Ioane MATAUPU 1 1 Sa i le amataga le Upu, sa i le Atua le Upu, o le Atua foi le Upu. 2 O ia fo‘i sa i le Atua i le amataga. 3 Na ia faia mea uma lava; e leai foi se mea e tasi na faia e aunoa ma ia. 4 ‘Ua ‘iā te ia le ola; o le ola foi o le malamalama lea o tagata. 5 Ma ua susulu mai le malamalama i le pouliuli; ma sa lei malamalama i ai le pouliuli. 6 Na ‘auina mai le tagata mai le Atua, o Ioane lona igoa. 7 Na sau o ia e fai ma molimau, e molimau i le malamalama, ‘ina ‘ia talitonu tagata uma ‘iā te ia. 8 E lē o ia o le malamalama, a na auina mai o ia e molimau i lenā malamalama. 9 O le malamalama moni lea, na te faamalamalamaina tagata uma e sau i le lalolagi. 10 Sa i le lalolagi o ia, na ia faia foi le lalolagi, a e lei iloa o ia e le lalolagi. 11 Na afio mai o ia i ona lava tagata, a e lei talia o ia e ona lava tagata. 12 A o i latou uma o e na talia o ia, na ia tuuina atu i ai le pule e avea ai ma atalii o le Atua, ia i latou lava o e faatuatua i lona suafa. 13 O ē ‘ua fānau mai, e lē o le toto, po o le mana‘o o le tino, po o le loto o tagata, a o le Atua. 14 Ua liu tino tagata le Upu, ua mau foi o ia ma i tatou, (na matou iloa foi lona mamalu, o le mamalu lea o le Alo e toatasi o le Tamā,) ua tumu i le alofa tunoa ma le upu moni. 15 Na molimau Ioane e uiga ia te ia, ma alaga, ua faapea atu, O ia lenei na ou fai atu ai, O le mulimuli mai e sili o ia ia te au, aua o ia na muamua ia te au. 16 O lona atoatoa fo‘i ‘ua tatou maua uma ai, o le alofa tunoa fo‘i ma le alofa tunoa. 17 Auā na tu‘uina mai e Mose le tulafono, a o le alofa tunoa ma le ‘upu moni na o‘o mai ‘iā Iesu Keriso. 18 E leai se tagata na vaai i le Atua i soo se taimi; o le Atalii e toatasi, o i le fatafata o le Tamā, o ia lava na faailoa mai ai o ia. 19 O le tala lenei a Ioane, ina ua aauina atu e Iutaia o ositaulaga ma sa Levī mai Ierusalema e fesili atu iā te ia, O ai ea oe? 20 Ma sa ia tautino atu, ma sa le faafitia; a ‘ua ta‘utino atu, E lē o le Keriso a‘u. 21 Ona latou fesili mai lea ia te ia, Se a la? O oe ea o Elia? Ona fai mai lea o ia, E leai. O oe ea lena perofeta? Ona tali mai lea o ia, E leai. 22 Ona latou fai mai lea ia te ia, O ai ea oe? ina ia matou avatu se tali i e na auina mai i matou. Se a lau tala ia te oe lava? 23 Ona fai atu lea o ia, O a'u o le leo o le ua alaga i le vao tuufua, Ina faasa'o ia le ala o le Alii, pei ona fai mai ai le perofeta o Isaia. 24 O i latou fo‘i na ‘a‘auina mai o nisi o le ‘au faresaio. 25 Ona latou fesili mai lea ia te ia, ua faapea mai ia te ia, Se a foi le mea e te papatiso ai, pe afai e le o oe o le Keriso, po o Elia, po o le perofeta?
