Tigrinya - The Christian Worker Farmer Soldier - Hammer Sickle Sword

እቲ ክርስትያን ሰራሕተኛ፡ ሓረስታይ፡ ወተሃደር (መዶሻ፡ ማዕጺድ፡ ሰይፊ) ቃለይ ከም ሓዊዶ ኣይመስልን፧ ይብል እግዚኣብሄር፤ ከም መዶሻ ድማ ነቲ ከውሒ ዝሰብር? ኤርምያስ 23፡29 ቀውዒ በሲሉ እዩ እሞ፡ ኣብ ማዕጺድ ኣእትዉ፡ ንዑ ውረዱ። እቲ ጸቕጢ መሊኡ እዩ እሞ፡ እቲ ስብሒ ይውሕዝ፤ ክፍኣቶም ዓብዪ እዩ እሞ። ዮኤል 3፡13 የሱስ ድማ ኣብ ኩለን ከተማታትን ዓድታትን እናዘወረ ኣብ ምኩራባቶም እናመሃረን ወንጌል መንግስቲ እናሰበኸን ኣብ ህዝቢ ንዘሎ ሕማምን ኵሉ ሕማምን እናፈወሰ ይኸይድ ነበረ። ነቶም ህዝቢ ምስ ረኣየ ግና፡ ከም ጓሳ ዘይብለን ኣባጊዕ ስለ ዝደኸሙን ተበታቲኖምን ስለ ዝነበሩ፡ ደንገጸሎም። ሽዑ ንደቀ መዛሙርቱ በሎም ፡ ቀውዒ ብሓቂ ብዙሕ እዩ፡ ሸቃሎ ግና ሒደት እዮም። እምብኣርሲ ንጐይታ ቀውዒ፡ ናብ ቀውዒኡ ሸቃሎ ኺልእኽ ለምኑ። ማቴ 9፡35-38 ስለዚ ኸኣ ፡ ቀውዒ ብሓቂ ብዙሕ እዩ፡ ሸቃሎ ግና ሒደት እዮም፡ እምብኣርሲ ናብ ቀውዒኡ ሸቃሎ ኺሰድድ፡ ንጐይታ ቀውዒ ጸልዩ፡ በሎም። ሉቃስ 10፡2 ፡ መግበይ ፍቓድ እቲ ዝለኣኸኒ ምግባርን ዕዮኡ ምውዳእን እዩ በሎም ። ገና ኣርባዕተ ወርሒ ኣሎ፡ ሽዑ ቀውዒ ይመጽእ፡ዶ ኣይትብሉን፧ እንሆ፡ እብለኩም ኣሎኹ፡ ኣዒንትኹም ኣልዒልኩም ናብ ግራውቲ ጠምቱ። ንሳቶም ኪዓጽዱ ድሮ ጸዓዱ እዮም እሞ። እቲ ዚዓጽድ ድማ ዓስቢ ይቕበል፡ ናብ ናይ ዘለኣለም ህይወት ከኣ ፍረ ይእክብ፡ እቲ ዚዘርእን እቲ ዚዓጽድን ሓቢሮም ምእንቲ ኺሕጐሱ። እቲ ሓደ ይዘርእ፡ ካልእ ድማ ይዓጽድ ዝብል ቃል ድማ ኣብዚ ሓቂ እዩ። ነቲ ጻዕሪ ዘይገበርኩምሉ ክትዓጽዱ ለኣኽኩኹም፡ ካልኦት ሰባት ደኺሞም፡ ንስኻትኩም ድማ ናብ ጻዕሮም ኣቲኹም ኣለኹም። ዮሃንስ 4፡34-38 ቀትሪ እናሃለወ ግብሪ እቲ ዝለኣኸኒ ክሰርሕ ይግባእ፡ ሓደ እኳ ክሰርሕ ዘይክእል ለይቲ ትመጽእ ኣላ። ዮሃንስ 9፡4 ስለዚ ፍቑራት ኣሕዋተይ፡ ጻዕርኹም ብጐይታ ንኸንቱ ከም ዘይኰነ ስለ ዝፈለጥኩም፡ ጽኑዓት፡ ዘይንቀሳቐሱ፡ ወትሩ ብዕዮ እግዚኣብሄር ትበዝሑ። 1ቆሮ 15፡58 እንተ ዘይደኸምና ድማ ብግቡእ ክንዓጽድ ኢና እሞ፡ ብሰናይ ምግባር ኣይንደክም። ገላትያ 6፡9 ቁራዕ ርእሲ ድሕነትን ሰይፊ መንፈስን ድማ ውሰድ፡ እዚ ድማ ቃል ኣምላኽ እዩ፡ ኤፌሶን 6፡17