Kolobetso ea Metsi le Mollo Yaba ke hopola lentswe la Morena, kamoo a itseng kateng, Johanne o kolobeditse ka metsi, empa lona le tla kolobetswa ka Moya o Halalelang. Liketso 11:16
Likosepele Matheu 3:1-17 1 Mehleng eo ha hlaha Johanne Mokolobetsi, a ruta lefeelleng la Judea, 2 A re: Bakang, hobane mmuso wa mahodimo o atametse. 3 Hobane ke yena ya neng a boletswe ke moporofeta Esaia, ha a re: Lentswe la ya howang feelleng, le re: Lokisang tsela ya Morena, le lokise ditsela tsa hae. 4 Johanne eo o ne a apere seaparo sa boya ba kamele, a itlamile letheka ka leqhama la letlalo; dijo tsa hae e ne e le ditsie le mahe a dinotshi a naha. 5 Yaba Jerusalema, le Judea yohle, le naha yohle e pela Jordane, ba tswela ho yena, 6 Mme ba kolobetswa ke yena nokeng ya Jordane, ba ipolela dibe tsa bona. 7 Empa ha a bona Bafarisi le Basaduse ba bangata ba tla kolobetsong ya hae, a re ho bona: Lona bana ba marabe, ke mang ya le boleletseng ho balehela bohale bo tlang? 8 Ka baka leo, behang ditholwana tse tshwanelang pako. 9 Mme le se ke la re ka ho lona: Re na le Abrahama, ntata rona; hobane ke re ho lona: Modimo o ka tsosetsa Abrahama bana le ka majwe ana. 10 Mme jwale selepe se se se beilwe metsong ya difate: ka baka leo, sefate se seng le se seng se sa beheng ditholwana tse monate se a rengwa, mme se lahlelwa mollong. 11 Nna ke le kolobetsa ka metsi, ke le kolobetsa pakong; empa ya tlang ka mora ka o matla ho mpheta, eo ke sa lokelang ho mo jara dieta; o tla le kolobetsa ka Moya o Halalelang le ka mollo. 12 Seoloso sa hae se letsohong la hae, mme o tla hlwekisa seotlo sa hae ka ho feletseng, mme a bokelle koro ya hae ka tlung ya polokelo, empa mmoko o tla o tjhesa ka mollo o sa timeng. 13 Yaba Jesu o tswa Galelea, a tla Jordane ho Johanne, ho kolobetswa ke yena. 14 Empa Johanne a mo thibela, a re: Ke nna ke lokelang ho kolobetswa ke wena, mme na o tla ho nna? 15 Jesu a araba, a re ho yena: “ Dumella hore ho be jwalo jwale, hobane re lokela ho phethahatsa ho loka hohle.” Yaba o a mo dumella. 16 Eitse hobane Jesu a kolobetswe, a phakisa a tswa metsing; mme bonang, mahodimo a mo phetlela, mme a bona Moya wa Modimo o theoha jwaloka leeba, o tla hodima hae. 17 Mme lentswe la tswa lehodimong, le re: Enwa ke Mora wa ka ya ratwang, eo ke kgahlwang ke yena.
