatigiissitaat imaluunniit Siunnersuisoqatigiit atorunnaarsinneqassasut. IPCC-ip Ilisimatuussutsikkut Aqutsisoqatigiivinut ICC-ip siunnersortissaanik ICC innersuussuteqarpoq, taassumalu suliaqaqatigiisitsinerit marluk tapersersorpai (Ilisimanneriaatsit assigiinngitsut peqataatinneqarnerat pillugu Suliaqartitsineq kiisalu Naliliisarnermi Periaatsit pillugit Suliaqartitsineq, tamannalu tamatumunna qisuariaatitut isigineqarsinnaavoq. Aamma, Ilisimanneriaatsit assigiinngitsut peqataatinneqarnerat pillugu suliaqaqatigiisitsineq Nunat inoqqaavisa ilisiamsaannik akuutitsinermi suleriaatsit pitsaanerulersinneqarnissaannik ICC-ip ilungersuuteqarneranik toqqaannartumik pissuteqarpoq. ICC-mit siunnersortit marluk Ilisimanneriaatsit assigiinngitsut peqataatinneqarnerat pillugu Suliaqaqatigiitsinermut kiisalu Periaatsinik Naliliisarneq pillugu Suliaqaqatigiisitsinermut peqataapput. IPCC-mi sulinitsinni ukiuni sisamani kingullerni iluatsitavut amerlasuut takuavut, tassa naak IPCC-mi isumaqatigiinniarnerit ingerlaneranni issittumi sumiiffiit immikkut tamakkiisumik kapitaleqartitaanissaat anguneqarsimanngikkaluartoq, aammalu kuldioxidimik tigooraasarnermi atortorissaarutit, seqerngup qinnguaanik aqutsinerit, aammalu nunamik allanngortiterinerit pillugit oqaasertaliussat pissutigalugit Parisimi Isumaqatigiissutikkut kiassiartornerup 2 gradit ataannut killilerneqarnissaanik siunertaasut qimanneqarlutik 1,5 gradimut killilerneqarnissaat siunniunneqaraluartoq.

ATAATSIMIINNERIT AAQQISSUUSSINERILLU NAJUUFFIGINEQARTUT

November 2022 UNFCCC FWG8 aamma COP27 Sharm El-Sheikh, Egypt

Marts 2023 IPCC-58 Interlaken, Schweiz

Juni 2023 UNFCCC FWG9 aamma SB58 Bonn, Germany

Oktober 2023 UNFCCC LCIPP Issittumi Nunat immikkoortuini katersuunneq Girkonjárga (Kirkenes), Norway

December 2023 UNFCCC FWG10 aamma COP28 Dubai, UAE

Januar 2024 IPCC Nalileeqatigiinnerit arfineq aappaat Istanbul, Türkiye

Maj 2024 Aatsitassat Ikaarsaarnermi Pinngitsoorneqarsinnaanngitsut pillugit Naalagaaffiit Peqatigiit Allattaanerata ataatsimiititsinera siulleq (Attaveqaatitigut)

Juni 2024 ICC-ip siulittaasuata sila pillugu kalaallit danskillu naalakkersuisuinik aamma UNFCCC-mi allattaanermik ataatsimeeqateqarnera

Juni 2024 UNFCCC FWG11 aamma SB60

Juli 2024 IPCC-61

Juli 2024 Aatsitassat Ikaarsaarnermi Pinngitsoorneqarsinnaanngitsut pillugit Naalagaaffiit Peqatigiit Allattaanerata ataatsimiititsinerisa aappaat

August 2024 Aatsitassat Ikaarsaarnermi Pinngitsoorneqarsinnaanngitsut pillugit Naalagaaffiit Peqatigiit Allattaanerata ataatsimiititsinerisa pingajuat

Oktober 2024 Naapertuilluartumik Ikaarsaarneq pillugu Nunat Inoqqaavisa Ataatsimeersuarnerat

November 2024 UNFCCC FWG12 aamma COP29

Nuuk, Kalaallit Nunaat

Bonn, Germany

Sofia, Bulgaria

København, Danmark

Nairobi, Kenya

Geneve, Schweiz

Baku, Azerbaijan

Februar 2025 IPCC-62 Hangzou, Chine

Marts 2025 ICC Silap pissusianut qanoq iliuuseqarneq pillugu isummersoqatigiisitsineq

April 2025 Harvard Kennedy School Issittumi Silap pissusianut qanoq iliuuseqarneq pillugu aqutsinermi isumasioqatigiisitsineq

Juni 2025 UNFCCC FWG13 aamma SB62

Nuuk, Kalaallit Nunaat

Cambridge, USA

Bonn, Germany

November 2025 UNFCCC FWG14 aamma COP30 Belém, Brazil

December 2025 IPCC AR7 LAM1

Paris, Frankrig (Attaveqaatitigut)

Januar 2026 Silap pissusia pillugu Suleqateqarnermi Inuit Ataatsimiititsinerat Nuku’alofa, Tonga

Februar 2026 IPCC-ip Ilisimanneriaatsit assigiinngitsut atorneqarnerat naliliinermilu periaatsit pillugit isummersoqatigiisitsinera

Maj 2026 IPCC AR7 WGII LAM2

Jun. 2026 UNFCCC FWG15 aamma SB64

Reading, UK

Nassau, Bahamas

Bonn, Germany

Uumasut assigiinngissitaartut ikiliartunnginnissaat aamma CBD Nunarsuarmi Uumasut Ikiliartunnginnissaat pillugu Kunming-Montrealimi Isumaqatigiissut (GBF) 2022-mi Montrealimi COP15-mi Uumasut Ikiliartunnginnissaat pillugu Isumaqatigiissummi (CBD) akuersissutigineqarpoq, aamma nunat imartallu 30%-iisa 2030-mi illersugaalersimanissaat ilanngullugu. KMGBF-ip inaarutaasumik oqaasertalersorneqarneranut ICC suleqataavoq taavalu CBD-mi Inunnut sinniisuusarluni oqallittarfiit assigiinngitsut aqqutigalugit, soorlu Isumaqatigiissummik Atsiueqataasut Ataatsimiinneranni (COP), Ilisimatuussuseq, Teknik, kiisalu Teknikkut Siunnersuineq pillugu Suleqatigiissitap allequtaasup (SBSTTA), Atuuttussanngortitsineq pillugu Suleqatigiiissitap allequtaasup (SBI), aammalu Aalajangersagaq 8(j) – Qangaaniit Ilisimasat, Nutaaliorneq Suleriaatsillu pillugit Suleqatigiissitap allequtaasup pilersinneqaqqammersup ataatsimiittarnerini, kiisalu Uumasut Amerlaarsuunerat pillugu Nunani tamalaani Nunat Inoqqaavisa Suleqatigiiffianni (IIFB).

Aalajangersagaq 8(j) pillugu ataavartumik Suleqatigiissitaqalernissamik tassungalu atasumik COP16-mi CBD-mik nutaanik suliniutiliortoqarnissaanik aalajangernerit Nunat Inoqqaavisa Suliniaqatigiiffiisa, aamma ICC-p, ukiorpassuarni ilungersuutigereerlugu iluatsippaat. Aalajangersagaq 8(j) pillugu ataavartumik Suleqatigiissitap Allequtaasup 2025-mi pernaammik ataatsimiinnera ICC-p peqataaffigaa. SBJ8-ip pisortatigoortumik ataatsimiinnerisa siullersarimmassuk Suliniutit Nutaat ataanni suliassatut siunnersuutigineqarsimasut qanoq iliuuseqarfigineqarnissaat sammineqarpoq, kiisalu Nunat inoqqaavisa kiisalu najukkani inoqarfiit taputartuunneqartarnerat pillugu isumakuluutit nangillugit oqaluuserineqarnissaat sammineqarluni. Taputartuussisarnerup ajornartorsiutaanera suli aaqqinneqanngilaq, taavalu SB8(j)-mi suliani siunissamilu ataatsimiittarnerni tamatuma aaqqinniarneqarnissaanik ICC ilungersuuteqartuinnassaaq. CBD-ip sulinerani Nunat Inoqqaavisa Ilisimasaasa tamakkiisumik akuutinneqarlutillu akuersaarneqarnissaat ICC-ip suli ilungersuutigeqqissavaa, aamma Imartat Uumassusileqarfittut Uumasoqarnikkullu Pingaarutillit pillugit Siunnersuisutut Suleqatigiissitani 2025-2027-mut piginnaassusigaasumik sulisussanik iluatsittumik innersuussineq aqqutigalugu kiisalu Nunat Killeqarfiisa Avataanni Imartani Uumasoqassusermut attuumassuteqartuni (BBNJ) CBD-ip ataani ilisimatuussutsikkut teknikkikkullu immikkut ilisimasallit suliaqaqatigiisinneqarneri aqqutigalugit.

Uumasut Naasullu Nungutaaqqajaasut Nunat tamalaat akornanni Nioqqutigineqartarnerat pillugu Isumaqatigiissummi (CITES) aalajangiisarnerni Nunat Inoqqaavisa tusaaniarneqartarnissaat ICC-mit sammineqarpoq. Maj 2024-mi EU nioqqutissianik puisikkunneersunik inerteqqummi 1983-imeersup, kiisalu puisikkunnit tunisassianut inerteqqutini nutaanerpaaq 2009-imeersup, 2015-miillu atuutsilersinneqartup, siammasinnerujussuusullu nalilersorneqarnissaannik peqqussuteqarpoq. Inerteqqutip Inunnut sunniutaanik eqqartuiffiusumik allakkiamik ICC EU-mut tunniussaqarpoq.

