O le Tusi Muamua a Ioane MATAUPU 1 1 O le mea na i ai talu le amataga, na matou fa‘alogo ai, na matou va‘ai i ai o matou mata, na matou va‘ai i ai, ma ‘ua tago i ai o matou lima, o le Upu o le ola; 2 (Auā na fa‘aalia mai le ola, ‘ua matou va‘ai i ai, ma matou molimau ai, ma fa‘aali atu ‘iā te ‘outou le ola e fa‘avavau, sa i ai ma le Tamā, na fa‘aalia mai fo‘i ‘iā te i matou; 3 O mea na matou va‘ai ma fa‘alogo i ai, matou te ta‘u atu ai ‘iā te ‘outou, ‘ina ‘ia fa‘atasi fo‘i ‘outou ma i matou; 4 Ua matou tusi atu foi ia mea ia te outou, ina ia atoatoa ai lo outou olioli. 5 O lenei fo‘i le fe‘au na matou fa‘alogo ai ‘iā te ia, ma ta‘u atu ai ‘iā te ‘outou, o le malamalama lava le Atua, e leai lava se pouliuli ‘iā te ia. 6 ‘Āfai tatou te fai atu ‘ua tatou fa‘atasi ma ia, ma ‘ua tatou sāvavali i le pōuliuli, ‘ua tatou pepelo, ‘ua tatou lē faia fo‘i le ‘upu moni; 7 Ae afai tatou te savavali i le malamalama, faapei ona i ai o ia i le malamalama, ua tatou mafuta faatasi, o le toto foi o Iesu Keriso lona Alo e faamamaina ai i tatou i agasala uma lava. 8 ‘Āfai tatou te fai atu e leai sa tatou agasala, ‘ua tatou fa‘asesēina i tatou lava, e lē o i totonu ‘iā te i tatou le ‘upu moni. 9 ‘Āfai tatou te ta‘uta‘u atu a tatou agasala, e fa‘amaoni ma amiotonu o ia e fa‘amāgaloina ai a tatou agasala, ma fa‘amamāina i tatou i amioletonu uma lava. 10 ‘Āfai tatou te fai atu tatou te le‘i agasala, ‘ua tatou faia o ia ma pepelo, e lē o i totonu ‘iā te i tatou lana afioga. MATAUPU 2 1 La‘u fānau e, ‘ou te tusi atu nei mea ‘iā te ‘outou, ‘ina ne‘i ‘outou agasala. ‘Āfai fo‘i e agasala se tasi, ‘ua ‘iā te i tatou lē e fautua i le Tamā, o Iesu Keriso lea o lē amiotonu. 2 O ia fo‘i o le togiola mo a tatou agasala; 3 O le mea lea tatou te iloa ai ua tatou iloa o ia, pe a tatou tausi i ana poloaiga. 4 O lē fai mai, ‘Ua ‘ou iloa o ia, ‘ae lē tausi i ana poloa‘iga, o le pepelo lea, e lē o ‘iā te ia fo‘i le ‘upu moni. 5 A o lē tausi i lana afioga, e moni, e atoatoa ona lelei o le alofa o le Atua iā te ia; 6 O lē e fai mai o lo‘o tumau o ia ‘iā te ia, e tatau ‘ona savali o ia fa‘apei o ia. 7 Le au uso e, ou te le tusi atu ia te outou se poloaiga fou, a o le poloaiga tuai sa ia te outou talu le amataga. O le poloaiga tuai o le upu lea na outou faalogo ai talu le amataga. 8 ‘Ou te toe tusi atu fo‘i le poloa‘iga fou ‘iā te ‘outou, o le mea moni lea ‘iā te ia ma ‘outou, auā ‘ua mavae atu le pouliuli, a ‘ua pupula mai nei le malamalama moni. 9 O lē fai mai o loo i le malamalama o ia, a e ʻinoʻino i lona uso, o loo i ai o ia i le pouliuli e oo mai lava i ona po nei.
