Pagota o le Faamoemoe Solo Auā e faafofoga Ieova i ē matitiva, e lē ʻinoʻino foʻi o ia i ana pagota. Salamo 69:33 Ia oo atu i ou luma le ōi a le ua pagota; e tusa ma le tele o lou mana ia e faaola i e ua tofia e oti; Salamo 79:11 E tusia lenei mea mo tupulaga a sau; o le nuu foi e faia e vivii atu i le Alii. Auā ua silasila mai o ia mai lona malumalu paia; ua silasila mai le Alii i le lalolagi mai le lagi; ina ia faalogo i le oi o le ua pagota; e tatala i latou ua tofia i le oti; Salamo 102:18-20 Ia e aveese lo’u agaga mai le falepuipui, ina ia ou vivii atu i lou suafa; e si’omia a’u e ē amiotonu; auā e te agalelei mai ia te a’u. Salamo 142:7 ‘Amuia le tagata o lē ‘ua i ai le Atua o Iakopo e fai ma ona fesoasoani, o lē ‘ua i ai lona fa‘amoemoe i le ALI‘I lona Atua, o lē na faia le lagi ma le lalolagi, o le sami ma mea uma o i ai; o lē tausi i le fa‘amaoni e fa‘avavau; o lē na te faia le fa‘amasinoga mo ē ‘ua sauāina; o lē na te avatu mea e ‘ai i ē ‘ua fia ‘ai. O le ALI‘I e tatalaina ē ‘ua noanoatia: Salamo 146:5-7
Perofeta O loo faapea ona fetalai mai le Atua o Ieova, o lē na faia le lagi, ma faaloaloa atu ai; o lē na fofola le lalolagi ma mea e tutupu mai ai; o lē na foaiina le mānava i nuu o i ai, ma le agaga i e savavali ai; o a’u o Ieova, ua ou valaauina oe i le amiotonu, ou te taofi lou lima, ou te leoleo ia te oe, ou te avatu ia te oe e fai ma feagaiga a le nuu, e fai ma malamalama o nuu ese; e faapupula mata o e tauaso, e aumaia e ua fusifusia nai le fale puipui, atoa ma e ua nonofo i le pouliuli mai le fale puipui.” Isaia 42:5-7 Ua i o’u luga le Agaga o le Alii o Ieova; auā ua faauuina a’u e Ieova e tala’i le tala lelei i e ua tigaina; ua auina mai a’u e ia e fufusi i e loto momomo, e tala’i le sa’olotoga i e ua tafea, ma le tatalaina o le falepuipui i e ua fusifusia; Isaia 61:1 A o oe fo‘i, o le toto o lau feagaiga ‘ua ‘ou tu‘uina atu ai au pagota nai le lua e leai se vai. ‘Ia ‘outou liliu atu i le ‘olo malosi, o ‘outou pagota o le fa‘amoemoe; o le aso nei ‘ou te ta‘utino atu ai, ‘ou te taui atu fa‘alua ‘iā te oe; Sakaria 9:11-12
Evagelia Ona fetalai atu lea o le Tupu i ē o i lona itu taumatau, ‘O mai ia, o outou ua faamanuiaina e lo’u Tamā, ia fai mo outou tofi le malo ua saunia mo outou talu mai le faavaeina o le lalolagi: Auā sa ou fia ‘ai, ona outou avane ai lea o a’u mea e ‘ai; sa ou fia inu, ona outou avane ai lea o a’u mea e inu; sa ou tagata ese, ona outou talia lea o a’u; sa ou le lavalavā, ona outou faaofuina lea o a’u; sa ou ma’i, ona outou asiasi mai lea ia te a’u; sa ou i le falepuipui, ona outou o mai ai lea ia te a’u.’ Ona tali mai lea o ē amiotonu ia te ia, e faapea, ‘Le Alii e, o anafea na matou iloa ai oe o fia ‘ai, ma matou fafaga ia te oe? pe fia inu, ma matou avatu ia te oe mea e inu? o anafea na matou iloa ai oe o se tagata ese,
