Lucas CAIBIDEIL 1 1 A mheud 's gu bheil mòran air gabhail os làimh cur an cèill nan nithean sin a tha gu cinnteach a' creidsinn 'n ar measg-ne ann an òrdugh, 2 Eadhon mar a thug iad dhuinne iadsan, a bha o thùs 'n an sùilibh, agus 'n an luchd-frithealaidh air an fhocal ; 3Bha e math dhòmhsa mar an ceudna, air dhomh tuigse iomlan a bhith agam air na h‑uile nithean o thùs, sgrìobhadh dur n‑ionnsaigh-sa ann an òrdugh, a Theophiluis ro‑òirdheirc, 4 Chum gu'm biodh fios agad air dearbh-chinnte nan nithe sin, leis an d'earb- adh thu. 5 Agus bha ann an làithibh Heroid, righ ludea, sagart àraidh d'am b'ainm Sacharias, do shear- monachadh Abia : agus bha a bhean do nigheanaibh Aaroin, agus 6'ainm dhi Elisabet. 6 Agus bha iad le chèile ionraic am fianuis Dè, ag imeachd ann an uile àitheantaibh agus orduighibh an Tighearna gu neo-lochdach. 7 Agus cha robh duine cloinne aca, do bhrìgh gu'n robh Elisabet neo-thorrach, agus bha iad le chèile a nis air an deagh bhualadh am bliadhnaibh. 8 Agus tharladh, an uair a bha e a' cur an gnìomh dreuchd an t-sagairt an làthair Dhè, ann an ordugh a shear9 A rèir gnàtha oifige an t-sagairt, b'e a chrannchur tùis a losgadh, an uair a chaidh e steach do theampull an Tighearna. 10 Agus bha an sluagh uile a' deanamh urnuigh a muigh ri àm na tùise. 11 Agus dh'fhoillsicheadh dha aingeal an Tighearna 'na sheasamh air taobh deas altarach na tùise. 12 Agus an uair a chunnaic Sacharias e, bha e fo thrioblaid, agus thuit eagal air. 13 Ach thubhairt an t-aingeal ris, Na biodh eagal ort, a Shachariais : oir dh'èisd t'urnuigh ; agus beiridh do bhean Elisabet mac dhuit, agus bheir thu Eoin mar ainm air. 14 Agus bithidh aoibhneas agus subhachas ort ; agus ni mòran gairdeachas r'a bhreith. 15 Oir bithidh e mòr ann an sùilibh an Tighearna, agus cha'n òl e fion no deoch làidir ; agus bithidh e air a lionadh leis an Spiorad naomh, eadhon o bhroinn a mhàthar. 16 Agus pillidh e mòran do chloinn Israeil chum an Tighearna an Dia. 17 Agus imichidh e roimhe ann an spiorad agus ann an cumhachd Eliais, a thionndadh cridhe nan aithriche chum na cloinne, agus nan eas-umhal gu gliocas nam fìrean ; a dh'ulluicheas pobull deas do'n Tighearna. 18 Agus thubhairt Sacharias ris an aingeal, C'àit am bi fios so agam ? oir is seann duine mi, agus mo bhean air a bhualadh gu math ann am bliadhnachan. 19 Agus fhreagair an t-aingeal agus thubhairt e ris, Is mise Gabriel a sheasas an làthair Dhè ; agus tha mi air mo chur a labhairt riut, agus a chur an ceill duit an sgeul aoibhneach so. 20 Agus, feuch, bithidh tu balbh, agus gun chomas labhairt, gus an là anns an coimhlionar na nithe so, do bhrìgh nach do chreid thu mo bhriathra-sa, a bhitheas air an coimhlionadh 'nan àm fèin.