26 Ua tali atu Ioane ia te i latou, ua faapea atu, Ou te papatiso atu i le vai; 27 O ia lea e mulimuli mai, e sili o ia ia te au, ou te le aoga ona ou tatalaina le nonoa o lona seevae. 28 Na faia ia mea i Petapara i tala atu o Ioritana, i le mea na papatiso ai e Ioane. 29 O le aso na sosoo ai, na iloa atu ai e loane lesu o sau ia te ia, ona fai atu lea o ia, Faauta i le Tamai Mamoe a le Atua, na te aveesea le agasala a le lalolagi. 30 O ia lenei na ‘ou fai atu ai, E mulimuli mai le tagata e sili ‘iā te a‘u, auā na muamua o ia ‘iā te a‘u. 31 ‘Ou te le‘i iloa fo‘i o ia; 32 Na molimau foi Ioane, ua faapea mai, Na ou iloa le Agaga ua afio ifo mai le lagi e pei o se lupe, ma nofo i ona luga. 33 A o a‘u, ou te le‘i iloa o ia, a o lē na ‘auina mai a‘u e papatiso i le vai, o ia lava na fai mai ‘iā te a‘u, ‘O lē ‘e te va‘ai atu i le Agaga e afio ifo, ma nofo i luga ‘iā te ia, o ia lava lea e papatiso atu i le Agaga Pa‘ia. 34 Ma sa ou vaai, ma molimau atu o le Alo lenei o le Atua. 35 O le aso na soso‘o ai na tutū mai ai loa Ioane ma ona so‘o e to‘alua; 36 ‘Ua va‘ai atu fo‘i o ia ‘iā Iesu a o savali o ia, ‘ona fai atu lea o ia, “Faauta i le Tama‘i Mamoe a le Atua! 37 Ua faalogo le au soo e toalua ia te ia, ona la mulimuli atu ai lea ia lesu. 38 Ona faliu lea o Iesu, ua silasila atu ia te i laua o mulimuli mai, ona fetalai atu lea o ia ia te i laua, Se a le mea ua oulua saili ai? ‘Ua fai mai i latou ‘iā te ia, “Rapi e, (o lona uiga pe a fa‘amatalaina, Le A‘oa‘o e), o fea ‘e te nofo ai? 39 Ona fetalai atu lea o ia ia te i latou, O mai ia ina matamata. ‘Ua ō atu i lā‘ua, ‘ua va‘ai i le mea o lo‘o nofo ai o ia, ‘ona nonofo ai lea ma ia i lea aso, auā o le itūlā e sefulu. 40 O Aneterea le uso o Simona Peteru le tasi o i laua na faalogo ia Ioane, ma mulimuli atu ia te ia. 41 Ua muai maua e ia lona lava uso o Simona, ona fai atu lea o ia ia te ia, Ua ma maua le Mesia, o lona uiga, o le Keriso lea. 42 Ona ia aumaia lea o ia ia lesu. Ua silasila atu Iesu ia te ia, ona fetalai atu lea o ia, O Simona oe le atalii o Iona; 43 O le aso na sosoo ai, na finagalo ai Iesu e alu atu i Kalilaia, ona maua ai lea e ia o Filipo, ona fetalai atu lea o ia ia te ia, Mulimuli mai ia ia te au. 44 O Filipo o le Petesaita, o le ‘a‘ai o Aneterea ma Peteru. 45 Ua maua e Filipo o Natanielu, ona fai atu lea o ia ia te ia, Ua matou maua o ia, o le na tusia e Mose i le tulafono, ma le au perofeta, o Iesu le Nasareta, le atalii o Iosefa. 46 Ona fai mai lea o Natanielu ia te ia, E i ai ea se mea lelei e sau mai Nasareta? Ua fai atu Filipo ia te ia, Sau ia ina matamata. 47 Ua silafia e Iesu o Natanielu o sau ia te ia, ona fetalai atu lea o ia ia te ia, Faauta, o le Isaraelu moni, e leai sona pepelo. 48 ‘Ua fai mai Natanielu ‘iā te ia, “O fea ‘ua e iloa ai a‘u? ‘Ua tali atu Iesu, ‘ua fa‘apea atu ‘iā te ia, “ A o le‘i vala‘au atu Filipo ‘iā te oe, a o e i lalo o le mati, na ‘ou iloa atu oe. 49 Ua tali mai Natanielu, ua faapea mai ia te ia, Rapi e, o oe o le Alo o le Atua; o oe o le Tupu o Isaraelu. 50 Ua tali atu lesu, ua faapea atu ia te ia, Ua e talitonu mai ea ona na au fai atu ia te oe, Na ou iloa oe i lalo o le mati? e te iloa mea e sili atu i nei mea.