Te Aroha noa o te Atua Ko Noa ia i manakohia e Ihowa. Kenese 6:8 Kia tau ki a koutou katoa te aroha noa o tō tātou Ariki, o Ihu Karaiti. Āmene. Whakakitenga 22:21
Pentateuka Ko Noa ia i manakohia e Ihowa. Kenehi 6:8 Nana, kua manakohia nei tāu pononga e koe, kua whakanuia ano e koe tōu aroha i whakaputaina mai nei e koe ki ahau, i a koe i whakaora nei i tōku wairua; e kore hoki e taea e ahau te rere ki te maunga, kei mau ahau i tetahi kino, a ka mate ahau. Kenehi 19:19 Ā, he kau āku, he kaihe, he hipi, he pononga tāne, he pononga wahine: ā kua tono tangata nei ahau ki te kōrero ki tōku ariki, kia manakohia ai ahau e koe. Kenehi 32:5 Nā ka maranga ake ōna kanohi, ka kite ia i ngā wāhine me ngā tamariki; ā ka mea, Ko wai ēnei i a koe? Ā ka mea ia, Ko ngā tamariki i homai nei e te Atua ki tāu pononga. Ā, ka mea ia, He aha te tikanga o tēnei kahui katoa i tūtaki nei ahau ki a koe? Ā, ka mea ia, Kia manakohia ai ahau e tōku ariki. Ā, ka mea atu a Hākopa, "Kāo rā, ki te mea kua manakohia mai ahau e koe, me tango e koe taku hakari i tōku ringa." Nā, ka kite atu nei hoki ahau i tōu kanohi, me te mea kua kite ahau i te kanohi o te Atua, ā, i pai mai koe ki ahau. Tangohia rā taku manaakitanga i kawea atu nei ki a koe; kua atawhai mai nei hoki te Atua ki ahau, ā, e nui ana aku mea. Na ka tohe ia ki a ia, a ka tangohia e ia. Nā ka mea a Ēhau, Tukua ahau kia waiho māu ētahi o ngā tāngata i ahau nei. Ā, ka mea ia, He aha te mea e hiahiatia ana e koe? Kia manakohia ahau e tōku ariki. Kenehi 33:5 , 8 , 10-11, 15 Ā, ka mea a Hekeme ki tōna pāpā rātou ko ōna tuākana, Kia manakohia ahau e koutou, ā, ko tā koutou e kī mai ai ki ahau ka hoatu e ahau. Kenehi 34:11 Nā ka manakohia a Hohepa e ia, ka mahi ia ki a ia: a ka waiho ia hei kaitirotiro mo tona whare, a ka homai e ia ana mea katoa ki tona ringa. Kenehi 39:4 Nā ka maranga ake ōna kanohi, ka kite ia i a Pineamine, i tōna teina, i te tama a tōna whaea, ā ka mea, Ko tō koutou teina tēnei, te whakaotinga i kōrerotia mai e koutou ki ahau? Ā ka mea ia, Kia aroha te Atua ki a koe, e taku tama. Kenehi 43:29 Ā, ka mea rātou, Kua ora mātou i a koe: kia manakohia mātou e tōku ariki, ā, hei pononga mātou mā Parao. Nā ka tata te rā e mate ai a Iharaira: ā ka karanga ia i tana tama, i a Hohepa, ka mea ki a ia, Ki te mea kua manakohia ahau e koe, tena, whakapakia mai tou ringa ki raro i toku huha, a whakaputaina mai he aroha, he pono ki ahau; kaua ahau e tanumia ki Ihipa: Kenehi 47:25 , 29