Genesisi ORI 1 1 Ní atetekọṣe Ọlọrun dá ọrun on aiye. 2 Ilẹ̀ si wà láìní irisi, o si ṣofo; òkunkun si wà loju ibú. Ẹ̀mí Ọlọ́run sì ń rìn lórí omi. 3 Ọlọrun si wipe, Ki imọlẹ ki o wà: imọlẹ si wà. 4 Ọlọrun si ri imọlẹ na, pe o dara: Ọlọrun si yà imọlẹ na kuro lara òkunkun. 5 Ọlọrun si pè imọlẹ ni Ọsán, ati òkunkun ni Oru. Ati aṣalẹ ati owurọ̀ o di ọjọ́ kini. 6 Ọlọrun si wipe, Ki ofurufu ki o wà li ãrin omi, ki o si yà omi kuro lara omi. 7 Ọlọrun si ṣe ofurufu, o si yà omi ti o wà labẹ ofurufu kuro lara omi ti o wà loke ofurufu: o si ri bẹ̃. 8 Ọlọrun si pè ofurufu li Ọrun. Ati aṣalẹ ati owurọ̀ o di ọjọ́ keji. 9 Ọlọrun si wipe, Ki omi abẹ ọrun ki o wọjọ si ibi kan, ki iyangbẹ ilẹ ki o si hàn: o si ri bẹ̃. 10 Ọlọrun si pè iyangbẹ ilẹ ni Ilẹ; Àjọpọ̀ omi ni ó sì pè ní Òkun: Ọlọ́run sì rí i pé ó dára. 11 Ọlọrun si wipe, Ki ilẹ ki o hù koriko jade, eweko ti nso eso, ati igi eleso ti nso eso ni irú tirẹ̀, ti irugbin ninu lori ilẹ: o si ri bẹ̃. 12 Ilẹ si hù koriko jade, eweko ti nso eso ni irú tirẹ̀, ati igi ti nso eso, ti irugbin ninu ninu rẹ̀ ni irú tirẹ̀: Ọlọrun si ri pe o dara. 13 Ati aṣalẹ ati owurọ̀ o di ọjọ́ kẹta. 14 Ọlọrun si wipe, Ki imọlẹ ki o wà li ofurufu ọrun, lati pàla ọsán on oru; ki nwọn ki o si jẹ́ àmi, ati fun akoko, ati fun ọjọ́, ati fun ọdún; 15. Ki nwọn ki o si jẹ imọlẹ li ofurufu ọrun, lati ma mọlẹ sori ilẹ: o si ri bẹ̃. 16 Ọlọrun si ṣe imọlẹ nla meji; imọlẹ ti o tobi lati ṣe akoso ọsán, ati imọlẹ ti o kere lati ṣe akoso oru: o si da awọn irawọ pẹlu. 17 Ọlọrun si fi wọn sinu ofurufu ọrun, lati tàn imọlẹ sori ilẹ. 18 Ati lati ṣe akoso ọsán ati lori oru, ati lati pàla imọlẹ on òkunkun: Ọlọrun si ri pe o dara. 19 Ati aṣalẹ ati owurọ̀ o di ọjọ́ kẹrin. 20 Ọlọrun si wipe, Ki omi ki o mu ọ̀pọlọpọ ẹdá ti nrakò jade wá, ti o ni ìye, ati ẹiyẹ ti o le fò loke ilẹ ni gbangba ofurufu. 21 Ọlọrun si dá ẹja nlanla, ati gbogbo ẹda alãye ti nrakò, ti omi mu li ọ̀pọlọpọ ni irú tirẹ̀, ati ẹiyẹ abiyẹ ni irú tirẹ̀: Ọlọrun si ri pe o dara. 22 Ọlọ́run sì súre fún wọn pé, “Ẹ máa bí sí i, kí ẹ sì máa pọ̀ sí i, kí ẹ sì kún inú omi òkun, kí ẹyẹ sì máa pọ̀ sí i ní ilẹ̀ ayé. 23 Ati aṣalẹ ati owurọ̀ o di ọjọ́ karun. 24 Ọlọrun si wipe, Ki ilẹ ki o mu ẹda alãye ni irú rẹ̀ jade wá, ẹran-ọ̀sin, ati ohun ti nrakò, ati ẹranko ilẹ ni irú tirẹ̀: o si ri bẹ̃. 25 Ọlọrun si dá ẹranko ilẹ ni irú tirẹ̀, ati ẹran-ọ̀sin ni irú tirẹ̀, ati ohun gbogbo ti nrakò lori ilẹ ni irú tirẹ̀: Ọlọrun si ri pe o dara. 26 Ọlọrun si wipe, Ẹ jẹ ki a dá enia li aworan wa, gẹgẹ bi ìrí wa: ki nwọn ki o si jọba lori ẹja okun, ati lori ẹiyẹ ojuọrun, ati lori ẹran-ọ̀sin, ati lori gbogbo aiye, ati lori gbogbo ohun ti nrakò lori ilẹ.
