Filemon KAPITOLO 1
1 Katar o Pavlo, kai si phandado le Jesus Kristosko, ai katar amaro phral o Timote, ka Filemon, amaro kuchi drago, ai kai kerel buchi amensa. 2 Ka amaro kuchi vortako Apphia, ai ka Archippus kai marelpe amensa, ai kai khangeri kai si ande cho kher. 3 (ROM) O Del amaro Dat ai le Devles O Jesus Kristo te del tume o mishtimos ai e pacha. 4 Naisiv le Devleske, da ma goji tumende sagda ande murhe rhugimata. 5 Ke ashunav e dragostia kai si tu ando Jesus Kristo, ai o pachamos kai si tu karing sa le Devleske narodoske. 6 (ROM) Ai mangav katar tumaro pachamos te kerel te zhanen sa le mishtimata kai si ande tumende ando Jesus Kristo. 7 Baro lossh haj ushoripe si amen ande tyo kamipe, ke suntonge ilo ushoren tu tu, phrala! 8 Anda kodia, marka, ando Kristo me sai mothav tuke so trobul te keres. 9 Numa anda dragostia mangav tutar, me sim o Pal, o phuro, ai akana vi phandado sim le Jesus Kristoske. 10 Mangav tutar anda murho shav o Onesimus, kai kerdem les ande temnitsa. 11 Kado mai anglal chi trobulas tuke, numa akana trobul ame vi tute ai vi man; 12 Kas pale tradav les, premin les, kodo si mure ile. 13 Me manglemas te inkerel les pasha mande, saxke te zhutil ma ande tyiro than kana le lantsuria le lashi viastake sas. 14 Numa chi manglem te kerav kanchi bi cho goji; saxke te na avel cho mishtimos sar te avilino musaj, numa te avel anda tumende. 15 Amborim o Onesimus sas lino tutar xantsi vriama, saxke te avel tusa sagda; 16 Na akanak sar sluga, ba majbut sar sluga, sar jekh kamado phral, majfeder mange, ba tuke sodivar majfeder ando trupo haj ando Raj! 17 Apol, te inkres man muro amala, premisar les, sar man. 18 Te shubisailo vari so karing tute, vai te kamela tuke vari so, tu tho kodia pe mande; 19 Me, o Pal, mure vastesa iskirisardomles: potyivales palpale, ba chi phenav tuke, ke sode kames mange inke chi tut. 20 Haj, phrala, mangav tutar lossh ande Raj! 21 Ke patyav ande kodo, ke ashunes tuke, ke iskirisardom tuke, ke zhanav, ke majbut keresa, so phenav. 22 Anda kado lashar vi mange jekh soba, ke patyav, ke perdal pa tumare rudyimata dela man tumende. 23 O Epaphras, kai si mansa ande temnitsa le Jesus Kristoske tradel tuke but bax, zor ai sastimos; 24 (ROM) O Marko, o Aristarko, o Demas, ai o Lukas, murhe vortacha ande buchi. 25 O mishtimos amare Devlesko O Jesus Kristo te avel tumensa. Amen.