Puisinit nioqqutissiat inerteqqutigineqarneranni Nunat inoqqaavi ilaatinneqanngikkaluartut EUp puisikkunneersunik inerteqqutaanit 2009/2015-mit inoqarfiit eqqugaanerpaat tassaapput Canadami kiisalu Kalaallit Nunaanni inoqarfiit. ICC-mit ersersinneqarportaaq “Nunat inoqqaavisa immikkut akuerisaanerat” paasinarsisimasoq pisariuallaartoq, atorluarsinnaanngitsoq, taavalu puisikkunnit nioqqutissiat EU-mi Inunnit nioqqutigineqarneranni inerteqqutip sunniutaanik pitsaanngitsumik annikinnerulersitsisimanngitsoq. Inuit killilersuiffigineqarnerata atorunnaarsinneqarnissaa pillugu EU-mik oqaloqateqarnerup nanginneqarnissaanik ICC neriuuteqarpoq.

Pinngortitap Allanngutsaalineqarnissaannik Nunat tamalaat Suleqatigiiffianni (IUCN) Inuit Nunallu Inoqqaavisa ilisimasaasa ilaatinneqarnissaanik ICC ilungersuuteqartuarsinnarpoq, taama iliortarpoq soorlu oqallittarfinni Immikkut Annaaniagassanut Ataatsimiititaliami (SSC) aammalu Navianartorsiortitaasunik Nalunaarsuiffimmi. Nunat Inoqqaavisa Suliniaqatigiiffiisa ilaasortaatitaqartarnerata ataani ICC IUCN-imi taaseqataasinnaatitaalluni ilaasortaavoq. IUCN-mi taama inissisimanerput atorlugu ICC Uumasut Nappaataannik Toqunartunillu Misissuisarnerni Najoqqutassani 2024-mi saqqummersinneqartuni suleqataavoq. Najoqqutassiat IUCN-ip Uumasut peqqissusiat pillugu Suliniutaata kiisalu Uumasut Peqqissusiat pillugu Silarsuarmiut Suleqatigiiffiata ataatsimut suliniuteqarnerisigut pilersitaapput. Nalunaarusiami tassani

uumasut nappaataat toqunartoqalernerallu qanoq nakkutigineqassanersoq ilitsersuusiorfigineqarpoq, kiisalu nakkutilliinermi periaasissat tamakkiisut ilitsersuutigineqarlutik. Oktober 2025-imi United Arab Emiratesimi illoqarfimmi Abu Dhabimi IUCN-ip Ukiut sisamakkaarlugit Ataatsimeersuartarnerani ICC najuuppoq. Ataatsimeersuarnissap tungaanut aalajangersakkat 100 sinnillit qinersissutigineqartussat ICC sukumiilluinnartumik misissorpai kiisalu suliniaqatigiiffiit allat Inuit pingaartitaannut naapertuuttunik taasisarnersut paasiniarlugit taasisarsimanerit misissoqqissaarlugit. Ataatsimeersuarnerup kingorna Nunamik Nassaartuussusermik Isumaliortaatsip 1400-ikkunnersuup iperarneqarnissaa pillugu allaaserisaliornissamik IUCN-mi suleqatigiissitanut ICC ilaasimavoq, suliaq taanna IUCN-mi aaqqissugaanikkut allannguisussaavoq.

ATAATSIMIINNERIT AAQQISSUUSSINERILLU NAJUUFFIGINEQARTUT

November 2022 CITES COP19 Panama City, Panama

December 2022 CBD COP15 Montreal, Canada

Februar 2023 Nunani tamalaani Imartat Illersugaasut pillugit Ataatsimeersuarnerit tallimaat Vancouver, Canada

Oktober 2023 CBD SBSTTA-25; COP15-mik nangitsineq Nairobi, Kenya

November 2023 CBD Article 8(j) Aallarnisaataasumik ataatsimiinneq Geneve, Schweiz

November 2023 CITES-imi Ataatsimiititaliap 77-issaannik ataatsimiinnera Geneve, Schweiz

August 2024 Trua World Summit on Traditional Knowledge Related to Biodiversity Bogotá, Colombia

Oktober 2024 CBD COP16 Cali, Colombia (Attaveqaatitigut)

Oktober 2025 CBD Aalajangersagaq 8(j) pillugu Ataatsimiititaliaaqqap ataatsimiinnera siulleq Panama City, Panama

Oktober 2025 IUCN Nunarsuami Nungutsaaliuineq pillugu Ataatsimeersuarneq Abu Dhabi, UAE

December 2025 CBD-ip Allattoqarfiani Immikkut Ilisimasalittut Suleqatigiissitat isummersoqatigiinnerat Bergen, Norway

December 2025 Naalagaaffiit Peqatigiit Avatangiisit pillugit Katersuunnerat Nairobi, Kenya (Attaveqaatitigut)

Januar 2026 Nunat Nanoqarfiit isumaqatigiissummut peqataasut ukioq allortarlugu ataatsimiinnerat (Attaveqaatitigut); (Kalaallit Nunaata Naalakkersuisuinit aaqqissuisuuffigineqartoq)

Minguit pillugit Naalagaaffiit Peqatigiit Isumaqatigiissutaat

Minguit Arrortikkuminaatsut pillugit Stockholmimi Isumaqatigiissut ICC-p suleqataasalu minguit arrortikkuminaatsut (PFAS-ikkunnut ilaasut, ‘akuutissat nungujuitsut’) Stockholmimi Isumaqatigiissummut ilaalersinneqarnissaannik Canadap naalakkersuisuinut sunniiniarnertik iluatsippaat. Tamatuma malitsigisaanik Canadap LC-PFCA-ikkut Stochholmimi Isumaqatigiissummut ilanngutsinneqarnissaannik inassuteqaateqarpoq, taavalu Inuit isumaasa aammalu paasissutissat Issittumeersut nalilersuinermi ilaatinneqarnissaat qularnaarniarlugu ICC timitalimmik suleqataavoq assut iluatsilluartumik. 2025-mi COP-mi LC-PFCA-ikkut Stockholmimi Isumaqatigiissummi akuutissanik atorunnaarsitassanik nalunaarsuiffimmut A-mut ilanngutsinneqarput.

RELEVANT MEETINGS AND EVENTS ATTENDED

(Qaammat) (Ukioq) (Ataatsimiinnerup aqqa) (Illoqarfik, nuna)

Juni 2022

September 2022

Stockholm POPs COP10 Geneve, Schweiz

18th Stockholm POPs Naliliinermut Ataatsimiititaliaq Rome, Italy

Maj 2023 Stockholm POPs COP11 Geneve, Schweiz

Oktober 2023 19th Stockholm POPs Naliliinermut Ataatsimiititaliaq Rome, Italy

September 2024 20th Stockholm POPs Naliliinermut Ataatsimiititaliaq Rome, Italy

April 2025

Stockholm POPs COP12 Geneve, Schweiz

Kviksølv pillugu Minamatami Isumaqatigiissut

Qinigaaffiup ingerlanerani Minamatami Isumaqatigiissummi suleriaatsit pitsaassusiinik nalilersuinermi ICC assut akuusimavoq aammalu Ilisimatuussutsikkut Ammasumik Suleqatigiissitanut (OESG) ilaasortaalluni. Malinnaaviginninneq pillugu allaaserisamut ICC suleqataavoq OESG-ip nalunaarusiaani miluumasut imarmiut pillugit suleqatigiissitaaqqami siulittaasuulluni, kiisalu Inuvialuit Nunaanni qilalukkat qaqortat malinnaavigineqarnerat ilanngukkumallugu Inuvialunnit sinniisunik ilisimatuunillu suleqateqarluni, suliarlu taanna Inuit peqatigalugit siulersorneqarpoq suliarineqarlunilu. Aammattaaq ICC Suliat pitsaasussiinik Nalilersuisoqatigiinni alaatsinaattutut peqataavoq, ataatsimiinnernut ilaasarluni kiisalu nalunaarusiamut aamma ilanngussaqarluni.

Tamatuma saniatigut ICC 2023 aamma 2025-mi Isumaqatigiissummut Peqataasut Ataatsimeersuarnerinut peqataasarpoq, saniatigut aaqqissuussinerni suleqataalluni, taavalu ataatsimeersuarnerit tamarmik ingerlanerini Amazonimeersunik suleqateqarluni saniatigut aaqqissuussinernik ornigarneqarluartunik aaqqissueqataasarluni (Ilisimasanik Takutitsiviit), Ilisimasanik takutitsivinni allani peqataasarluni, kiisalu katersuunnerni ataasiarani oqaaseqaateqartarluni. ICC aammattaaq Kviksølv pillugu Nunat Inoqqaavisa nunani tamalaaneersut Oqallittarfiat pilersinniarlugu Nunat inoqqaavinik allanik suleqateqartarpoq Minamatami Isumaqatigiissummut Nunat inoqqaavisa akuunerata suli annertunerulernissaa siunertaralugu. Isumaqatigiissummut Peqataasut Ataatsimeersuarneranni kingullermi Nunat ilaasortaasut UNDRIP-ikkut Nunat inoqqaavisa pisinnaatitaaffiinut innersuussiviusumik aalajangiussaqarput, tassuunalu isumaqatigiissummut peqataasut peqataanermut aningaasatigut tapersersueqqullugit kajumissaarneqarput, Isumaqatigiissummi allattoqarfik piumaffigineqarpoq Nunat Inoqqaavinit siunnersuutissanik tusarniaasaqqullugu, aammalu Kviksølv pillugu Nunat Inoqqaavisa Nunat tamalaaneersut Oqallittarfiannik pisortatigoortumik pilersitseqqullugit.