Kolobetso ea Metsi le Mollo Yaba ke hopola lentswe la Morena, kamoo a itseng kateng, Johanne o kolobeditse ka metsi, empa lona le tla kolobetswa ka Moya o Halalelang. Liketso 11:16
Kannete ke re ho lona: Har’a ba tsoetsoeng ke basali ha ho e-so hlahe e moholo ho feta Johanne Mokolobetsi; empa e monyenyane ’musong oa maholimo o moholo ho eena. Ho tloha mehleng ea Johanne Mokolobetsi ho fihlela joale ’muso oa maholimo o ntse o hatelloa, ’me ba mabifi ba o hapa ka likhoka. Matheu 11:11-12 A re ho bahlanka ba hae: “Enwa ke Johanne Mokolobetsi; o tsohile bafung; ka hona mesebetsi e matla e sebetsa ho yena.” Mme mosadi, a laetswe ke mmae, a re: “Mphe hlooho ya Johanne Mokolobetsi mona ka mokeke.” Matheu 14:2,8 Ba re: “Ba bang ba re u Johanne Mokolobetsi, ba bang ba re u Elia, ba bang ba re u Jeremia, kapa e mong oa baprofeta.” Matheu 16:14 Yaba barutuwa ba utlwisisa hore o bua le bona ka Johanne Mokolobetsi. Matheu 17:13 Empa Jesu a araba a re: “ Ha le tsebe seo le se kopang. Na le ka kgona ho nwa senwelo seo ke tla se nwa, le ho kolobetswa ka kolobetso eo ke tla kolobetswa ka yona?” Ba re ho yena: “Re a kgona.” Yaba o re ho bona: “ E, le tla nwa senwelo sa ka, mme le kolobetswe ka kolobetso eo ke tla kolobetswa ka yona; empa ho dula ka letsohong la ka le letona le ka letsohong la ka le letshehadi, ha se nna ya ka fanang ka hona, empa ho tla newa bao ho lokiseditsweng ke Ntate.” Matheu 20:22-23 Matheu 21:25 Kolobetso ea Johanne e ne e tsoa kae? E ne e tsoa leholimong, kapa e tsoa ho batho?' Ba buisana, ba re: "Haeba re ka re, E ne e tsoa leholimong, o tla re ho rona, 'Joale, ke hobane'ng ha le sa ka la mo lumela?'" Matheu 28:18-20 Jesu a tla, a bua le bona, a re: “ Ke neilwe matla ’ohle leholimong le lefatšeng. E-eang ke hona, le rute lichaba tsohle, le ba kolobetse ka lebitso la Ntate, le la Mora, le la Moea o Halalelang; le ba rute ho boloka lintho tsohle tseo ke le laetseng tsona; ’me bonang, ke na le lōna kamehla, ho isa bofelong ba lefatše. Amen.” Johanne o ne a kolobetsa lefeelleng, a bolela kolobetso ea pako bakeng sa tšoarelo ea libe. Ba ile ba tla ho eena naheng eohle ea Judea le ba Jerusalema, 'me bohle ba kolobetsoa ke eena nokeng ea Jordane, ba ipolela libe tsa bona. 'Na ke le kolobelitse ka metsi, empa o tla le kolobetsa ka Moea o Halalelang. Eitse matsatsing ao, Jesu a tla a tsoa Nazaretha oa Galilea, 'me a kolobetsoa ke Johanne nokeng ea Jordane. Mareka 1:4-5,8-9 Morena Heroda a utlwa ka yena, (hobane lebitso la hae le ne le tumme): mme a re: “Johanne Mokolobetsi o tsohile bafung, mme ka baka leo mesebetsi e matla e etswa ho yena.” Yaba mosadi o tswa, a re ho mmae: “Ke tla kopa eng?” Mme mosadi a re: “Hlooho ya Johanne Mokolobetsi.” Yaba o kena kapele ho morena, a kopa, a re: “Ke rata hore o mphe hlooho ya Johanne Mokolobetsi hona jwale ka mokeke.” Mareka 6:14,24,25 Ba araba, ba re: “Johanne Mokolobetsi; ba bang ba re: Elia; ba bang ba re: E mong oa baprofeta.” Mareka 8:28 Empa Jesu a re ho bona: “ Ha le tsebe seo le se kopang: na le ka nwa senwelo seo ke se nwang, le ho kolobetswa ka kolobetso eo ke kolobetswang ka yona?” Ba re ho yena: “Re ka kgona.” Jesu a re ho bona: “ Kannete le tla nwa senwelo seo ke se nwang, mme le tla kolobetswa ka kolobetso eo ke kolobetswang ka yona.” Mareka 10:38-39
