Papatisoga i le Vai ma le Afi Ona ou manatua lea o le afioga a le Alii, na ia fetalai mai, “Na papatiso lava Ioane i le vai; a o outou, e papatisoina outou i le Agaga Paia.” Galuega 11:16
Evagelia Mataio 3:1-17 1 O ona po ia na sau ai Ioane le Papatiso, ua tala‘i atu i le vao o Iutaia, ua faapea atu, 2. ‘Ua fa‘apea atu, “‘Inā salamo ia ‘outou; auā ‘ua latalata mai le mālō o le lagi.” 3 Auā o ia lenei na fetalai i ai le perofeta o Isaia, ua faapea mai, O le leo o le tasi o loo alaga i le vao, Ia outou sauni le ala o le Alii, ia faasao ona ala. 4 O Ioane fo‘i sa ‘ofu i le fulufulu kamela, ma le fusi pa‘u i lona sulugatiti; a o ana mea e ‘ai o sē akerise ma le meli vao. 5 Ona ō atu lea iā te ia o Ierusalema, ma Iutaia uma, atoa ma le itumalo uma o Ioritana. 6 Ua papatisoina fo‘i i latou e ia i Ioritana, ma ua ta‘utino atu a latou agasala. 7 A ua ia iloa atu le au faresaio ma le au satukaio e toatele ua o mai i lana papatisoga, ona fai atu lea o ia ia te i latou, Le fanau a gata feai e, o ai ea ua na fai atu ia te outou e sosola ese i le toasa o le a oo mai? 8 Ia outou fua mai ni fua e tatau ma le salamo; 9 Aua fo‘i ne‘i outou manatu e fa‘apea ifo i o ‘outou loto, ‘O Aperaamo lo matou tamā;’ auā ‘ou te fai atu ‘iā te ‘outou, e mafai lava e le Atua ‘ona fa‘atupuina ni fānau a Aperaamo mai nei ma‘a. 10. O lenei fo‘i, ‘ua tu‘u nei le to‘i i le a‘a o la‘au; o la‘au uma fo‘i e lē fua mai i fua lelei, e taia ma lafoina i le afi. 11. O a‘u nei, ou te papatisoina atu ‘iā te ‘outou i le vai e fai ma fa‘amaoniga o le salamō; a o lē mulimuli mai ‘iā te a‘u, e sili atu lona mana ‘iā te a‘u, e lē aogā a‘u ‘ona ‘ave i ona seevae; o ia lea na te papatisoina ‘outou i le Agaga Pa‘ia ma le afi. 12 O loo i lona lima lana ili, e faamamāina ai lana mea e soli ai saito, ma faapotopotoina lana saito i le fale saito; a e susunuina e ia le otaota i le afi e le matineia. 13 Ona maliu atu lea o Iesu mai Kalilaia i Ioritana ia Ioane, ia papatisoina o ia e ia. 14. A ‘ua vavao e Ioane ‘iā te ia, ‘ua fa‘apea mai, “E tatau ‘ona papatisoina a‘u e oe, ‘ae maliu mai ‘ea oe ‘iā te a‘u?” 15 A ua tali atu Iesu, ua faapea atu ia te ia, Tuu mai ia, aua e faapea ona tatau ia te i tatou ona faataunuuina o mea tonu uma. Ona tuu atu lea o ia ia te ia. 16. ‘Ua papatisoina Iesu, ‘ona maliu a‘e loa lea o ia nai le vai; fa‘auta fo‘i, ‘ua avanoa le lagi ‘iā te ia, ‘ua ia iloa atu fo‘i le Agaga o le Atua ‘ua afio ifo e pei o se lupe, ma fa‘apepepe i ona luga. 17. Fa‘auta fo‘i, o le si‘ufofoga mai le lagi, ‘ua fa‘apea mai, “O lo‘u Atali‘i pele lenei, ‘ua ‘ou fiafia lava ‘iā te ia.”
