Romani - The Book of Jude

Jude KAPITOLO 1 1 Katar o Juda, e sluga le Jesus Kristoski, ai o phral le Iakovosko, kodolenge kai si akharde katar O Del O Dat, ai kai san garade ando Jesus Kristo. 2 E mila, ai e pacha, ai e dragostia te aven tume dine bi musurako. 3 Murhe kuchi vortacha, kana zumadem te iskirisarav tumenge pa skepimos kai si ame andek than, trobulas te iskirisarav tumenge ai te phenav tumenge te maren tume anda pachamos kai sas dino iek data le suntonge. 4 (ROM) Ke chordanes aviline mashkar amende unyizhene, kon aba dulmut pe kado krisaripe sas todine, bidevlikane manusha, kon amare Devlesko gracija pe marhipe paruven, haj asvikaren le jekhutne Devles haj amare Rajes le Jezush Kristos. 5 Anda kado kamav te serosarav tumen, vi te zhanen kado varikana, ke o Raj, kana avri muntusardas le manushen anda Edyiptomo, ba majpalal mudardas kodolen, kon chi patyanas. 6 Le andyela pale, kon chi inkerde pengo than, ba mukhle pengo than, haj mukline lengo than, ande sagutne lantsura garadas ando tunyarikipe zhikaj le bare divesesko krisaripe. 7 Sar vi le Sodoma haj e Gomora haj le forura pasha lende, kon pe marhipe muklepe haj streno trupo perdal sikadine pe kodo, ke pe sagutni jag dukharen. 8 Zhikade vi kadal biuzheske sune keren biuzheske lengo trupo, chi dikhen tele o krajipe, haj kushen pa kaver. 9 Ba o Mihaj, o angrazhelo, kana marelaspe le bengesa, haj xalaspe pa Mozeshesko trupo, chi tromalas te marelpe pe leste te marelpe, ba kade das duma: O Raj te krisisarel tut! 10 Ba kadal pale kodal vorbin nasul pa kodal, so chi pinzharen, ba kodalenca, so haj pinzharen, sar le zhungale zhigeni, kadalesa xasaren pen. 11 Nasul lenge! ke von gele po drom le Kainosko, ai nashle pala o bezex le Balaamosko te len love, ai xasaile pala o nasulimos sar o Core. 12 Kadal doshajle si pe tumaro kamipe, kana tumenca xaben, bi darako xaben: bi pajesko nuvero si, haj le balvala ingren len; le kasht kai lengo fruta shuchol, bi frutako, duvar mule, ai shindile katar e vuna; 13 Le mareske bare luludya keren, so avri keren pengo lazhav; sar le chererhaia kai phiren, ai lenge si garado o tuniariko sa data. 14 O Enoch pale, o eftato anda o Adam, profecisardas pa lende: Aketa, o Raj avel peske desh mijenca mashkar le Devleske manusha. 15 Te kerel e kris pe sakoneste, ai te sikavel sa le bezexale mashkar lende sa le bi lashe trabi kai kerde, ai sa le bi lashe divanuria kai phende pa leste le bezexale. 16 Kodola manush si manush kai den duma nai, nai xoli, ai traiin pala pengo mishtimos; ai lengo mui del duma bari vorba, ai mishkin le manushen te keren mishtimos. 17 Numa tume, murhe vortacha, den tume goji, ka divano kai sas tumenge phendo mai anglal katar le apostluria amare Devleske O Jesus Kristo. 18 Phende tumenge ke kana avela e vriama te avel O Kristo avena manush kai marena mui tumendar, ai traiina pala penge ginduria le bi lashe. 19 Kadala si kodola, kon rigate si, le chorrenge, haj naj len o Duho. 20 Numa tume, murhe vortacha, zhan angle ai keren te mai bariol tumaro Swunto pachamos, ai rhugin tume katar O Swunto Duxo. 21 Beshen ande dragostia le Devleski, zhi kai azhukeren amaro Devles O Jesus Kristo ande pesko lashimos te del tume o traio kai chi mai getolpe. 22 Trobul te avel tume mila anda uni, ai keren vari so te rimon tume; 23 Ai skepin le kavren darasa, ai ankalaven le andai iag; nasul vi o gada kai sas dukhado katar o mas. 24 Si kai sai arakhel tume te na peren, ai kai sai kerel te aven bi doshako angla pesko luvudimos le bare raduimasa. 25 Ka Del ferdi kai si gojaver, amaro skepitori, te avel o luvudimos ai o barimos, ai e putiera ai e putiera, akana ai sa data! Amen.