O Le Alofa Tunoa Matagofie o le Atua A o Noa, na alofagia o ia e Ieova. Kenese 6:8 Ia iā te outou uma le alofa tunoa o lo tatou Ali‘i o Iesu Keriso. Amene. Faaaliga 22:21
Pentateuka A o Noa, ua maua e ia le alofa tunoa i luma o Ieova. Kenese 6:8 Faauta mai, ua alofagia lau auauna i ou luma, ua e faateleina foi lou alofa ua e faaalia mai ia te au i lou faasaoina o lo’u ola, ou te le mafai foi ona sola i le mauga, ne’i maua a’u e se malaia, ona ou oti ai lea. Kenese 19:19 ‘Ua ‘iā te a‘u fo‘i povi, ma asini, ma mamoe, ma ‘au‘auna tane, ma ‘au‘auna fafine; ‘ua ‘ou ‘a‘auina atu fo‘i se tasi e ta‘u atu ai i lo‘u ali‘i, ‘ina ‘ia e alofagia a‘u.” Kenese 32:5 ‘Ona tepa a‘e lea o ia, ‘ua iloa atu fafine ma tamaiti, ‘ua fa‘apea atu, “O ai ‘ea i latou ‘ua ‘iā te oe?”‘Ona tali atu lea o ia, “O fānau ‘ua foa‘iina mai e le Atua i lona alofa i lau ‘au‘auna.” ‘Ona fai atu lea o ia, “O le ā le uiga o lenei vao manu uma na ‘ou fetaia‘i?”‘Ona tali atu lea o ia, “O le mea lea ‘ia alofagia ai a‘u e lo‘u ali‘i.” ‘Ona tali atu lea o Iakopo, “‘Aua lava, ‘āfai ‘ua e alofa mai ‘iā te a‘u, ‘ia e talia mai la‘u meaalofa; auā o lenei, ‘ua ‘ou iloa atu ou fofoga, e peiseaī ‘ua ‘ou iloa atu fofoga o le Atua, ma ‘ua e finagalo malie mai ‘iā te a‘u.” ‘Ia e talia la‘u meaalofa ‘ua avatu ‘iā te oe; auā ‘ua alofa mai le Atua ‘iā te a‘u, ‘ua lava a‘u mea.” ‘Ua ia fa‘amalosi ‘iā te ia, ‘ona talia lea e ia. ‘Ona fa‘apea mai lea o Esau, “Se‘i ‘ou tu‘uina atu ‘iā te oe nisi o le ‘au tagata o lo‘o ‘iā te a‘u.”‘Ona tali atu lea o ia, “Se a ‘ea se mea e mana‘omia? ‘Ia alofagia a‘u e lo‘u ali‘i.” Kenese 33:5 , 8 , 10-11, 15 ‘Ua fai atu fo‘i Sekema i lona tamā ma ona tuagane, “‘Ia alofagia a‘u e ‘outou; o mea fo‘i tou te fai mai ai ‘iā te a‘u, ‘ou te avatu lava.” Kenese 34:11 Ua alofagia Iosefa e ia, ma ua ia auauna atu ia te ia; ua ia tofia o ia e pule i lona aiga, o ana mea uma foi ua ia tuuina atu i lona lima. Kenese 39:4 ‘Ua tepa a‘e o ia, ‘ua iloa atu Peniamina lona uso, le tama a lona tinā, ‘ona fai atu ai lea, “O lo ‘outou uso aupito itiiti ‘ea lenei, na ‘outou fai mai ai ‘iā te a‘u?” ‘Ua fai atu fo‘i o ia, “‘Ia alofagia oe e le Atua, lo‘u atali‘i e.” Kenese 43:29 Ona latou fai mai lea, Ua e faaola mai ia te i matou; ia matou maua le alofa tunoa i luma o lo matou alii, e fai i matou ma auauna a Farao. ‘Ua latalata mai le aso e oti ai Isaraelu; ‘ona vala‘au atu lea o ia i lona atali‘i o Iosefa, ‘ua fa‘apea atu ‘iā te ia, “‘Āfai ‘ua e alofagia a‘u, ‘ia e tu‘u mai lou lima i lalo o lo‘u vae, ma ‘ia e alofa mai ma fa‘amaoni ‘iā te a‘u; ‘aua ne‘i e tanu a‘u i Aikupito; Kenese 47: 25,29