Manava na foa'iina mai e le Atua Ia vivii atu i le ALI‘I mea uma lava e mānava. Ia outou vivii atu i le ALI‘I. Salamo 150:6
Pentateuka Ona faia lea e le ALI‘I le Atua o le tagata i le efuefu o le eleele, ma mānava i ona isu o le mānava ola; ona avea ai lea o le tagata ma tagata ola. Kenese 2:7 Faauta foi, o a’u lava, ou te faaooina atu le lolo i le lalolagi, e fa’aumatia ai tagata ola uma o lo’o i ai le mānava o le ola i lalo o le lagi; e fa’aumatia ai fo’i mea uma o i le lalolagi. Kenese 6:17 ‘Ua latou ulu atu fo‘i ‘iā Noa i totonu o le va‘a, e ta‘ilua i mea ola uma o lo‘o i ai le mānava ola.’ Kenese 7:15 O i latou uma sa i ai le mānava ola i o latou isu, o mea uma sa i le eleele matutu, na oti i latou. Kenese 7:22 A o aai o nei nuu, ua foaiina mai e Ieova lou Atua ia te oe e fai ma ou tofi, aua ne’i e faasaoina se tasi e ola: Teuteronome 20:16
Talafaasolopito ‘Ua fasia e Iosua le nu‘u uma o le atu mauga, ma le itū i saute, ma le vanu, ma le vaipuna, ‘atoa ma o latou tupu uma; ‘ua lē fa‘atoeina e ia se tasi, a ‘ua fa‘aumatia uma o ē na mānava, e pei ‘ona poloa‘i mai ai le ALI‘I le Atua o Isaraelu. Iosua 10:40 ‘Ua latou fasiotia fo‘i tagata uma sa i ai i le pelu, ‘ua latou fa‘aumatia i latou uma lava; ‘ua leai se tasi na toe e ola; ‘ua ia susunuina fo‘i Hasora i le afi. O vete uma fo‘i mai ia ‘a‘ai, ‘atoa ma manu, na ‘ave e le fānauga a Isaraelu mo i latou lava; a o tagata uma na latou fasiotia i le pelu, ‘ua o‘o ‘ina fa‘aumatia i latou, ‘ua lē fa‘atoeina e i latou se tasi na toe e ola.’ Iosua 11:11,14 Ona aliali mai lea o alavai o le sami, ua faaalia ai faavae o le lalolagi, i le aoaiga a Ieova, i le agi malosi o le manava o ona isu. 2 Samuelu 22:16 Ua oo ina fai o ia ma tupu, ona fasiotia lea e ia o le aiga uma o Ierepoamo; e lei faatoeina e ia se tasi e ola mo Ierepoamo, seia oo ina faaumatia o ia e ia, e tusa ma le afioga a Ieova na ia fetalai mai ai i lana auauna o Akia le Sailo: 1 Tupu 15:29 ‘Ua mavae ia mea, ‘ona ma‘i ai lea o le tama a le fafine, le matai o le ‘āiga; ‘ua matuā tele lava lona ma‘i, ‘ua lē toe ai se mānava ‘iā te ia.’ 1 Tupu 17:17