ATAATSIMIINNERIT AAQQISSUUSSINERILLU NAJUUFFIGINEQARTUT

Marts 2023 Minamata-mi Isumaqatigiissummi Ilisimatuut ammasumik suleqatigiissitaat Geneve, Schweiz Oktober 2023 Minamatami Isumaqatigiissut COP-5

Geneve, Schweiz November 2025 Minamatami Isumaqatigiissut COP-6

Geneve, Schweiz

Geneve, Schweiz Februar 2026 Minamatami aalajangersakkat atorsinnaassusiannik Nalilersuisoqatigiit ataatsimiinnerat

Plastikkimik Mingutsitsineq pillugu Nunarsuarmioqatigiit Isumaqatigiissutissaata isumaqatigiinniutigineqarnera

Plastikkinik mingutsitsineq pillugu nunarsuarmioqatigiit pituttorsimaffiusumik isumaqatigiissussiornissaat anguniarlugu Naalakkersuisut Isumaqatigiinniarnerat pillugu Ataatsimiititaliamut (INC) ICC assorsuaq akuusimavoq, ataatsimiinnerit tamaasa najuuffigisarlugit, nunat ilaasortaasut, Nunat Inoqqaavi allat kiisalu Suliniaqatigiiffiit Naalakkersuisutigoortuunngitsut suleqatigisarlugit taavalu ‘ataatsimiinnerit akornini’ attaveqaatit atorlugit ataatsimiinnerpassuit peqataaffigisarlugit. Suliaq assortuuffiuvoq assullu unittooqattaarfiusarluni. Inaarutaasumik ataatsimiinneq (INC-5) 2024-mi naammas-

sineqartussaagaluaq, suli naammassineqanngilaq, aallarteqqinnerillu maannamut pingasuupput. Aallarteqqinnermi kingullermi (INC-5.3) Siulittaasumik nutaamik qinersisoqarpoq Genevemi Schweizimi februar 2026-mi ingerlanneqartumik. Aallarteqqinneq tulleq (INC-5.4) 2027-mi pissasoq ilimanarpoq.

ATAATSIMIINNERIT AAQQISSUUSSINERILLU NAJUUFFIGINEQARTUT

November 2022 INC-1

Punta Del Este, Uruguay

Maj 2023 INC-2 Paris, Frankrig

November 2023 INC-3 Nairobi, Kenya

April 2024 INC-4 Ottawa, Canada

November 2024 INC- 5.1

August 2025 INC- 5.2

Februar 2026 INC 5.3

Inuit Issittormiut Uumasut pillugit Ataatsimiititaliaat

Busan, Korea Kujalleq

Geneve, Schweiz

Geneve, Schweiz

Inuit Issittormiut Uumasut pillugit Ataatsimiititaliaat (CIWC) 2017-mi Uumasunik Aqutsineq pillugu ICC-ip ataatsimeersuartitsinerani aallartitanit pilersinneqarpoq taavalu 2018-mi ICC-p Nalunaarutaani uppernarsarneqarpoq uumasunut tunngasunik, pisinnaatitaaffiinnut, pisariaqartitanut, suleriaatsinut, kulturimut tunngasutigut Inuit isiginnittaasiinik aammalu Inuit inuussutissaqarniarnerisa pingaassusiannut, inuussutissaqarniarnermut, kiisalu inuussutissaqarnikkut oqartussaanermut tunngasunik suliaqassasoq. Nunat tamalaat akornanni suliaqarfinni ataqatigiissuni attavissarsiortussatut kiisalu CIWC-ip suliaanik tapersersuisut oqallittarfiinut attavissarsiornissamik pisussaaffilerneqarpoq.

ICC-imi sulisut taarseraannerat kiisalu nualluussuup ajornartorsiortitsinera pissutigalugu CIWC 2020-2022-mi ataatsimiinngilaq. 2023-mi aallartisaqqinneqarpoq, taavalu ilaasortaasut uppernarsarnissaat kiisalu ilaasortanut attaveqarnerup pilerseqqinneqarnissaa suliani pingaarnerpaasimallutik.

2024-miit ICC Canada kiisalu ICC Alaska CIWC-mut tunngasunik sulialinni sulisoqarnikkut aqutsisoqartitsisimapput.

2024-mi CIWC attaveqaatit atorlugit marloriarluni ataatsimiittarpoq. Ataatsimiinnerit taakku ingerlaneranni Sulinermi Najoqqutassanut Missingiut aammalu Nunat marlukkaarlutik arlalikkaarlutillu isumaqatigiissutaat, nalunaarutaat, suleqatigiiiffiit suleriaasiilu assigiinngitsut Inunnut Issittormiunut Soqutiginaatillit misissorneqarput, taavalu Sulinermi Najoqqutassanut Missingiutip naammassingajavinneqarluni.

2025-miit April 2026-imut ataatsimiittoqarsimanngilaq. Ataatsimiittoqannginnera ilaasortaqarnikkut allannguutinik, ilaasortat nutaat uppernarsartinniarneqarneranni immikkoortortani piffissaq sulinermut atukkamik, ilaasortat suliffitsik pissutigalugu ataatsimiinnissamut piffissaqarluannginnerannik, kiisalu nutserisoqarnissamut aningaasanik amigaateqarnermik pissuteqarpoq.

CIWC-mut ilaasortaq nutaaq ICC Alaskameersoq toqqarneqarpoq, Nicole Wojciechowskilu Taqulik Hepap 2025-mi soraarninngornerata kingorna toqqarneqarluni. Taquliip CIWC-mi siulersuineranut tunniussaqarneranullu assorujussuaq qujavugut, aamma Uumasut pillugit ICC-ip Ataatsimeersuartitsineranut peqataanera pillugu, taavalu CIWC-imiugallartumi CIWC-milu sullissinera pillugu. Nicole suliamut tassunga tikilluaqquarput; taanna siusinnerusukkut ICC Uumasunik Aqutsineq pillugu Ataatsimeersuartitsinerani ICC Alaska sinnerlugu peqataavoq. Ataatsimeersuarnerup kingornattaaq Kalaallit Nunaannit nutaamik ilaasortaqalissaaq, Pele Blytmannip Nikkulaat Jeremiassen taarsissammagu. Pele Blytmannip CIWC-mut tikilluaqqunissaanut qilanaarpugut taavalu Nikkulaat Jerimiassen piffissamik atuisimaneranut sulineranullu qutsavigaarput.

Peqqissuseq atugarissaarnerlu

Inuit Issittormiut Peqqissuseq pillugu Aqutsisoqatigiivisa Nalunaarusiaat 2022 aamma 2026-ip akornanni Inuit Issittormiut Peqqissuseq pillugu Aqutsisoqatigiivi (CIHSC) pilersaarusiorluarneq, nunat tamalaat akornanni isumaqatigiissusiortarnerit, nunallu imminnut qanitariit suleqatigiinnerat aqqutigalugu Inuit Nunaanni tamarmi Inuit peqqinnerulernissaannik atugarissaarnerulernissaannillu sulinermi siuttuulluassusermik takutitsipput. Angusat pingaarutillit ilaatigut tassaapput ICC-ip Peqqissuseq pillugu Periusissiorfiusumik Pilersaarusiaa 2023-imeersoq, oqalliffinni pingaarutilinni peqataaneri soorlu Issittumi Peqqissuseq pillugu Nunat tamalaat 18-issaannik Ataatsimeersuarnerat (2024), kiisalu Issittup Inoqqaavisa Peqqissusiat pillugu Qaffasissumik Oqallinnermut peqataaneq kiisalu Saamit Inuillu Najugaanni Suiaassusermik Aallaaveqarluni Peqarniilliortarneq pillugu Nunat Avannarliit Attaveqatigiiffianni peqataaneq. Ataatsimiititaliaq aammattaaq aaqqissuussani ilisimasanik avitseqatigiiffiusuni peqataalluartarpoq, soorlu Imminortarnermik Pinaveersaartitsineq pillugu Alaskami Ataatsimeersuarneq (2024), tarnikkut peqqissuseq inuusuttullu nukissaqassusiat pillugu Inuit suleriaasiinik saqqumiiviusoq, taavalu Inuit Arnartaasa Ataatsimeersuarnerat (2024), suiaassuseq peqqissuserlu pillugit suliniarnermik suleqatigiinnermillu nukittorsaaviusoq. ICC Canada CIHSC-mi sulisussaqartitsisuuvoq.

CIHSC-ip suliaani qitiujuartoq tassaavoq peqqissuseq pillugu suliniutini Inuit siuttuussasoq kulturilu aallaavigineqassasoq, tarnikkut peqqissuseq, suiaassutsikkut naligiisitsineq kiisalu inoqarfiit siuttuutillugit aaqqiissusiortarnissaq assut pingaartinneqassallutik. Inuit ilisimanneriaasiisa qaffassartuarnissaannik ataatsimiititaliaq ilungersuuteqartuartarpoq, ataatsimuussusermik kajumissaarisarluni, taavalu isummanik tapersersuineq suleqateqarnerlu aqqutigalugit politikkikkut sunniuteqarniartarluni. Sammisat imartuut, soorlu imminut toquttarnermik pitsaaliuneq, sakkortuuliornerit suiaassusermik aallaavillit, kiisalu peqqinnissaqarfimmi aaqqissugaasumik assigiingisitsinerit ataatsimut isiginnittaaseqarluni suleqaatigiillunilu peqqissutsimik pitsanngorsaaniarnermut ersiutaapput, tamatumalu peqatigisaanik Inuit peqqissutsimut tunngasutigut aqutsinerat nukittorsarneqarpoq.

