O Le Alofa Mutimutivale o le Atua ma Tagata E alofa mutimutivale ma alofa fua Ieova, e telegese lona to’asa, a e tele lona alofa mutimutivale. Salamo 103:8 Ia alofa mutimutivale lo outou Tamā, e pei ona alofa mutimutivale lo outou Tamā.” Luka 6:36
Pentateuka Ua fa’atuai o ia, ona tago atu lea o ia tagata i lona lima, ma le lima o lana avā, ma lima o ona afafine e to’alua, auā ua alofa mutimutivale le ALI’I ‘iā te ia; ‘ua la ta’ita’i atu ‘iā te ia i tua o le ‘a’ai. Kenese 19:16 Faauta mai, ua alofagia lau auauna i ou luma, ua e faateleina foi lou alofa ua e faaalia mai ia te au i lou faasaoina o lo’u ola, ou te le mafai foi ona sola i le mauga, ne’i maua a’u e se malaia, ona ou oti ai lea. Kenese 19:19 ‘Ua fa‘apea atu fo‘i o ia, “‘Ia vi‘ia le ALI‘I le Atua o lo‘u matai o Aperaamo, o lē ‘ua lē tu‘ua lona alofa ma lona fa‘amaoni i lo‘u matai; auā sa ‘ou i le ala, ‘ona ta‘ita‘iina lea o a‘u e le ALI‘I i le fale o uso o lo‘u matai.” Kenese 24:27 E lē aogā lava aʻu i mea alofa uma ma le faʻamaoni uma na e faʻaalia i lau auauna; auā na ou sopoʻia atu i Ioritana ma loʻu tootoo; a o lenei ua ou avea ma vaega e lua. Kenese 32:10 A ua faatasi le ALI‘I ma Iosefa, ma alofa mutimutivale ‘iā te ia, ma fa‘atupuina le alofa ‘iā te ia i luma o le leoleo o le falepuipui. Kenese 39:21 ‘Ia alofagia ‘outou e le Atua e ona le malosi uma lava i luma o le tagata, ‘ina ‘ia tu‘uina atu e ia lo ‘outou uso e ō, ‘atoa ma Peniamina. ‘Āfai ‘ua ‘ou fa‘aumatia la‘u fānau, ‘ua ‘ou fa‘aumatia ai a‘u.” Kenese 43:14 O lou alofa mutimutivale na e taʻitaʻiina mai ai le nuʻu na e togiolaina; na e taʻitaʻiina i latou i lou malosi i lou afioʻaga paʻia. Esoto 15:13 Ma ou te alofa mutimutivale i afe o ē alolofa mai iā te aʻu, ma tausi i aʻu poloaʻiga. Esoto 20:6 ‘Ia e fai fo‘i le nofoa o le alofa i le auro lelei; e lua kupita ma le afa lona umi, o le kupita fo‘i ma le afa lona lautele. ‘Ia e fai fo‘i kerupi auro e lua, ‘ia e faia ia mea i le galuega fa‘amamanuina, i pito e lua o le nofoa o le alofa. ‘Ia e fai le tasi kerupi i le tasi pito, ma le tasi kerupi i le tasi pito; o le mea e tasi e fai i le nofoa o le alofa tou te fai ai kerupi i ona pito e lua. E faaloaloa atu fo‘i e kerupi o latou apa‘au i luga, e ufiufi ai le nofoa o le alofa i o latou apa‘au; e fa‘asaga fo‘i o latou mata le tasi i le tasi, e fa‘asaga fo‘i mata o kerupi i le nofoa o le alofa. ‘Ia e tu‘u fo‘i le nofoa o le alofa i luga o le ‘atola‘au; ‘ia e tu‘u fo‘i i totonu o le ‘atola‘au le tulafono ‘ou te avatu ‘iā te oe. Ou te feiloaʻi ma oe iinā, ou te fetalai atu foʻi iā te oe mai luga o le nofoa o le alofa tunoa, mai le va o kerupi e lua o loʻo i luga o le atolaau o le tulafono, i mea uma ou te poloaʻi atu ai iā te oe e fai atu i le fanauga a Isaraelu. Esoto 25: 17-22 ‘E te tu‘u fo‘i le nofoa o le alofa i luga o le ‘atola‘au o le tulafono i le mea e sili ‘ona pa‘ia. Esoto 26:34