Fetu i Tusitusiga Paia A ou mafaufau i lou lagi, o le galuega a ou tamatamailima, o le masina ma fetu na e faatulagaina; O ai ea le tagata e te manatu mai ai ia te ia, ma le atalii o le tagata e te asiasi mai ai ia te ia? Salamo 8:3-4
Pentateuka Ona faia lea e le Atua o malamalama tetele e lua; o le malamalama tele e pule i le ao, a o le malamalama itiiti e pule i le po; ua ia faia foi fetu. Kenese 1:16 ‘Ua ia ‘aumaia fo‘i o ia i fafo, ma fa‘apea atu, “‘Inā va‘ava‘ai ia i le lagi, ma e faitauina fetu, pe ‘āfai e te mafaia ‘ona faitauina.” ‘Ona fa‘apea atu lea o ia ‘iā te ia, “E fa‘apea lava lau fānau.” Kenese 15:5 ‘Ou te fa‘amanuia atu ‘iā te oe i le fa‘amanuiaga, ma ‘ou fa‘ato‘ateleina lau fānau e pei o fetu o le lagi, e pei o le oneone fo‘i i le matafaga; e maua fo‘i e lau fānau le faitoto‘a o ē ita ‘iā i latou; Kenese 22:17 Ou te fa‘ato‘ateleina fo‘i lau fānau e pei o fetu o le lagi, ‘ou te foa‘iina atu fo‘i i lau fānau ia nu‘u uma; o lau fānau fo‘i e manuia ai nu‘u uma o le lalolagi; Kenese 26:4 ‘Ua toe fai fo‘i lana miti, ‘ua ia ta‘uina atu i ona uso, ‘ua fa‘apea atu, “Fa‘auta, ‘ua toe fai la‘u miti; fa‘auta fo‘i, ‘ua ifo mai ‘iā te a‘u le la, ma le masina, ma fetu e sefulu ma le tasi.” Kenese 37:9 ‘Ia e manatua Aperaamo, Isaako, ‘atoa ma Isaraelu, o au ‘au‘auna, na e tautō ai ‘iā te oe lava, ma e fa‘apea atu ‘iā te i latou, ‘‘Ou te fa‘ato‘ateleina a ‘outou fānau e pei o fetu o le lagi;’ o lenei nu‘u uma fo‘i na ‘ou fai atu ai ‘ou te avatua i a ‘outou fānau, e fai ma o latou tofi e fa‘avavau.’ Esoto 32:13 Ou te vaai ia te ia, ae le o le taimi nei; ou te vaai ia te ia, ae le o le latalata mai; e sau se Fetu mai ia Iakopo, e tu mai foi se Tootoo mai ia Isaraelu, e taia ai tulimanu o Moapi, ma faaumatia le fanauga uma a Setu. Numera 24:17 Ua faatoateleina outou e Ieova lo outou Atua, faauta foi, o le aso nei ua pei outou o fetu o le lagi ona toatele. Teuteronome 1:10