10 O lē e alofa i lona uso, o lo‘o tumau o ia i le malamalama, e leai fo‘i se mea e tausuai ai ‘iā te ia. 11 A o lē ‘ino‘ino i lona uso, o lo‘o i le pouliuli o ia, o lo‘o savali fo‘i o ia i le pouliuli, e lē iloa fo‘i e ia le mea e alu i ai, auā ‘ua fa‘apogisaina ona mata e le pouliuli. 12 Le fānau e, ‘ou te tusi atu ‘iā te ‘outou, auā ‘ua fa‘amāgaloina a ‘outou agasala ‘ona o lona suafa. 13 Le tamā e, ou te tusi atu iā te outou, auā ua outou iloa o ia o lē ua i ai talu le amataga. ‘Ou te tusi atu ‘iā te ‘outou taulele‘a e, auā ‘ua ‘outou manumālō i lē o lo‘o leaga. Le fānau e, ‘ou te tusi atu ‘iā te ‘outou, auā ‘ua ‘outou iloa le Tamā. 14 Le tamā e, ‘ua ‘ou tusi atu ‘iā te ‘outou, auā ‘ua ‘outou iloa o ia o lē na i ai talu le amataga. Taulele‘a e, ‘ua ‘ou tusi atu ‘iā te ‘outou, auā ‘ua ‘outou malolosi, o lo‘o tumau fo‘i le afioga a le Atua i totonu ‘iā te ‘outou, ‘ua ‘outou manumālō fo‘i i lē o lo‘o leaga. 15 Aua tou te alolofa i le lalolagi, po o mea o i le lalolagi. Afai e alofa se tasi i le lalolagi, e le o ia te ia le alofa i le Tama. 16 Auā o mea uma lava o i le lalolagi, o le tu‘inanau o le tino, ma le tu‘inanau o mata, ma le mimita o lenei olaga, e lē mai le Tamā ia, a e mai le lalolagi ia. 17 E mavae atu fo‘i le lalolagi ma ona tu‘inanau; 18 Le fānau e, o le taimi mulimuli lenei; ma e pei ‘ona ‘outou fa‘alogo ai o le a sau le anetikeriso, o lo‘o i ai nei fo‘i anetikeriso e to‘atele; o le mea lea tatou te iloa ai o le taimi mulimuli lenei. 19 Na latou ō ese mai iā i tatou, ae e lē o ni o tatou tagata; auā ana o i tatou, po ua tumau pea i latou ma i tatou; 20 A ua ia te outou le faauuina mai le Paia, ua outou iloa foi mea uma. 21 ‘Ou te lē tusi atu ‘iā te ‘outou ‘ona ‘ua ‘outou lē iloa le ‘upu moni, a ‘ua ‘outou iloa, e leai fo‘i se pepelo e mai le ‘upu moni. 22 O ai ea se pepelo pe a na o le na te faafiti o Iesu o le Keriso? O ia o le anetikeriso, o le na te faafitia le Tama ma le Alo. 23 O lē e fa‘afitia le Atali‘i, e lē ‘iā te ia le Tamā; 24 O lenei, ia tumau iā te outou le mea na outou faalogo ai talu le amataga. ‘Āfai e tumau ‘iā te ‘outou le mea na ‘outou fa‘alogo ai talu le amataga, tou te tumau fo‘i i le Alo ma le Tamā. 25 O le folafolaga foi lenei na ia folafola mai ia te i tatou, o le ola e faavavau lea. 26 Ua ou tusi atu nei mea ia te outou e uiga ia i latou o e faaseseina outou. 27 A o le fa‘au‘uga ‘ua ‘outou maua mai ‘iā te ia, o lo‘o tumau lea ‘iā te ‘outou, e lē mana‘omia fo‘i e se tasi ‘ona a‘oa‘o atu ‘iā te ‘outou; outou, ia outou tumau ia te ia. 28 O lenei, le fānau e, ia tumau ‘iā te ia; ina ia tatou maua le lototele pe a faaali mai o ia, ma ia le ma i ona luma i lona afio mai. 29 ‘Āfai ‘ua ‘outou iloa e amiotonu o ia, ‘ua ‘outou iloa o i latou uma o ē fai le amiotonu ‘ua fānau mai ‘iā te ia. MATAUPU 3 1 Faauta i le alofa ua foaiina mai e le Tamā ia te i tatou, ua ta’ua ai i tatou o atalii o le Atua; 2 Le ‘au pele e, o i tatou nei o atali‘i o le Atua, ‘ae le‘i fa‘aalia mai lava pe fa‘apefea i tatou i le lumana‘i; aua o le a tatou vaai ia te ia e pei ona i ai o ia.