27 Bẹ̃li Ọlọrun dá enia li aworan ara rẹ̀, li aworan Ọlọrun li o dá a; ati akọ ati abo li o da wọn. 28 Ọlọ́run sì súre fún wọn, Ọlọ́run sì wí fún wọn pé, “Ẹ máa bí sí i, kí ẹ sì pọ̀ sí i, kí ẹ sì gbilẹ̀, kí ẹ sì ṣe ìkáwọ́ rẹ̀: kí ẹ sì jẹ ọba lórí ẹja inú òkun, àti lórí ẹyẹ ojú ọ̀run, àti lórí gbogbo ohun alààyè tí ń rìn lórí ilẹ̀. 29 Ọlọrun si wipe, Kiyesi i, mo ti fun nyin ni gbogbo eweko ti nso eso, ti o wà lori gbogbo ilẹ, ati gbogbo igi, ninu eyiti eso igi ti nso eso; fun ọ ni yio jẹ fun onjẹ. 30 Ati fun gbogbo ẹranko ilẹ, ati fun gbogbo ẹiyẹ oju-ọrun, ati fun ohun gbogbo ti nrakò lori ilẹ, ninu eyiti ìye wà, ni mo fi eweko tutu gbogbo fun li onjẹ: o si ri bẹ̃. 31 Ọlọrun si ri ohun gbogbo ti o ti ṣe, si kiyesi i, o dara gidigidi. Ati aṣalẹ ati owurọ̀ o di ọjọ́ kẹfa. ORI 2 1 BAYI li a pari ọrun on aiye, ati gbogbo ogun wọn. 2 Ati li ọjọ́ keje Ọlọrun pari iṣẹ rẹ̀ ti o ti ṣe; ó sì sinmi ní ọjọ́ keje kúrò nínú gbogbo iṣẹ́ rẹ̀ tí ó ti ṣe. 3 Ọlọrun si busi ijọ́ keje, o si yà a simimọ́: nitori ninu rẹ̀ li o ti simi kuro ninu iṣẹ rẹ̀ gbogbo ti Ọlọrun dá, ti o si ṣe. 4 Wọnyi li iran ọrun on aiye nigbati a dá wọn, li ọjọ́ na ti OLUWA Ọlọrun dá aiye ati ọrun. 5 Ati gbogbo eweko igbẹ ki o to wà lori ilẹ, ati gbogbo eweko igbẹ ki o to hù: nitoriti OLUWA Ọlọrun kò ti mu ki òjo rọ̀ sori ilẹ, bẹ̃ni kò si si enia lati ro ilẹ. 6 Ṣugbọn owusuwusu kan jade lati ilẹ wá, o si rin gbogbo oju ilẹ. 7 Oluwa Ọlọrun si fi erupẹ ilẹ mọ enia, o si mí ẹmi ìye si ihò imu rẹ̀; ènìyàn sì di alààyè ọkàn. 8 OLUWA Ọlọrun si gbìn ọgbà kan si ìha ìla-õrùn ni Edeni; nibẹ li o si fi ọkunrin na ti o ti mọ. 9 Ati lati inu ilẹ ni OLUWA Ọlọrun ti mu ki o hù gbogbo igi ti o dùn ni iriran, ti o si dara fun jijẹ; igi ìyè pẹlu larin ọgba, ati igi ìmọ rere ati buburu. 10 Odò kan si ti Edeni ṣàn jade lati bomirin ọgba; lati ibẹ̀ li o si yà, o si di ori mẹrin. 11 Orukọ ekini ni Pisoni: on li eyiti o yi gbogbo ilẹ Hafila ká, nibiti wura gbé wà; 12 Wura ilẹ na si dara: nibẹ̀ ni bdelliumu ati okuta oniki. 13 Ati orukọ odò keji ni Gihoni: on na li o yi gbogbo ilẹ Etiopia ká. 14 Ati orukọ odò kẹta ni Hiddekeli: on li eyiti o lọ si ìha ìla-õrùn Assiria. Odò kẹrin sì ni Eufurate. 15 Olúwa Ọlọ́run sì mú ọkùnrin náà, ó sì fi í sínú ọgbà Édẹ́nì láti máa tọ́jú rẹ̀ àti láti máa tọ́jú rẹ̀. 16 Olúwa Ọlọ́run sì pàṣẹ fún ọkùnrin náà pé, “Nínú gbogbo igi ọgbà ni ìwọ lè jẹ. 17 Ṣugbọn ninu igi ìmọ rere ati buburu, iwọ kò gbọdọ jẹ ninu rẹ̀: nitori li ọjọ́ ti iwọ ba jẹ ninu rẹ̀ nitõtọ, kikú ni iwọ o kú. 18 OLUWA Ọlọrun si wipe, Kò dara ki ọkunrin na ki o nikanṣoṣo; Èmi yóò fi í ṣe olùrànlọ́wọ́ tí ó bá a. 19 Ati lati inu ilẹ li Oluwa Ọlọrun ti fi mọ gbogbo ẹranko igbẹ, ati gbogbo ẹiyẹ oju-ọrun; ó sì mú wọn wá sọ́dọ̀ Ádámù láti rí ohun tí yóò máa pè wọ́n: àti ohunkóhun tí Ádámù bá pè ní gbogbo ẹ̀dá alààyè, òun ni orúkọ rẹ̀. 20 Adamu si sọ ẹran-ọ̀sin gbogbo, ati ẹiyẹ oju-ọrun, ati fun gbogbo ẹranko igbẹ li orukọ; ṣugbọn fun Adamu a kò ri oluranlọwọ kan ti o yẹ fun u. 21 Olúwa Ọlọ́run sì mú kí oorun sùn bò Ádámù, ó sì sùn, ó sì mú ọ̀kan nínú ìhà rẹ̀, ó sì pa ẹran mọ́ dípò rẹ̀;