2
Kolobetso ea Metsi le Mollo Yaba ke hopola lentswe la Morena, kamoo a itseng kateng, Johanne o kolobeditse ka metsi, empa lona le tla kolobetswa ka Moya o Halalelang. Liketso 11:16
Kolobetso ea Johanne, na e ne e tsoa leholimong, kapa bathong? Nkarabe. Mareka 11:30 Ea lumelang, 'me a kolobetsoa, o tla bolokeha, empa ea sa lumeleng, o tla ahloloa. Mareka 16:16 A tla naheng yohle e mathokong a Jordane, a bolela kolobetso ya pako, ya tshwarelo ya dibe; Yaba o re ho bongata bo tlileng ho kolobetswa ke yena: Lona bana ba marabe, ke mang ya le boleletseng ho balehela bohale bo tlang? Yaba balekgetho le bona ba tla ho kolobetswa, ba re ho yena: Moruti, re tla etsang? Johanne a araba, a re ho bona bohle: Nna ke le kolobetsa ka metsi; empa ya matla ho mpheta o a tla, eo ke sa lokelang ho mo lokolla leqhwele la dieta tsa hae; ke yena ya tla le kolobetsa ka Moya o Halalelang le ka mollo. Eitse hobane batho bohle ba kolobetswe, Jesu le yena a kolobetswa, a rapela, lehodimo la buleha, Luka 3:3,7,12,16,21 Eitse ha banna bao ba fihla ho yena, ba re: Johanne Mokolobetsi o re romile ho wena, a re: Na ke wena ya tlang ho tla, kapa re lebeletse e mong? Hobane ke re ho lona: Har'a ba tswetsweng ke basadi ha ho moporofeta e moholo ho feta Johanne Mokolobetsi; empa e monyenyane mmusong wa Modimo o moholo ho yena. Mme batho bohle ba mo utlwileng, le balekgetho, ba ile ba lokafatsa Modimo, ka ho kolobetswa ka kolobetso ya Johanne. Empa Bafarisi le baruti ba molao ba ile ba lahla morero wa Modimo ka bona, ka ho se kolobetswe ke yena. Hobane Johanne Mokolobetsi o tlile a sa je bohobe, a sa nwe veine; mme le re: O na le modemona. Luka 7:20,28-30,33 Ba araba ba re: “Johanne Mokolobetsi; ba bang ba re: Elia; ba bang ba re: E mong oa baprofeta ba khale o tsohile bafung.” Luka 9:19 Empa ke na le kolobetso eo ke lokelang ho kolobetsoa ka eona; 'me ke tsielehile hakaakang ho fihlela e phetheha! Luka 12:50 Kolobetso ea Johanne, na e ne e tsoa leholimong, kapa bathong? Luka 20:4 Ba mmotsa, ba re ho yena: “Ha o se Kreste, kapa Elia, kapa moporofeta eo, o kolobetsang?” Johanne a ba araba, a re: “Nna ke kolobetsa ka metsi; empa ho eme e mong hara lona eo le sa mo tsebeng; Dintho tsena di etsahetse Bethabara mose ho Jorodane, moo Johanne a neng a kolobetsa teng. Le nna ke ne ke sa mo tsebe: empa ke tlile ke kolobetsa ka metsi hore a tle a bonahatswe ho Iseraele. Le nna ke ne ke sa mo tsebe; empa ya nthomileng ho kolobetsa ka metsi, o itse ho nna: ‘Eo o tla bona Moya o theohela ho yena, mme o dula hodima hae, ke yena ya kolobetsang ka Moya o Halalelang.’ Johanne 1:25-26,28,31,33 Kamora tsena Jesu le barutuoa ba hae ba tla naheng ea Judea, 'me a lula le bona moo, a kolobetsa. Johanne le eena o ne a kolobetsa Ainone, haufi le Salim, hobane metsi a ne a le mangata moo; 'me ba tla, ba kolobetsoa. Ba tla ho Johanne, ba re ho eena: Rabi, ea neng a e-na le uena mose ho Jordane, eo u mo pakileng, bona, oa kolobetsa, 'me bohle ba tla ho eena. Johanne 3:22-23,26 Jwale, Morena ha a tseba hore Bafarisi ba utlwile hore Jesu o etsa barutuwa ba bangata ho feta Johanne, mme o ba kolobetsa, (le hoja Jesu ka boyena a sa ka a kolobetsa, empa ho kolobetsa barutuwa ba hae,) Johanne 4:1-2 , moo Johanne a neng a kolobetsa teng pele, mme a dula teng.