Suli pitsanngorsagassaqarpoq, soorlu naligiimmik peqataaniarnermi aporfinnik saqqummiinerit eqqarsaatigalugit. Peqqissuseq pillugu Pilersaarut Periusissiorfiusoq pingaarutilimmik alloriaataagaluartoq taamaattoq timitalersornissaa aningaasalersuinerup aalaakaannginnerannit aporfilersugaavoq, kiisalu CIHSC-mi namminermi aaqqissugaaneq aamma aporfiliisuulluni. Ataatsimiititaliamut ilaasortat namminneq kajumissutsiminnik sulipput imaluunniit suleqatigiiffinnut allanut attuumassuteqarnikkut suleqataallutik, taakkulu suliniutit siuarsarnissaannut pisinnaassutsip attatiinnarnissaanut aporfiliisuusarput.

Tamatumalu saniatigut ilaasortat ilaasortat suliniaqatigiiffinnit attaveqatigiiffinnillu allanit piserineqartarput, utimullu nalunaaruteqartarnissamik massakkut aalaakaasumik periuseqartoqanngilaq. Siulittaasuutitaqarnerup Canadamut ikaarsaarnerani ilaasortanillu nutaanik toqqaasoqarnerani suliat siumut ingerlaannartinniarneqarneranni ataatsimiititaliallu ungasinnerusumi annerpaamik sunniuteqartinniarneqarnerani pisariaqavisussat tassaapput nalunaaruteqartarnerit erseqqinnerusut, ataqatigiissaarinermik nukittorsaaneq, suleqatigiinnermi attaveqaasersuutit pitsaanerusut.

ATAATSIMIINNERIT

AAQQISSUUSSINERILLU NAJUUFFIGINEQARTUT (Qaammat) (Ukioq) (Ataatsimiinnerup aqqa) (Illoqarfik, nuna)

September 2022 Nunamed Conference Nuuk, Kalaallit Nunaat

September 2022 Inuit Issittormiut Peqqissuseq pillugu Aqutsisoqatigiivisa ataatsimiinnerat Nuuk, Kalaallit Nunaat

Februar 2023 WHO-p Nunat inoqqaavi peqqissuserlu pillugit tusarniaaneraa (Attaveqaatitigut)

Juli 2023 WHO-mi Silap allanngoriartorenra aammalu Nunat inoqqaavisa peqqissusiat atugarissaarnerallu pillugu Immikkut ilisimasallit ataatsimiinnerat (Attaveqaatitigut)

Februar 2024 One Health Conference Iqaluit, Canada

Maj 2024 Alaskami Imminornermik pinaveersaartitsineq pillugu Ataatsimeersuarneq Anchorage, USA

November 2024 Issittumi peqqissuseq pillugu Nunat tamalaat 18-issaannik ataatsimeersuarnerat Halifax, Canada

November 2024 Inuit Issittormiut Peqqissuseq pillugu Aqutsisoqatigiivisa ataatsimiinnerat Halifax, Canada

September 2025 WHO-p Silap pissusia Peqqissuserlu pillugit Europami tamarmi ataatsimiititaliaata pingajussaanik tusarniaanera (Attaveqaatitigut)

Peqqissuseq Atugarissaarnerlu pillugit ICC-ip Attaveqaatit atorlugit Oqalugiartitsisarneri ICC Canada attaveqaatit atorlugit oqalugiartitsinernik arfinilinnik ingerlatsisuusarpoq. Suliniutikkut tassuuna siunertaavoq suliniutit sullissinerillu ilaqutariit Inuit peqqissusiinut atugarissaarnerinullu iluaqutaasut saqqumilaartinneqassasut; Inuit peqqissaasutut suliallit inoqarfiillu akornanni ilisimasanik tunioraaqatigiittoqassasoq; sullissinerit assigiinngissitaartut tamakkiisut kulturimillu aallaavilinnik ineriartortitsineq tapersersorneqassasoq; taavalu ikiuinerit Inuit pingaartitaannik atugaannillu aallaavilligt naligiisitsiviusut ataqatigiissullu ineriartortinneqarneranni aalajangiisartut sullissisullu najoqqutassiussallugit. ICC Inummik Kalaallit Nunaanneersumik oqalugiartitsinerni tamani oqallitsitsisoqartitsisarpoq, sapaatillu akunneri tamaasa Canadamit, Alaskamit kiisalu Kalaallit Nunaannit oqalugiartitsisarluni. Oqalugiartitsinerni oqalutseqartarmata oqalugiaatit Inuktitut, tuluttut kalaallisullu tusarnaarneqarsinnaasarput.

ICC-ip aaqqissuussisarneri suliniutaalu

ICC-ip aaqqissuussineri amerlasuut qinigaaffimmi 2022-miit 2026-mut ICC-ip immikkoortortaanit suleqatigiivinillu ingerlanneqartartut siuliani allaaserisatigut nalunaarusiortiterneqarput. Immikkoortuni tulliuttuni ICC-imit aaqqissukkat pingaarnerit kiisalu Inuit Inuusuttaannut Suliniutit nalunaarusiorneqassapput..

Inuit Inuusuttaannik Peqataatitsinermut Suliniut 2024 – 2026 2024-mi ICC ilinniartitsinermi atortussiorpoq kiisalu attaveqaatitigut suleqatigiiffiliorluni Inuit Inuusuttaannik Peqataatitsinermut Suliniutip ingerlanerani atugassamik. ICC inuusuttunut 21 aamma 35 akornanni ukiulinnik suliniummut ilaasussanik qinnuteqartitsivoq. Inuusuttut 179-it Kalaallit Nunaannit, Canadamit Alaskamiillut pisut suliniummut peqataajumallutik qinnuteqarput, suliniullu taanna suliniarfissani pingasuusuni inuusuttunik qulinik najuullutik peqataasussanik inissaqartitsivoq, taavalu inuusuttut marluk Chuktokamiit attaveqaatit atorlugit peqataasassallutik.

Inuit Inuusuttaannik Peqataatitsinissamik Suliniutip (IYEP) aallaavia ICC-ip Nalunaarutaani kingullerni marlunni ippoq. 2018-mi Utqiagvimmit Nalunaarutikkut “ICC-ip suliaani tamani Inuit inuusuttaasa avitseqataanissaanik tamakkiisumillu

peqataanisaannut Inuit Inuusuttaasa Suliniaqatigiiffiinik tapersersuinissamut kajumissaarinissamullu” ICC piginnaatinneqarpoq. Tassunga qisuariaatitut ICC Siuttunngortussanut Suliniummik aallarniivoq, tassuunalu qulequttani pingaarutilinni qassiini ICC-ip malinnaatitaqarluni ilitsersuisoqartitsisarnera iluatsilluarpoq, soorlu Issittumi Siunnersuisoqatigiinni ICC-ip sulinerani. 2022-mi ICC-p Ilulissanit Nalunaarutaatigut ICC-ip siuttuisa kiisalu inuusuttut taavalu inuit ICC-ip sulineranut peqataarusuttut ataqatigiisinneqarnerisigut inuusuttut peqataanerannik nukittorsaanissamut ICC pisussaaffilerneqarpoq. Minnerunngitsumillu, Siuttunngortussanut Suliniummi inassuteqaatinik suliniutinillu allanik piviusunngortitsinissamut ICC imminut pisussaatippoq, tamatumuunakkut suni suliatsinnik ilusiliisuusuni ataasiussuseq, nammaqatigiiinnerlu qularnaarumallugit, aammalu inuusuttatta politikkikkut siunertanut atornerlunneqarnissaanik pinaveersaartitsinissaq siunertaralugu.

Inuit Inuusuttaannik Akuutitsinissamik Suliniut Siuttunngortussat pillugit inassuteqaammik aallaaveqarpoq, tassungalu ilanngullugu ICC pillugu paasisutissartalinnik ilinniartitsinermi atortussusiortoqarpoq taavalu inuusuttullu ICC taassumalu suliai pillugit paasisaqarnissaannut atortussiortoqarluni. Inassuteqaatitiguttaaq piaaraluni Inuit inuusuttaat ikaarsaartut imaluunniit qaffasinnerusumik ilinniagallit peqatiserineqarput taavalu sungiusaanikkut ineriartortitisnikkullu atorfimminni qaffassarnissaat tapersersorneqarluni.

2024-2026-mi Inuit Inuusuttaannik Akuutitsinermi Suliniummi Siuttunngortussanik Suliniummi periaaserineqarsimasoq malinneqarpoq, tamatumalu peqatigisaanik paasissutissat, ilinniartitsinermi sammisassat, najuullunilu suliamik misiliinerit annertusineqarput, taannalu ICC-ip nunat tamalaat akornanni inuusuttunik sungiusaanerani toqqammaviulerpoq. Peqataasut, Alaskamit pingasut, Canadamit pingasut, Kalaallit Nunaannit sisamat kiisalu Chukoktamiit marluk, inuusuttuupput suliffillit (21-35-inik ukiullit), nunaminni siuttutut ingerlareersut atorfeqareersullu. ICC ilinniartitsinernik sisamanik ingerlassaqarpoq, tassuunalu ICC-ip Nunat inoqqaavisa suliniaqatigiiffiattut nunat tamalaat akornanni sulineranut peqataasut ilisaritinneqarput. Taava nunat tamalaat akornanni suliat suut malinnaaffigiumanerlugit peqataasut toqqaapput taavalu suliutip sinnerani taakkunani malinnaassallutik - UNFCCC aammalu CBD-mi COP-it, Naalagaaffiit Peqatigiit ataatsimiinneri allat, Issittumi Siunnersuisoqatigiit, kiisalu EU-p Issittumut Suliniutai Nunat Inoqqaavinut Attaveqarneri assorsuaq soqutigineqarput.