Papatisoga i le Vai ma le Afi Ona ou manatua lea o le afioga a le Alii, na ia fetalai mai, “Na papatiso lava Ioane i le vai; a o outou, e papatisoina outou i le Agaga Paia.” Galuega 11:16
E moni, ou te fai atu ia te outou, e lei tu mai i e na fananau mai i fafine se tasi e sili ia Ioane le Papatiso; a o lē aupito itiiti i le malo o le lagi, e sili lea ia te ia. Talu mai ona po o Ioane le Papatiso ua oo mai i nei ona po, ua mafatia ai le malo o le lagi i le sauā, o e ua avea faamalosi e i latou e sauā. Mataio 11:11-12 Ua fai atu o ia i ana auauna, O Ioane le Papatiso lenei; ua toe tu mai o ia nai e ua oti; o le mea lea ua faia ai e ia o vavega. Ona fai atu lea o ia, Ina ua uma ona faaoso e lona tina, ua fai atu, Au mai ia te au le ulu o Ioane le Papatiso i se apa. Mataio 14:2,8 Ona latou fai mai lea, “O oe o Ioane le Papatiso; a o isi, o Elia; a o isi, o Ieremia, po o se tasi o le au perofeta.” Mataio 16:14 Ona iloa ai lea e le au soo ua fetalai atu o ia ia te i latou e uiga ia Ioane le Papatiso. Mataio 17:13 A ua tali atu Iesu, ua faapea atu, “ E le iloa e oulua le mea tou te ole mai ai. Pe mafai ea ona oulua inu i le ipu ou te inu ai, ma papatisoina i le papatisoga e papatisoina ai a’u?” Ona la fai mai lea ia te ia, “Ma te mafaia.” Ona fetalai atu lea o ia ia te i laua, “ E moni lava, lua te inu i la’u ipu, ma papatisoina i le papatisoga e papatisoina ai a’u; a o le nofo i lo’u itu taumatau ma lo’u itu tauagavale, e le o ia te a’u le pule e avatu, ae e maua i latou ua saunia mo i latou e lo’u Tamā.” Mataio 20:22-23 Mataio 21:25 O le papatisoga a Ioane, mai fea ea? Mai le lagi ea, pe mai tagata?” Ona latou felafolafoa’i lea, ua faapea ane, “Afai tatou te fai atu, Mai le lagi; ona fai mai lea o ia ia te i tatou, Se a ea le mea tou te le’i talitonu ai ia te ia?” Mataio 28:18-20 Ona afio atu lea o Iesu, ua fetalai atu ia te i latou, ua faapea atu, Ua tuuina mai ia te au le pule uma lava i le lagi ma le lalolagi. O lenei, ia outou o atu e fai nuu uma lava ma soo, ma papatiso atu ia te i latou i le suafa o le Tama, ma le Atalii, ma le Agaga Paia; ia outou aoao atu ia te i latou ia tausi i mea uma ua ou fai atu ai ia te outou; faauta foi, ou te ia te outou i aso uma lava, e oo lava i le gataaga o le lalolagi. Amene. Sa papatiso Ioane i le vao, ma talaʻi atu le papatisoga o le salamo mo le faamagaloina o agasala. Ona o atu lea ia te ia o le nuu uma o Iutaia, atoa ma i latou uma o Ierusalema, ua papatisoina i latou uma e ia i le vaitafe o Ioritana, ua taʻutaʻu atu a latou agasala. O aʻu lava na ou papatisoina outou i le vai; a o ia na te papatisoina outou i le Agaga Paia. O ona po ia na maliu mai ai Iesu mai Nasareta i Kalilaia, ua papatisoina foi o ia e Ioane i Ioritana. Mareko 1:4-5,8-9 Ua faalogo le tupu o Herota i le tala ia te ia; (auā ua salalau lona suafa:) ona fai atu lea o ia, Ua toe tu mai Ioane le Papatiso nai e ua oti, o le mea lea ua fai ai e ia o vavega. Ona alu atu lea o ia, ua fai atu i lona tina, Se a se mea ou te ole atu ai? Ua fai mai o ia, O le ulu o Ioane le Papatiso. Ona vave ulufale atu lea o ia i le tupu, ua ole atu, ua faapea atu, Ou te loto ina ia e aumai nei lava ia te au le ulu o Ioane le Papatiso i se ipu. Mareko 6:14,24,25 Ona latou tali atu lea, “O Ioane le Papatiso; a o isi, o Elia; a o isi, o le tasi o le au perofeta.” Mareko 8:28 A ua fetalai atu Iesu ia te i la’ua, “ E le iloa e oulua le mea lua te ole mai ai. E mafai ea ona oulua inu i le ipu ou te inu ai, ma papatisoina i le papatisoga e papatisoina ai a’u?” Ona la fai mai lea ia te ia,
