Samoan - Courage Is Beautiful - Psalm 27

Lototele Pentateuka O le fefe iā te outou ma le fefe iā te outou e oo i manu vaefā uma o le lalolagi, ma manu felelei uma o le lagi, ma mea uma e fetolofi i le lalolagi, atoa ma iʻa uma o le sami; ua tuuina atu i latou i o outou lima.” Kenese 9:2 UA MATUĀ mavae ia mea, ona oo mai lea o le afioga a le ALI‘I ‘iā Aperamo i le fa‘aaliga, ‘ua fa‘apea mai, “Aperamo e, ‘aua e te fefe; o a‘u o lou talita, o lau taui e matuā tele lava.” Kenese 15:1 Ua faafofogaina e le Atua le leo o le tama; ona valaau mai lea o le agelu a le Atua ia Akara mai le lagi, ua faapea mai ia te ia, O le a ea le mea ua e tupu, Akara e? Aua e te fefe; auā ua faafofogaina e le Atua le leo o le tama i le mea o i ai o ia. Kenese 21:17 Ona faaali mai lea o le ALI‘I ‘iā te ia i lea lava po, ‘ua fa‘apea mai, “O a‘u o le Atua o Aperaamo lou tamā; ‘aua e te fefe, auā o a‘u ‘iā te oe, ‘ou te fa‘amanuia fo‘i ‘iā te oe, ma fa‘ato‘ateleina lau fānau ‘ona o la‘u ‘au‘auna o Aperaamo.” Kenese 26:24 Ua oo i le aso tolu, ina ua tiga i latou, ona tago lea o atalii e toalua o Iakopo, o Simeona ma Levi, o uso o Tina, i lana pelu, ma ulu atu i le aai ma le lototoa, ma fasioti i tane uma. Kenese 34:25 ‘Ona fai atu lea o ia, ‘Ia manuia ‘outou, ‘aua ne‘i fefefe; o lo ‘outou Atua, o le Atua fo‘i o lo ‘outou tamā, ‘ua foa‘iina atu ‘iā te ‘outou le ‘oloa i a ‘outou taga; ‘ua ‘iā te a‘u a ‘outou tupe.’ ‘Ona ‘aumai lea e ia o Simeona ‘iā te i latou. Kenese 43:23 ‘Ona fetalai mai lea o ia, “O a‘u o le Atua, o le Atua o lou tamā; ‘aua ‘e te fefe e alu ifo i Aikupito; auā ‘ou te faia oe ma nu‘u tele i lea mea.” Kenese 46:3 Ona fai atu lea o Iosefa ia te i latou, Aua tou te fefefe; auā o aʻu ea le sui o le Atua? A o outou, na outou mafaufau i mea leaga ia te aʻu; a ua finagalo le Atua ia lelei, ina ia faataunuuina e pei ona i ai i le aso nei, ia faaolaina le nuu e toatele. O lenei, aua tou te fefefe; ou te tausi ia te outou, atoa ma a outou fanau. Ona faamafanafana lea o ia ia te i latou, ma tautala atu ma le agalelei ia te i latou. Kenese 50:19-21 Ona fai atu lea o Mose i le nuu, Aua tou te fefefe, a ia outou tutu ma vaai i le olataga mai ia Ieova, o le a faia e ia mo outou i le aso nei; auā o Aikupito ia tou te vaai i ai i le aso nei, tou te le toe vaai lava ia te i latou e faavavau. Esoto 14:13