Tulafono Fa'a-Tusi Paia o le Mana E lē fa’aleagaina le mana atoatoa o Iesu Keriso.
‘Ona maliu atu lea o Iesu, ‘ua fetalai atu ‘iā te i latou, ‘ua fa‘apea atu, “‘ Ua tu‘uina mai ‘iā te a‘u le pule uma lava i le lagi ma le lalolagi. O lenei, ‘ia ‘outou ō atu e fai nu‘u uma lava ma so‘o, ma papatiso atu ‘iā te i latou i le suafa o le Tamā, ma le Atali‘i, ma le Agaga Pa‘ia; ‘ia ‘outou a‘oa‘o atu ‘iā te i latou ‘ia tausi i mea uma ‘ua ‘ou poloa‘i atu ai ‘iā te ‘outou; ‘aua fo‘i, ‘ou te ‘iā te ‘outou i aso uma lava, e o‘o lava i le gata‘aga o le lalolagi. Amene.” Mataio 28:18-20 “A e maua e outou le mana, pe a afio ifo le Agaga Paia i luga ia te outou; e fai foi outou ma molimau ia te a’u i Ierusalema, ma Iutaia uma lava, ma Samaria, e oo lava i le tuluiga o le lalolagi.” Galuega 1:8
Pentateuka Ua oulua iloa fo‘i ‘ua ‘ou ‘au‘auna i lo ‘oulua tamā i lo‘u malosi uma lava. O lo‘u lima e mafai ona fa‘asauā ‘iā te ‘outou; a ‘ua fetalai mai le Atua o lo ‘outou tamā ‘iā te a‘u ananafi, ‘ua fa‘apea mai, ‘‘Ia oe, ne‘i e tautala ‘iā Iakopo i se lelei po o se leaga.’ Kenese 31: 6,29 ‘Ona fa‘apea mai lea o ia, “E lē toe ta‘ua lou igoa o Iakopo, a o Isaraelu; auā ‘ua e finau i le Atua ‘atoa ma tagata, ma ‘ua e manumālō.” Kenese 32:28 Reupena e, o oe o la‘u ulumatua, o lo‘u malosi, ma le amataga o lo‘u malosi, o lē silisili o le mamalu, ma lē silisili o le mana. Kenese 49:3 O le mea moni lava lenei ua ou faatuina ai oe, ina ia ou faaali atu ai loʻu mana ia te oe, ma ia taʻua loʻu igoa i le lalolagi uma. Esoto 9:16 Le ALI‘I e, ‘ua mamalu lou ‘a‘ao taumatau i le malosi; o lou ‘a‘ao taumatau, le ALI‘I e, ‘ua nutililiia ai le fili. Esoto 15:6 Afai e lē fiafia lona matai, o lē na faufautane iā te ia, ona ia tuʻuina atu lea o ia e toe faʻatauina; e leai se pule iā te ia e faʻatau atu iā te ia i se nuʻu ese, auā ua ia faʻaʻoleʻole iā te ia. Esoto 21:8 ‘Ona fa‘atoga atu lea o Mose i le ALI‘I lona Atua, ‘ua fa‘apea atu, “Le ALI‘I e, se a le mea ‘ua tupu tele ai lou to‘asā i lou nu‘u na e ‘aumaia nai le nu‘u o Aikupito i le mana tele ma le ‘a‘ao malosi? Esoto 32:11 Ou te gauia foʻi le faʻamaualuga o lo outou malosi; ou te faia lo outou lagi e pei o le uʻamea, ma lo outou eleele e pei o le ʻapamemea. E pa'u'ū fo'i i latou le tasi i le tasi, e peiseaī o lo'o i luma o le pelu a'o le'i tuliloaina e se tasi; e leai fo'i so 'outou malosi e tete'e atu ai i o 'outou fili. Levitiko 26 :19,37 O lenei, ou te aioi atu ia te oe, ia tele le mana o loʻu Alii, e pei ona e fetalai mai, ua faapea mai, Numera 14:17