2 Ioan KAPITOLO 1 1 Katar o mai phuro kai kerel buchi ande khangeri ramol kai zhuvlia kai sas alome katar O Del ai ka lake shave, kai si mange defial drago; ai na ferdi me, numa sa kodola kai zhanen o chachimos; 2 Ke o chachimos traiil ande amende, ai avela amensa sa data. 3 (ROM) O Del O Dat ai le Devles O Jesus Kristo, O Shav le Dadesko, te den tume o mishtimos, e mila, ai e pacha, ando chachimos ai ande dragostia. 4 Zurales losshajlom, ke mashkar tye shavora arakhlom, kon ando chachipe phiren, sar vladisardas amenge kathar o Dad. 5 Akana mangav tutar, zhuvlia, na sar te iskirisaras tuke nevo vladipe, numa kodo kai sas ame de anda gor, te avas drazhi iek kavreske. 6 Ai e dragostia si te traiisaras ando zakono le Devlesko. Kado si o zakono, sar tume ashundian de anda gor, te phiren ande leste. 7 (ROM) Ke but manush kai xoxaven avile ande lumia, ai chi preznain ke O Jesus Kristo avilo andek stato manushesko. Kodo si iek xoxamno ai o antikristo. 8 Len tume sama pe tumende, saxke te na xasaren e buchi kai kerdiam, numa te avel ame iek putiera kai kerdian. 9 Kon godi zhal mai dur ai chi beshel ando zakono le Kristosko, kodoles nai les O Del. Kodo kai beshel ando sicharimos le Kristosko, si les vi O Dat ai vi O Shav. 10 Te avela vari kon tumende, ai te na anela tumende o zakono le Devlesko, na premin les tumende, ai na den les chi dies lasho. 11 (ROM) Ke kodo kai del les dies lasho vi wo rigalo si ande leske nasul dieli. 12 Sima but dieli te iskirisarav tumenge, ba chi kamav te iskirisarav len pe hertija haj pe tinta, ba me sperantisarav, ke tumende zhav, haj mukhasa te vorbisarav tumenca, ke amari lossh intrego te avel. 13 Le shave cha pheiake kai sas alome katar O Del traden tuke but bax, zor ai sastimos. Amen.
3 Ioan KAPITOLO 1 1 Katar o mai phuro kai kerel buchi ande khangeri ramol ka le Gaius, kai si mange defial drago. 2 Murho kuchi vortako, rhugiv ma te avel tuke mishto ande soste godi, ai te aves sasto sar cho duxo le Devlesa. 3 Zurales losshajlom, kana kothe avile phral, haj chacharipe phendine pa chachipe, so ande tute phires, haj sar phires ando chachipe. 4 Nai ma mai baro raduimos de sar te zhanav ke murhe shave phiren ando chachimos. 5 Murho kuchi vortako, tu keres mishto le phralensa ai vi le streinensa. 6 Kadal chacharipe kerdine pa tyi kamipe angla eklezhia, haj mishto keresa, te ingresa len angle pe pengo drom. 7 Ke anda lesko anav dromardinetar bi te len khanchi kathar le murtikana. 8 Trobul ame te zhutisaras kasavendar manushen, saxke te avas amalasa ande buchi le chachimaske. 9 Tradem andek lil la khangeriake, numa o Diotrefes, kai si leske drago te avel o mai baro mashkar lende, chi premil ame. 10 Anda kado, kana kothe reso, serosarav pe peske trabi, so pe amende nasul vorbenca xolyajlas, haj kade naj dosta, haj chi boldel andre le phralen, haj mukel kodolen, kon kamen, haj avri nashavel len anda eklezhia. 11 Murho kuchi vortako, na le tu pala o nasulimos, numa pala o lashimos. Kodo kai kerel o lashimos si katar O Del, numa kodo kai kerel o nasulimos chi dikhlia le Devles. 12 Savorhe lashe vorbin pa o Demetrius, haj pa chachipe vi ame das chacharipe pa leste. ai tume zhanen ke so mothas amenge chachimos. 13 Si ma but dieli te ramov, numa chi mangav te ramov tuke pe rhertia la chernilasa; 14 Numa mangav te dikhav tu sigo vriama, ai sai dasa duma iek kavresa. E pacha te avel tusa. Amare amala den tuke baxt. Dikhen le amalen po anav.