Heliophysics Faale-Tusi Paia - O Le La Malosi Ia faapea ona fano ou fili uma lava, le ALI‘I e; a o ē alolofa ia te ia, ia pei o le la i latou pe a alu a‘e lona malosi. Faamasino 5:31 Auā o le ALI‘I le Atua o le la ma le talita o ia; e foa‘iina mai e le ALI‘I le alofa tunoa ma le mamalu; e leai se mea lelei na te taofia i ē savavali sa‘o. Salamo 84:11
Pentateuka Ua fetalai mai le Atua, Ia i ai ni malamalama i le vanimonimo o le lagi e vavae ese ai le ao ma le po; ia fai foi ma faailoga, ma tau, ma aso, ma tausaga: Ia fai foi ma malamalama i le vanimonimo o le lagi e faamalamalama ai le lalolagi: ona faapea lea. Ona faia lea e le Atua o malamalama tetele e lua; o le malamalama tele e pule i le ao, a o le malamalama itiiti e pule i le po; na ia faia foi fetu. Ua tuuina atu e le Atua i le vanimonimo o le lagi e faamalamalama ai le lalolagi, e pule foi i le ao ma le po, e vavae ese ai foi le malamalama ma le pouliuli; ua silafia e le Atua ua lelei. O le afiafi ma le taeao o le aso fa lea. Kenese 1:14-19 Ua goto le la, ona moe gase ai lea o Aperamo; faauta foi, o le mata’u tele lava ua oo ia te ia le pouliuli tele. Ua goto le la, ma ua pogisa, faauta foi, o le ogaumu ua asu, ma le lamepa ua mu ua ui ane i le va o na fasi mea. Kenese 15:12,17 Ua oso aʻe le la i le lalolagi ina ua ulufale Lota i Soara. Kenese 19:23 Ua oo atu o ia i le tasi mea, ua moe ai i le po atoa, auā ua goto le la; ona ia ave lea o ni maa mai lea mea, ua fai ma ona aluga, ua taoto ai i lea mea e moe ai. Kenese 28:11 Ua alu aʻe le la iā te ia a o ui ane o ia i Penueli, ua pipili foʻi o ia ona o lona vae. Kenese 32:31 Ua toe fai fo‘i lana miti, ‘ua ia ta‘uina atu i ona uso, ‘ua fa‘apea atu, “Fa‘auta, ‘ua toe fai la‘u miti; fa‘auta fo‘i, ‘ua ifo mai ‘iā te a‘u le la, ma le masina, ma fetu e sefulu ma le tasi.” Kenese 37:9 ‘Ua latou fa‘aputuina i lea taeao ma lea taeao, e ta‘itasi le tagata e tusa ma lana mea e ‘ai; ‘ua vevela fo‘i le la, ‘ona liusuavai ai lea.’ Esoto 16:21 A ua mamafa lima o Mose; ona la ave lea o le maa, ma tuu ai i ona lalo, ona nofo ai lea o ia i luga; a o Arona ma Huro na la taofi i luga ona lima, o le tasi i le tasi itu, ma le tasi i le isi itu; ona mau ai lea o ona lima seia goto le la. Esoto 17:12