3
Kolobetso ea Metsi le Mollo Yaba ke hopola lentswe la Morena, kamoo a itseng kateng, Johanne o kolobeditse ka metsi, empa lona le tla kolobetswa ka Moya o Halalelang. Liketso 11:16
Liketso Hobane Johanne o ne a kolobetsa ka metsi, empa lona le tla kolobetsoa ka Moea o Halalelang, matsatsi a se makae a latelang. Liketso 1:5 Ho qala kolobetsong ea Johanne, ho fihlela letsatsing leo a nkiloeng ho rona ka lona, e mong o lokela ho khethoa hore e be paki ea tsoho ea hae le rona. Liketso 1:22 Petrose a re ho bona: “Bakang, ’me e mong le e mong oa lōna a kolobetsoe ka lebitso la Jesu Kreste tšoarelong ea libe, ’me le tla amohela neo ea Moea o Halalelang.” Liketso 2:38 Yaba ba amohetseng lentswe la hae ka thabo ba kolobetswa, mme letsatsing leo ba ekeletswa ka batho ba ka bang dikete tse tharo. Liketso 2:41 Empa eitse hobane ba dumele Filipi ha a ntse a ba bolella ditaba tsa mmuso wa Modimo le tsa lebitso la Jesu Kreste, banna le basadi ba kolobetswa. Liketso 8:12 Simone le yena a dumela, mme yare hobane a kolobetswe, a dula le Filipi, mme a makala, ha a bona mehlolo le dipontsho tse neng di etswa. (Hobane o ne a eso ho wele ho le ya mong wa bona, empa ba ne ba kolobeditswe ka lebitso la Morena Jesu feela.) Liketso 8:13,16 Ha ba ntse ba tsamaea, ba fihla metsing a mang, ’me leqhalaha la re: Bona, metsi ke ana; ke eng e nthibelang ho kolobetsoa? Eaba o laela hore koloi e eme, ’me ba theohela metsing ka bobeli, Filipi le leqhalaha; ’me a le kolobetsa. Liketso 8:36,38 Hang-hang ha wa mahlong a hae ntho e kang makhakhapha: mme a bona hang-hang, mme a ema, mme a kolobetswa. Liketso 9:18 Ke re, lea tseba lentsoe leo le ileng la phatlalatsoa Judea eohle, la qala Galilea, kamora kolobetso eo Johanne a neng a e bolela, a re: Na ho na le motho ya ka thibelang metsi, hore bana ba se ke ba kolobetswa, ba amohetseng Moya o Halalelang jwalo ka rona? Yaba o ba laela hore ba kolobetswe ka lebitso la Morena. Yaba ba mo rapela hore a dule matsatsi a itseng. Liketso 10:37,47-48 Yaba ke hopola lentswe la Morena, kamoo a itseng kateng: Johanne o kolobeditse ka metsi, empa lona le tla kolobetswa ka Moya o Halalelang. Liketso 11:16 Ha Johanne a qala ho bolella batho bohle ba Iseraele ka kolobetso ea pako, pele a fihla. Liketso 13:24 Eitse hobane a kolobetsoe, le ba ntlo ea hae, a re rapela, a re: Haeba le nkahlotse hore kea tšepahala ho Morena, kenang ka tlung ea ka, le lule teng. A re phehella. A ba nka ka eona nako eo ea bosiu, a hlatsoa maqeba a bona; ’me a kolobetsoa hang-hang, eena le ba ntlo ea hae kaofela. Liketso 16:15,33 Krispo, molaoli ea ka sehloohong oa sinagoge, a lumela ho Morena le bohle ba ntlo ea hae; ’me ba bangata ba Bakorinthe ba utloang ba lumela, ’me ba kolobetsoa. Monna enoa o ne a rutiloe tsela ea Morena; ’me a cheseha moeeng, a bua le ho ruta ka hloko litaba tsa Morena, a tseba kolobetso ea Johanne feela. Liketso 18:8,25 A re ho bona: “Le kolobeditswe ka kolobetso efe?” Ba re: “Kolobetsong ya Johanne.” Yaba Pauluse o re: “Johanne o kolobeditse ka kolobetso ya pako, a bolella batho hore ba dumele ho ya tlang ka 4
