Te Tikanga Karaitiana mō te Hoatu Taonga Aroha Ngā mahi atawhai - he kakahu, he kai, he moni rānei e hoatu ana ki te hunga rawakore
Ngā Rongopai Kia tūpato kei mahi koutou i ā koutou mea atawhai i te aroaro o te tangata, hei tirohanga mā rātou: ki te kore, kāore he utu mō koutou i tō koutou Matua i te rangi. Nā reira, ka mahi koe i ā koutou mea atawhai, kaua e whakatangihia he tetere ki mua i a koe, kei pera me te hunga tinihanga i roto i ngā whare karakia, i ngā ara hoki, kia whai kororia ai rātou i te aroaro o te tangata. He pono taku e mea nei ki a koutou, Kei a rātou tā rātou utu. Engari ka mahi koe i ā koutou mea atawhai, kaua e mōhio tōu ringa maui ki tā tōu ringa matau e mea ai: Kia ngaro ai ōu mea atawhai: ā, ko tōu Matua e kite nei i te ngaro, māna koe e utu nui. Matiu 6:1-4 Na ka whakahoki a Ihu, ka mea, I haere iho tetahi tangata i Hiruharama ki Heriko, a ka tutaki ki nga tahae, ka huia ona kakahu, ka tukitukia ia, a haere ana, me te mea kua mate. Na ka haere noa mai tetahi tohunga i taua ara: a, i tona kitenga i a ia, ka haere atu i tera taha. Waihoki, ko tetahi Riwaiti, i tona taenga ki taua wahi, ka haere mai, ka titiro ki a ia, a ka haere atu i tera taha. Engari ko tetahi Hamari i a ia e haere ana, ka tae ki tona wahi: a, i tona kitenga i a ia, ka aroha ki a ia. Na ka haere ki a ia, ka takai i ona patunga, ka ringihia ki te hinu me te waina, ka whakanoho i a ia ki runga ki tana ake kararehe, ka kawea ia ki te whare tira, ka atawhai i a ia. A i te aonga ake, i tona haerenga, ka tangohia e ia e rua nga pene, ka hoatu ki te tangata manaaki, ka mea ki a ia, Tiakina ia; a ki te maha atu au mea e pau, ka utua e ahau ki a koe ina hoki mai ahau. Na, ko wai o enei tokotoru, ki tou whakaaro, ko te hoa o te tangata i taka ki nga tahae? Ka mea ia, Ko te tangata i atawhai i a ia. Nā, ka mea a Ihu ki a ia, Haere, kia pērā anō tāu mahi. Ruka 10:30-37 Engari hoatu ngā mea o roto i ngā mea atawhai mō ngā rawakore; ā, ka ma ngā mea katoa ki a koutou. Ruka 11:41 Hokona ā koutou taonga, hoatu he mea atawhai; hanga he putea e kore e tawhito, he taonga ki te rangi e kore e memeha, ki te wahi e kore ai e tata mai te tahae, e kore hoki e pirau te purehurehu. Ko te wahi hoki i to koutou taonga, ko reira ano hoki o koutou ngakau. Ruka 12:33-34
Ngā Mahi Nā, ka haere tahi atu a Pita rāua ko Hoani ki te temepara i te haora inoi, i te iwa o ngā haora. Nā, ka haria mai tētahi tangata, he kopa nō te kōpū o tōna whaea, ā, ka whakatakotoria ia i ia rā ki te kūaha