Waray - The Book of Jude

Jude KAPITULO 1 1 Tikang kan Judas, nga surugoon ni Jesu-Cristo ngan bugto ni Santiago, ngadto han mga gintawag ngan ginpakabaraan han Dyos nga Amay, ngan ginbantayan kan Jesu-Cristo. 2 Magpadamu unta ha iyo an kalooy, kamurayawan, ngan gugma. 3 Hinigugma ko nga mga kabugtoan, han ginbuhat ko an bug-os nga kaburut-on hin pagsurat ha iyo mahitungod han katalwasan nga aton ginkakaurosa, kinahanglan magsurat ako ha iyo basi aghaton kamo nga maduruto nga makig-away para han pagtoo nga iginhatag ha mga baraan hin makausa. 4 Kay may-ada mga tawo nga sinulod ha iyo, nga maiha na nga itinanda na ngada hini nga paghukom, mga tawo nga diri diosnon. 5 Bisan kon maaram na kamo hini, karuyag ko pahinumdumon kamo nga han pagtalwas han Ginoo han mga tawo tikang ha Ehipto, katapos ginpoo niya an mga waray magtoo. 6 Ngan an mga anghel nga waray magbantay han ira siyahan nga katungdanan, kondi binaya han ira kalugaringon nga urukyan, igin-andam niya ha waray kataposan nga mga kadena ha kasisidman tubtob ha paghukom ha Daku nga Adlaw. 7 Sugad man han Sodoma ug Gomorra ngan han mga syudad nga nakapalibot ha ira, nga nagbuhat hin pakighilawas ngan nagbuhat hin iba nga unod. 8 Sugad man ini nga mga mag-inop nga mahugaw an ira unod, nagtatamay han mga kagamhanan, ngan nagyayakan hin maraot han mga dungganon. 9 Kondi han nakiglantugi hi Miguel nga arkanghel ha Yawa mahitungod han patay nga lawas ni Moises, waray hiya mangahas hin pagpakaraot kontra ha Yawa, lugod nagsiring hiya, Sawayon ka unta han Ginoo! 10 Kondi ini nga mga tawo nag-iinsulto han mga butang nga diri nira hinsasabtan, kondi kon ano an ira hinbabaroan ha kinaiya, pariho hin waray sarabotan nga mga mananap, pinaagi hito nga mga butang ira gindadaot an ira kalugaringon. 11 Kairo nira! kay hira naglakat ha dalan ni Cain, ngan nagdalagan ha kahakog ha pagsunod han kasaypanan ni Balaam tungud ha balos, ngan nagkawara tungod han pagsupak ni Kore. 12 Ini hira amo an mga buring ha iyo mga panagtawo han gugma, kon nangangaon hira upod niyo, nga waray kahadlok nga nagpapakaon han ira kalugaringon. mga kahoy nga an mga bunga nalalaya, nga waray bunga, nga makaduha patay, nga gingabot ha mga gamut; 13 Makusog nga mga balud ha dagat, nga nagbubura han ira kalugaringon nga kaarawdan; mga bitoon nga naglalagaw, nga para ha ira gintitipigan an kasisidman ha kadayonan. 14 Ngan hi Enoc, an ikapito tikang kan Adan, nagtagna mahitungod hini nga nasiring, Kitaa! 15 Sanglit paghukman niya an ngatanan nga mga tawo, ngan basi pamatud-an niya an ngatanan nga mga diri diosnon ha ira mahitungod han ngatanan nira nga mga buhat nga diri respeto ha Dios, ngan han ngatanan nira nga magpintas nga mga pulong nga ginyakan kontra ha iya han mga magpakasasala nga diri respetohon an Dios. 16 Ini hira mga magngurutob, mga magreklamo, nga nagkikinabuhi uyon ha ira kalugaringon nga mga hingyap; ngan an ira baba nagyayakan hin dagku nga mga polong nga mapahitas-on, nga nagdadayaw ha mga bayhon han mga tawo tungud ha kapulsanan. 17 Kundi, hinigugma ko nga kasangkayan, hinumdumi niyo an mga pulong nga iginyakan hadto han mga apostoles han aton Ginoo Jesu-Cristo. 18 Ginsumatan kamo nira nga magkakaada mga magyubit ha urhi nga panahon, nga maglalakat uyon ha ira kalugaringon nga diri-diosnon nga mga hingyap. 19 Ini hira amo an mga nagbubulag, mga lawasnon, nga waray Espiritu. 20 Kundi kamo, mga hinigugma, parig-ona an iyo kalugaringon pinaagi han iyo labi ka baraan nga pagtoo. 21 Magpabilin kamo han gugma han Dyos, samtang naghuhulat han kalooy han aton Ginoo Jesu-Cristo nga maghahatag ha iyo hin kinabuhi nga dayon. 22 Ngan malooy kamo ha iba, ngan bubuhaton niyo hin pagbag-o; 23 Ngan talwasa an iba nga may kahadlok, ngan kuhaa hira tikang ha kalayo; nangangalas bisan han panapton nga namantsahan han unod. 24 Yana an Dyos nga makakagbantay ha iyo nga diri kamo mapukan, ngan makakagpadayag ha iyo ha atubangan han iya himaya nga waray sayop nga may daku nga kalipay. 25 Ha amo la nga Dios nga aton Manluluwas, an himaya ngan pagkaharangdon, kagamhanan ngan gahom, yana tubtob ha kadayonan. Amen.