Upumoni Atoatoa a le Tusi Paia Ua fetalai atu Iesu ia te ia, O a’u nei le ala, ma le upu moni, ma le ola; e le alu atu se tasi i le Tama, pe a le ui mai ia te a’u.” Ioane 14:6 Ia e tau mo le upumoni seia oo i le oti, ona tau ai lea o le Alii mo oe. Failauga 4:28
Pentateuka ‘Ua fa‘apea atu fo‘i o ia, “‘Ia vi‘ia le ALI‘I le Atua o lo‘u matai o Aperaamo, o lē ‘ua lē tu‘ua lona alofa ma lona fa‘amaoni i lo‘u matai; auā sa ‘ou i le ala, ‘ona ta‘ita‘iina lea o a‘u e le ALI‘I i le fale o uso o lo‘u matai.” Kenese 24:27 E lē aogā lava aʻu i mea alofa uma ma le faʻamaoni uma na e faʻaalia i lau auauna; auā na ou sopoʻia atu i Ioritana ma loʻu tootoo; a o lenei ua ou avea ma vaega e lua. Kenese 32:10 ‘Inā ‘auina atu ia se tasi o ‘outou e ‘aumai lo ‘outou uso, ‘ae taofia ‘outou i le falepuipui, ‘ina ‘ia fa‘amaonia ai a ‘outou ‘upu pe moni a ‘outou; a leai, o lo‘o soifua Farao, e moni lava o tagata sipai ‘outou.” Kenese 42:16 ‘Ia e filifili fo‘i mai le nu‘u ‘atoa ni tagata loto tetele, o ē matata‘u i le Atua, o tagata fa‘amaoni, ma ‘ino‘ino i le matape‘ape‘a; ma ‘ia e tofia i latou e pule ‘iā i latou, e fai ma ali‘i o afe, ma ali‘i o selau, o ali‘i o to‘alimagafulu, ma ali‘i o to‘asefulu. Esoto 18:21 ‘Ua afio ane fo‘i le ALI‘I i ona luma, ma ‘alaga mai, “O le ALI‘I, o le ALI‘I le Atua, o le alofa mutimutivale ma le alofa fua, e telegese lona to‘asā, e tele fo‘i lona agalelei ma le fa‘amaoni. Esoto 34:6 ‘Ona e su‘esu‘e lea, ma e su‘esu‘e, ma e fesili ma le fa‘aeteete; fa‘auta fo‘i, ‘āfai e moni ma mautinoa le mea, ‘ua faia lenā mea ‘inosia ‘iā te oe; Teuteronome 13:14 O ia o le Papa, e sao lava lana galuega; auā e tonu ona ala uma lava; o le Atua e fa‘amaoni, e le o ia te ia se amioletonu, o le amiotonu ma le amiotonu ia. Teuteronome 32:4
Talafaasolopito O lenei, ‘ia ‘outou matata‘u i le ALI‘I, ma ‘au‘auna ‘iā te ia ma le loto sa‘o ma le fa‘amaoni; ‘ia ‘outou tu‘u‘eseina fo‘i atua na ‘au‘auna i ai o ‘outou tamā i le la itū o le vaitafe, ma Aikupito; ma ‘ia ‘outou ‘au‘auna i le ALI‘I. Iosua 24:14 ‘Ona fai mai lea o le la‘au tuitui i la‘au, “‘Āfai tou te fa‘au‘uina a‘u e fai ma o ‘outou tupu, ‘inā ō mai ia ‘outou fa‘atuatua i lo‘u paolo; ‘ae ‘āfai e leai, ‘ia alu atu le afi mai le la‘au tuitui ma fa‘aumatia ai arasi o Lepanona.” Faamasino 9:15 Tau lava ina outou matata‘u i le ALI‘I, ma ‘au‘auna ‘iā te ia ma le fa‘amaoni ma o ‘outou loto ‘atoa; auā ‘ia ‘outou mafaufau i mea tetele ‘ua na faia mo ‘outou. 1 Samuelu 12:24