Ngā Pono Tino Paipera Ka mea a Ihu ki a ia, Ko ahau te huarahi, te pono, te ora: e kore tetahi tangata e haere ki te Matua, ki te kahore ahau. Hoani 14:6 Tohe mō te pono tae noa ki te mate, ā, mā te Ariki koe e whawhai. Koheleta 4:28
Pentateuka A ka mea ia, Kia whakapaingia a Ihowa, te Atua o toku ariki, o Aperahama, kihai nei i whakarērea toku ariki i tona aroha me tona pono: i ahau hoki i te ara, na Ihowa ahau i arahi ki te whare o nga teina o toku ariki. Kenehi 24:27 Kāore rawa ahau e tika kia whiwhi ki ngā aroha katoa, ki te pono katoa hoki i whakaputaina mai e koe ki tāu pononga; i whiti mai hoki ahau me taku tokotoko i tēnei Horano; ā, kua rua nei aku rōpū. Kenehi 32:10 Tukua atu tētahi o koutou ki te tiki i tō koutou teina, ko koutou hoki ka puritia i roto i te whare herehere, kia whakamatauria ai ā koutou kōrero, mehemea he pono tā koutou: ki te kore, e ora ana a Parao, he tutei pono koutou. Kenehi 42:16 Me titiro anō hoki e koe i roto i te iwi katoa ētahi tāngata maia, e wehi ana i te Atua, he hunga pono, e kino ana ki te apo; ka meinga ai rātou hei rangatira mō rātou, hei rangatira mō ngā mano, hei rangatira mō ngā rau, hei rangatira mō ngā rima tekau, hei rangatira mō ngā tekau: Ekoruhe 18:21 Nā ka haere atu a Ihowa i tōna aroaro, ka karangatia, Ko Ihowa, ko Ihowa, ko te Atua tohu, atawhai, he puhoi ki te riri, he nui te aroha, te pono, Ekoruhe 34:6 Nā me rapu e koe, me rapu atu, me te ui marie; nā, ki te mea he pono, he pono te mea, kei te mahia taua mea whakarihariha i roto i a koe; Tiuteronomi 13:14 Ko ia te Kamaka, he tika tana mahi; he whakarite tikanga hoki ana ara katoa: he Atua pono, kahore ona he, he tika, he tapatahi ia. Tiuteronomi 32:4
Hītori Nā reira kia wehi i a Ihowā, mahi atu hoki ki a ia i runga i te tika, i te pono: whakarerea atu hoki ngā atua i mahi ai ō koutou mātua ki tāwāhi o te awa, i Ihipa hoki; mahi atu hoki ki a Ihowā. Iosua 24:14 Nā ka mea te tataramoa ki ngā rākau, Ki te mea he pono tā koutou whakawahi i ahau hei kīngi mō koutou, haere mai ki raro i tōku taumarumarutanga; ki te kāhore, kia puta mai he ahi i roto i te tataramoa hei kai i ngā hita o Repanona. Ngā Kaiwhakawā 9:15 Kia wehi i a Ihowā; me mahi hoki ki a ia i runga i te pono me ō koutou ngākau katoa; whakaaroa hoki ngā mea nunui i mea ai ia ki a koutou. 1 Hamuera 12:24