Susu - The Book of the Prophet Obadiah

Abadiyasi CHAPTER 1 1 Abadiyasi xa laamatunyi. Wo Marigi Alatala yi nan masenxi Edon xa fe ra. Muxu bara Alatala xa xɛɛra xɛɛ si gbɛtɛe tagi, ‹Wo keli, won xa a gere. 2 I xa a mato, n bara i xurun sie tagi, e bara i mabere. 3 I yɛtɛ igboɲa bara i madaxu, i tan naxan sabatixi fanye yire itexi, i xa yire itexi. naxan a falama a bOgnE kui, ‹Nde n na goroma bOxi ma? 4 Hali i i yɛtɛ igbo alɔ sikɔtɛ, hali i tɛɛ dɔxɔ tunbuie tagi, n i ragoroma nɛ mɛnni, Alatala xa masenyi nan ya. 5 Xa muɲɛtie fa i xɔnyi kɔɛ ra, i faxama di? Xa wɛni bogi bamae fa i yire, e mu wɛni bogi ndee luma naa xɛ?» 6 Esayu xa fe kolonxi ki naxɛ! A xa fe nɔxunxie fenma ki naxɛ! 7 Wo booree birin bara wo xanin han naaninyi ra. Mixi naxee i xa tae donma, nee bara maxɔnɔ sa i bun ma, fahaamui yo mu na a yi ra. 8 Alatala xa masenyi nan ya: «Na lɔxɔɛ, n mu nɔma Edonkae xa lɔnnilae sɔntɔde, n xaxilimae halakima nɛ naxee na Esayu geya fari? 9 Teman, i xa sɔɔri gbangbalanyie fama nɛ gaaxude han Esayu geya mixi birin faxama nɛ.» 10 I to ɲaxankata i taara Yaxuba mabiri, yaagi fama nɛ i makotode, i halaki abadan. 11 I to nu tixi naakiri ma, xɔɲɛe to a xa sɔɔrie xanin konyiya kui, xɔɲɛe to so a xa naadɛe ra, e kanda woli Darisalamu xili ma, i fan luxi nɛ alɔ e ya ma. 12 Kɔnɔ i mu nu lan i xa i ngaxakerenyi xa fe mato xɔɲɛ ra lɔxɔɛ naxan ma. A mu lanma i xa sɛɛwa Yudaya xa die xa fe ra e xa lɔɛ lɔxɔɛ. A mu lanma i xa wɔyɛn yɛtɛ igboe ra tɔɔrɛ lɔxɔɛ. 13 A mu lanma i xa so n ma ɲama xa taa sode dɛ ra e xa gbaloe lɔxɔɛ. Iyo, i mu lan i xa e xa tOrE mato e xa gbaloe lOxE, i mu lan i xa e xa naafuli suxu e xa gbaloe lOxE; 14 A mu lanma i fan xa ti kira sɛɛti ma alako i xa a xa mixie sɔntɔ naxee e gixi. I mu nu lan i xa a xa mixie ragbilen e ma naxee nu luxi e xa tɔɔrɛ kui.» 15 Alatala xa lɔxɔɛ bara makɔrɛ si birin na, alɔ wo a raba ki naxɛ, wo fan na rabama nɛ. 16 Wo ye minma ki naxɛ n ma geya sɛniyɛnxi fari, si birin ye minma nɛ na ki, e ye minma nɛ, e a gerun, e fa lu alɔ e mu nu na. 17 Kɔnɔ kisi luma nɛ Siyoni geya fari, sɛniyɛnyi luma naa. Yaxuba bɔnsɔɛ fan fama nɛ e kɛ sɔtɔde.» 18 Yaxuba bɔnsɔɛ luma nɛ alɔ tɛ, Yusufu bɔnsɔɛ findima dɛɛxɛ nan na, Esayu bɔnsɔɛ luma nɛ alɔ xube. Esayu bɔnsɔɛ mixi yo mu luma. Alatala nan na falaxi.» 19 Naxee na kɔɔla mabiri, nee fama nɛ Esayu xa geya masɔtɔde. Filisitakae naxee sabatixi gbengberenyi ma, nee fama nɛ Efirami nun Samari bɔxie masɔtɔde, Bunyaminkae fan Galadi bɔxie masɔtɔma nɛ.» 20 Isirayilakae naxan xaninxi konyiya kui, e fama nɛ Kanaankae xa bɔxi masɔtɔde han Sarefati. Darisalamuka naxee xanin Sefarada bɔxi ma, e fama nɛ taae masɔtɔde naxee na Negewi bɔxi ma. 21 Rakisimae fama nɛ tede Siyoni geya fari, e xa Esayu bɔnsɔɛ makiiti. Na mangɛya findima Alatala nan gbe ra.»