Kolobetso ea Metsi le Mollo Yaba ke hopola lentswe la Morena, kamoo a itseng kateng, Johanne o kolobeditse ka metsi, empa lona le tla kolobetswa ka Moya o Halalelang. Liketso 11:16
mora hae, e leng Kreste Jesu.” Eitse ha ba utlwa sena, ba kolobetswa ka lebitso la Morena Jesu. Liketso 19:3-5 Jwale o diehetseng? Ema, o kolobetswe, mme o hlatswe dibe tsa hao, o bitse lebitso la Morena. Liketso 22:16
Mangolo Na ha le tsebe hore rona bohle ba kolobelitsoeng ho Kreste Jesu re kolobelitsoe lefung la hae? Ka hona re patiloe le eena ka kolobetso lefung: hore joalo ka ha Kreste a tsositsoe bafung ka khanya ea Ntate, le rona re tsamaee ka mokhoa o mocha oa bophelo. Baroma 6:3-4 Na Kreste o arohane? Na Pauluse o thakgisitswe bakeng sa lona? Kapa na le kolobeditswe ka lebitso la Pauluse? Ke leboha Modimo hobane ha ke a ka ka kolobetsa le ya mong wa lona, haese Krispo le Gaiase; esere e mong a re ke kolobeditse ka lebitso la ka. Mme ke kolobeditse le ba ntlo ya Setefanase; hape, ha ke tsebe hore na ke kolobeditse e mong. Hobane Kreste ha a ka a nthoma ho kolobetsa, empa ho bolela Evangeli; e seng ka bohlale ba mantswe, sefapano sa Kreste se tle se se ke sa etswa lefeela. 1 Bakorinthe 1:13-17 Bohle ba kolobelitsoe ho Moshe lerung le leoatleng; 1 Bakorinthe 10:2 Hobane ka Moya o le mong re kolobelitsoe bohle hore re be 'mele o le mong, leha re le Bajuda kapa Balichaba, leha re le makhoba kapa re lokolohile, 'me bohle re nositsoe Moea o le mong. 1 Bakorinthe 12:13 Ho seng jwalo, ba kolobetswang bakeng sa bafu ba tla etsang, haeba bafu ba sa tsohe ho hang? Jwale ke hobaneng ha ba kolobetswa bakeng sa bafu? 1 Bakorinthe 15:29 Hobane lona bohle ba kolobelitsoeng ho Kreste le apere Kreste. Bagalata 3:27 Morena a le mong, tumelo e le 'ngoe, kolobetso e le 'ngoe, Baefese 4:5 Le patiloe le eena kolobetsong, moo le tsositsoeng le eena ka tumelo ea matla a Molimo, ea mo tsositseng bafung. Bakolose 2:12 Thuto ea likolobetso, le ea peo ea matsoho, le ea tsoho ea bafu, le ea kahlolo e sa feleng. Baheberu 6:2 Setshwantsho se tshwanang le seo kolobetso e re pholosang ka sona jwale (eseng ho hlatswa ditshila tsa nama, empa e le ho kopa letswalo le letle ho Modimo,) ka tsoho ya Jesu Kreste: 1 Petrose 3:21
