Jóṣúà ORI 1 1 O si ṣe lẹhin ikú Mose iranṣẹ OLUWA, OLUWA si sọ fun Joṣua ọmọ Nuni, iranṣẹ Mose pe, 2 Mose iranṣẹ mi ti kú; Njẹ nisisiyi dide, gòke Jordani yi, iwọ, ati gbogbo enia yi, si ilẹ ti emi fi fun wọn, ani fun awọn ọmọ Israeli. 3 Gbogbo ibi tí àtẹ́lẹsẹ̀ yín bá tẹ̀ ni mo ti fi fún yín, gẹ́gẹ́ bí mo ti sọ fún Mose. 4 Láti aṣálẹ̀ àti Lẹ́bánónì yìí títí dé odò ńlá, odò Yúfúrétì, gbogbo ilẹ̀ àwọn ará Hítì, títí dé Òkun ńlá níhà ìwọ̀-oòrùn, ni yóò jẹ́ ààlà yín. 5. Ki yio si ẹnikan ti yio le duro niwaju rẹ li ọjọ́ aiye rẹ gbogbo: bi mo ti wà pẹlu Mose, bẹ̃li emi o wà pẹlu rẹ: emi kì yio fi ọ silẹ, bẹ̃li emi kì yio kọ̀ ọ. 6 Ṣe giri ki o si mu ọkàn le: nitori awọn enia yi ni iwọ o pín ilẹ na fun ni iní, ti mo ti bura fun awọn baba wọn lati fi fun wọn. 7 Kìki ki iwọ ki o ṣe alagbara, ki o si ṣe aiya gidigidi, ki iwọ ki o le ma kiyesi ati ṣe gẹgẹ bi gbogbo ofin ti Mose iranṣẹ mi palaṣẹ fun ọ: máṣe yipada kuro ninu rẹ̀ si ọwọ́ ọtún tabi si òsi, ki iwọ ki o le ma ṣe rere nibikibi ti iwọ ba nlọ. 8 Iwe ofin yi ki yio kuro li ẹnu rẹ; ṣugbọn ki iwọ ki o ma ṣe àṣàrò ninu rẹ̀ li ọsán ati li oru, ki iwọ ki o le ma kiyesi ati ṣe gẹgẹ bi gbogbo eyiti a kọ sinu rẹ̀: nitori nigbana ni iwọ o mu ọ̀na rẹ dara, nigbana li iwọ o ṣe rere. 9 Emi kò ha ti paṣẹ fun ọ bi? Jẹ́ alágbára, kí o sì jẹ́ onígboyà; má bẹ̀ru, bẹ̃ni ki o má si ṣe fò ọ: nitoriti OLUWA Ọlọrun rẹ wà pẹlu rẹ nibikibi ti iwọ ba nlọ. 10 Nigbana ni Joṣua paṣẹ fun awọn olori awọn enia, wipe. 11. Ẹ kọja lãrin ibudó, ki o si paṣẹ fun awọn enia, wipe, Ẹ pèse onjẹ; nitori ni ijọ́ mẹta li ẹnyin o gòke Jordani yi, lati wọle lati gbà ilẹ na, ti OLUWA Ọlọrun nyin fi fun nyin lati gbà a. 12. Ati fun awọn ọmọ Reubeni, ati fun awọn ọmọ Gadi, ati fun àbọ ẹ̀ya Manasse, ni Joṣua sọ pe, 13 Ẹ ranti ọ̀rọ ti Mose iranṣẹ OLUWA palaṣẹ fun nyin pe, OLUWA Ọlọrun nyin ti fun nyin ni isimi, o si ti fi ilẹ yi fun nyin. 14 Awọn aya nyin, ati awọn ọmọ wẹ́wẹ nyin, ati ẹran-ọ̀sin nyin, ki o kù ni ilẹ ti Mose fi fun nyin ni ìha ihin Jordani; ṣugbọn ẹnyin o kọja niwaju awọn arakunrin nyin ni ihamọra, gbogbo awọn alagbara akọni, ki ẹnyin ki o si ràn wọn lọwọ; 15 Titi OLUWA yio fi fun awọn arakunrin nyin ni isimi, gẹgẹ bi o ti fi fun nyin, ti awọn pẹlu yio si ti ní ilẹ na ti OLUWA Ọlọrun nyin fi fun wọn: nigbana li ẹnyin o pada si ilẹ iní nyin, ẹnyin o si gbadun rẹ̀, ti Mose iranṣẹ OLUWA fi fun nyin ni ìha ihin Jordani ni ìha ìla-õrùn. 16 Nwọn si da Joṣua lohùn wipe, Gbogbo eyiti iwọ palaṣẹ fun wa li awa o ṣe, ati nibikibi ti iwọ ba rán wa li awa o lọ. 17 Gẹgẹ bi awa ti gbọ́ ti Mose ninu ohun gbogbo, bẹ̃li awa o si gbọ́ tirẹ: kìki OLUWA Ọlọrun rẹ ki o wà pẹlu rẹ, gẹgẹ bi o ti wà pẹlu Mose. 18 Ẹnikẹni ti o ba ṣọ̀tẹ si aṣẹ rẹ, ti kò si fetisi ọ̀rọ rẹ ninu gbogbo eyiti iwọ palaṣẹ fun u, pipa li a o pa a;
