Iinyaniso Ezipheleleyo ZeBhayibhile UYesu wathi kuye, Ndim indlela, nenyaniso, nobomi; akukho namnye uzayo kuBawo, engezi ngam. Yohane 14:6 Zama inyaniso kude kube sekufeni, kwaye iNkosi iya kukulwela. I-Ecclesiasticus 4:28
IiPentateuch Wathi, Makabongwe uYehova, uThixo wenkosi yam uAbraham, ongayishiyanga inceba yakhe nenyaniso yakhe enkosini yam; ndisesendleleni, uYehova undikhokelele endlwini yabazalwana benkosi yam. IGenesis 24:27 Andifanelekanga yiyo yonke inceba nenyaniso oyibonakalisileyo kumkhonzi wakho; kuba ndayiwela le Yordan ngentonga yam, ngoku ndibe ngamaqela amabini. IGenesis 32:10 Thumani omnye wenu, aye kuphuthuma umninawa wenu, nize nina nigcinwe entolongweni, ukuze kucikidwe amazwi enu ukuba ninyanisile na; ukuba akubanga njalo, ehleli nje uFaro, inene niziintlola. IGenesis 42:16 Ngaphezu koko, khangela kubo bonke abantu amadoda afanelekileyo, amoyikayo uThixo, amadoda athembekileyo, athiyileyo inkanuko, uwamise phezu kwabo, abe ngabalawuli bamawaka, nabalawuli bamakhulu, nabalawuli bamashumi amahlanu, nabalawuli bamashumi; IEksodus 18:21 UYehova wadlula phambi kwakhe, wavakalisa esithi, UYehova, uYehova, uThixo onenceba, onobabalo, ozeka kade umsindo, onobubele nenyaniso eninzi; IEksodus 34:6 Wobuza, uphande, ubuzise ngokucokisekileyo, ubone ukuba yinyani na loo nto, iqinisekile into yokuba le nto imbi yenzeke phakathi kwenu; IDuteronomi 13:14 UliLiwa, umsebenzi wakhe ugqibelele; ngokuba zonke iindlela zakhe zisesikweni; nguThixo wenyaniso, ongenabugqwetha; lilungisa, uthe tye yena. IDuteronomi 32:4
Imbali Ngoko ke yoyikani uYehova, nimkhonze ngokunyaniseka nangenyaniso, nize nisuse oothixo ababekhonza ooyihlo phesheya koMlambo, naseJiputa, nikhonze uYehova. Yoshuwa 24:14 Iqunube lathi kwimithi, Ukuba nindithambisa ngenene ukuba ndibe ngukumkani wenu, yizani nizimele emthunzini wam; ukuba akunjalo, makuphume umlilo equnubeni, udle imisedare yaseLebhanon. Abagwebi 9:15