2
Papatisoga i le Vai ma le Afi Ona ou manatua lea o le afioga a le Alii, na ia fetalai mai, “Na papatiso lava Ioane i le vai; a o outou, e papatisoina outou i le Agaga Paia.” Galuega 11:16
“Ma te mafaia.” Ona fetalai atu lea o Iesu ia te i la’ua, “ E moni lava, lua te inu i le ipu ou te inu ai; e papatisoina foi outou i le papatisoga e papatisoina ai a’u.” Mareko 10:38-39 O le papatisoga a Ioane, pe mai le lagi ea, pe mai tagata? Mareko 11:30 O lē fa‘atuatua ma papatisoina, e fa‘aolaina o ia; a o lē lē fa‘atuatua, e fa‘asalaina o ia. Mareko 16:16 Ua alu atu o ia i le itu uma o Ioritana, ua tala’i atu le papatisoga o le salamo mo le faamagaloina o agasala; Ona fai atu lea o ia i le motu o tagata na o mai e papatisoina e ia, Fanau a gata feai e, o ai ea na fai atu ia te outou e sosola ese i le toasa o le a oo mai? Ona o mai lea o telona e papatisoina i latou, ua latou fai mai ia te ia, Le a’oa’o e, se a se mea matou te faia? Ua tali atu Ioane, ua faapea atu ia te i latou uma, Ou te papatisoina outou i le vai; a o le a sau le tasi e sili lona malosi ia te au, e le aoga a’u ona tatala le nonoa o ona seevae; o ia lea na te papatisoina outou i le Agaga Paia ma le afi. Ua papatisoina le nuu uma, ona papatisoina ai lea o Iesu, ma ua tatalo, ona tatalaina lea o le lagi, Luka 3:3,7,12,16,21 Ua oo atu tagata ia te ia, ua latou fai mai, Ua auina mai i ma’ua e Ioane le Papatiso ia te oe, ua fai mai, O oe ea le maliu mai? pe matou te faatali i se isi? Auā ou te fai atu ia te outou, e leai se perofeta e sili ia Ioane le Papatiso i e na fananau mai i fafine; a o lē aupito itiiti i le malo o le Atua, e sili ia te ia. Ona ta’uamiotonuina lea e le nuu uma o e na faalogo ia te ia, atoa ma le au ao lafoga, o le Atua, ina ua papatisoina i latou i le papatisoga a Ioane. A ua teena e le au Faresaio ma le au a’oa’o tulafono le finagalo o le Atua ia te i latou lava, ina ua le papatisoina i latou e ia. Auā na sau Ioane le Papatiso, e le’i ‘ai areto, e le’i inu uaina foi; a ua outou fai mai, Ua ia te ia le temoni. Luka 7:20,28-30,33 Ua latou tali mai, ua faapea mai, O Ioane le Papatiso; a o isi, o Elia; a o isi, ua toe tu mai se tasi o perofeta anamua. Luka 9:19 Ae o le papatisoga e papatisoina ai a’u; e matuā tiga lava a’u seia oo ina faataunuuina! Luka 12:50 O le papatisoga a Ioane, pe mai le lagi ea, pe mai tagata? Luka 20:4 Ona latou fesili lea ia te ia, ua faapea atu ia te ia, Se a ea le mea e te papatiso ai, afai e le o oe o le Keriso, e le o Elia, e le o le perofeta? Ua tali atu Ioane ia te i latou, ua faapea atu, Ou te papatiso i le vai; a o loo tu mai i totonu ia te outou le tasi, tou te le iloa o ia; o mea ia na faia i Petapara i tala atu o Ioritana, sa papatiso ai