Yoruba - Courage Is Beautiful - Psalm 27

Ìgboyà Ìwé Píntátéùkì Ẹ̀rù yín àti ìbẹ̀rù yín yóò wà lórí gbogbo ẹranko ilẹ̀ ayé, àti lórí gbogbo ẹyẹ ojú ọ̀run, lórí gbogbo ohun tí ń rìn lórí ilẹ̀, àti lórí gbogbo ẹja òkun; a fi wọ́n lé yín lọ́wọ́. Genesisi 9:2 Lẹ́yìn nǹkan wọ̀nyí, ọ̀rọ̀ Olúwa tọ Abramu wá nínú ìran kan, wí pé, “Má bẹ̀rù, Abramu: Èmi ni ààbò rẹ, èrè rẹ sì pọ̀ gidigidi.” Genesisi 15:1 Ọlọ́run gbọ́ ohùn ọmọdékùnrin náà; áńgẹ́lì Ọlọ́run sì pe Hagari láti ọ̀run wá, ó sì wí fún un pé, “Kí ló ń ṣe ọ́, Hagari? Má bẹ̀rù, nítorí Ọlọ́run ti gbọ́ ohùn ọmọdékùnrin náà níbi tí ó wà.” Genesisi 21:17 Olúwa sì farahàn án ní alẹ́ ọjọ́ náà, ó sì wí pé, “Èmi ni Ọlọ́run Ábúráhámù baba rẹ: má bẹ̀rù, nítorí mo wà pẹ̀lú rẹ, èmi yóò sì bùkún fún ọ, èmi yóò sì sọ irú-ọmọ rẹ di púpọ̀ nítorí ìránṣẹ́ mi Ábúráhámù.” Jẹ́nẹ́sísì 26:24 Ó sì ṣe ní ọjọ́ kẹta, nígbà tí wọ́n ní ìrora, àwọn ọmọ Jakọbu méjì, Simeoni àti Lefi, àwọn arákùnrin Dina, olúkúlùkù mú idà rẹ̀, wọ́n sì kọlu ìlú náà pẹ̀lú ìgboyà, wọ́n sì pa gbogbo àwọn ọkùnrin. Genesisi 34:25 Ó sì wí pé, “Àlàáfíà fún yín, ẹ má bẹ̀rù: Ọlọ́run yín àti Ọlọ́run baba yín ti fún yín ní ìṣúra nínú àpò yín: mo ní owó yín.” Ó sì mú Síméónì jáde tọ̀ wọ́n wá. Jẹ́nẹ́sísì 43:23 Ó sì wí pé, Èmi ni Ọlọ́run, Ọlọ́run baba rẹ: má bẹ̀rù láti sọ̀kalẹ̀ lọ sí Ejibiti; nítorí níbẹ̀ ni èmi yóò ti sọ ọ́ di orílẹ̀-èdè ńlá. Genesisi 46:3 Josẹfu sì wí fún wọn pé, “Ẹ má bẹ̀rù, nítorí èmi ha wà ní ipò Ọlọ́run bí?” Ṣùgbọ́n ní ti ẹ̀yin, ẹ rò ibi sí mi; ṣùgbọ́n Ọlọ́run ti pinnu láti ṣe rere, gẹ́gẹ́ bí ó ti rí lónìí, láti gba ọ̀pọ̀lọpọ̀ ènìyàn là. Nítorí náà, ẹ má bẹ̀rù: Èmi yóò bọ́ yín àti àwọn ọmọ yín.” Ó sì tù wọ́n nínú, ó sì bá wọn sọ̀rọ̀ rere. Jẹ́nẹ́sísì 50:19-21 Mose si wi fun awọn enia pe, Ẹ má bẹ̀ru, ẹ duro jẹ, ki ẹ si ri igbala Oluwa, ti yio fi hàn fun nyin li oni: nitori awọn ara Egipti ti ẹnyin ti ri loni, ẹnyin kì yio tun ri wọn mọ lailai. Eksodu 14:13 Ta ni ó dàbí rẹ, Olúwa, láàrín àwọn ọlọ́run? Ta ni ó dàbí rẹ, ológo ní mímọ́, ẹni tí ó bẹ̀rù ní ìyìn, tí ó ń ṣe iṣẹ́ ìyanu? Ẹ̀rù àti ìbẹ̀rù yóò ṣubú sórí wọn; nípa títóbi apá rẹ wọn yóò dúró jẹ́ẹ́ bí òkúta; títí àwọn ènìyàn rẹ yóò fi kọjá, Olúwa, títí àwọn ènìyàn tí ìwọ ti rà yóò fi kọjá. Ẹ́kísódù 15:11,16