Inuit Inuusuttaannik Akuutitsinermut Suliniummi peqataasut aqqaneq-marluk akornanni marluk 2025-ip ingerlanerani ataatsimiittarnerni Issittumi Siunnersuisoqatigiinnut attuumassuteqartuni assigiinngitsuni attaveqaatit atorlugit peqataasarput, marluk 2025-mi aammalu 2026-mi Naalagaaffiit Peqatigiinni Nunat Inoqqaavi pillugit Oqallittarfiup Ataavartup ataatsimiittarnerini ICC-ip aallartitaanut peqataasarlutik, marluk Nunat inoqqaavisa pisinnaatitaaffii pillugit Naalagaaffiit Peqatigiinni Immikkut ilisimasallit suleqatigiisa 2025-mi ataatsimiinnerinut peqataasarput, ataaseq Plastikkinik mingutsitsineq pillugu isumaqatigiissusiornermut atatillugu Naalakkersuisut Isumaqatigiinniarnerini Ataatsimiititaliamut peqataavoq, ataaseq Issittup Imartaata Qiterpasissuani Aalisarneq pillugu Isumaqatigiissummut tunngasumik ataatsimiinnermut peqataavoq, ataaserlu Uumasut Assigiinngissitaartut Ikiliartunnginnissaat pillugu Isumaqatigiissutip ataani SB8j-1-ip pernaammik ataatsimiinneranut peqataalluni, ataaseq Silap pissusiata allanngoriartornera pillugu Naalagaaffiit Peqatigiit isumaqatigiissutaata ataani SB62-ip 2025-mi ataatsimiinneranut peqataalluni, ataaserlu februar 2026-mi Issittumi Siunnersuisoqatigiinni SAO-C/PP-ip ataatsimiinnerani ICC-ip aallartitaanut peqataalluni, ataaserlu Issittumi Siunnersuisoqatigiit ataanni Ajutoornernik pitsaaliuinermut, Upalungaarsimanermut Iliuuseqarnermullu Suleqatigiissitat ataani ICC-ip suliaqaqatigiisitsinerani najuulluni.

Inuit Inuusuttaannik Akuutsinermut Suliniummi ilinniartitsinermik ingerlatat attaveqaatikkullu suleqatigiiffik suliniutipi piareersarneqarnerani suliarineqarsimapput taavalu nalilersugassatut atoqqitassatullu ilusilersorneqarsimallutik. Taamaammat suliniutip aappassaannik ingerlateqqinnissaanik ICC aalajangersinnaavoq.

Inuit Inuusuttaasa Ataatsimeersuartinneqarnissaanik ICC-ip aaqqissueqquneqarnera Siuttunngortussat pillugit Inassuteqaammi 2022-imeersumi ilaavortaaq. Inuit Inuusuttaannik Ataatsimeersuartitsinissamut 2026-2030-imi qinigaaffiup aallartisimalernerani pisussamut ICC-ip Siulittaasoqarfia iluatsittumik aningaasannaniarsimavoq. Inuit Inuusuttaannik Akuutitsinermut Suliniummut peqataasimasut aqqaneq-marluk Inuit Inuusuttaannik Ataatsimeersuartitsinermi peqataanissaat ICC-ip Siulittaasoqarfianit inassutigineqarpoq.

ATAATSIMIINNERIT AAQQISSUUSSINERILLU INUIT INUUSUTTAANNUT SULINIUMMUT PEQATAASUT PEQATAAFFIGISAAT

Marts 2025 Inuit Inuusuttaannut Suliniummut peqataasut naapillutik ataatsimiinnerat Nuuk, Kalaallit Nunaat

Marts 2025 EPPR Arctic Emergency Management Conference Bådåddjo (Bodø), Norway

Maj 2025 Issittumi Siunnersuisoqatigiit 14-issaannik ataatsimiinnerat Attaveqaatitigut

April-Maj 2025 UNPFII-p 24-issaanik ataatsimiinnera

New York City, New York

Juni 2025 UNFCCC SB62 Bonn, Germany

Juni 2025 CAOFA COP 4 Romsa (Tromsø), Norway

Juli 2025 EMRIP Geneve, Schweiz

August 2025 Plastikkit pillugit Naalakkersuisut akornanni ataatsimiinneq 5.2 Geneve, Schweiz

Oktober 2025 CBD SB8j 1 Panama City, Panama

Februar 2026 Issittumi Siunnersuisoqatigiinni Oqartussat qaffasinnerit siulittaasuata / PP/Suleqatigiissitat ataatsimiinnerat Romsa (Tromsø), Norway

April 2026 UNPFII-p 25-issaannik ataatsimiinnera

New York City, New York

Aallartitat ataatsimiinnerat – Juli 2023 2022-mi Inuit Issittormiut Siunnersuisoqatigiiffiata Ataatsimeersuarnera Inuit Nunaannit aallartitat naapitinngikkaluarlugit ingerlanneqarpoq. Aallartitat 66-iusut tamarmik attaveqaatit atorlugit peqataapput. Ataatsimeersuarnermi aallartitat akerliusortaqaratik 2022-mi ICC-ip Ataatsimeersuarnerminit Nalunaarutaa akuersissutigaat, kingorna ICC-ip 2022-mi Ilulissaniit Nalunaarutaanik taaguuteqalersoq.

2022-mi ICC-ip Nalunaarutaatigut juli 2023-mi Kalaallit Nunaanni Ilulissani Aallartitat tikillutik Ataatsimiinnissaannut ICC piginnaatinneqarpoq tassuuna “ICC-ip sulinerata ingerlanera isummersorfigiumallugu, pisut kingulliit maluginiarumallugit, ICC-ip suliassatut pilersaarutai suli inerisaqqikkumallugit, aamma Ilulissanit Nalunaarut ilanngullugu, kiisalu ataasiussuserput kulturerpullu nalliuttorsiutigiumallugit.” 2022-mi Nalunaarutikkuttaaq oqaatigineqarpoq 2022-miit 2026-imut qinigaaffimmi ICC-ip suliamini salliutitassai tassaassasut: Aqutsilluarneq, Isumannaallisaaneq Inuillu Nunaat, Peqqissuseq Atugarissaarnerlu, Oqaatsit Kulturilu, Piniarneq Inuussutissaqarniarnerlu, Issittup Imartaa kiisalu Imaani Avatangiisit, kiisalu Inuiaqatigiinnut Iluaqusersuutit Amigaataanerat.

Piginnaatitsissutit suliassallu pingaarutitassat suussusii eqqarsaatigalugit ICC-ip Siulersuisuunerit aalajangerput pingaarnerutitat tallimat tulliuttut Aallartitat Ataatsimiinneranni oqaluuserineqassasut: Imartanik Aqutsineq, ICC-ip Aqutsisoqarnerata Aaqqissugaanera, Nunat Inoqqaavisa Oqaasiinut Ukiorititat Qulit, Piniarneq Inuussutissaqarniarnerlu kiisalu Inuiaqatigiinnut Iluaqusersuutit Amigaataanerat.

Aallartitat Ataatsimiinnerat ulluni pingasuni ingerlanneqartussanngorlugu pilersaarusiorneqarpoq, qulequtakkaartumillu isummersoqatigiisitsinerit aaqqissorneqartassallutik taavalu aallartitat qulequttanik pingaarnerutitanik oqaluuserinnissallutik taavalu 2022-mi ICC-ip Nalunaarutaanik timitaliiniarnissamut sammivimmik tikkuussissallutik. Isummersoqatigiisitsinerit tamarmik inernilerneqassapput (a) pineqartumi ICC-ip sulinerata killiffianik saqqummiussinermik, (b) 2022-mi Nalunaarutip qanoq timitalersorneqarnissaa pillugu oqallinnermik, kiisalu (c) siulittaasuutitaqarnerup tulliata tungaanut kingornanullu suliat qanoq ingerlanneqarnissaannik. Sila pissutigalugu timmisartut kinguaattoornerisa malitsigisaanik Aallartitat Ataatsimiinnerat ullormik ataatsimik kinguaattoorfiuvoq, Inuiaqatigiinnullu Iluaqusersuutit pillugit isummersoqatigiinnissaq taammaatiinnarneqarpoq.

ICC-ip Ataatsimeersuarnerini ileqqussaartutut ataatsimiiffik nerrivilersorneqarsimavoq nigalinngukkanik, taamalu immikkoortortaniit aallartitat imminnut isigalutik katersuussinnaassallutik. 1992-miit pernaataasumik ICC Chukotkap aallartitai takkullutik peqataasinnaasimanngippat attaveqaatillu atorlugit ataatsimeeqataaginnartariaqarlutik. Tapersersuineq takutikkumallugu issiaviit inoqanngitsut aqqinik allaffiusimasut inissinneqarput.

Aallartitat Ataatsimiinnerannit imaqarniliaq sukumiisoq suliarineqarpoq, oqaloqatigiinnerit paaseqatigiinniarnerillu ersersinneqarlutik. Aallartitat ataatsimiinnermi najuuttuusut ICC-ip 2022-mi Nalunaarutaanut tapersersuinertik pisussaaffimminnillu naammassinninnissamut tunniusimanertik uppernarsaqqippaat. Ileqquusoq malillugu nalunaarut taaguuserneqarporq 2022-mi Inuit Issittormiut Siunnersuisoqatigiiffiata Ilulissanit Nalunaarutaa (2022-mi ICC-ip Ilulissanit Nalunaarutaa).

