2 VaKorinte CHITSAUKO 1 1 Pauro, mupostori waKristu Jesu nokuda kwaMwari, naTimoti hama yedu, kukereke yaMwari iri muKorinde, pamwe chete navatsvene vose vari muAkaya yose. 2 Nyasha kwamuri nerugare runobva kuna Mwari Baba vedu naIshe Jesu Kristu. 3 Ngaarumbidzwe Mwari, ivo Baba vaIshe wedu Jesu Kristu, Baba vetsitsi, uye Mwari wekunyaradza kose; 4 unotinyaradza pakutambudzika kwedu kose, kuti isu tigone kunyaradza avo vari mukutambudzika kupi nokupi, nokunyaradzwa kwatinonyaradzwa nako isu tomene naMwari; 5 Nekuti matambudziko aKristu sezvaakawedzerwa matiri, saizvozvovo kunyaradzwa kwedu kunowanzisa naKristu. 6 Kana tichitambudzika, zvinoitirwa kunyaradzwa kwenyu noruponeso rwenyu, kana tichitambudzika, zvinoitirwa kunyaradzwa kwenyu, kunobereka mamuri kutsungirira pamatambudziko iwayo atinotambudzika nawo, kana tichinyaradzwa, zvinoitirwa kunyaradzwa kwenyu noruponeso rwenyu. 7 Uye tariro yedu pamusoro penyu yakasimba, tichiziva kuti sezvamuri vagovani vematambudziko, saizvozvovo venyaradzo. 8 Nokuti hatidi, hama, kuti musaziva kutambudzika kwedu kwakatiwira paAsia, kuti takanga takamanikidzwa zvisingagoni kuyerwa, kupfuura simba redu, zvekuti takarasha tariro kunyange noupenyu; 9 Asi isu takanga tatongerwa rufu matiri, kuti tirege kuvimba nesimba redu, asi naMwari unomutsa vakafa; 10 wakatinunura parufu rukuru rwakadai, uye unonunura; watinovimba maari kuti uchatinunura; 11 nemwiwo muchibatsirana muchinyengetera, kuti nekuda kwechipo pamusoro pedu nenzira yevanhu vazhinji, kuvonga kupiwe vazhinji vakatimiririra. 12 Nekuti kuzvikudza kwedu ndikoku: Kupupura kwehana yedu, kuti muumwe neuzvokwadi hwaMwari, kwete neuchenjeri hwenyama, asi nenyasha dzaMwari, takazvibata panyika zvikuru maererano nemwi. 13 Nekuti hatinyori zvimwe zvinhu kwamuri, asi izvo zvamunoverenga nezvamunogamuchira; uye ndinovimba kuti muchazvigamuchira kusvika pakuguma; 14 sezvamakatigamuchirawo muchidimbu, kuti tiri rumbidzo yenyu, semwiwo vedu nezuva raIshe Jesu. 15 Uye muchivimbo ichi, ndaishuva kutanga kuuya kwamuri kuti muve nenyasha dzechipiri; 16 nekupfuura nekwamuri ndichienda Makedhonia, nekudzoka kwamuri ndichibva Makedhonia, ndiperekedzwe nemwi kuJudhiya. 17 Naizvozvo ndichifunga saizvozvo, ndakaita nekusarangarira here? Kana zvandinozvipira ndinozvipira zvinoenderana nenyama here, kuti kwandiri zvive hongu, hongu, uye kwete, kwete? 18 Asi Mwari ari wechokwadi, kuti shoko redu kwamuri harina kuva hongu nakwete. 19 Nekuti Mwanakomana waMwari Jesu Kristu, wakaparidzwa pakati penyu nesu, neni naSirivhano naTimotio, wakange asiri hongu nakwete, asi maari maiva hongu.
20 Nekuti zvose zvipikirwa zvaMwari maari ndihongu; nemaari ndiAmeni, kuti Mwari akudzwe kubudikidza nesu. 21 Zvino unotisimbisa pamwe nemwi muna Kristu, nekutizodza ndiMwari; 22 wakatiisawo mucherechedzo, akapa rubatso rweMweya mumoyo yedu. 23 Ndinodana Mwari kuti ave chapupu pamweya wangu, kuti ndikuregererei handina kuzouya Korinde. 24 Kwete nekuti tinotonga pamusoro perutendo rwenyu, asi tiri vabatsiri vemufaro wenyu; nekuti mumire nerutendo. CHITSAUKO 2 1 Asi ndakazvipira izvi mandiri kusauya kwamuri nekushungurudzika. 2 Nekuti kana ndichikushungurudzai, ndiani zvino uchandifadza, kunze kwaiye wakashungurudzwa neni? 3 Ndakakunyorerai chinhu ichi, kuti kana ndasvika ndirege kushungurudzwa naivo vanofanira kundifadza; ndinovimba nemi mose, kuti mufaro wangu ndowenyu mose. 4 Nekuti ndakakunyorerai kubva pakutambudzika kukuru nekurwadziwa kwemoyo nemisodzi mizhinji; kwete kuti mukuchemedzwa, asi kuti muzive rudo rwandinoda zvikuru kwamuri. 5 Zvino kana umwe akarwadzisa, haana kuchemedza ini, asi muchidimbu; kuti ndirege kukuremedzai mose. 6 Kuranga uku kwakakwanira wakadaro kwevazhinji. 7 Kuti panzvimbo yaizvozvi zviri nani kuti mumukangamwire nokunyaradza, kuti wakadaro arege kuodzwa moyo kwazvo neshungu zvinji. 8 Naizvozvo ndinokukumbirisai kuti musimbise rudo kwaari. 9 Nekuti ndakanyorerawo izvi, kuti ndizive kuidzwa kwenyu kana muchiteerera pazvinhu zvose. 10 Iye wamunokangamwira chinhu, neni ndinomukangamwira; nekuti kana ini ndakakangamwira chinhu, uyo wandakakangamwira, ini ndakakangamwira nekuda kwenyu pamberi paKristu; 11 kuti Satani arege kutinyengera; nekuti hatizi vasingazivi mano ake. 12 Uyezve, pandakasvika paTroasi kuti ndiparidze evhangeri yaKristu, uye ndakazarurirwa mukova waShe. 13 handina kuwana zororo pamweya wangu, nekuti handina kuwana Tito hama yangu; asi ndakawonekana navo ndikabvapo ndikaenda Makedhonia. 14 Zvino ngaavongwe Mwari, unotikundisa nguva dzose muna Kristu, uye unoratidza nesu kose-kose hwema hweruzivo rwake. 15 Nokuti isu tiri hwema hunonhuwira hwaKristu kuna Mwari, pane ivo vanoponeswa navanoparara. 16 Kune vamwe hwema hworufu mukufa; uye kune vamwe hwema hwoupenyu kuupenyu. Zvino ndiani ungakwanira zvinhu izvi? 17 Nekuti hatifanani nevazhinji vanokanganisa shoko raMwari; asi seveuchokwadi, uye sezvinobva kuna Mwari pamberi paMwari tinotaura tiri muna Kristu. CHITSAUKO 3 1 Tinotangazve kuzvirumbidza kwamuri here? Tinotsvaka here, sevamwe tsamba dzekutipupurira kwamuri, kana tsamba dzokutipupurira kwenyu?