Ioane. Ou te lei iloa o ia; a e peitai ina ia faaalia o ia ia Isaraelu, o le mea lea na ou sau ai e papatiso i le vai. Ou te lei iloa o ia; a o le na auina mai a’u e papatiso i le vai, ua fetalai mai o ia ia te au, O le e te vaai i le Agaga ua afio ifo i ai, ma nofo i ona luga, o ia lava lea e papatiso i le Agaga Paia. Ioane 1:25-26,28,31,33 Ua mavae nei mea, ona maliu atu lea o Iesu ma ona soo i le nuu o Iutaia; ua nofo ai o ia faatasi ma i latou, ma papatiso ai. Sa papatiso foi Ioane i Ainona e lata ane i Salima, aua e tele ai le vai iina; ona o mai ai lea o i latou, ua papatisoina ai i latou. Ua latou o mai ia Ioane, ua faapea mai ia te ia, Rapi e, o le sa i ai ma oe i tala atu o Ioritana, o le na e molimau i ai, faauta, o loo papatiso o ia, ua o atu foi tagata uma ia te ia. Ioane 3:22-23,26 Ua silafia e le Alii ua faalogo le au Faresaio e toatele soo ua faia e Iesu ma papatisoina nai lo Ioane, (e ui lava ina le papatisoina e Iesu, a o ona soo,) Ioane 4:1-2 Ua toe maliu atu o ia i tala atu o Ioritana, i le mea na uluai papatiso ai e Ioane; ua nofo ai foi o ia iina. Ioane 10:40
3
Papatisoga i le Vai ma le Afi Ona ou manatua lea o le afioga a le Alii, na ia fetalai mai, “Na papatiso lava Ioane i le vai; a o outou, e papatisoina outou i le Agaga Paia.” Galuega 11:16
Galuega Auā na papatiso lava Ioane i le vai; a o outou, e papatisoina outou i le Agaga Paia e le tele ni aso e sau.” Galuega 1:5 E amata mai i le papatisoga a Ioane, e oo lava i le aso na aveina a’e ai o ia nai ia te i tatou, e tatau ona tofia se tasi e fai ma molimau faatasi ma i tatou i lona toetu. Galuega 1:22 Ona fai atu lea o Peteru ia te i latou, Ina salamo ia, ma ia taitasi ma papatisoina outou uma i le suafa o Iesu Keriso mo le faamagaloina o agasala; ona maua lea e outou o le mea foaifua mai o le Agaga Paia lea. Galuega 2:38 Ona papatisoina lea o ē na talia lana upu ma le fiafia: o lea lava aso ua faaopoopoina ai ia te i latou pe tusa ma le tolu afe tagata. Galuega 2:41 A ua talitonu i latou ia Filipo o loo folafola atu le tala lelei e uiga i le malo o le Atua, ma le suafa o Iesu Keriso, ona papatisoina lea o i latou, o tane atoa ma fafine. Galuega 8:12 O Simona fo‘i na talitonu: ‘ua papatisoina o ia, ‘ona fa‘atasi lea o ia ma Filipo, ‘ua ofo fo‘i o ia, ‘ina ‘ua va‘ai atu i vavega ma fa‘ailoga na faia. (Auā e le‘i afio ifo o ia i so‘o o i latou; ‘ua na o le suafa o le Ali‘i o Iesu.) Galuega 8:13,16 Ua la ō atu i le ala, ona la taunuu lea i le tasi vai: ona fai mai lea o le eunuka, Faauta, o le vai lenei; se a ea se mea e taofia ai a’u mai le papatisoina? Ona fai atu lea o ia i le kariota e taofi; ona la ō ifo lea i le vai, o Filipo ma le eunuka; ona papatisoina lea o ia e ia. Galuega 8:36,38 Ona pa'ū loa lea o mea e pei o una nai ona mata: ona toe vaai loa lea o ia, ua tu i luga, ma ua papatisoina o ia. Galuega 9:18 O le upu lea, ou te fai atu, ua outou iloa, sa salalau atu i Iutaia uma, e amata mai Kalilaia, ina ua mavae le papatisoga sa tala’iina e Ioane, E mafai ea e se tasi ona vavao i le vai, ina ia lē papatisoina ai i latou nei, o ē ua maua le Agaga Paia e pei o i tatou nei? Ona