Libuka Tse Lahlehileng tsa Bibele Re bone Jesu, eo le mo thakgisitseng, a bua le barutuoa ba hae ba leshome le motso o mong, a lutse har'a bona Thabeng ea Mehloaare, a re ho bona: E-eang lefatšeng lohle, le bolele Evangeli ho lichaba tsohle, le ba kolobetse ka lebitso la Ntate, le la Mora, le la Moea o Halalelang; 'me mang kapa mang ea lumelang, 'me a kolobetsoa, o tla pholoha. Eitse ha a boleletse barutuoa ba hae lintho tsena, ra mo bona a nyolohela leholimong. Evangeli ea Nikodemase 10: 19-21
5
Kolobetso ea Metsi le Mollo Yaba ke hopola lentswe la Morena, kamoo a itseng kateng, Johanne o kolobeditse ka metsi, empa lona le tla kolobetswa ka Moya o Halalelang. Liketso 11:16
A araba, a re: “Ke ’na lentsoe la ea hoeletsang lefeelleng, Johanne Mokolobetsi le moprofeta oa Ea Holimo-limo, ea ileng a etella pele ho tla ha hae ho lokisa tsela ea hae, ho fa batho ba hae tsebo ea poloko bakeng sa tšoarelo ea libe.” ’Me ’na Johanne, ha ke bona Jesu a tla ho ’na, a susumetsoa ke Moea o Halalelang, ka re: “Bonang, Konyana ea Molimo, bona ea tlosang libe tsa lefatše.” ’Me ka mo kolobetsa nokeng ea Jordane, ’me ka bona Moea o Halalelang o theohela holim’a hae ka sebōpeho sa leeba, ’me ka utloa lentsoe le tsoang leholimong, le re: “Enoa ke Mora oa ka ea ratoang, eo ke mo thabelang haholo.” Evangeli ea Nikodemase 13:11-13 Empa ha monna oa pele eo e neng e le ntate oa rona Adama a utloa lintho tsena, tsa hore Jesu o kolobelitsoe Jordane, o ile a bitsa mora oa hae, Setha, a re: “Tsebisang bara ba lōna, bapatriareka le baprofeta, lintho tsohle tseo le li utloileng ho Mikaele, lengeloi le ka sehloohong, ha ke le romela lihekeng tsa Paradeise, ho ea kopa Molimo hore a tlotse hlooho ea ka ha ke kula.” Evangeli ea Nikodemase 14:1-2 Ebe Kreste, Mora oa Molimo ea mohau ka ho fetisisa, o tla tla lefatšeng ho tsosa 'mele oa Adama hape, 'me ka nako e tšoanang ho tsosa 'mele ea bafu, 'me ha a fihla o tla kolobetsoa Jordane: Evangeli ea Nikodemase 14:6 Lengeloi le ka sehloohong Mikaele le ile la re laela ho feta moo hore re fetele ka mose ho Jordane, re ye naheng e ntle le e nonneng, moo ho nang le ba bangata ba tsohileng bafung hammoho le rona bakeng sa bopaki ba tsoho ea Kreste. Hobane re se re filoe matsatsi a mararo feela ho tsoa bafung, ba tsohileng ho ea keteka Paseka ea Morena oa rona le batsoali ba rona, le ho paka Kreste Morena, 'me re kolobelitsoe nokeng e halalelang ea Jordane. 'Me joale ha ba bonoe ke mang kapa mang. Evangeli ea Nikodemase 21: 4-5 Ho lehlohonolo ba bolokang kolobetso ea bona e hloekile; hobane ba tla fumana khotso le Ntate, Mora le Moea o Halalelang. Liketso tsa Pauluse le Thecla 1:18 Kamora moo ba ntša libata tse ling tse ngata tsa naha; empa Thecla a ema a otlolletse matsoho leholimong, a rapela; 'me ha a qetile ho rapela, a reteleha, 'me a bona sekoti sa metsi, 'me a re, Joale ke nako e loketseng ea hore ke kolobetsoe. Ka hona a itahlela ka metsing, 'me a re, Ka lebitso la hao, Morena oa ka Jesu Kreste, ke kolobelitsoe letsatsing lena la ho qetela. Basali le batho ba bona sena, ba hoeletsa, 'me ba re, U se ke ua itahlela ka metsing. 