Amabanjwa eThemba Imibongo Ngokuba uYehova uyabava abasweleyo, Akabadeli ababanjiweyo bakhe. INdumiso 69:33 Makuze phambi kwakho ukuncwina kwabakhonkxiweyo; ngokobukhulu bamandla akho basindise abo bamiselwe ukufa; INdumiso 79:11 Oku kuya kubhalelwa isizukulwana esizayo, abantu abaya kudalwa bamdumise uYehova. Ngokuba ujonge ezantsi ekwindawo yakhe ephakamileyo engcwele; uYehova wakhangela emhlabeni esezulwini, ukuze akuve ukuncwina kwababanjiweyo, nokubakhulula abo bamiselwe ukufa; INdumiso 102:18-20 Wukhuphe umphefumlo wam entolongweni, ukuze ndidumise igama lakho; Amalungisa aya kundirhangqa, ngokuba undiphethe kakuhle. INdumiso 142:7 Hayi, uyolo lwalowo uluncedo lunguThixo kaYakobi, othemba lakhe likuYehova uThixo wakhe: Owenza izulu nomhlaba, nolwandle, nako konke okukulo; ogcina inyaniso ngonaphakade; Ogweba abacinezelweyo; Onika abalambileyo ukutya. UYehova uyabakhulula ababanjwa: INdumiso 146:5-7
Abaprofeti Utsho uThixo uYehova, owadala amazulu, wawaneka, owandlala umhlaba nento ephuma kuwo, onika abantu abaphezu kwawo umoya, nonika abahamba kuwo umoya, uthi: Mna Yehova ndikubizile ngobulungisa, ndiya kubamba isandla sakho, ndikugcine, ndikunike umnqophiso wabantu, ukukhanya kweentlanga; ukuvula amehlo eemfama, ukukhupha ababanjwa entolongweni, nabahleli ebumnyameni baphume entolongweni. Isaya 42:5-7 UMoya weNkosi uYehova uphezu kwam; kuba uYehova undithambisele ukuba ndishumayele iindaba ezilungileyo kwabalulamileyo; undithumile ukubopha abantliziyo zaphukileyo, ukuvakalisa inkululeko kwabathinjiweyo, nokuvulwa kwentolongo kwababotshiweyo; Isaya 61:1 Nawe, ngegazi lomnqophiso wakho, ndibakhuphile ababanjwa bakho emhadini ongenamanzi. Buyelani enqabeni, nina babanjwa banethemba; nanamhlanje ndithi ndiya kukubuyisela ngokuphindwe kabini; Zekariya 9:11-12.
IiVangeli Uya kuthi ke ukumkani kwabo bangasekunene kwakhe, Yizani, nina nisikelelweyo nguBawo, nidle ilifa ubukumkani obalungiselelwa nina kwasekusekweni kwehlabathi; kuba ndandilambile, nandinika ukudla; ndandinxaniwe, nandisela; ndandingumphambukeli, nandingenisa endlwini; ndize, nandambesa; ndandigula, nandindwendwela; ndandisentolongweni, naza kum. Baya kumphendula ke amalungisa, besithi, Nkosi, sakubona nini ulambile, sakondla? okanye unxaniwe, sakuseza? sakubona nini ungowasemzini, sakwamkela? okanye uhamba ze, sakwambathisa? okanye sakubona nini ugula, okanye usentolongweni, saza kuwe? Aze aphendule ukumkani athi kubo, Inene ndithi
1