Filemoni SEHLUKO 1
1 Mine Pawula, siboshwa saJesu Khristu, kanye naThimothi umzalwane wetfu, sibhalela Filemoni, mzalwane wetfu lotsandzekako, nalesisebenti lesikanye natsi. 2 Naku-Afiya lotsandzekako, naku-Akhiphusi lisotja lesikanye natsi, nasebandleni lelisendlini yakho. 3 Shengatsi umusa nekuthula lokuvela kuNkulunkulu longuBabe wetfu naseNkhosini Jesu Khristu kungaba kini. 4 Ngiyambonga Nkulunkulu wami nangikukhumbula ngaso sonkhe sikhatsi emithantazweni yami. 5 Sengivile ngelutsandvo lwakho nekukholwa lonalo eNkhosini Jesu nakubo bonkhe labangcwele. 6 Ngithantazela kutsi kuhlanganyela kwakho ngekukholwa kukwente utati tonkhe tintfo letinhle lesinato ebunyeni naKhristu Jesu. 7 Siyajabula kakhulu futsi siyadvudvuteka ngenca yelutsandvo lwakho, ngobe wena uvusele tinhlitiyo talabangcwele, mzalwane. 8 Ngako nginesibindzi lesikhulu kuKhristu sekukuyala kutsi wente loko lokufanele ukwente. 9 Kodvwa ngenca yelutsandvo, ngiyakuncenga njengobe nginguPawula sengikhulile futsi nyalo ngisiboshwa ngenca yaKhristu Jesu. 10 Ngiyakuncusa ngenca yendvodzana yami Onesimuse, lengaba ngumtali wayo ngisejele. 11 Lentfo beyingasiti ngalutfo kuwe esikhatsini lesendlulile, kodvwa nyalo seyilusito kimi nakuwe. 12 Ngimtfumile futsi, ngako-ke wemukele, lokusho ematfumbu ami. 13 Bengifisa kutsi amhlale nami, kuze angisite esikhundleni sakho ngisho nangiboshiwe ngenca yetindzaba letimnandzi. 14 Kodvwa kute lengingakwenta ngaphandle kwemvume yakho; kuze kutsi lokuhle kwakho kungabi shengatsi kucindzetelwa, kodvwa kwentiwe ngekutitsandzela. 15 Mhlawumbe kungako wehlukana nawe sikhashana kuze abuyelene nawe kuze kube phakadze; 16 Nyalo akasesigcili, kodvwa ungetulu kwesigcili, futsi ungumzalwane lotsandzekako, ikakhulukati kimi, kakhulu kangakanani-ke kuwe enyameni naseNkhosini? 17 Ngako-ke nangabe ungitsatsa njengemlingani wakho, memukele njengobe ungemukela mine. 18 Nangabe konile, nome akukweleta lokutsite, ubhalele mine loko; 19 Mine Pawula ngikubhale ngesandla sami ngitsi: Ngitakubhadala, kodvwa angikutjeli kutsi ungikweleta kuphila kwakho. 20 Yebo mzalwane, ngicela ngijabule ngawe eNkhosini; 21 Ngenca yekutsi nginelitsemba lekutsi utawulalela, ngikubhalela ngati kutsi utakwenta lokungetulu kwaloko lengikushoko. 22 Ngetulu kwaloko, ungilungiselele indzawo yekuhlala, ngobe ngiyetsemba kutsi ngemithantazo yenu ngitawubuyiselwa kini. 23 Ngiyakuvusela Ephafrasi, losiboshwa lesikanye nami ebunyeni naKhristu Jesu; 24 BoMakhosi, na-Aristakhusi, naDemasi, naLukhasi, nitisebenti letikanye nami. 25 Shengatsi umusa weNkhosi yetfu Jesu Khristu ungaba nani. Amen.