Lafoga ma le Sefulua'i Lafoga - o se sao fa'amalosia i tupe maua a le setete, e fa'aopoopo e le malo i tupe maua a tagata faigaluega ma tupe mama a pisinisi, pe fa'aopoopo i le tau o nisi oloa, auaunaga, ma fefa'ataua'iga Sefulua’i - 10% o fua o le tausaga po’o tupe maua, sa avea muamua ma lafoga mo le lagolagoina o le Ekalesia ma faifeau.
Pentateuka Ia faafetaia fo‘i le Atua Silisili Ese, o lē na tu‘uina mai ou fili i lou lima.” ‘Ua avatu fo‘i e ia ‘iā te ia mea e sefulua‘i o mea uma. Kenese 14:20 O mea uma fo‘i e sefulua‘i mea uma o le fanua, po o saito o le fanua, po o fua o le la‘au, o mea ia a le ALI‘I; e pa‘ia lava ia i le ALI‘I. ‘Āfai fo‘i e fia toe fa‘atau mai e se tasi ana mea e sefulua‘i mea, e tatau ‘ona ia fa‘aopoopo i ai lona vaega e lima. A o mea e sefulua‘i mea uma o povi, po o mamoe, o mea uma lava e ui ane i lalo o le to‘oto‘o, e pa‘ia lava ia i le ALI‘I lona sefulua‘i mea. Levitiko 27:30-32 A o mea e sefulua’i a le fanauga a Isaraelu latou te avatua e fai ma taulaga sii i le ALI’I, ua ou avatua i sa Levī e fai ma o latou tofi; o le mea lea ua ou fai atu ai ia te i latou, E leai so latou tofi faatasi ma le fanauga a Isaraelu. Ia e fai atu i sa Levī, ma ia e fai atu ia te i latou, Pe a outou talia mai le fanauga a Isaraelu o mea e sefulua’i ua ou avatua ia te outou mai ia te i latou e fai ma o outou tofi, ona outou avatu lea o se taulaga sii ia le ALI’I, o le tasi vaesefulu o mea e sefulua’i. E faapea foi ona outou avatua o se taulaga sii i le ALI’I a outou mea e sefulua’i uma tou te maua mai le fanauga a Isaraelu; tou te avatu foi ai le taulaga sii i le ALI’I ia Arona le faitaulaga. Numera 18:24,26,28 ‘Ia e avatu fo‘i se taulaga i le ALI‘I mai ‘au tau na ō atu i le taua: e to‘atasi le tagata mai le lima selau, o tagata, ma povi, ma asini, ‘atoa ma mamoe: Numera 31:28 O le taulaga mo le ALI‘I mai mamoe e ono selau ma le fitugafulu ma le lima. O povi e tolu sefulu ma le ono afe; o le taulaga mo le ALI‘I e fitu sefulu ma le lua. O asini e tolu sefulu afe ma le lima selau; o le taulaga mo le ALI‘I e ono sefulu ma le tasi. O tagata e sefulu ma le ono afe; o le taulaga mo le ALI‘I e tolu sefulu ma le lua. ‘Ona avatu lea e Mose o le taulaga, o le taulaga si‘i mo le ALI‘I, ‘iā Eleasaro le ositaulaga, e pei ‘ona poloa‘i mai ai le ALI‘I ‘iā Mose. Numera 31:37-41 Tou te aumaia iinā a outou taulaga mū, ma a outou taulaga, ma a outou mea e sefuluaʻi, ma taulaga sii a o outou lima, ma a outou tautoga, ma a outou taulaga loto fuatia, ma ulumatua a a outou povi ma a outou mamoe; ona i ai lea o le mea e filifilia e le ALIʻI lo outou Atua e tuʻu ai lona suafa; tou te aumaia iinā mea uma ou te fai atu ai iā te outou; o a outou taulaga mū, ma a outou taulaga, o a outou mea e sefuluaʻi, ma taulaga sii a o outou lima, ma mea uma e sili ona lelei tou te tautō ai i le ALIʻI; e te lē ʻai i totonu o ou faitotoʻa le mea e sefuluaʻi ai lau saito, ma lau uaina, ma lau suāuʻu, po o ulumatua a au povi, po o au mamoe, po o se tasi o au tautoga e te tautō ai, po o au taulaga loto fuatia, po o le taulaga sii a lou lima. Teuteronome 12:6,11,17 Ia e avatua lava le sefulua’i o mea uma e maua mai au saito, e fua mai i le fanua i lea tausaga ma lea tausaga. E te ‘ai fo‘i i luma o le ALI‘I lou Atua, i le mea e filifilia e ia e tu‘u ai lona suafa, o le sefulua’i o au saito, o lau uaina, ma lau suāu‘u, ma ulumatua a au povi ma au mamoe; ‘ina ‘ia e a‘oa‘oina ai ‘ia mata‘u i le ALI‘I lou Atua i aso uma lava. A mavae tausaga e tolu, ‘ia e ‘aumaia mea 1