fai atu lea o ia ia papatisoina i latou i le suafa o le Alii. Ona latou aioi atu lea ia te ia e nonofo pea i ni nai aso. Galuega 10:37,47-48 Ona ou manatua lea o le afioga a le Alii, na ia fetalai mai, Na papatiso lava Ioane i le vai; a e papatisoina outou i le Agaga Paia.” Galuega 11:16 Ina ua muai tala’i atu e Ioane le papatisoga o le salamo i le nuu uma o Isaraelu a o lei afio mai o ia. Galuega 13:24 Ua papatisoina o ia, atoa ma lona aiga, ona aioi mai lea o ia ia i matou, ua faapea mai, Afai tou te manatu o a’u o le tagata faatuatua i le Alii, o mai ia i lo’u fale, ma nonofo ai. Ona ia faatauanau mai lea ia i matou. Ona ia ave lea o i la’ua i lea lava ituaso o le po, ma fufulu o la’ua manu’a; ona papatisoina loa lea o ia atoa ma lona aiga uma. Galuega 16:15,33 O Kiripo fo‘i le pule i le sunako, ‘ua fa‘atuatua o ia i le Ali‘i, ‘atoa ma lona ‘āiga uma; e to‘atele fo‘i tagata Korinito na fa‘alogo ‘ua fa‘atuatua i latou, ma ‘ua papatisoina i latou. ‘Ua a‘oa‘oina lenei tagata i le ala o le Ali‘i; ‘ua malosi fo‘i lona loto, ‘ua tautala atu ma a‘oa‘o atu ma le filigā i mea a le Ali‘i, ‘ua na‘o le papatisoga a Ioane ‘ua iloa e ia. Galuega 18:8,25
4
Papatisoga i le Vai ma le Afi Ona ou manatua lea o le afioga a le Alii, na ia fetalai mai, “Na papatiso lava Ioane i le vai; a o outou, e papatisoina outou i le Agaga Paia.” Galuega 11:16
‘Ona fesili atu lea o ia ‘iā te i latou, “O le ā le mea na papatisoina ai ‘outou?” ‘Ona fai mai lea o i latou, “O le papatisoga a Ioane.” ‘Ona fai atu lea o Paulo, “Na papatisoina lava e Ioane le papatisoga o le salamō, ‘ua fai atu i le nu‘u, ‘ia latou fa‘atuatua i lē o le a mulimuli mai ‘iā te ia, o lona uiga, o Iesu Keriso.” ‘Ua fa‘alogo i latou i lenei mea, ‘ona papatisoina lea o i latou i le suafa o le Ali‘i o Iesu.” Galuega 19:3-5 “O lenei, se a le mea e te faatuai ai? Tula’i ia, ma ia papatisoina oe, ma ia fufulu ese au agasala i lou valaau atu i le suafa o le Alii.” Galuega 22:16
Tusi Tou te lē iloa ea, o i tatou uma na papatisoina ia Keriso Iesu, na papatisoina i tatou i lona maliu? O lenei, ua tanumia faatasi i tatou ma ia i le papatisoga i le maliu: ina ia pei ona toe faatuina mai Keriso nai e ua oti i le mamalu o le Tama, e faapea foi ona tatou savavali i le ola fou. Roma 6:3-4 Ua vaeluaina ea Keriso? Pe na faasatauroina ea Paulo mo outou? Pe na papatisoina ea outou i le suafa o Paulo? Ou te faafetai i le Atua ou te lei papatisoina so outou, na o Kiripo ma Kaio; ina ne’i fai mai se tasi na ou papatisoina i lo’u lava igoa. Na ou papatisoina foi le aiga o Setefana; a e le gata i lea, ou te le iloa pe na ou papatisoina se isi. Auā e lei auina mai a’u e Keriso e papatiso, a ia folafola atu le tala lelei: e le o le poto i upu, ina ne’i faaleaogaina le satauro o Keriso. 