Samoan - The Christian Worker Farmer Soldier - Hammer Sickle Sword

O Le Faigaluega Kerisiano, Faifaatoaga, Fitafita (Samala, Sete, Pelu) Ua fetalai mai Ieova, E lē pei ea la’u afioga o le afi, e pei fo’i o le samala e nutililii ai le papa? Ieremia 23:29 Ia outou tuʻu le selesaito, auā ua afu le seleselega; ō mai ia, inā outou ō ifo; auā ua tumu le mea e soli ai vine, ua taumasuasua mea e tuu ai vine; auā ua tele lava lo latou leaga. Ioelu 3:13 Ua faataamilo Iesu i aai uma ma nuu, ua aʻoaʻo i o latou sunako, ma talaʻi atu le tala lelei o le malo, ua faamaloloina foi maʻi uma ma maʻi tiga uma o le nuu. Ua silafia e ia le motu o tagata, ona mutimuti vale ai lea o lona alofa ia te i latou, auā ua vaivai i latou ma ua faataapeapeina, e pei o mamoe e leai so latou leoleo mamoe. Ona fetalai atu lea o ia i ona soo, E tele le seleselega, a e toaitiiti le au faigaluega; o lea ia outou aioi atu ai i le Alii e ana le seleselega, ina ia aauina mai e ia ni e faigaluega i lana seleselega. Mataio 9:35-38 Ua fetalai atu o ia iā te i latou, “ E tele le seleselega, a e to’aitiiti le aufaigaluega; o lea ia outou aioi atu ai i le Ali’i e ana le seleselega, ina ia auina mai e ia ni aufaigaluega i lana seleselega.” Luka 10:2 Ua fetalai atu Iesu ia te i latou, O la’u mea e ‘ai, ia ou faia le finagalo o lē na auina mai a’u, ma ia ou faaiuina lana galuega. Tou te lē fai mai ea, E toe fa masina, ona oo lea i le seleselega? faauta, ou te fai atu ia te outou, tepa ae o outou mata, ma vaavaai i fanua; auā ua sinasina mo le seleselega. O lē selesele fo‘i, e maua e ia le totogi, ma faaputuina fua mo le ola e faavavau; ina ia olioli faatasi lē lūlū ma lē selesele. O le mea lea e moni ai le upu, E lūlū le tasi, a e selesele le isi. Ua ou auina atu outou e selesele i le mea tou te le‘i galulue ai; ua galulue isi tagata, a ua outou oo i a latou galuega. Ioane 4:34-38 E tatau ona ou faia galuega a lē na auina mai aʻu, manū o ao; e oo mai le pō, e lē mafai e se tasi ona galue ai.” Ioane 9:4 O lenei, o’u uso pele e, ia outou tumau, ia le faagaeetia, ia alualu lo outou faamalosi i le galuega a le Alii ma le le aunoa, auā ua outou iloa e le se mea faaleaoga la outou galuega i le Alii. 1 Korinito 15:58 Aua ne’i tatou faavaivai i le amio lelei; auā o ona po e tatau ai tatou te selesele mai ai, pe afai tatou te le faavaivai. Kalatia 6:9 Ia outou ave fo‘i le puloutau o le olataga, ma le pelu a le Agaga, o le afioga lea a le Atua; Efeso 6:17 O oe lenei, lo’u atali’i e, ia e fa’amalosi i le alofa tunoa o lo’o ia Keriso Iesu. O mea fo’i na e fa’alogo mai ai ‘iā te a’u i luma o molimau e to’atele, ia e tu’uina atu i tagata fa’amaoni, o ē e mafaia ‘ona a’oa’o atu i isi. O lea ‘ia e onosai i mea faigata, e pei o se fitafita lelei a Iesu Keriso. E leai se tagata tau e fa’alavelavea o ia e ia lava i mea o lenei olaga; ‘ina ‘ia fa’afiafiaina ai o ia e lē na filifilia