ICC-imi siulittaasoqartitsisussat tulliuttut aningaasatigut, piginnaanngorsaanikkut, tunniussatigut, ammasumik illersuinikkut tapersorneqarnerisa pingaassusia immikkoortortanit tamanit erseqqissarneqarpoq, aamma oqariartuutitigut pingaarutilitsigut makkunatigut: sutigut tamatigut aqutsinermi Inuit ataatsimoorlutik peqataassapput; pisinnaatitaaffitsinnik sorsuutiginninnitsinni nipitsinillu tusartitsisarnitsinni nunat tamalaat akornanni suleqatigiiffinni sinniisuutitaqarneq timitalimmillu peqataaneq suli pingaaruteqarput; piginnaatitaanitsinnut naapertuuttumik ICC nunat tamalaat suleqatigiiffiini peqataasariaqarpoq; nunarsuarmi pisuni uatsinnut sunniuteqartuni najuuttariaqarpugut – najuutinngikkaangatta pingaaruteqassuserput millisartarparput; Naalagaaffinnit ataffigisatsinnik aalaasumik aningaasalersuineq suleqatigiiffinni Naalagaaffiit Peqatigiittut, Issitumi Siunnersuisoqatigiinnisut ittuni, kiisalu naalakkersuisutigut suleqatigiiffinni allani Inuit peqataaneranni pinngitsoorneqarsinnaanngilluinnarpoq.

ICC-ip aallartitaasa uppernaqqippaattaaq nunat tamalaat oqaloqatigiittarnerini isumaqatigiinniartarnerinilu ICC-ip inissisimanera assorsuaq pingaaruteqarmat, Inuimmi isumakuluutaat assigiipput, taavalu nunat tamalaat suleqatigiiffiini suliaannilu Nunat inoqqaavisa Ilisimasaasa allanut naligititaallutik aammalu ileqqorissaartumik atorneqarnissaannik ICC ilungersuuteqartuinnarnissaa oqaatigalugu. Aallartitanit oqaatigeqqinneqarpoq peqataanerit amerlaqisut suli amigaateqarmata, taavalu inuiaqativut inuusaaserpullu pillugit tusarliisarnissamut ilungersuuteqarnissamullu periarfissat killeqarmata.

Killeqarfiit akimorlutik suleqatigiinnermi oqariartuutinut pingaarnernut ilaapput ICC-ip naapilluni ataatsimiittarneri Inuit paasinnittaatsitsinnik isummiussatsinnilu aveqateqatigiittarnitsinni ineriartortitsinitsinnilu pingaaruteqarmata, imminut naalliuutillu kinguaariinni ingerlaartut ajornartorsiutinit isummersoqatigiisitsinerni eqqartukkanit annertunerulersinneqartartut isumakuluutini pingaaruteqarmata.

ICC-ip 2022-mi Nalunaarutaani suliassanngortitaasunik piviusunngortitsinissaq pillugu naapilluni oqallinnissamut Aallartitat Ataatsimiinnerat Aallartitanut periarfissaavoq pingaarutilik. Inuit naapinnissaminnut, attaveqatigiilernissaminnut periarfissaqarnerat, aammalu suliaminnillu ingerlatitseqqissinnaanerat naapilluta katersuuttarnitsinni qangali pingaaruteqarsimavoq.

2023 Issittormiut Ataatsimeersuarnerat – Juli 2023

Ass.: Inuit Circumpolar Council

1973-mi novembarip ulluisa 22-ianniit 25-iannut aallartitat 40-it, Canadap Issittortaani, Kalaallit Nunaanni, Finlandimi, Norgemi Sverigemilu Nunat inoqqaavisa suliniaqatigiiffiinit 21-init sinniisuusut Issittormiut Ataatsimeersuarneranni siullermi Københavnimi ingerlanneqartumik katersuupput. Ataatsimeersuarnermi pernaataasumi iluatsilluartumilu “paaseqatigiinneq aammalu inuiaat peqataatitaqartut ajornartorsiutaannik aarleqquteqarneq ersersinneqarput.”

1973-imiit Issittup Inoqqaavi suliniaqatigiiffimminnik sinniisuutitaqarfimminnillu ineriartortitseqqissimapput, taavalu nunat tamalaat suleqatigiiffiinik ineriartortitsinermut annertuumik peqataasimallutik, soorlu Issittumi Siunnersuisoqatigiinni aammalu Naalagaaffiit Peqatigiit Nunat inoqqaavinut suliaqarfiini. Ukiut 50-it kingulliit ingerlaneranni Nunat Inoqqaavisa pisinnaatitaaffii uppernarsarneqartarsimapput, soorlu Angerfigeqatigiissummi ILO 169-mi kiisalu Nunat inoqqaavisa pisinnaatitaaffii pillugit Naalagaaffiit Peqatigiit Nalunaarutaanni. Naalagaaffiit akornanni oqaloqatiginnittarnerit aqqutigalugit Issittup Inoqqaavi Nunat Inoqqaavisa politikkikkut akuerineqarnissaannik nunat tamalaat ineriartortitsinerannut suleqataajuarsimapput.

2023-mi ICC-ip Saamit Siunnersuisoqatigiiffiannik peqateqarluni Issittormiut Ataatsimeersuarnerannit ukiunik 50-inngortorsiorluni nalliuttorsiorneq aaqqissuuppaa. 2023-mi Issittormiut Ataatsimeersuarneranni Nunat inoqqaavi Issittumi Siunnersuisoqatigiinni ataavartumik peqataatitaqartut arfiniliusut ilaat tallimat peqataapput ukiullu kingulliit 50-it ineriartorsimanermik naliliillutik. Ataatsimeersuarnermit oqaaseqaat suliarineqarpoq, Inuit Issittullu Inoqqaavisa allat angusaat nuannaarutigineqarlutik, kiisalu atugarissaarnissamut pisinnaatitaaffik, nunanut, imartanut pinngortitallu pisuussutaanut pisinnaatitaaffiit, Issittup Inoqqaavisa imaani avatangiisinut atanerat, silap pissusiata allanngornerata nunasiaataanerullu sunniutaat oqaaseqarfigineqarlutik. Aallartitanit 40-iusunit 15-it inuusuttuupput. Inuusuttut aallartitaat Issittormiut Ataatsimeersuarnerata ingerlanerani aaqqissuussaqarput ataatsimut oqaaseqaammut annertuumik tunniussaqarlutik.

2023-mi Issittormiut Ataatsimeersuarnerata kingorna, ICC, Saamit Siunnersuisoqatigiiffiat, taavalu Nunat Inoqqaavinut Tunngasunik Nunat tamalaat Suleqatigiissitaat (IWGIA), suleqatigiiffik 1973-mi Issittormiut Ataatsimeersuarnerannik siullermik tapersersuisuusoq, tamanit pissarsiarineqarsinnaasumik aaqqissueqatigiiipput taasamik: Empowering Arctic Indigenous Peoples: Celebrating 50 years of Indigenous Diplomacy. (Issittup inoqqaavinik nukissaqalersitsineq: Nunat inoqqaavisa naalagaaffiit akornanni ukiuni 50-ini sulinerannik naalliuttorsiutiginninneq).

Inuit Arnartaasa Ataatsimeersuarnerat – Oktober 2025

Inuit Arnartaasa Ataatsimeersuarnerat pernaaterpiaasoq 2025-mi oktobari 27-29-ianni Sisimiuni ingerlanneqartoq, pisuuvoq immikkut ittoq Inuit Issittormiut Siunnersuisoqatigiiffiannit aaqqissugaasoq. Katersuunnermi oqaluttuarisaanikkut pingaarutilimmi aallartitat Inuit Nunaanneersut 42-it – Alaskamit, Canadami Inuit Nunangannit, kiisalu Kalaallit Nunaannit pisut katersuutsinneqarput. Suliniaqatigiiffinnit suleqatigisanit nunaqqatigiinnillu aalaatsinaattunit qulinit ilaaffigineqarput, kiisalu Chukotkamiit immikkoortut ilaanni attaveqaatit atorlugit peqataaffigineqarlutik, taamalu issittumit tamarmit peqataaffigineqartumik oqallinneq pilersinneqarpoq.

Siulittaasup Suliniutaatut isumassarsiaalluni Ataatsimeersuarneq 2022-mi Ilulissanit Nalunaarutikkut piginnaatitsissutaasunik qassiinik tunngaveqarpoq, soorlu sakkortuuliornerit suiaassusermik aallaavillit qanoq iliuuseqarfigineqarnissaannik peqqussummi, suliat Meeqqat pisinnaatitaaffii pillugit Naalagaaffiit Peqatigiit Isumaqatigiissutaannut naapertuunnissaannik qularnaarinissaq kiisalu Nunat inoqqaavisa periarfeerunneqartarnerat inuartarineqartarnerat pillugu aammalu nunasiaataanerup sunniutai ingerlasut pillguit qanoq iluuseqarnissaq pillugu politikkeqalernissamik anguniagaqaqqusineq. ICC-it 2022-mi Ilulissanit Nalunaarutaani Inuit najugaqarfiini peqqissuseq atugarissaarnerlu eqqarsaatigalugit periaatsit pitsaanerpaanik nassaarniarnerup pisariaqarnera aammalu Inuit aaqqissugaanikkut immikkoortinneqartarnerannik ilisimasaqarfiusuni tamatuminnga akiuinissamut iliuuseqarnissaq erseqqissarneqarpoq. Taamalu suliassiissut taanna ataatsimoorussamik timitalerniarlugu Inuit Nunaannit allaniillu siuttut sorsuuteqartullu Ataatsimeersuarnermi katersuutsinneqarput.