1 Korinito 1:13-17 Ua papatisoina i latou uma ia Mose i le ao ma le sami; 1 Korinito 10:2 Auā o le Agaga e tasi ua papatisoina ai i tatou uma i le tino e tasi, po o Iutaia i tatou, po o Eleni, po o pologa i tatou, po o sa’oloto; ua fa’ainu fo’i i tatou uma i le Agaga e tasi. 1 Korinito 12:13 A leai, pe faapefea e i latou ua papatisoina mo e ua oti? Afai e le toe tutu e ua oti, aisea e papatisoina ai i latou mo e ua oti? 1 Korinito 15:29 Auā o outou uma lava na papatisoina ia Keriso ua outou oofu ia Keriso. Kalatia 3:27 E tasi le Ali‘i, e tasi le fa‘atuatua, e tasi le papatisoga, Efeso 4:5 Ua tanumia faatasi outou ma ia i le papatisoga, o lea foi ua toe faatuina mai ai outou faatasi ma ia i le faatuatua i le mana o le Atua, o le na toe faatuina mai o ia nai e ua oti. Kolose 2:12 O le mataupu i papatisoga, ma le faaee atu o lima, ma le toetu mai o e ua oti, ma le faamasinoga e faavavau. Eperu 6:2 O le faatusa foi lea o le papatisoga, o loo faaola mai ai nei ia i tatou (e le o le faateaeseina o le eleelea o le tino, a o le tali atu i le loto fuatiaifo lelei i le Atua,) i le toetu mai o Iesu Keriso: 1 Peteru 3:21
Tusi ua Leiloa o le Tusi Paia Ua matou vaai ia Iesu, o lē na outou faasatauroina, o loo fetalai atu i ona soo e toasefulutasi, o loo nofo foi i totonu ia te i latou i le Mauga o Olive, ua faapea atu ia te i latou, Ina o atu ia outou i le lalolagi uma, ma tala’i atu le Tala Lelei i nuu uma, ma papatiso atu ia te i latou i le suafa o le Tamā, ma le Atalii, ma le Agaga Paia; o i latou uma e faatuatua ma papatisoina, e faaolaina i latou. Ua
5
Papatisoga i le Vai ma le Afi Ona ou manatua lea o le afioga a le Alii, na ia fetalai mai, “Na papatiso lava Ioane i le vai; a o outou, e papatisoina outou i le Agaga Paia.” Galuega 11:16
fetalai atu o ia i ona soo, ona matou vaai atu lea ia te ia o afio a’e i le lagi. Tala Lelei a Nikotemo 10:19-21 Ona tali atu lea o ia, “O a’u o le leo o lē o loo alaga i le vao, o Ioane le Papatiso, ma le perofeta a Lē Silisili Ese, o lē na muamua atu i lona afio mai e saunia lona ala, e avatu le malamalama i le faaolataga i lona nuu mo le faamagaloina o agasala.” O a’u fo’i o Ioane, na ou vaai atu ia Iesu o loo afio mai ia te a’u, ua uuna’ia e le Agaga Paia, ona ou fai atu lea, “Faauta i le Tamai Mamoe a le Atua, faauta ia te ia o lē e aveesea agasala a le lalolagi.” Ona ou papatisoina lea o ia i le vaitafe o Ioritana, ma ou vaai atu i le Agaga Paia ua afio ifo ia te ia i le tino o se lupe, ona ou faalogo lea i le leo mai le lagi, ua faapea mai, “O lo’u Atalii pele lenei, ua ou fiafia lava ia te ia.” Talalelei a Nikotemo 13:1113 A ua faalogo le uluai tagata o lo tatou tamā o Atamu i nei mea, ua papatisoina Iesu i Ioritana, ona ia valaau atu lea i lona atalii o Setu, ma faapea atu, Ia e ta’u atu i o outou atalii, o le au augatama ma perofeta, mea uma na e faalogo i ai mai ia Mikaele, le agelu sili, ina ua ou auina atu oe i faitotoa o Parataiso, e aioi atu i le Atua ina ia faauuina lo’u ulu ina ua ou ma’i. Talalelei a Nikotemo 14:1-2 Ona afio mai lea o Keriso, le Alo e sili ona alofa mutimutivale o le Atua, i le lalolagi e toe faatuina le tino o Atamu, ma i le taimi lava e tasi e toe faatuina ai tino o e ua oti, ma a afio mai o ia o le a papatisoina o ia i Ioritana: Talalelei a Nikotemo 14:6 Na poloaʻi mai foʻi le agelu sili o Mikaele ia i matou e ō atu i tala atu o Ioritana, i se nuʻu matagofie ma lafulemu, o i ai le toʻatele o ē na toetū mai nai le oti faʻatasi ma i matou mo le faʻamaoniga