UMika ISAHLUKO 1 1 Ilizwi likaYehova elafika kuMika waseMoreshete, ngemihla kaYotam, ka-Ahazi, kaHezekiya, ookumkani bakwaYuda, awalibonayo ngokusingisele kwelakwaSamari neYerusalem. 2 Yivani, nonke zizwe; bazani indlebe, hlabathi nenzaliseko yalo; mayibe lingqina iNkosi uYehova ngani, iNkosi etempileni yayo engcwele. 3 Kuba nanko uYehova ephuma endaweni yakhe, eya kuhla, anyathele phezu kwemimango yehlabathi. 4 Ziya kunyibilika iintaba phantsi kwakhe, zicandeke izihlambo, njengomthwebeba phambi komlilo, njengamanzi ephalazwe exandekeni. 5 Konke oku kungenxa yesikreqo sikaYakobi, singenxa yezono zendlu kaSirayeli. Luyintoni na ukreqo lukaYakobi? AyingokwaSamari na? Ziyintoni na iziganga zakwaYuda? AsiyoYerusalem na? 6 Ngoko ke ndolenza elakwaSamari libe yimfumba yamatye esisimi, libe ziindawo zokutyala imidiliya; ndiwaphose amatye alo emfuleni, ndizityhile iziseko zalo. 7 Iya kuqotywa yonke imifanekiso yayo eqingqiweyo, utshiswe ngomlilo wonke utsheyiso lwalo, ndiphanzise zonke izithixo zayo ezingento; 8 Ngako oko ndiya kumbambazela, ndibhomboloze; ndiya kuhamba ndihlunyulwe, ndishiywe ndize; ndiya kukhala njengempungutye, ndilile njengenciniba. 9 Kuba amanxeba alo akanakunyangwa; ngokuba lifike kwaYuda; ifikile esangweni labantu bam eYerusalem. 10 Musani ukukuxela eGati, musani ukulila nokulila; 11 Dlulani nina, mmi waseSafire, nize ngenxa yehlazo lakho; ukuma kwakhe uya kwamkela kuni. 12 Kuba abemi baseMaroti bazibhijabhija ngenxa yokulungileyo; kuba kuhle ububi buphuma kuYehova, beza esangweni leYerusalem. 13 Bophani ezinqwelweni zokulwa, mmi waseLakishe; 14 Ngako oko uya kuyinika iMoreshete yaseGati inqakwe; izindlu zaseAkezibhi ziya kuba ngubuxoki kookumkani bakwaSirayeli. 15 Ndisaya kuyizisa indlalifa kuni, bemi baseMaresha; iya kufika eAdulam abazukileyo bakwaSirayeli. 16 Cheba impandla, uziguye ngenxa yoonyana bakho abathandekayo; kwenzeni banzi ukucheba kwenu, njengexhalanga; ngokuba bathinjiwe kuwe. ISAHLUKO 2 1 Athi ke, abo bacinga ubutshinga, basebenze ububi ezililini zabo! ekukhanyeni kokusa bayakwenza, ngokuba kusemandleni esandla sabo. 2 Banqwenela amasimi, bawahluthe; nezindlu, bazithabathe; bacudisa umfo nendlu yakhe, indoda nelifa layo. 3 Ngako oko, utsho uYehova ukuthi, Yabonani, ndicinga ububi ngale mizalwane, eningayi kuzirhola iintamo zenu kubo; nize ningahambi niqhankqalaza, ngokuba eli xesha libi. 4 Ngaloo mini kuya kwenziwa umzekeliso ngani, bameme isimema, kuthiwe, Kwenzekile; sibhuqiwe sabhuqwa.
Isahlulo sabantu bakowethu usananisile; hayi, ukusisusa kwakhe kum! ewe, uwahlule amasimi ethu. 5 Ngako oko akuyi kuba naye okuphosela ulutya kwiqashiso ebandleni likaYehova. 6 Bathi, Musani ukuwisa intetho, bewisa intetho; ukuba abathe bawisa intetho kubo abo, akayi kubuya umva amahlazo. 7 Wena kuthiwa uyindlu kaYakobi, uyazekaneka na uMoya kaYehova? zizenzo zakhe na ezi? Akalungisi na amazwi am kohamba ngokuthe tye? 8 Izolo eli abantu bam basuke ngokotshaba; nibahluba ingubo ende yokwaleka kwengaphantsi, abadlula bekholosile, bengathandi kulwa. 9 Abafazi babantu bam niyabagxotha ezindlwini zeziyolo zabo; Niluthabathile uzuko lwam koonyana babo ngonaphakade. 10 Vuka, uhambe; ngokuba asiyiyo indawo yokuphumla kwenu le; 11 Ukuba bekukho umntu ohamba nomoya, exoka, esithi, Ndiya kuwisa intetho kuwe ngokusingisele kwiwayini, nakwisiselo esinxilisayo; yena uya kuba ngumprofeti waba bantu. 12 Ndiya kukuhlanganisa okunene, Yakobi, uphela; okunene ndiya kuwabutha amasalela akwaSirayeli; ndiya kubenza babe banye, njengempahla emfutshane yaseBhotsera, njengomhlambi ophakathi kwedlelo lawo; baya kuxokozela ngokuba baninzi kwabantu. 13 Unyuke phambi kwabo umgqobhozi; bayagqobhoza, bayangena esangweni, baphume kwangalo; ukumkani wabo uhamba phambi kwabo, uYehova esentloko kubo. ISAHLUKO 3 1 Ndathi, Khanive, zintloko zakwaYakobi, nani baphathi bendlu kaSirayeli; Asikokwenu na ukwazi okusesikweni? 2 abathiyi bokulungileyo, bathande okubi; nina baluhlisileyo ulusu lwabo, nenyama yabo emathanjeni abo; 3 nina, bayidlileyo inyama yabantu bam, baluhluba ulusu lwabo; bawaqhekeze amathambo abo, bawanqunqe njengeembiza, nanjengenyama engxawumbeni. 4 Baya kwandula bakhale kuYehova, angabaphenduli; asuke abusithelise ubuso bakhe kubo ngelo xesha, njengoko bazenze zambi iintlondi zabo. 5 Utsho uYehova ngokusingisele kubaprofeti ababandwendwisayo abantu bam, abaluma ngamazinyo abo, badanduluke, besithi, Luxolo; ukanti ongafaki sandla emlonyeni wabo, bamngcwalisele imfazwe. 6 Ngako oko kuya kuba bubusuku kuni, ningabi nambono; kube mnyama kuni, ningabavumi; litshone ilanga kubaprofeti, ibe mnyama imini kubo. 7 Ziya kudana iimboni, babe neentloni abavumisi, bazigqubuthele iindevu bonke bephela; kuba akukho mpendulo kaThixo. 8 Ke mna ndizele ngamandla ngomoya kaYehova, ndizele kokusesikweni nobugorha, ukuze ndimxelele uYakobi ukreqo lwakhe, uSirayeli isono sakhe. 9 Khanive oku, nina zintloko zendlu kaYakobi, nani baphathi bendlu kaSirayeli, abakwenyamelayo okusesikweni, bakujikajika konke okuthe tye. 10 eyakha iZiyon ngamagazi, neYerusalem ngobugqwetha. 11 Iintloko zayo zigweba ngenxa yesicengo, nababingeleli bayo bayayala ngenxa yomvuzo, nabaprofeti bayo bavumisa ngenxa yemali; baze bayame ngoYehova, besithi,