Ataatsimeersuarnermi siunertaq pingaarneq tassaasimavoq suleqatigiinneq aallarnisassallugu tigussaassunillu angusaqassalluni. Siunertat makku anguniarneqarput:

• Inuit Nunaanni tamarmi Inuit arnartaasa ajornartorsiutaanni, pingaartitaanni suliniutaannilu assigiissutaasut assigiinngissutaasullu pillugit sukumiinerusumik paasisaqassalluni.

• Suliniuteqartut, ikiuisartut siuttullu akornanni attaveqatigiinneq suleqatigiinnerlu annerusut.

• Inuit Nunaanni tamarmi Issittumilu naalakkersuisunut aalajangiisartunullu inassuteqaatit aalajangersimasut.

• Nunat tamalaat suleqatigiiffiini suliniarnermut oqariartuutit inassuteqaatillu, suliniaqatigiiffiit tamalaanit peqataaffigineqartut sammineqarnerullutik, soorlu Naalagaaffiit Peqatigiit kiisalu Issittumi Siunnersuisoqatigiiit.

Anguniakkat taakku tunngavigalugit aallartitat Ataatsimeersuarnerup ingerlanerani Inuit Arnartaasa

Ataatsimeersuarnerannit Nalunaarummik suliaqarput

Ataatsimeersuarnerup avataani suliniarnermi sakkussatut atugassamik. Ilanngulluguttaaq Inuit Arnartaasa

Ataatsimeersuarnerannit nalunaarusiaq suliarineqarpoq, tassuunau oqallinnerit pingaarutillit, ilisimasat aveqatigiissutigineqartut, katersuunnermit tassannga inassuteqaatit suliassartallit sukumiinerusumik takussutissiorneqarput. Allakkiaq taanna suliniuteqartunut, naalakkersuisunut, aalajangiisartunut, inuiaqatigiinni sinniisuuffeqarlutik suliaqartunut, atortussatut pingaarutilittut naatsorsuutigineqarpoq, tassuunalu pingaartitat aaqqiissutissallu suussusii Inuit arnartaannit namminernit erseqqissumik nalunaarsorneqarput takussutissiorneqarlutillu allannguinermut timitalimmut tikkuussisuusunik.

Aalajangersagaq 4 pillugu Suleqatigiissitat nalunaarutaat

Inuit Issittormiut Siunnersuisoqatigiiffiata 2022-mi Ataatsimeersuarnerani ICC-ip 2022-mi Ilulissanit Nalunaarutaani aalajangersagaq tulliuttoq akuersissutigineqarpoq:

“ICC peqquneqarpoq suleqatigiissitaliornikkut aqutseriaatsiminik nalilersueqqissasoq ICC-p suliai pillugit ammanerusumik ingerlatsinissaq, akuutitsinerunissaq akutitsinerunissarlu, aammalu naggueqatigiit Inuit pingaartitaat pillugit angusaqarnerusinnaaneq siunertaralugit.”

aalajangersagaq taanna piviusunngortinniarlugu aalaakaasumik sulisimapput. Qinigaaffiup ukiuani kingullermi Suleqatigiissitat sulipput ICC-p pillugu Isumaqatigiissutip Malittarisassallu allanngortittariaqarsinnaanerat pillugu inassuteqaasiorlutik. Inassuteqaatit taakku immikkoortillugit saqqummiunneqassapput, nalunaarusiamili tassani saqqummiunneqassapput Ataatsimeersuarnermi peqqussutigineqartunut qisuariaatitu suut suliarineqarsimanersut kiisalu suleriaatsini suut allanngortinneqarsimanersut. ICC 2022-imi Ataatsimeersuarnerani ICC-p Siulersuisuuneri peqquneqarput “akornatsinni avammallu attaveqarnerit pitsanngorsarnerat nangeqqullugu, angusaqarfiusumik suleqatigiittuarnikkut kiisalu Circumpolar Waves podcast nangeqqullugu” kiisalu “ICC-p 2018-imi periusissiatut aalajangiussaaa siulleq pitsanngorsaqqullugu, nunat tamalaat akornanni maannakkut periarfissat nalilersornerisigut, sunniiniarnitsinni amigaataasut suussuserseqqullugit kiisalu periusissiamik ataatsimoorfiusumik suleqatigiiffiusumillu ineriartortitseqqullugit. Taavalu, 2022-mi ICC-ip Ilulissaniit Nalunaarutaatigut ICC-ip siulersuisuuneri peqquneqarput “(Nalliuttorsiutigalugu) siuttussatut piukkussat tassaasoq inuusuttunik siuttussanik piukkunnarsaanermik imallip iluatsittumik ingerlanera, inuusuttut peqataanerulernerinik nassataqartoq inuusuttullu siuttooqataanissaannut iluitsutut inissittoq, sulinissami angusaqarfiulluartumillu toqqaannartumik suleqatigilernissaat aqqutissiunneqarmat,,” kiisalu “Siuttunngortussat inassuteqaataasa timitalernissaat, suliniutillu allat ataatsimoornermut, tapersersoqatigiinnermut, ataasiussutsimut pissutsinullu suliatsinnut ilusilersuisunut, inuusuttullu naalakkersuinikkut sakkugineqarnerannut ussernartorsiutit akerlilersussallugit, neriorsuutigalugu.”

Qinigaaffimmi 2022-2026-mi Siulersuunerit naapillutik ataatsimiissinnaasannginnerat malunnaateqarpoq. ICC Chukotka ICC-mi Siulersuisuunerit Ataatsimiinnerinut najuukkiartorlutik angalasarniaratik aalajangersimapput kiisalu ICC-ip immikkoortortai arlallit aningaasassaqarniarnikkut sulisussaqarniarnikkullu ajornartorsiuteqarsimapput, ataatsimiinnerit ilaat najuuffittut attaveqaatitigullu peqataaffittut aaqqissuunneqartarsimapput. Matuma kinguliani ICC-ip Siulittaasuata kiisalu ICC-p Siulersuisuunerisa suliniutaat ingerlataallu nalunaarusiorneqassapput ICC-illu 2026-mi Ataatsimeersuarnerani aallartitanut paasissutissiissutigineqassallutik.

Suleqateqarnermik, Ammassusermik Akuutitsinermillu pitsanngorsaaneq ICC-ip 2022-mi Ilulissaniit Nalunaarutaatigut ICC-ip Siulersuisuuneri peqquneqarput ICC-mi aqutseriaaseq nalilersoqqulluigu taavalu aqutseriaaseq annerusumik oqartussaaqataaffiusunngorlugu allanngortitaq pillugu inassuteqaasioqqullugit, attaveqarnermik pitsanngorsaaqqullugit, ammanerulersitseqqullugit aammalu sumiiffiit tamaasa eqqarsaatigalugit akuutitsiviunerulersitseqqullugit. ICC-ip ilumini aalajangisarnikkut aaqqissugaaneranik allannguiffiusussamik Siulersuisuunerit ICC pillugu Isumaqatigiissummi imaluunniit Malittarisassatigut allannguutissanik siunnersuuteqarsimanngillat. Taarsiullugu qinigaaffiup ingerlanerani ICC-ip immikkoortortaqarfiisa annerusumik peqataatinneqartalernissaat Siulersuisuunerit ulluinnarni suleriaatsiminnut ilanngunniarsimavaat.

ICC-p 2022-mi Ataatsimeersuarnerani suliassiissutigineqartoq malikkumallugu ICC-ip Siulersuisuunerisa politikkinik sunilluunniit suliaqarnialernerminni, allagaqaasiornialernerminni aammalu ataatsimiinnernik aaqqissuussinernillu piareersaanerminni ICC-ip 2022-mi Ilulissaniit Nalunaarutaa innersuussutigiuartarpaat najoqqutassarsiorfigisarlugulu.

Immikkoortortanit tamanit sapinngisamik annerpaamik peqataatitsinissaq anguniarlugu Siulersuisuunerit ukiumut marloriarlutik ataatsimiittussaanerisa akornisigut Siulittaasup Allaffianiit Siulersuisuunernut sianertarnerit aaqqissuunneqartarput. Siulersuisuunernut sianertarnerit amerlanertigut oqaluuserisanut aalajangersimasunut sammisarput, kiisalu nunat tamalaat akornanni ataatsimeeqataanissanut piareersarnermut atatillugu pisarlutik kiisalu isummernissat politikkissallu oqaluuserineqarnerini aamma.

Suliassani aalajangersimasuni isumaqatigiinniarnernilu isummiussanik allaaserinninniartoqartillugu ICC-ip isumaasa politikkiisalu ersarissuunissaat Siulersuisuunernit anguniarneqartarpoq, ICC-ip iluani aammalu Inuit Nunaanni erseqqissumik nalunaarutineqartarlutik kiisalu tusagassiorfinnut suleqatinullu avammut nalunaarutiginiarneqartarlutik.