o le toetu o Keriso. Auā e naʻo aso e tolu ua faʻatagaina ai i matou mai le oti, o ē na toetu mai e faʻamanatu le paseka a lo tatou Aliʻi faʻatasi ma o matou mātua, ma e molimau atu mo Keriso le Aliʻi, ma ua papatisoina i matou i le vaitafe paia o Ioritana. Ma o lenei ua leai se tasi e vaʻaia i latou. Talalelei a Nikotemo 21:4-5 Amuia i latou o ē tausia le mamā o latou papatisoga; auā latou te maua le filemu ma le Tamā, ma le Alo, ma le Agaga Paia. Galuega a Paulo ma Tekala 1:18 Mulimuli ane, na latou aumaia ai le tele o isi manu fe’ai; a o Tekala sa tu ma ona lima ua faaloaloa atu i le lagi, ma tatalo; ina ua uma lana tatalo, sa faliu o ia, ma vaaia se lua vai, ma faapea atu, Ua oo i le taimi tatau mo a’u e papatiso ai. Ona ia togi lea o ia lava i le vai, ma faapea atu, I lou suafa, lo’u Alii e, Iesu Keriso, ua ou papatisoina i le aso mulimuli lenei. O fafine ma le nuu na vaai i lenei mea, sa latou alalaga atu, ma faapea atu, Aua e te togi oe lava i le vai. Ona alaga atu lea o le kovana lava ia, i le manatu o i’a (tama’i povi) e pei o le a ‘aina le tele o mea matagofie. Galuega a Paulo ma Tekala 9:6-7 ‘Ua iloa e Tekala, ‘ona fai atu lea o ia ‘iā te ia: “Ua papatisoina a‘u, Paulo e; auā o lē fesoasoani ‘iā te oe i le tala‘iga, ‘ua fesoasoani mai o ia ‘iā te a‘u e papatiso.” Galuega a Paulo ma Tekala 10:2 O lea la, afai e lē mafai e tagata amiotonu faapena ona laveaʻiina a latou fanau i la latou amiotonu, e faʻapefea ona tatou faʻamoemoe e ulu atu i le malo o le Atua, pe a lē tausia a tatou papatisoga ia paia ma ia lē pisia? Pe o ai foʻi se tasi e fai ma o tatou fautua, pe a lē iloa ua tatou faia le mea paia ma le tonu? 2 Kelemene i Korinito 3:9 O lenei, mo ē muamua o nei mea, ua tusia i le nuu o Isaraelu, latou te lē mauaina le papatisoga e aumaia ai le faamagaloga o agasala; ae latou te faatuina se isi mo i latou lava e lē mafai. Tusi Aoao a Panapa 10:2
6
Papatisoga i le Vai ma le Afi Ona ou manatua lea o le afioga a le Alii, na ia fetalai mai, “Na papatiso lava Ioane i le vai; a o outou, e papatisoina outou i le Agaga Paia.” Galuega 11:16
Auā o lo tatou Atua o Iesu Keriso, o lē na to i le manava o Maria, o le fanau a Tavita, e tusa ma le tofiga a le Atua, na fanau mai o ia i le Agaga Pa’ia; na fanau mai o ia ma papatisoina, ina ia fa’amamāina e ia le vai i lona puapuaga, e fa’amamāina ai agasala. Tusi a Ignatio i Efeso 4:9 Auā ua ou matauina outou ua mautu i le faatuatua e le mafaagaeetia, e peiseai ua fao i le satauro o lo tatou Alii o Iesu Keriso, i le tino atoa ma le agaga; ma ua faamauina i le alofa e ala i le toto o Keriso; ua talitonu atoatoa i mea e faatatau i lo tatou Alii. O lē moni lava o le aiga o Tavita e tusa ma le tino, a o le Alo o le Atua e tusa ma le finagalo ma le mana o le Atua; na fanau moni lava o ia e le Taupou, ma papatisoina e Ioane; ina ia faataunuuina mea tonu uma e ia. Tusi a Ignatio i tagata Semurana 1:34 E lē tusa ai ma le tulafono e aunoa ma le epikopo, e lē tatau ona papatiso, pe faamanatuina le Komunio Paia; ae o soo se mea e finagalo i ai o ia, e fiafia i ai foʻi le Atua; ina ia mautinoa ma lelei soo se mea e faia. Tusi