2 Jɔ̱ɔ̱n CIÖT 1 1 Ɣän di̱tdä ɣän gɔ̱a̱rä ciek ɛmɛ min ca mɛk kɛnɛ gaatkɛ, tin nhɔakä kɛ thuɔ̱k. Kä /ciɛ ɣän kärɔa, amäni nɛy diaal tin ca thuɔ̱ k nhɔk bä. 2 Kɛ kui̱ thukä min cieŋ rɛydan, kä bɛ te kɛɛl kɛ kɔn amäni cäŋ kɛl. 3 A puɔ̱th kɛnɛ kɔ̱ a̱c lɔaac kɛ mal tin bä kä Kuoth in la Gua̱a̱ra kɛnɛ Gatdɛ ni Yecu Kritho tekɛ yɛ rɛy thukä kɛnɛ nhök. 4 Ci lɔcdä tɛɛth ɛlɔ̱ŋ, mëë cä tha̱a̱ŋ gankun jek guɔ̱ɔ̱rkɛ thuɔ̱k ce̱tkɛ mëë ci Gua̱a̱ra ɛ la̱t kɔn. 5 Kä täämɛ nyimaar, ɣän la̱ ŋä ji̱, /cä gɔ̱a̱r ji̱ luek mi pay tuɔɔk, gɔ̱a̱rä ji̱ luek ëë tekɛ kɔn ni tukä ɣɔaa ɛn ɣöö banɛ rɔ nhɔk. 6 Kä nhök ɛ jɛn nɛmɛ, ɛn ɣöö guɔ̱ɔ̱rnɛ luëëkɛ. Nɛmɛ ɛ jɛn ruacdɛ, ce̱tkɛ mëë cia jɛ liŋ kɛ nhiam ɛn ɣöö bi yɛn guɔ̱ɔ̱r ni jɛ. 7 Cu ji̱ mɛɛtdä ti ŋuan wä wi̱i̱ muɔ̱ɔ̱n, tin lökɛ ɣöö Yecu Kritho cɛ ben kɛ puɔ̱ny. Kä nɛmɛ ɛ gua̱n mɛɛtdä, kä ɛ lo̱o̱k Kritho. 8 Niɛkɛ rɔ̱ , kɛ ɣöö /ci tin cia la̱t bi bath, kä duundɛ ɣöö bia jek ni muc mi gɔaa kɛɛliw. 9 Ram mi bääl ŋi̱i̱c Kritho, thilɛ jɛ Kuoth. Ram mi cieŋ rɛy ŋi̱i̱cä Kritho, tekɛ Gua̱a̱r in te nhial kɛnɛ Gatdɛ. 10 Mi tëëkɛ ram kɛl mi ci ben kä yɛ, kä /cɛ ŋi̱i̱c ɛmɛ no̱ŋ yɛ, /cuarɛ jɛ nyuur, kä /cuarɛ jɛ när. 11 Kɛ ɣöö ram mi wä jɛ nyuɔ̱ɔ̱r, nyuak kɛn lätkɛ ti jiäk. 12 Cäŋ ta̱a̱ kɛ ti ŋuan ti bä gɔ̱ a̱r yɛ, /cä kɛ dee gɔ̱ r kɛ warɛgak kɛnɛ galam, ɣän göörä ɣöö bä ben kä yɛ, kä bä ruac kɛ yɛ a guɛcnɛ rɔ̱, kɛ ɣöö dee tɛ̈th lɔaacda cu ro̱ŋ. 13 Gaat nyimuɔɔr in ca mɛk nërkɛ ji̱. A-mɛn.
3 Jɔ̱ɔ̱n CIÖT 1 1 Ɣän ɛldɛr gɔ̱a̱rä ɣä warɛgak ɛmɛ nho̱o̱kdä ni Gay-äth, min nhɔakä kɛ thuɔ̱k. 2 Määthdä, ɣän palä kɛ ɣöö bi ŋɔak diaal gɔw kɛ ji̱ kä bi puɔ̱ nydu pual, ce̱ tkɛ min gɔaa yiëëdu. 3 Kɛ ɣöö cu lɔcdä tɛɛth ɛlɔ̱ŋ, mëë ci ji̱ ŋäthä ben, cukɛ thuɔ̱ k ben lat kɛ kui̱du ce̱ tkɛ min jäli rɛy thukä. 4 Thilɛ ɣä tɛ̈th lɔaac mi leny ɣöö liŋä jɛ i̱ guur gaatkä ni thuɔ̱ k. 5 Määthdä, ji̱n lätdi kɛ ŋa̱th rɛy nɛɛni diaal tin lätdi dämuɔɔri a cäŋɛ ni nɛy ti kueec. 6 Kɛn tin ci nhökdu lat nhiam duëël Kuɔth, kä mi wi̱i̱ kɛ naŋ ja̱liɛn ce̱ tnikɛ ciaŋ Kuɔth, bi la̱t mi gɔaa. 7 Kɛ ɣöö kɛ kui̱ cio̱tädɛ ciëëŋkɛ naath thi̱n a thilɛ mi ci kɛn ɛ ka̱n kä Jur. 8 Kɛ kui̱ ɛmɔ, gɔaa ni ɣöö banɛ nɛy ti ce̱ tkɛ ti̱ti̱ nhɔk, kɛ ɣöö dënɛ a ji̱ la̱t kɛ kɛ kɛɛl rɛy thukä. 9 Cä warɛgak gɔ̱ r kä ji̱ duëël Kuɔth, kä Day-ɔt-rɛ-pith, min go̱o̱r ɣöö bi bo̱o̱th rɛydiɛn, /cɛ ruacda nhɔk. 10 Kɛ kui̱ ɛmɔ mi wa̱a̱ ben, bä lätkɛ tëë cɛ la̱ t tim, mëë latdɛ kɔn rieet jiäkni, kä /kenɛ lɔcdɛ tɛɛth kɛ nɔmɔ, kä jɛn puɔ̱nydɛ /cɛ dämanikɔn nyuɔ̱ɔ̱r, kä penɛ nɛy tin nhɔakɛ jɛ nyuɔ̱ɔ̱r, kä tukɛ kɛ raar dueel Kuɔth. 11 Määthdä, /cu guɔ̱ɔ̱r ni mi jiääk, guɔ̱ɔ̱r ni mi gɔaa. Kä ram mi lät mi gɔaa ɛ raan Kuɔth, kä ram mi lät mi jiääk /kenɛ Kuoth nɛn. 12 Kä ruac nɛy diaal kɛ kui̱ Di-mi-triäth, kä ruac naath kɛ thuɔ̱k puɔ̱ nydɛ. Kä ŋäc yɛn ɛ ɛn ɣöö ruacda ɛ thuɔ̱ k.” 13 Cäŋ ta̱a̱ kɛ ti ŋuan ti dëë gɔ̱ r, /cä jɛ go̱r ɛn ɣöö bä kɛ gɔ̱r kɛ galam kɛnɛ galam. 14 Ɣän ŋa̱a̱thä jɛ ɛn ɣöö bä ji̱ nɛn kɛ gua̱a̱th mi tɔt, kä banɛ ruac a guɛcnɛ rɔ̱. A mal tekɛ ji̱. Kä mäthnikɔ nërkɛ ji̱. Nërɛ mäthnikun kɛ ciöötkiɛn.