Melao ea Bibele ea Matla Matla a feletseng a Jesu Kreste ha a senyehe.
Jesu a tla, a bua le bona, a re: “ Ke neilwe matla ’ohle leholimong le lefatšeng. E-eang ke hona, le rute lichaba tsohle, le ba kolobetse ka lebitso la Ntate, le la Mora, le la Moea o Halalelang; le ba rute ho boloka lintho tsohle tseo ke le laetseng tsona; ’me bonang, ke na le lōna kamehla, ho isa bofelong ba lefatše.” Amen. Matheu 28:18-20 Empa le tla fumana matla, ha Moya o Halalelang o se o tlile hodima lona, mme le tla ba dipaki tsa ka Jerusalema, le Judea yohle, le Samaria, le ho isa pheletsong ya lefatshe. Liketso 1:8
Libuka tse Hlano tse Qalang tsa Bibele Le tseba hantle hore ke sebeleditse ntata lona ka matla a ka wohle. Ho matleng a letsoho la ka ho le etsa hampe; empa Molimo oa ntat'ao o buile le 'na maobane bosiu, oa re: Itlhokomele hore u se ke ua bua le Jakobo hantle kapa hampe. Genese 31:6 , 29 A re: Lebitso la hao ha le sa tla hlola le bitswa Jakobo, empa le tla bitswa Iseraele, hobane o lwanne le Modimo le batho jwaloka morena, mme o hlotse. Genese 32:28 Rubene, u letsibolo la ka, matla a ka, le qalo ea matla a ka, bokhabane ba seriti, le bokhabane ba matla. Genese 49:3 'Me ka sebele ke u phahamisitse ka lebaka lena, hore ke u bontše matla a ka, le hore lebitso la ka le ka phatlalatsoa lefatšeng lohle. Exoda 9:16 Jehova, letsoho la hao le letona le tumme ka matla a lona; Jehova, letsoho la hao le letona le robakantse sera. Exoda 15:6 Haeba a sa kgahle monga hae, ya mo lebeleditseng, o tla mo dumella hore a lopollwe; a ke ke a ba le matla a ho mo rekisa ho setjhaba sesele, kaha o mo thetsitse. Exoda 21:8 Moshe a rapela Jehova, Molimo oa hae, a re: Jehova, bohale ba hao bo tukela’ng sechaba sa hao seo u se ntšitseng naheng ea Egepeta ka matla a maholo le ka letsoho le matla? Exoda 32:11 Ke tla roba boikhohomoso ba matla a lona; 'me ke tla etsa leholimo la lōna joaloka tšepe, le lefatše la lōna joaloka koporo. Ba tla wa, ba bang hodima ba bang, jwalokaha eka ba tshaba sabole, leha ho se ya ba lelekisang; mme le ke ke la ba le matla a ho ema pela dira tsa lona. Levitike 26:19 , 37 Jwale, ke a o rapela, matla a Morena a ke a be maholo, jwalokaha o boletse, wa re: Numere 14:17 Balaame a re ho Balake: Bona, ke tlile ho wena; na jwale ke na le matla a ho bua letho? Lentswe leo Modimo o le beang molomong wa ka, ke lona leo ke tla le bua. Numere 22:38 Kahobane a ratile bo-ntat’ao, a khetha bana ba bona ka mora bona, ’me a u ntša Egepeta ka pel’a mahlo a hae ka matla a hae a maholo; Deuteronoma 4:37