1
ma matou talia oe? pe le lavalavā, ma matou faaofuina oe? pe o anafea na matou iloa ai oe o ma’i, pe i le falepuipui, ma matou o atu ia te oe?’ Ona tali atu lea o le Tupu, e faapea atu ia te i latou, ‘E moni, ou te fai atu ia te outou, auā na outou faia i le tasi o ē aupito itiiti o o’u uso nei, ua outou faia i a te a’u. ’ Mataio 25:34-40 Ona fetalai atu lea o ia ia te i latou, E tau le taua e le tasi nuu ma le tasi malo i le tasi malo: E i ai foi mafui’e tetele i lea mea ma lea mea, ma oge, ma faamai; e i ai foi vaaiga matautia ma faailoga tetele mai le lagi. A o lei oo i nei mea uma, latou te pu’eina outou, ma faasaua ia te outou, ma tuuina atu outou i sunako ma fale puipui, ma taitaiina atu outou i luma o tupu ma alii ona o lo’u igoa. E avea foi lea ma molimau ia te outou. Luka 21:10-13
Galuega Ona tulaʻi lea o le faitaulaga sili, atoa ma i latou uma sa faatasi ma ia, (o le itu a Satukaio lea,) ua tutumu i latou i le ita, Ua latou puʻe atu i le au aposetolo, ma tuuina atu i latou i le falepuipui. A ua tatalaina e le agelu a le Alii faitotoa o le falepuipui i le po, ma aumai i latou i fafo, ua faapea atu, Ina o ia, ina tutu i le malumalu, ma tautala atu i le nuu i upu uma o lenei ola. Galuega 5:17-20 O lea na taofia ai Peteru i le falepuipui: a o le ekalesia sa tatalo soo i le Atua mo ia. Ua oo ina finagalo Herota e taitai atu o ia i fafo, o le po lava lea sa moe ai Peteru i le va o fitafita e toalua, ua noanoatia i filifili e lua; o leoleo foi i luma o le faitotoa sa leoleoina le falepuipui. Faauta foi, ua oo mai le agelu a le Alii ia te ia, ua pupula mai foi le malamalama i le falepuipui; ua ia taia Peteru i le itu, ma fafagu ia te ia, ua faapea atu, Tu ia i luga ia vave. Ona pa'u'ū ese lea o filifili mai ona lima. A ua talotalo atu o ia ia te i latou i lona lima e faalologo, ona faamatala atu lea ia te i latou le auala na aumaia ai o ia e le Alii i fafo o le falepuipui. Ua fai atu o ia, Ia outou o atu ma ta'u atu ia mea ia Iakopo ma le au uso. Ona alu ese lea o ia, ua alu i se isi mea. Galuega 12:5-7,17 ‘Ua uma ‘ona sasaina i lā‘ua e i latou, ‘ona tu‘uina atu lea o i lā‘ua i le falepuipui, ma fai atu i le leoleo o le falepuipui e leoleoina i la‘ua ma le saogalemu: O lē na maua lea poloa‘iga, ‘ona tu‘uina atu lea o i lā‘ua i le falepuipui i totonu, ma fa‘amau o la‘ua vae i la‘au. ‘Ua o‘o i le tulua o po, ‘ona tatalo lea o Paulo ma Sila, ma pepese i le Atua; ‘ua fa‘alogo i ai pagota. ‘Ona fa‘afuase‘i mai lea o le mafui‘e tele, ‘ua lūlūina ai fa‘avae o le falepuipui; ‘ona tatalaina loa lea o faitoto‘a uma, ma tatala ai noataga o tagata uma. ‘Ua ala le leoleo o le falepuipui, ‘ua iloa atu