Te Rōpū o te Whare o ngā Rekapi 2 Kingi 10:15-28 15 Ā, i tōna haerenga atu i reira, ka tūtaki ia ki a Ionarapa tama a Rekapa e haere mai ana ki te whakatau i a ia: ā, ka oha atu ia ki a ia, ka mea atu ki a ia, Kei te tika tōu ngākau, kei te rite ki tōku ngākau ki tōu ngākau? Ā, ka mea atu a Ionarapa, Ae. Ki te mea koia tena, homai tōu ringa ki ahau. Nā, ka hoatu e ia tōna ringa ki a ia; ā, ka haria ia e ia ki runga ki te hariata. 16 Na ka mea ia, Haere mai taua, kia kite ai koe i toku ngakau nui ki a Ihowa. Heoi ka meinga ia kia eke i runga i tona hariata. 17 A, i tona taenga ki Hamaria, patua iho e ia te hunga katoa o Ahapa i mahue i Hamaria, a poto noa ia i a ia; pera tonu me ta Ihowa kupu i korero ai ki a Iraia. 18 Nā ka huihuia te iwi katoa e Iehu, ka mea ia ki a rātou, He iti noa iho tā Ahapa mahi ki a Paara; engari ka nui atu tā Iehu mahi ki a ia. 19 Nā, karangatia mai ki ahau ngā poropiti katoa a Paara, āna tāngata katoa, me āna tohunga katoa; kaua tetahi e ngaro: he whakahere nui hoki tāku ki a Paara; ko te tangata e ngaro ana, e kore ia e ora. He mahi tinihanga ia tā Iehu, kia whakangaromia ai e ia ngā tāngata karakia a Paara. 20 Nā ka mea a Iehu, Karangatia he huihuinga nui ki a Paara. Nā ka karangatia e rātou. 21 Nā, ka unga tangata a Iehu puta noa i a Iharaira: a haere mai ana ngā tāngata katoa a Paara, kāore rawa he tangata i mahue i kore te haere mai. Nā, haere ana rātou ki te whare o Paara, ā, kī tonu te whare o Paara i tetahi pito ki tetahi pito. 22 Nā ka mea ia ki te kaitiaki o ngā kākahu, Mauria mai he kākahu mō ngā tāngata katoa e karakia ana ki a Paara. Nā, ka mauria mai e ia he kākahu mō rātou. 23 Na haere ana a Iehu raua ko Ionarapa tama a Rekapa ki te whare o Paara, a ka mea atu ki nga tangata karakia o Paara, Rapua, tirohia, kei noho ki konei tetahi o nga pononga a Ihowa i a koutou, engari ko nga tangata karakia o Paara anake. 24. Na, i a ratou e haere ana ki roto ki te patu whakahere, ki nga tahunga tinana, ka whakaritea e Iehu etahi tangata e waru tekau ki waho, a ka mea ia, Ki te mawhiti tetahi o nga tangata i kawea mai nei e ahau ki o koutou ringa, ko te tangata e tukua ana ia kia haere, ko tona matenga hei utu mo tona matenga. 25 Ā, i te mutunga o tana whakahere i te tahunga tinana, ka mea a Iehu ki ngā kaitiaki rātou ko ngā rangatira, Haere ki roto, patua rātou; kaua tetahi e puta ki waho. Nā, patua iho rātou e rātou ki te mata o te hoari; ā, maka ana rātou e ngā kaitiaki rātou ko ngā rangatira ki waho, haere ana ki te pā o te whare o Paara. 26 Nā, whakaputaina ana e rātou ngā whakapakoko o te whare o Paara, ā, tahuna ana ki te ahi. 27 I wahia hoki e ratou te whakapakoko o Paara, i wahia ano te whare o Paara, a meinga ana hei whare paru a tae noa ki tenei ra. 28 Koia te whakangaromanga a Iehu i a Paara i roto i a Iharaira.