21 Agus bha an sluagh a' feitheamh ri Sacharias, agus b'iogh- nadh leo gu'n d'fhan e co fada san teampull. 22 Agus an uair a thàinig e mach, cha b'urrainn e labhairt riu : agus dh'aithnich iad gu'm fac e sealladh amhairc anns an teampull : oir bha e smèid- eadh orra, agus dh'fhan e 'na thosd. 23 Agus tharladh, co luath 's a choimhlionadh laithean a fhrithealaidh, gu'n deachaidh e d'a thigh fein. 24 Agus an dèigh nan làithean sin dh'fhàs a bhean Elisabet torrach, agus dh'fholaich si i fèin cùig mìosan, ag ràdh, 25 Mar so bhuin an Tighearna rium anns na làithibh air an d'amhairc e orm, a thoirt air falbh mo mhaslaidh am measg dhaoine. 26 Agus anns an t-seathadh mìos chuireadh an t-aingeal Gabriel o Dhia gu baile do Ghalile, d'am b'ainm Nasaret, 27 Ri òigh a bha fo cheangal pòsaidh aig fear d'am b'ainm loseph, de thigh Dhaibhidh ; agus b'e ainm na h-òigh Muire. 28 Agus thàinig an t-aingeal a steach d'a h-ionnsuidh, agus thubhairt e, Fàilt' ort, thusa a tha deadh-ghean, tha 'n Tighearn maille riut : is beannaichte thu am measg bhan. 29 Agus an uair a chunnaic i e, bha i fuidh thrioblaid air son a chainnte, agus a' reusonachadh ciod a' ghnè bheannachaidh dh'fheudadh bhi 'n so. 30 Agus thubhairt an t-aingeal rithe, Na biodh eagal ort, a Mhuire : oir fhuair thu deadh-ghean aig Dia. 31 Agus, feuch, fàsaidh tu torrach a'd' bhroinn, agus beiridh tu mac, agus bheir thu Iosa mar ainm air. 32 Bithidh e mòr, agus goirear Mac an Ti a's airde dheth : agus bheir an Tighearna Dia dha righ-chaithir 'athar Daibhidh. 33 Agus bithidh e 'na righ air tigh lacoib gu bràth ; agus air a rioghachd cha bhi crioch. 34 An sin thubhairt Muire ris an aingeal, Cionnus a bhitheas so, do bhrìgh nach 'eil eòlas agam air duine ? 35 Agus fhreagair an t-aingeal agus thubhairt e rithe, Thig an Spiorad naomh ort, agus cuiridh cumhachd an Ti a's àirde sgàil ort : uime sin mar an ceudna an ni naomh sin a bheirear uait, goirear Mac Dhè dheth. 36 Agus, feuch, do bhan-charaid Elisabet, f hàs ise mar an ceudna mac 'na sean aois : agus 's e so an seathadh mìos maille rithe, d'an goirear bean neo-thorrach. 37 Oir cha bhi ni air bith eu-comasach do Dhia. 38 Agus thubhairt Muire, Feuch banoglach an Tighearna ; biodh e dhomhsa a reir t'fhocail. Agus dh'imich an taingeal uaith. 39 Agus dh'èirich Muire anns na làithibh sin, agus chaidh i le cabhaig do'n t-sliabh le cabhaig, gu baile do luda ; 40 Agus chaidh e steach do thigh Shachariais, agus chuir e fàilte air Elisabet. 41 Agus tharladh, an uair a chual Elisabet beannachadh Mhuire, gu'n do leum an naoidhean 'na broinn ; agus lionadh Elisabet leis an Spiorad naomh : 42 Agus labhair i le guth àrd, agus thubhairt i, Is beannaichte thu am measg bhan, agus is beannaichte toradh do bhronn. 43 Agus cia uime tha so, gu'n tigeadh màthair mo Thighearn a m' ionnsuidh ? 44 Oir, feuch, co luath 's a thàinig guth do bheannachaidh a'm' chluasaibh, leum an naoidhean le h-aoibhneas a'm' bhroinn. 45 Agus is beannaichte ise a chreid : oir coimhlionar na nithe sin a dh'innseadh dhi o'n Tighearn.