faitoto‘a o le falepuipui ‘ua matala, ‘ona se‘i lea e ia lana pelu, ‘ua fia fasioti ‘iā te ia lava, auā ‘ua manatu o ia ‘ua sola ‘ese pagota. A ‘ua ‘alaga atu Paulo ma le leo tele, ‘ua fa‘apea atu, “‘Aua le faia se mea e leaga ai oe; auā o i matou uma lava ‘i‘inei.” ‘Ona vala‘au atu lea o ia i le moli, ‘ua oso atu i totonu, ‘ua gatete, ‘ua fa‘apa‘ū i luma o Paulo ma Sila, ‘ua ‘aumai ‘iā te i lā‘ua i fafo, ‘ua fa‘apea atu, “Ali‘i e, se a se mea e tatau ‘ona ‘ou faia ‘ina ‘ia fa‘aolaina a‘u?” ‘Ona la fai atu lea, “Fa‘atuatua i le Ali‘i o Iesu Keriso, ‘ona fa‘aolaina lea o oe, ‘atoa ma lou ‘āiga.” ‘Ua la tautala atu ‘iā te ia le afioga a le Ali‘i, ‘atoa ma i latou uma sa i lona fale. ‘Ona ‘ave lea e ia ‘iā te i lā‘ua i lea lava itūlā o le pō, ‘ua fufulu o la‘ua manu‘a; ‘ona papatisoina loa lea o ia ‘atoa ma lona ‘āiga uma. ‘Ua ‘aumaia i lā‘ua e ia i lona fale, ‘ua laulau atu ai mea‘ai ‘iā te i la‘ua, ‘ua ‘oli‘oli o ia ‘atoa ma lona ‘āiga uma, ‘ina ‘ua fa‘atuatua i le Atua. Galuega 16:23-34
Tusi O auauna ea i latou a Keriso? (Ou te tautala atu e pei o se vale) ua sili atu a’u; ua sili atu i galuega mamafa, ua sili atu i sasa, ua tele i falepuipui, ua tele i oti. 2 Korinito 11:23
2
O lenei, o a’u o le ua noanoatia ona o le Alii, ou te aioi atu ia te outou, ia outou savavali e tusa ma le valaau ua valaauina ai outou, ma le loto maulalo uma ma le agamalu, ma le onosai, ia outou faapalepale le tasi i le tasi i le alofa; ia taumafai outou e taofi le lotogatasi i le Agaga i le noataga o le filemu. Efeso 4:1-3 O lenei, aua e te mā i le molimau i lo tatou Alii, aua foi ona o a’u o lana pagota; a ia e faatasi i puapuaga ona o le tala lelei e tusa ma le mana o le Atua; o lē na faaola mai ia i tatou, ma valaauina i tatou i le valaau paia, e le tusa ma a tatou galuega, a e tusa ma lona lava finagalo ma le alofa tunoa, na foaiina mai ia te i tatou ia Keriso Iesu talu mai le amataga o le lalolagi, a ua faaalia mai nei i le faaali mai o lo tatou Faaola o Iesu Keriso, o lē na faaleaogaina le oti, ma ua aumaia le ola ma le le oti i le malamalama e ala i le tala lelei: Ua tofia ai a’u mo lea mea e fai ma failauga, ma aposetolo, ma faiaoga o nuu ese. 2 Timoteo 1:8-11 O a’u o Paulo, o le pagota ona o Iesu Keriso, ma Timoteo lo tatou uso, ia Filemoni lo tatou pele, o lē na tatou galulue faatasi, Ae peita’i, ona o le alofa ou te ‘ai’oi atu ai ia te oe, o a’u nei o Paulo, o le toeaina, o lē ua pagota nei fo’i ona o Iesu Keriso. Filemoni 1:1,9 Aua e te fefe i mea o le a e mafatia ai; faauta, o le a tuuina atu nisi o outou e le tiapolo i le fale puipui, ina ia tofotofoina ai outou; e puapuagā foi outou i aso e sefulu; ia e faamaoni seia oo i le oti, ona ou avatu ai lea ia te oe le pale o le ola. Faaaliga 2:10
3