Nuer - The Book of Jude

Juud CIÖT 1 1 Ɣän Ju-däth, läät Yecu Kritho kä däman Je-mɛth, gɔ̱a̱rä warɛgak ɛmɛ yɛ nɛy tin ca lɛy ɛ Kuoth in la Gua̱a̱ra, kä ca gaŋ rɛy Yecu Kritho. 2 A kɔ̱a̱c lɔaac, kɛnɛ mal kɛ nhök tekɛ yɛ ɛlɔ̱ ŋ. 3 Nhöökä, mëë cä jɛ go̱r ɛn ɣöö bä yɛ gɔ̱r kɛ kui̱ känä min nyuaknɛ, cuɛ tekɛ luɔt ɛn ɣöö bä yɛ gɔ̱r kä bä yɛ com kɛ ɣöö bia tɛr ɛlɔ̱ŋ kɛ kui̱ ŋäthä min ca ka̱m nɛy tin ci Kuoth kɛ lɛy kɛ cäŋ kɛl. 4 Kɛ ɣöö kɛn nɛy ti thil luth ti rietkɛ puɔ̱th Kuɔthdan kɛ ciaŋ mi jiääk, kä jay kɛn Kuääran ni Kuoth in kɛl kärɔa kɛnɛ Kuääran ni Yecu Kritho. 5 Täämɛ ɣän göörä ɣöö bä yɛ ti̱em, a cäŋ ni min ŋäc yɛn ɛ ɛn ɣöö Kuäär, mëë ci naath kɔn kän muun I-jëp, cuɛ nɛy tëë thil luth kɛ jɛ näk kɛ jɔak. 6 Kä cɛ ja̱a̱k nhial, tin /ken gua̱a̱thdiɛn tit, tëë ci gua̱a̱th cieŋädiɛn ba̱ ny piny, yiɛn kɛ kuatni ti thil pek, rɛy muɔ̱ th mi col ti col kɛ kui̱ ca̱ ŋ luɔ̱k in di̱i̱t. 7 Ce̱tkɛ mëë ci Thɔ-dɔm kɛnɛ Go-mo-ra kɛ rkɛ tin thia̱k kɛ kɛ lät leer kä cukɛ cieŋ kɛ ciaaŋ rieŋ mi dɔ̱diɛn. 8 Kä inɔ bä kɛn nɛy tin läk nyuɔɔni ti̱ti̱ ya̱ rkɛ puɔ̱ny, kä lökɛ kuäär, kä lökɛ ruaacni tin luɔ̱thkɛ. 9 Kä duundɛ ɣöö mëë ci jääk nhial in di̱i̱t ni Mi-ka-el gaak kɛnɛ gua̱ n jiäkni, kä cukɛ ŋaknɔm ŋak kɛ kui̱ pua̱a̱ny Muthɛ, /kenɛ jɛ go̱r ɛn ɣöö bɛ jɛ kuëth, kä cuɛ wee i̱, “A Kuäär ni Kuoth ji̱ luek.” 10 Kä duundɛ ɣöö nɛy ti̱ti̱ latkɛ ni mi kui̱c kɛn ɛ, kä duundɛ ɣöö kɛ min ŋäc kɛn ɛ käp, ce̱tkɛ ley ti /thiɛl ca̱r, kɛ kɛn tɔ̱tɔ̱ ya̱rkɛ ni rɔ̱. 11 Riɛk akɛ kɛ! Kɛ ɣöö cikɛ guɔ̱ɔ̱r ni duɔ̱ɔ̱p Këën, cikɛ riŋ kɛ guur duer Bil-am kɛ kui̱ rikä, kä cikɛ li̱w kɛ thil jiäkni Koor. 12 Ti̱ti̱ kɛ gua̱th gua̱th mi̱thni ti̱mnikun nho̱kä, mi mi̱thkɛ kɛɛl kɛ yɛ, mi̱thkɛ rɔ̱ a thil dual. Kɛ jiɛn ti ci dɛykiɛn kööt, kä thilɛ dɛy ti ci li̱w kä rɛɛw, kä ca kɛ yut ni ciöknikiɛn. 13 Kɛ tuaŋ yiëër mi di̱i̱t mi ŋuɔlkɛ kɛ pöcdiɛn. Kä kɛ kuɛl ti jäl ti jäl, kä ca muth mi col tɔ̱w kɛ kui̱diɛn amäni cäŋ kɛl. 14 Kä cu Ä-nɔk min guur A-dam in bärɔw, ruac go̱o̱kä lat kɛ kui̱ nɛɛni ti̱ti̱, wëë i̱, “Nɛnɛ, Kuäär ni Kuoth bëëkɛ kɛnɛ nɛɛkɛ ti bathdɔɔri ti rɛ̈lkɛ rɔ̱. 15 Bëë kɛ ɣöö bɛ nɛy diaal ben luk, kä bɛ nɛy diaal tin thil luth kɛ Kuoth kuɛth rɛydiɛn kɛ kui̱ nyuɔɔnikiɛn diaal tin ci kɛn kɛ la̱t kɛ dup ti jiäk, kɛnɛ rieetkiɛn diaal ti jiäk tin ci ji̱ dueeri tin thil luth kɛ kɛ lat kɛ kui̱dɛ. 16 Kɛn nɛy ti̱ti̱ kɛ nɛy ti guɛrkɛ, kä guɔ̱ɔ̱rkɛ ni tin go̱o̱r kɛn kɛ. Kä lat thukkiɛn rieet ti bum, kä liakɛ naath kɛ kui̱ gɔɔyädiɛn. 17 Kä duundɛ ɣöö, nhöökä, tiɛm ruaacni tëë ca lat ɛ jaak Kua̱ ran ni Yecu Kritho. 18 Cikɛ yɛ la̱ r yɛ ɛn ɣöö bi ji̱ buɔ̱yä te thi̱n kɛ gua̱a̱th guutdä ɣɔaa, nɛy tin guɔ̱ɔ̱rkɛ ni tin go̱o̱r kɛn kɛ tin thil Kuoth. 19 Ti̱ti̱ kɛ kɛn nɛy tin dääk rɔ̱, nɛy tin tekɛ nyin ri̱eŋ kä thilɛ kɛ Yiëë. 20 Kä yɛn nhöökä bia ŋa̱ thdun in rɛl rɔ jakä di̱t rɛy ŋäthädun in gɔaa ni jɛn kä palɛ rɛy Yieekä in Gɔaa in Rɛl Rɔ. 21 Yuɔpɛ rɔ rɛy nho̱kä Kuɔth, a liɛpɛ kɔ̱a̱c lɔaac Kua̱ran ni Yecu Kritho min no̱o̱ŋ tëk mi do̱raar. 22 Kä tekɛ kɔ̱ a̱c lɔaac kɛ kui̱ nɛɛni tin kɔ̱ŋ. 23 Ka̱nɛ nɛy tin kɔ̱kiɛn kɛ dual kɛ yɔ̱ a̱diɛn kɛ raar maac. nhɔkɛ ni bi̱i̱ in ci jiäk ɛ puɔ̱ny. 24 Täämɛ a Kuoth min tekɛ lua̱ ŋ kɛ ɣöö bɛ yɛ gaŋ kä tëth, kä bɛ yɛ jakä cuŋ a thil bɛ̈l nhiam Kuɔth kɛ tɛ̈th lɔaac. 25 A puɔny tekɛ Kuoth in kɛl kärɔa, min la Käändan, kɛ buɔ̱ m, kɛ kuäär kɛnɛ lua̱ŋ te thi̱n ɛn täämɛ, amäni cäŋ kɛl! A-mɛn.