'Me 'musisi ka boeena a hoeletsa, ho nahana hore litlhapi (manamane a leoatle) li ne li ka ja botle bo bongata hakaalo. Liketso tsa Pauluse le Thecla 9:6-7 Eitse ha Thecla a lemoha, a re ho yena: Ke kolobeditswe, Pauluse; hobane ya o thusang ho bolela, o nthusitse ho kolobetsa. Liketso tsa Pauluse le Thecla 10:2 Ka hona, haeba banna ba lokileng ba joalo ba sa khone ho lopolla bana ba bona ka ho loka ha bona, re ka tšepa joang ho kena 'musong oa Molimo, ntle le hore re boloke kolobetso ea rona e halalela ebile e sa silafala? Kapa ke mang ea tla ba 'muelli oa rona, ntle le haeba re ka fumanoa re entse se halalelang le se lokileng? 2 Clement ho Bakorinthe 3:9 Jwale mabapi le ba pele ba tsena, ho ngolletswe batho ba Iseraele hore ba ke ke ba amohela kolobetso e isang tshwarelong ya dibe, empa ba tla iketsetsa e mong ya sa kgoneng. Lengolo le Akaretsang la Barnabase 10:2
6
Kolobetso ea Metsi le Mollo Yaba ke hopola lentswe la Morena, kamoo a itseng kateng, Johanne o kolobeditse ka metsi, empa lona le tla kolobetswa ka Moya o Halalelang. Liketso 11:16
Hobane Molimo oa rona Jesu Kreste o emotsoe ka popelong ea Maria, oa peo ea Davida, ka Moea o Halalelang, ho ea ka nako ea Molimo, a tsoaloa 'me a kolobetsoa, hore ka bohloko ba hae a hloekise metsi, ho hlatsuoa sebe. Lengolo la Ignatius ho Baefese 4: 9 Hobane ke bone hore le tiile tumelong e sa sisinyeheng, joalokaha eka le khokhothetsoe sefapanong sa Morena oa rona Jesu Kreste, ka nama le ka moea; 'me le tiisitsoe leratong ka mali a Kreste, le kholisehile ka botlalo ka lintho tse amanang le Morena oa rona. Eo e neng e le oa leloko la Davida ka nama, empa e le Mora oa Molimo ka thato le matla a Molimo; ea tsoetsoeng ke Moroetsana e le kannete, 'me a kolobetsoa ke Johanne; e le hore ho loka hohle ho tle ho phethahale ka eena. Lengolo la Ignatius ho Smyrnaea 1: 3-4 Ha ho molaong ntle le mobishopo, ho kolobetsa, kapa ho keteka Selallo se Halalelang; empa seo a se amohelang, le sona se khahlisa Molimo; e le hore sohle se etsoang, se ka tiiseha 'me sa etsoa hantle. Lengolo la Ignatius ho ba Smyrnaeans 3:5 Khahlisang eo le mo loantšang tlas'a hae, le eo le fumanang moputso oa lona ho eena. Ho se ke ha fumanoa e le ea mong oa lona ea lahlehileng; empa kolobetso ea lona e lule e le matsoho a lona; tumelo ea lona, joalo ka helmete ea lona; lerato la lona, joalo ka lerumo la lona; mamello ea lona, joalo