Minang - The Book of the Prophet Obadiah

Obaja BAB 1 1 Ikolah panglihatan dek Obaja. Bakcando ikolah firman Tuhan nan Mahakuwaso, tantang Edom. Kami lah mandanga kaba dari TUHAN, sarato utusan lah dikirim ka banso-banso, 'Bayiaklah, marilah kito malawan inyo untuak baparang.' 2 Liyeklah, Den lah manjadikan angkau ketek di antaro banso-banso, sarato sangaik dihino angkau. 3 Kasombongan hati angkau lah mangicuah angkau, angkau nan tingga di lubang-lubang batu gadang, nan tampek tingga angkau tinggi-tinggi. nan bakato dalam atinyo, "Siya nan ka manurunkan ambo ka tanah?" 4 Walaupun angkau manjulang tinggi bakcando buruang garuda, sarato jo sarang angkau di antaro bintangbintang, tapi dari sinan ka Ambo turunkan angkau,” kecek TUHAN. 5 Jikok maliang datang ka angkau, jikok parampok malam hari, (baa pulo angkau dibunuah!) indak ka inyo mancilok sampai inyo cukuik? Jikok urang-urang tu bi tibo kabake angkau, apokoh inyo indak ka maninggakan buah anggur saketek lai?” 6 Baa pulolah sagalo sasuatu nan manjadi parkaro-parkaro Esau! baa caronyo barang-barangnyo nan tasuruak dicari! 7 Sagalo urang-urang nan ado di pasakutuan angkau, lah mambaok angkau sampai ka bateh nagari, urangurang nan badamai jo angkau, lah mangicuah angkau, sarato lah mangalahkan angkau. urang-urang nan makan roti angkau, lah malatakkan luko di bawah angkau, indak ado urang nan mangarati di dalam dirinyo. 8 Apokoh di ari tu, indakkoh Ambo ka mambinasokan urang-urang nan bijaksano di Edom, sarato jo urangurang nan bijaksano di daerah gunuang Esau? 9 O Teman, pasukan-pasukan angkau nan gagah-gagah ka takuik, sampai kasadonyo urang di gunuang Esau ka dibunuah. 10 Dek karano kakarasan angkau kabake dunsanak angkau Yakub, angkau ka manutuik malu, sarato angkau ka dibunuah untuak salamo-lamonyo. 11 Di ari angkau tagak di subarang, di ari urang asiang manawan pasukannyo, sarato urang asiang masuak ka pintu gerbangnyo, sarato mambuwek undian untuak manarimo Yerusalem, angkau samo jo salah surang dari urang-urang tu. 12 Tapi, indak patuiklah angkau mamparatikan hari dunsanak angkau, di ari inyo manjadi urang asiang. indak patuik pulo angkau bagadang ati dek urang-urang Yehuda, di ari inyo binaso. indak patuik pulo angku-angku mangecek jo sombong di ari kasusahan. 13 Indak patuiklah angkau masuak ka pintu gerbang umaik-Den, di ari banso inyo ditimpo. iyo, indak patuiklah angkau mancaliak ka sansaronyo di ari musibahnyo, indak pulo patuik angkau malatakkan tangan ka haratonyo di ari musibahnyo. 14 Indak patuik pulolah angkau tagak di simpang jalan, untuak mamotong urang-urang nan lapeh dari kaluarganyo. indak patuik pulo angkau manyarahkan urang-urang kaluarganyo nan tingga di ari kasusahan. 15 Dek karano ari TUHAN lah dakek ka untuak kasadonyo banso. 16 Dek karano, bakcando angku-angku minum di ateh gunuang-Den nan suci, baitu pulo kasadonyo banso ka taruih minum, inyo ka minum, inyo ka manelan, inyo ka manjadi sarupo indak ado lai. 17 Tapi di ateh Bukik Sion, ado urang nan ka salamaik, disinan ado pulo kasucian. katurunan Nabi Yakub ka mandapek haratonyo. 18 Kaluarga Nabi Yakub ka manjadi api, kaluarga Nabi Yusuf ka manjadi api, kaluarga Esau ka manjadi rumpuik. Indak surang juwo doh urang katurunan Esau nan ka iduik. Dek karano, TUHANlah nan lah bakato.” 19 Urang-urang nan dari salatan ka mamiliki gunuang Esau. urang-urang Filistin nan dari dataran tinggi tu, inyo ka ma-ambiak sawah-sawah Efraim jo Samaria, sarato jo urang-urang Benyamin ka ma-ambiak sawahsawah Gilead. 20 Urang-urang Israel nan ditawan ko, ka ma ambiak tanah urang Kanaan, sampai ka Sarfat. sarato jo urangurang Yerusalem nan ditawan, nan ado di Sefarad, ka ma-ambiak kota-kota di salatan. 21 Para panyalamaik ka datang ka Bukik Sion untuak ma ukun gunuang Esau. Karajaan tu ka manjadi miliak TUHAN.