Firemoni CHITSAUKO 1 1 Inini Phauri musungwa waJesu Kristu, naThimothi hama yedu, tinokunyorera Firemoni mudikanwi wedu, mushandi pamwepo nedu. 2 KunaAfiya wedu unodikanwa, naAkhipusi musoja pamwepo nedu nokukereke iri mumhatso yako. 3 Nyasha no runyararo ngazvive kwomuri, zvinobva kuna Mwari Baba vedu na Mambo Jesu Kristu. 4 Ndinobonga Mwari wangu, ndechikukarakadza nguva dzeshe mumikumbiro yangu. 5 Ndakazwa ngorudo rwako nokugonda kwako kunaMambo Jesu nokunevakacheneswa veshe; 6 Ndinokumbira kuti kugoverana kwako ngokugonda kugume pakuzia zviro zveshe zvakanaka zviri mukati mwako munaKristu Jesu. 7 Ngokuti tinokudakara kukuru nokuembedzerwa murudo rwako, ngokuti mwoyo yevakacheneswa inozorodzwa ndiwe, hama. 8 Ndizvo, kunyazwi ndingashinga munaKristu kukupanga izvo zvinosisira; 9 Asi ngendaa yorudo ndinokupota kakurutu, inini ndiri musharuka wakadai ndiPhauri, zvino ndiri musungwa waKristu Jesu. 10 Ndinokupota ngendaa yemukororo wangu Onesimusi, uwo wendakamuberekera ndichisungwa; 11 Icho karetu chaiya chisikadetseri kwouri, asi zvino chinodetsera kwouri nekwendiri. 12 Uwo wendakamutumazve, ndizvo muashire, ndikwo, mwoyo wangu; 13 Ndaida kuti agare neni, kuti pandau yako andishandire mukusungwa ngendaa yevhangeri. 14 Asi andizi kuda kuita chiro ndisikazi kutenderwa ndiwe; kuti kubatsira kwako kusazoita sekumanikidzwa, asi ngokuda kwako. 15 Ngokuti pamweni ndizvo wakaparadzana newe mukuwo mudoko, kuti umuashire mhera nariini; 16 haiwa zvino kudai ngomuranda, asi padera pomuranda, hama inodikanwa, kakurutu kwendiri, kakurutu kwouri, munyama nomushe? 17 Ndizvo kudai wechindierenga kuti ndiri mungani wako, muashire kudai ngezvaunondiita inini. 18 Kudai akakushaishira nokuti anechikwereti kwouri, ndironzere; 19 Inini Phauri ndakanyora ngenyara yangu, kuti ndinozoiripa, asi andironzi kuti unokwereta kwendiri kwemene pachako. 20 Eya, hama, ngandidakare ndiwe munaMambo; 21 Ngo kugonda kuti unozopurutana, ndakanyora kwouri, ndecizia kuti unozoita kupinda zvendinoronza. 22 Ngeizvozvo ndinasirirewo ndau yekugara, ngokuti ndinogonda kuti ngemikumbiro yenyu ndinozopetudzwa kwomuri. 23 Anokutambisa apo Epafrasi, musungwa pamwepo neni munaKristu Jesu; 24 Marko, Aristarko, Dhema naRukasi, vashandi pamwepo neni. 25 Nyasha dzaMambo wedu Jesu Kristu ngadzigare nomweya wenyu. Ameni.
Issuu converts static files into: and more. Sign up and create your flipbook.