Filemon BAB 1
1 Ambo, si Paulus, nan tahanan dek karano di Isa Almasih, sarato jo sudaro kito si Timotius. 2 Baitu pulo kabake sudaro-sudaro kito nan dikasiahi, Afia, sarato jo kanti-kanti parajurik kami nan Arkhipus, sarato jo jamaat nan sato di rumah angkau. 3 Mudah-mudahan Allah Bapak kito, sarato jo Tuhan Isa Almasih mambarakaik-i angku-angku, sarato jo aman santoso. 4 Satiyok kali ambo badowa, ambo batarimo kasih kapado Allah. 5 Ambo mandanga, baraso angku-angku mangasiahi Tuhan Isa Almasih, sarato mangasiahi kasadonyo umaik Allah. 6 Badowa, supayo angku-angku basatu jo urang-urang nan ba iman kapado Isa Almasih, manjadikan angku-angku mangarati, sagalo barakaik nan baiak nan lah kito dapekkan, dek karano angku-angku basatu jo Isa Almasih. 7 Oih sudaro, dek karano kasiah angkau nan samo-samo jo Allah, sangaik manggadangkan ati kami, sarato manggadangkan ati kami. 8 Dek karano itu, sabagai urang nan basatu jo Isa Almasih, ambo barani manyuruah angkau mangarajokan apo nan musti angkau pabuwek. 9 Tapi dek karano di kasiah, ambo labiah elok mamintak kabake angkau. 10 Dek karano si Onesimus, anak ambo, ambo mamintak kabake angkau. 11 Dawulu itu indak ado gunonyo untuak angkau, tapi kiniko lah bamanfaat untuak angkau, sarato untuak ambo. 12 Angkau lah Ambo utuih baliak kabake angkau. 13 Ambo niyo nak inyo tingga samo-samo jo ambo, supayo inyo manggantikan angkau, manolong ambo, samantaro ambo di pinjaro, dek karano di Injil nan dari Allah. 14 Tapi, ambo indak niyo doh mangarajokan sasuatu, jikok Angku indak satuju. Jo caro nan baitu, angku-angku mangarajokan kabaikan, indak dek karano dipaso doh, tapi jo sacaro sanang ati angkuangku. 15 Mungkin, mangkonyo si Yahya bapisah dari angkau untuak samantaro wakatu, supayo angkau dapek babaliak baliak untuak salamo-lamonyo. 16 Kiniko inyo indak sabagai budak, tapi labiah dari budak. 17 Jikok angkau ma anggap ambo ko kanti angkau, mako tarimolah inyo bakcando angkau manarimo ambo. 18 Jikok inyo basalah, atau ado utang kabake angkau, mako, ambolah nan batangguang jawabkanlah itu. 19 Ambo, si Paulus, lah mambuwek surek ko jo tangan ambo sandiri: Ambo ka mambayie utangnyo. 20 Oih sudaro! 21 Ambo mambuwek surek ko, dek karano ambo yakin, baraso angkau ka mampabuwek apo nan ambo pintak. 22 Salain itu, sadiyokan pulo tampek tingga untuak ambo, dek karano, ambo ma arokkan, baraso dowa angku-angku, Allah ka babaliak kabake angku-angku. 23 Si Epafras, nan samo-samo jo ambo di pinjaro, dek karano di Isa Almasih, bakirin salam pulo kabake angkau. 24 Si Markus, si Aristarkhus, si Demas, sarato jo si Lukas, iyolah kanti-kanti ambo nan bakarajo samo jo ambo. 25 Mudah-mudahan Tuhan kito Isa Almasih mambarakaik-i angku-angku kasadonyo. Amin.