Ngā Ture Mana o te Paipera Kāore te mana tuturu o Ihu Karaiti e pirau.
Na ka haere mai a Ihu, ka korero ki a ratou, ka mea, Kua tukua mai ki ahau te mana katoa i te rangi, i te whenua. Na reira haere koutou, whakaakona nga iwi katoa, iriiria ratou i runga i te ingoa o te Matua, o te Tama, o te Wairua Tapu: Akona ratou kia mau ki nga mea katoa i whakahaua e ahau ki a koutou: na, kei a koutou tonu ahau i nga ra katoa, a tae noa ki te mutunga o te ao. Amine. Matiu 28:18-20 Engari ka riro i a koutou te mana, ina tae mai te Wairua Tapu ki runga ki a koutou: a hei kaiwhakaatu koutou moku i Hiruharama, i Huria katoa, i Hamaria hoki, a tae noa ki te pito whakamutunga o te ao. Ngā Mahi 1:8
Pentateuka E mōhio ana hoki kōrua, i whakapaua katoatia e ahau tōku kaha ki te mahi ki tō kōrua pāpā. Kei roto i tōku ringa te kaha ki te whakatupu kino i a koutou: otiia kua kōrero mai te Atua o tō koutou papa ki ahau inapo, kua mea mai, Kia tūpato kei kōrero koe i te pai, i te kino rānei, ki a Hākopa. Kenehi 31:6 , 29 Ā, ka mea ia, “E kore tōu ingoa e huaina ko Hākopa a muri ake nei, engari ko Iharaira: nō te mea kua tohe koe ki te Atua, ki te tangata hoki, ā, i a koe anō te mutunga.” Kenehi 32:28 E Reupena, ko koe taku matamua, toku kaha, me te tīmatanga o toku kaha; te hiranga o te kororia, te hiranga hoki o te kaha: Kenehi 49:3 Ā, mō konei pū ahau i whakaara ai i a koe, kia ai koe hei whakakitenga mō tōku kaha; kia kōrerotia ai hoki tōku ingoa puta noa i te ao katoa. Ekoruhe 9:16 Ka whai kororia tōu ringa matau, e Ihowā, mō te kaha: nā tōu ringa matau, e Ihowā, i mongamonga te hoa whawhai. Ekoruhe 15:6 Ki te kore ia e pai ki tōna ariki, i taumau nei i a ia māna, na, me tuku ia e ia kia utua: e kore ia e ahei te hoko i a ia ki tetahi iwi ke; kua tinihanga hoki ia ki a ia. Ekoruhe 21:8 Na ka inoi a Mohi ki a Ihowa, ki tona Atua, ka mea, He aha tou riri i mura ai, e Ihowa, ki tau iwi i kawea mai nei e koe i te whenua o Ihipa i runga i te kaha nui, i te ringa maro? Ekoruhe 32:11 Ka whati hoki i ahau te whakapehapeha o tō koutou kaha; a ka meinga e ahau tō koutou rangi kia rino, tō koutou whenua hoki kia parahi: Ā, ka tūtaki rātou tetahi ki tetahi, me te mea kei mua i te hoari, i te mea kāore he kaiwhai: ā, e kore he kaha mō koutou ki te tū atu ki te aroaro o ō koutou hoariri. Rewitiku 26 :19,37 Nā, kia nui te mana o tōku Ariki, kia rite ki tāu i kōrero ai, i mea ai, Ngā Tau 14:17