Uhlelo lweNdlu yamaRekabi 2 AmaKhosi 10:15-28 15 Esesukile lapho, wahlangana noJehonadaba indodana kaRekabi eza ukumhlangabeza; wambingelela, wathi kuye: “Inhliziyo yakho ilungile yini, njengenhliziyo yami ilungile ngenhliziyo yakho na?” UJehonadaba waphendula wathi: “Injalo.” Uma kunjalo, nginike isandla sakho.” Wamnika isandla sakhe; wamkhwelisa enqoleni yakhe. 16 Wayesethi: “Hamba nami, ubone ukushisekela kwami uJehova.” Base bemkhwelisa enqoleni yakhe. 17 Esefikile eSamariya, wabulala bonke abaseleyo baka-Ahabi eSamariya, waze wamqeda, njengezwi likaJehova alikhuluma ku-Eliya. 18 UJehu wabutha bonke abantu, wathi kubo: “U-Ahabi wakhonza uBali kancane, kepha uJehu uyakumkhonza kakhulu.” 19 Ngalokho ngibizeleni bonke abaprofethi bakaBali, zonke izinceku zakhe, nabo bonke abapristi bakhe; makungabikho muntu oswele, ngokuba nginomhlatshelo omkhulu kuBali; noma ubani oswele akayikuphila.” Kepha uJehu wakwenza ngobuqili, ukuze abhubhise izinceku zikaBali. 20 UJehu wathi: “Bizani umhlangano wobukhosi kaBali.” Bawumemezela-ke. 21 UJehu wathumela ku-Israyeli wonke; bonke abakhonza uBali bafika, akwasala muntu ongafikanga. Bangena endlini kaBali; indlu kaBali yagcwala kusukela ekuqaleni kuze kube sekugcineni. 22 Wathi kumphathi wezingubo: “Letha izingubo kubo bonke abakhonza uBali.” Waletha izingubo kubo. 23 UJehu wangena noJehonadaba indodana kaRekabi endlini kaBali, wathi kubakhulekeli bakaBali: “Cingani, nibone ukuba kungabikho kini lapha noyedwa wezinceku zikaJehova, izinceku zikaBali kuphela.” 24 Sebengene ukunikela ngemihlatshelo neminikelo yokushiswa, uJehu wamisa amadoda angamashumi ayisishiyagalombili ngaphandle, wathi: “Uma kuphunyuka umuntu kulaba bantu engibalethe ezandleni zenu, lowo omkhululayo, ukuphila kwakhe kuyakuba sesikhundleni sokuphila kwakhe.” 25 Kwathi eseqedile ukunikela ngomnikelo wokushiswa, uJehu wathi kubalindi nasezinduneni: “Ngenani nibabulale, ningaphumi muntu.” Bababulala ngosiko lwenkemba; abalindi nezinduna babaphonsa phandle, baya emzini wendlu kaBali. 26 Bakhipha izinsika endlini kaBali, bazishisa. 27 Badiliza insika kaBali, badiliza indlu kaBali, bayenza indlu yokugezela kuze kube namuhla. 28 UJehu wamchitha kanjalo uBali kwa-Israyeli. Imindeni yababhali ababehlala eJabesi: amaThirathi, amaShimeyathi, bangamaKheni avela kuHamati, uyise wendlu kaRekabi. 1 IziKronike 2:55
namaSukati.