2022-mi ICC Canada Toqqortaasivimmik pilersitsinissamut aningaasannappoq ICC-ip Inuit sinnerlugit pingaarutilimmik sulinerata oqaluttuassartaa pissarsiarineqarsinnaanngortikkumallugu. Toqqortaatitsinnik ajornannginnerusumik pissarsisinnaalernikkut suliassaqarfinni tamani sulinerput oqinnerulerpoq. Ukiuni 50-ini toqqortaatigilersimasat aaqqissornissaat pissarsiarineqarsinnaanngortinneqarnissaallu suli suliassarujussuuvoq, kisiannili suut toqqortaatigineqarnerinik nalunaarsuiffik, aammalu allaaserisat qarasaasiamut toqqortikkat amerlasoorujussuit, assit, videot kiisalu nipitut immiussat Toqqortaasiviup nittartagaani nassaassaapput: (https://iccc-archives.andornot.net/)

Attaveqarnermik pitsanngorsaaneq

ICC-ip 2022-mi Ataatsimeersuarnerani uppernarsaqqinneqarpoq “ICC-ip siunertarigaa Inoqatitta Issittumiittut ataasiunerat nukittorsassallugu aammalu pisinnaatitaaffitta soqutigisattalu Inuit Issittormiut sinnerlugit nunat tamalaat akornanni siuarsassallugit.” Inuit ataatsimoorlutik nipaattut ICC-ip Inuit Nunaanni tamarmi Inunnut kattuffiulluni nunat tamalaat akornanni suliniaqatigiiffiunini nukittoqqutigisarpaa, tamannalu tassaavoq sulinerput pillugu ICC avammut ersersikkumasartagaa. Aamma, ICC-p 2022-mi Ataatsimeersuarnerani ICC peqquneqarpoq “akornatsinni avammallu attaveqarnerit pitsanngorsarnerat nangeqqullugu, angusaqarfiusumik suleqatigiittuarnikkut.” Ammasumik sulineq siuarsarumallugu aammalu suliavut pillugit paasissutissanik siammaasarnissaq siunertaralugu kattuffiup iluani aammalu avammut attaveqartarnerup nukittorsarnissaanut ICC imminut pisussaaffilerpoq.

Taamaammat ICC-ip Siulersuisuuneri attaveqarneq pillugu allakkianik nutaanik marlunnik ICC-p immikkoortortaasa akornanni attaveqarnermi assiigiimmik periaaseqarnissamik najoqqutassiorfiusumik naammassisaqarniarlutik sulisimapput.

ICC-p Attaveqarnermut Malittaruagassatigut avammut kattuffiullu iluani attaveqarnermi najoqqutassat aalajangersarneqarput, atortut suut atorneqassanersut suleriaatsillu erseqqissut tunniunneqarlutik kiisalu tusagassiorfinnut nalunaaruteqarnermi attaveqarnermilu alloriarnerit suut atorneqassanersut ilitsersuusiorneqarlutik. Maleruagassatiguttaaq pisuni annertuuni inuillu attaveqatigiiffiinut attaveqarneq sammineqarpoq.

ICC-ip Ilisimarnaataa pillugu Najoqqutassiatigut ICC-ip ilisarnaataata atornissaanut sakkussat nutaat tunniunneqarput, aamma qalipaatit pingaarnerit pingaannginnerillu atornissaat, titartagartaliorneq allagartalersuinerlu eqqarsaatigalugit. Tassuuna oqaluttuarineqarpoq ICC inussiarnersumik nipeqassammat, ilisarnassammat, ataqqinnissammat aammalu ilisimasaqarpalussammat. Tamatuma saniatigut Siulersuisuunerit ‘uagut pilluta’ allaaserisamik nutaamik suliaqarput ICC-ip tusagassiorfinnut nalunaaruteqartarnerani assigiimmik atorneqartartussamik, kiisalu ‘ICC-p oqaluttuassartaa’ pillugu allaaserisaq nutaaq kiisalu ICC-p anguniagai, ICC-ip inuit attaveqatigiiffiini allanilu assigiiaamik atortagassai.

Allakkiat nutaat marluk ICC-ip siuttuinut allaffiinullu atortussatsialaapput kiisalu ICC-ip Inoqarfinnit tamanit ataqatigiinnerusumik attaveqarnissaanut tunngaviliisuullutik. Attaveqarnermi atortussat marluk taakku ICC-ip nittartagaani kattuffiup iluani avammullu atugassanngorlugit nassaassaapput.

Inerniliineq

2022-miit 2026-mut qinigaaffik naalermat ukiut sisamat qaangiuttut atorsimasavut kingumut qiviarpavut. Ukiuni taakkunani aporfiit amerlaqisut, Inuit Nunaanni ataasiuinitsinnik aseruisinnaasimagaluit suleqatigiinnermullu piumassusitsinnik aseruisinnaasimagaluit Inuusugut aqqusaarsimavavut. Pissaanilissuit aammaarlutik pissaaneqarniutilernerat takuarput, taavalu ukiut 50-ingajaat matuma siorna 1977-imi Inuit Issittormiut Siunnersuisoqatigiiffiata pilersinneqarnerata nalaanisulli killeqarfiit Inoqarfinnik avissaartitsisut pitarlugit angalasinnaatitaaneq angalarusunnerlu ilungersunartorsiorfiulersimapput. Taamaattorli ICC kiisalu Inuit nikallujaassuserminnik takutitsisimapput. Inuttut ataasiussuserput attatissallugu aalajangiusimavarput, attaveqatigiinnivut suliavullu uummarissartuarpavut, neriorsuut ICC pilersinneqarmat tunniussaasoq attattuartarput.

Taamaammat 2022-miit 2026-mut angusatsinnik takutitsissagutta ICC-p pingaarnertut suna ilisarnaatigisimaneraa paatsuugassaanngilaq: Naggueqatigiittut Inuttut ataatsimoortuartuuvugut. Peqatigiilluta aqqutit atorumasavut isummavullu allaganngorlugit saqqummiuttarpavut, ataatsimoorluta piareersarlutalu periussissiortarpugut, taavalu Siulersuisuunerit Inoqarfinnut tamavinnut sinniisuusut isumaqatigiillutik aalajangiisarnissaat anguniartuarsimavarput. Taamaalillutalu inuiattut ataasiusutut, Inuttut, nunarsuarmi suleqatigiiffinni aalajangiinernut peqataasinnaatitaanerput atortarsimavarput peqataasarsimallutalu.

Sulianik nalunaarusiami matumani oqaatigineqartutut Siulersuisuunerit maanna tunualersut ukiuni sisamani kingullerni nunat inoqqaamioriit nunallu tamalaat suleqatigiinnerini amerlaqisuni Inuit sunniuteqarnissaannik, suleqatigiinnissamik kajumissaarinissaannik pilersitsinissaannillu ilungersuuteqartarsimapput. Nalunaarusiap matuma inernilerneqarnerani makku immikkut isiginiagassaapput:

ICC-mit ilungersuutigaarput Issittumi Siunnersuisoqatigiinni suleqatigiinnerup naalagaaffiit arfineq-pingasut Issittumiittut ataavartumillu peqataasartut arfinillit peqataaffigisaanik ingerlaqqissasoq. Aqqummi persuanartulimmi ICC timitalimmik suleqataavoq, eqqisseqatigiinnerup, patajaassutsip suleqatigiinnerullu Issittumi suleqatigiinnermi qitiunissaanik ilungersuuteqarluni, aammalu nunarsuup avannaani najukkatsinni Issittumi Siunnersuisoqatigiit suleqatigiiffittut sallersaanissaannik piumasaqarluni.

Issittumi Nunat Inoqqaavisa akornannni suleqatigiinnermut, aamma Issittumi Siunnersuisoqatigiit pilersinneqarnerannut, tunngaviliisumik ataatsimeersuarnerit siullersaannit ukiut 50-inngornerannik malunnartitsilluni ICC Issittormiut Ataatsimeersuarnerannik eqqaaniutaasumik oqaluttuarisaanikkullu immikkoorutilimmik katersuutsitsivoq.

Imarsiorneq pillugu Suleqatigiiffissuarmi (IMO) Ataavartumik Tusarniaavigisartakkatut ICC inissippoq, nunarsuup avannaani najugarisatsinni imaatigut angallannerup aqunneqarnerani siumut isigaluni sunniuteqarnissamut Nunat Inoqqaavisa Suliniaqatigiiffiini siullersaalluni taama alloriaateqarluni.

Inuit Arnartaannik Ataatsimeersuartitsilluni Inuit arnartaasa niviarsiarartaasalu pisinnaatitaaffiisa nittarsaanneqarnissaannik illersorneqarnissaannillu ICC tikkuaavoq, taamaaliornerminilu sammisat ilungersunartut, soorlu inuiaqatigiit akornanni sakkortuuliortarneq nunasiaanerullu kingunipilui isiginiarneqalersippai, taavalu siunissamut aaqqitassanik tikkuartuivoq

Inuit Arnartaasa Ataatsimeersuarnerannit Nalunaarutikkut inassuteqaatini aqqutigalugit.

Minnerunngitsumillu, ICC Inuit nipaannik nunat tamalaat tusagassiorfiini katersuuffigisartagaannilu saqqummiussisartuuvoq, nunarsuullu immikkoortuata najukkatta, nunagisatta pisuussutittalu isiginiarneqarnerujussuinut qisuariaateqartarluni.

Inuit sumiluunniit najugaqaraluarunik imminnut tunngasunik aalajangiisinnaassuseqartitaanissaat malartitassaanata aalajangiusimavarput. Taamaaliornitsigut naalagaaffiit soqutigisaannit avissaartitaanissarput assortorsimavarput, imaluunniit nunagisatsinni eqqaanilu ineriartortitsinermut isiginnaartuuginnarumannginnerput ersersittarlugu.

ICC tassaajuarsinnarpoq Inuit nunat tamalaat akornanni suleqatigiiffiat siumut isigisoq – Inuit pisinnaatitaaffiinik suugalunik pingaartitsilluni nunat tamalaat akornanni suliniuteqarnissamut Inuit tamarmik sakkussarisaat.