ORI 2 1. JOṢUA ọmọ Nuni si rán ọkunrin meji lati Ṣittimu jade lọ ṣe amí ni ìkọkọ, wipe, Ẹ lọ wò ilẹ na, ani Jeriko. Nwọn si lọ, nwọn si wá si ile panṣaga kan, ti a npè ni Rahabu, nwọn si sùn nibẹ̀. 2 A si sọ fun ọba Jeriko pe, Wò o, awọn ọkunrin kan wá sihin li alẹ yi lati ṣe amí ilẹ na wò. 3 Ọba Jẹriko si ranṣẹ si Rahabu, wipe, Mú awọn ọkunrin ti o tọ̀ ọ wá, ti o wọ̀ inu ile rẹ wá: nitori nwọn wá lati ṣe amí gbogbo ilẹ na. 4 Obinrin na si mú awọn ọkunrin mejeji na, o si fi wọn pamọ́, o si wipe, Awọn ọkunrin li o tọ̀ mi wá, ṣugbọn emi kò mọ̀ ibiti nwọn ti wá; 5 O si ṣe li akokò ti ilẹkun ẹnu-ọ̀na na, nigbati ilẹ ṣú, awọn ọkunrin na si jade: nibiti awọn ọkunrin na gbé lọ, emi kò mọ̀: lepa wọn kánkán; nitoriti ẹnyin o ba wọn. 6 Ṣùgbọ́n ó mú wọn wá sí orí òrùlé ilé náà, ó sì fi àwọn igi ọ̀gbọ̀ tí ó ti tò létòlétò lórí òrùlé pamọ́ sí. 7 Awọn ọkunrin na si lepa wọn li ọ̀na Jordani lọ si ipadò: bi awọn ti nlepa wọn si jade, nwọn ti ilẹkun. 8 Ki nwọn ki o to dubulẹ, o gòke tọ̀ wọn wá lori orule; 9 O si wi fun awọn ọkunrin na pe, Emi mọ̀ pe OLUWA ti fi ilẹ na fun nyin, ati pe ẹ̀ru nyin ti lù wa, ati pe gbogbo awọn ara ilẹ na ti rẹ̀ nitori nyin. 10 Nitoriti awa ti gbọ́ bi OLUWA ti mu omi Okun Pupa gbẹ fun nyin, nigbati ẹnyin ti Egipti jade wá; Ati ohun ti ẹnyin ṣe si awọn ọba Amori mejeji, ti o wà ni ìha keji Jordani, Sihoni ati Ogu, ti ẹnyin parun patapata. 11 Ní kété tí a ti gbọ́ nǹkan wọ̀nyí, ọkàn wa dàrú, bẹ́ẹ̀ ni kò sí ìgboyà mọ́ nínú ẹnikẹ́ni nítorí yín: nítorí Olúwa Ọlọ́run yín, òun ni Ọlọ́run lókè ọ̀run, àti ní ilẹ̀ ayé nísàlẹ̀. 12 Njẹ nisisiyi, emi bẹ̀ nyin, ẹ fi OLUWA bura fun mi, nitoriti mo ti ṣe ore-ọfẹ nyin, pe ẹnyin o si ṣe ore fun ile baba mi pẹlu, ki ẹnyin ki o si fun mi li àmi otitọ kan. 13 Ati pe ki ẹnyin ki o gba baba mi là, ati iya mi, ati awọn arakunrin mi, ati awọn arabinrin mi, ati ohun gbogbo ti nwọn ni, ki ẹnyin ki o si gbà ẹmi wa là lọwọ ikú. 14 Awọn ọkunrin na si da a lohùn pe, Ẹmi wa fun nyin, bi ẹnyin kò ba sọ ọ̀ran wa yi jade. Yio si ṣe, nigbati OLUWA ba fun wa ni ilẹ na, awa o si ṣe oore ati otitọ fun ọ. 15 Nigbana li o fi okùn sọ̀ wọn kalẹ li oju ferese: nitoriti ile rẹ̀ mbẹ lara odi ilu, o si ngbe ori odi na. 16 O si wi fun wọn pe, Ẹ lọ sori òke, ki awọn ti nlepa ki o má ba pade nyin; ki ẹnyin ki o si fi ara nyin pamọ́ nibẹ̀ ni ijọ́ mẹta, titi awọn ti nlepa yio fi pada: lẹhin na ki ẹnyin ki o le ma ba nyin lọ. 17 Awọn ọkunrin na si wi fun u pe, Awa o jẹ alailẹgan nitori ibura rẹ yi ti iwọ ti mu wa bura. 18 Kiyesi i, nigbati awa ba dé ilẹ na, ki iwọ ki o si so okùn okùn ododó yi mọ́ oju ferese ti iwọ mu wa sọ̀kalẹ: ki iwọ ki o si mú baba rẹ, ati iya rẹ, ati awọn arakunrin rẹ, ati gbogbo ara ile baba rẹ, wá ile sọdọ rẹ. . 20 Bi iwọ ba si sọ ọ̀rọ wa yi, njẹ awa o di olore nitori ibura rẹ ti iwọ ti mu wa bú. 21 On si wipe, Gẹgẹ bi ọ̀rọ nyin, bẹ̃ni ki o ri. O si rán wọn lọ, nwọn si lọ: o si de okùn ododó na li oju ferese. 22 Nwọn si lọ, nwọn si dé ori òke, nwọn si joko nibẹ̀ ni ijọ́ mẹta, titi awọn ti nlepa fi pada: awọn ti nlepa si wá wọn kiri ni gbogbo ọ̀na, ṣugbọn nwọn kò ri wọn.