Laba
ISango Lomquba Lalungiswa nguMalikhiya indodana kaRekabi, umbusi wesifunda saseBeti Hakeremi; walakha, wamisa iminyango yalo, nezihluthulelo zalo, nemigoqo yalo. Nehemiya 3:14 UJeremiya 35:1-19 1 Izwi elafika kuJeremiya livela kuJehova ezinsukwini zikaJehoyakimi indodana kaJosiya, inkosi yakwaJuda, lathi: 2 “Yana endlini yamaRekabi, ukhulume nawo, uwalethe endlini kaJehova kwelinye lamakamelo, uwaphuzise iwayini.” 3 Ngase ngithatha uJahazaniya indodana kaJeremiya kaHabasiniya, nabafowabo, nawo onke amadodana akhe, nendlu yonke yamaRekabi; 4 Ngabangenisa endlini kaJehova, ekamelweni lamadodana kaHanani indodana ka-Igdaliya, umuntu kaNkulunkulu, elaliseceleni kwekamelo lezikhulu, elalingaphezu kwekamelo likaMahaseya indodana kaShalumi, umlindi womnyango. 5 Ngase ngibeka phambi kwamadodana endlu yamaRekabi izimbiza ezigcwele iwayini nezitsha, ngathi kubo: “Phuzani iwayini.” 6 Kodwa bathi: “Asiyikuphuza iwayini, ngokuba uJonadaba indodana kaRekabi ubaba wasiyala wathi: ‘Aniyikuphuza iwayini, nina namadodana enu kuze kube phakade.’ 7 Futhi aniyikwakha indlu, ningahlwanyeli imbewu, ningatshali izivini, ningabi nazo; kepha niyakuhlala ematendeni zonke izinsuku zenu, ukuze nihlale izinsuku eziningi ezweni eningabafokazi kulo. 8 Ngakho sililalele izwi likaJonadaba indodana kaRekabi ubaba kukho konke asiyala ngakho, ukuba singaphuzi iwayini zonke izinsuku zethu, thina, omkethu, amadodana ethu, namadodakazi ethu; 9 futhi singakhi izindlu zokuhlala kwethu; futhi asinazo izivini, nensimu, nembewu; 10 Kodwa sihlale ematendeni, salalela, senza njengakho konke uJonadaba ubaba wethu asiyala ngakho. 11 Kwathi lapho uNebukadinesari inkosi yaseBabele efika ezweni, sathi: ‘Wozani siye eJerusalema ngenxa yempi yamaKaledi nempi yamaSiriya.’ Sahlala eJerusalema.” 12 Izwi likaJehova lafika kuJeremiya, lathi: 13 Usho kanje uJehova Sebawoti, uNkulunkulu ka-Israyeli, uthi: “Hamba utshele abantu bakwaJuda nabakhileyo eJerusalema ukuthi: ‘Aniyikwamukela yini ukulaywa ukuba nilalele amazwi ami,’ usho uJehova.” 14 Amazwi kaJonadaba indodana kaRekabi ayala ngawo amadodana akhe ukuba angaphuzi iwayini asegciniwe, ngokuba kuze kube namuhla abaphuzi lutho, kodwa balalela umyalo kayise; noma ngikhulumile kini, ngivuka ekuseni ngikhuluma, kepha aningilalelanga. 15 Ngathuma kini zonke izinceku zami abaprofethi, ngivuka ekuseni, ngizithuma, ngithi: ‘Buyani, kube yilowo nalowo endleleni yakhe embi, nilungise izenzo zenu, ningalandeli abanye onkulunkulu ukuba nibakhonze, nihlale ezweni engilinike nina nawoyihlo.’ Kepha anibekanga izindlebe zenu, aningilalelanga. 16 Ngokuba amadodana kaJonadaba indodana kaRekabi agcinile umyalo kayise awayala ngawo, kepha laba bantu abangilalelanga; 17 Ngalokho usho kanje uJehova uNkulunkulu Sebawoti, uNkulunkulu ka-Israyeli, uthi: “Bhekani, ngiyakwehlisela phezu kukaJuda naphezu kwabo bonke abakhileyo eJerusalema konke okubi engikukhulumile ngabo, ngokuba ngikhulumile kubo, abalalelanga; ngibabizile, abaphendulanga.” 18 UJeremiya wathi endlini yamaRekabi: “Usho kanje uJehova Sebawoti, uNkulunkulu ka-Israyeli, uthi: ‘Ngenxa yokuba nilalele umyalo kaJonadaba uyihlo, nagcina yonke imiyalo yakhe, nenza njengakho konke aniyale ngakho, 19 Ngakho-ke usho kanje uJehova Sebawoti, uNkulunkulu ka-Israyeli, uthi: “UJonadaba indodana kaRekabi akayikunqunyelwa muntu wokuma phambi kwami kuze kube phakade.”
2