Me ngā hapu o ngā kaituhituhi i noho ki Tapete; ngā Tirati, ngā Himeati, ngā Hukati. Ko ngā Keni ēnei, nō Hemata, te papa o te whare o Rekapa. 1 Chronicles 2:55 Ko te kuwaha paru ia i hanga e Marakia tama a Rekapa rangatira o tetahi wahi o Petehakereme: nana i hanga, i whakatu hoki ona tatau, ona raka, me ona tutaki. Nehemiah 3:14 Heremaia 35:1-19 1 Ko te kupu i puta mai ki a Heremaia na Ihowa i nga ra o Iehoiakimi tama a Hohia kingi o Hura; i mea ia, 2 Haere ki te whare o ngā Rekapi, kōrero atu ki a rātou, ka kawe i a rātou ki te whare o Ihowā, ki tētahi o ngā rūma, ka whakainu i a rātou ki te waina. 3 Katahi ahau ka tiki i a Iaatania tama a Heremaia, tama a Hapatinia, ratou ko ona teina, ko ana tama katoa, me te whare katoa o nga Rekapi; 4. Katahi ka kawea ratou e ahau ki te whare o Ihowa, ki te ruma o nga tama a Hanana tama a Ikiraria, he tangata na te Atua, ki tera i te taha o te ruma o nga rangatira, i runga ake i te ruma o Maaheia tama a Harumu, kaitiaki tatau: 5A whakatakotoria ana e ahau ki te aroaro o nga tama a te whare o nga Rekapi etahi oko, ki tonu i te waina, me etahi kapu. Na ka mea atu ahau ki a ratou, Inumia he waina. 6Otiia ka mea ratou, E kore matou e inu waina; i ako hoki to matou papa, a Ionarapa, tama a Rekapa, ki a matou, i mea, Kaua koutou e inu waina, koutou ko a koutou tamariki a ake ake: 7 Kaua hoki koutou e hanga whare, kaua e whakato purapura, kaua hoki e whakato mara waina, kaua hoki he mea ma koutou; engari me noho teneti koutou i o koutou ra katoa, kia maha ai nga ra e ora ai koutou ki te whenua e noho manene nei koutou. 8 Nā, whakarongo ana mātou ki te reo o tō mātou pāpā, o Ionarapa, tama a Rekapa, i ngā mea katoa i whakahau ai ia ki a mātou, kia kaua e inu waina i ō mātou rā katoa, mātou, ā mātou wāhine, ā mātou tama, ā mātou tamāhine; 9 Kia kaua hoki e hanga whare hei nohoanga mo matou: kahore hoki a matou mara waina, mara whenua ranei, purapura ranei; 10 Engari kua noho mātou i roto i ngā tēneti, kua rongo mātou, kua mahi i ngā mea katoa i whakahaua mai e tō mātou pāpā, e Ionarapa, ki a mātou. 11 Otirā, i te haerenga mai o Nepukareha kingi o Papurona ki te whenua, ka mea mātou, Haere mai, haere tātou ki Hiruharama, i te wehi i te ope a nga Karari, i te wehi hoki i te ope a nga Hiriani: na noho ana mātou i Hiruharama. 12 Katahi ka puta mai te kupu a Ihowa ki a Heremaia; i mea ia, 13 Ko te kupu tenei a Ihowa o nga mano, a te Atua o Iharaira; Haere, mea atu ki nga tangata o Hura, ki nga tangata hoki o Hiruharama, E kore ianei koutou e manako ki te ako, e whakarongo ai ki aku kupu? e ai ta Ihowa. 14 Kua tutuki ngā kupu a Ionarapa tama a Rekapa i whakahau ai ia ki ana tamariki kia kaua e inu waina; kāore hoki rātou e inu a tae noa ki tēnei rā, engari e whakarongo ana ki te whakahau a tō rātou matua: heoi kua kōrero ahau ki a koutou, e maranga wawe ana, e kōrero ana; heoi, kīhai koutou i whakarongo ki ahau. 15 I unga atu ano e ahau aku pononga katoa, nga poropiti, ki a koutou, maranga wawe ana ahau, unga ana i a ratou, me te ki atu, Tahuri mai koutou inaianei, e tera, e tera o koutou i o koutou ara kino, ka whakatika i a koutou mahi, kaua hoki e whai i nga atua ke, kaua e mahi ki a ratou, a ka noho koutou ki te whenua i hoatu e ahau ki a koutou ko o koutou matua: heoi kihai koutou i anga mai o koutou taringa, kihai hoki i rongo ki ahau. 16 Nā, kua whakamana e ngā tama a Ionarapa tama a Rekapa te whakahau a tō rātou papa i whakahau ai ia ki a rātou; engari ko tēnei iwi, kāore i whakarongo ki ahau: 17 M o reira ko te kupu tenei a Ihowa, a te Atua o nga mano, a te Atua o Iharaira; Nana, ka kawea mai e ahau ki a Hura, ki nga tangata katoa hoki o Hiruharama, nga kino katoa i korerotia e ahau mo
2
ratou: no te mea i korero ahau ki a ratou, a kihai ratou i rongo; i karanga ahau ki a ratou, a kihai ratou i whakahoki kupu mai. 18 Na ka mea a Heremaia ki te whare o nga Rekapi, Ko te kupu tenei a Ihowa o nga mano, a te Atua o Iharaira; I te mea kua rongo koutou ki te whakahau a to koutou papa, a Ionarapa, kua pupuri hoki i ana ako katoa, kua mahi i nga mea katoa i whakahaua e ia ki a koutou; 19 Mō reira ko te kupu tēnei a Ihowā o ngā mano, a te Atua o Iharaira: E kore e kore he tangata mā Ionarapa tama a Rekapa hei tu ki tōku aroaro a ake ake.
3