a Ignatio i tagata Semurana 3:5 Ia fa'afiafia o ia o lē tou te tau ai, ma o lē tou te maua mai ai a outou totogi. Aua ne'i avea so outou ma se tagata e sola ese; a ia tumau pea lo outou papatisoga, e fai ma o outou auupega; o lo outou fa'atuatua, e fai ma o outou puloutau; o lo outou alofa, e fai ma o outou tao; o lo outou onosa'i, e fai ma o outou ofutau atoatoa. Tusi a Ignatius ia Polycarp 2:14 A o ai ea isi na pa'ū i le vai, ma lē mafai ona fuli i le vai? O i latou ia o ē ua faʻalogo i le afioga, ma ua loto malie e papatisoina i le suafa o le Aliʻi; a ua latou mafaufau i le paia tele e manaʻomia e le upu moni, ua latou ō ese ai, ma toe savavali e tusa ma o latou tuʻinanau leaga. O lea na ia faʻaumaina ai le faʻamatalaga o le ʻolo. 1 Tusi a le Leoleo Mamoe o Hermas (Vaʻaiga) 3:75-77 ‘Ona ‘ou fai atu lea ‘iā te ia, “Ua ‘ou fa‘alogo nei lava i nisi o a‘oa‘o, e leai se isi salamo e ese mai i le papatisoga; pe a tatou ō ifo i le vai, ma maua le fa‘amagaloga o a tatou agasala; a mae‘a lenā, e lē tatau ‘ona tatou toe agasala, a ‘ia tatou ola i le mamā.” 2 Tusi a le Leoleo Mamoe o Hermas (Poloaiga) 4:18 Auā a o le’i maua e se tagata le suafa o le Alo o le Atua, ua faauuina o ia i le oti; ae a ia mauaina lena faamaufaailoga, ua faasaolotoina o ia mai le oti, ma ua tofia i le ola. O lea faamaufaailoga o le vai o le papatisoga, lea e ō ifo ai tagata i lalo o le noataga i le oti, ae o le a o’o mai ua tofia i le ola. 3 Tusi a le Leoleo Mamoe o Hermas (Faatusa) 9:153-154 Tusi a Herota ia Pilato le Kovana Herota ia Ponotio Pilato le Kovana o Ierusalema: Manuia. Ua ou matuā popole lava. Ou te tusi atu nei mea ia te oe, ina ia e faanoanoa ona o aʻu pe a e faalogo i ai. Auā e pei o loʻu afafine o Herotia, o lē pele ia te aʻu, sa taalo i luga o se vaitaele sa i ai le aisa i luga, ona malepe lea i lalo o ia, ma ua paʻuʻū ifo lona tino atoa, ma ua motusia lona ulu ma tumau pea i luga o le aisa. Faauta foi, o loo uuina e lona tina lona ulu i ona tulivae i ona vae, ma ua matuā faanoanoa loʻu aiga atoa. Auā ina ua ou faalogo i le tagata o Iesu, sa ou manao e sau ia te oe, ina ia ou vaai ia te ia na o aʻu, ma faalogo i lana afioga, pe pei o le fanau a tagata. Ma e mautinoa lava ona o le tele o mea leaga na ou faia ia Ioane le Papatiso, ma ona sa ou tauemu ia Keriso, faauta foi ou te maua le taui o le amiotonu, auā ua ou faamaligiina le tele o toto o fanau a isi tagata i le lalolagi. O le mea lea e amiotonu ai faamasinoga a le Atua; auā e tofu tagata ma lana lava mea e tusa ma lona manatu. Ae talu ai ua e agavaa e vaai i lena Atua-tagata, o le mea lea e tatau ai ona e tatalo mo aʻu. O lo‘u atali‘i o Azbonius o lo‘o i ai fo‘i i le tigā o le itula o le oti.
7
Papatisoga i le Vai ma le Afi Ona ou manatua lea o le afioga a le Alii, na ia fetalai mai, “Na papatiso lava Ioane i le vai; a o outou, e papatisoina outou i le Agaga Paia.” Galuega 11:16
O aʻu foʻi ua ou mafatia ma ua ou matuā mafatia, auā o loʻo iā te aʻu le maʻi fulafula; ma ua ou matuā mafatia lava, auā na ou sauāina lē na faʻaofiina le papatisoga i le vai, o Ioane lea. O lea la, loʻu uso e, e tonu faʻamasinoga a le Atua.
8