ka lihlomo tsa lona tsohle. Lengolo la Ignatius ho Polycarp 2:14 Mme ba bang ba ileng ba wela metsing, mme ba sitwa ho iphuthumatsa ka metsing ke bafe? Ke ba ileng ba utlwa lentswe, mme ba ikemisetsa ho kolobetswa ka lebitso la Morena; empa ha ba nahana ka khalalelo e kgolo eo nnete e e hlokang, ba ile ba ikhula, mme ba tsamaya hape ho latela ditakatso tsa bona tse mpe. Kahoo a phethela tlhaloso ya tora. 1 Buka ya Modisa wa Hermas (Dipono) 3:75-77 Ka re ho yena, Ke se ke utlwile le jwale ho baruti ba bang, hore ha ho na pako e nngwe ntle le ya kolobetso; ha re theohela ka metsing, mme re fumana tshwarelo ya dibe tsa rona; le hore kamora moo, ha re a lokela ho hlola re etsa sebe, empa re phele ka bohlweki. 2 Buka ya Modisa wa Hermas (Ditaelo) 4:18 Hobane pele motho a amohela lebitso la Mora oa Molimo, o khethetsoe lefu; empa ha a fumana tiiso eo, o lokolloa lefung, 'me o abeloa bophelo. Joale tiiso eo ke metsi a kolobetso, ao batho ba theohelang ho 'ona tlas'a tlamo ea lefu, empa ba nyolohela ba khethetsoe bophelo. 3 Buka ea Molisa oa Hermas (Litšoantšo) 9:153-154 Lengolo la Heroda ho Pilato 'Musisi Heroda ho Ponse Pilato, 'Musisi oa Jerusalema: Khotso. Ke tšoenyehile haholo. Ke u ngolla lintho tsena, hore ha u li utloa u tle u hlomohe ka 'na. Hobane joalo ka ha morali oa ka Herodiase, eo ke mo ratang haholo, a ne a bapala letamo la metsi le nang le leqhoa holim'a lona, le ile la robeha tlas'a hae, 'me 'mele oohle oa hae oa oa, 'me hlooho ea hae ea khaoloa 'me ea sala holim'a leqhoa. 'Me bonang, 'm'ae o tšoere hlooho ea hae mangoleng a hae liropeng tsa hae, 'me ntlo eohle ea ka e hlomohile haholo. Hobane 'na, ha ke utloa ka monna Jesu, ke ne ke lakatsa ho tla ho uena, hore ke mo bone a le mong, 'me ke utloe lentsoe la hae, hore na le tšoana le la bara ba batho. 'Me ho hlakile hore ka lebaka la lintho tse ngata tse mpe tseo ke li entseng ho Johanne Mokolobetsi, le hobane ke ile ka soma Kreste, bonang ke fumana moputso oa ho loka, hobane ke tšolotse mali a mangata a bana ba bang lefatšeng. Ka hona likahlolo tsa Molimo li lokile; hobane motho e mong le e mong o amohela ho ea ka monahano oa hae. Empa kaha u ne u tšoaneloa ke ho bona Molimo-motho eo, ka hona ho loketse hore u nthapelle. Mora oa ka Azbonius le eena o mahlomoleng a hora ea lefu.
7
Kolobetso ea Metsi le Mollo Yaba ke hopola lentswe la Morena, kamoo a itseng kateng, Johanne o kolobeditse ka metsi, empa lona le tla kolobetswa ka Moya o Halalelang. Liketso 11:16
Le 'na ke mahlomoleng le tekong e kholo, hobane ke tšoeroe ke seema; 'me ke mahlomoleng a maholo, hobane ke hlorisitse ea qalileng kolobetso ea metsi, e leng Johanne. Ka hona, moena oa ka, likahlolo tsa Molimo li lokile.
8