Ny voady ho Nazirita Nomery 6:1-21 1 Ary Jehovah niteny tamin'i Mosesy ka nanao hoe: 2 Mitenena amin'ny Zanak'Isiraely hoe: Raha misy lehilahy na vehivavy mivoady ho Nazirita hitokana ho an'i Jehovah, 3 dia hifady divay sy toaka izy; ary tsy hisotro vinaingitra avy amin'ny divay na vinaingitra avy amin'ny toaka izy, ary tsy hisotro ranom-boaloboka akory, na hihinana voaloboka lena na maina. 4 Mandritra ny andro rehetra izay nanendrena azy dia tsy hihinana izay rehetra avy amin'ny voaloboka izy, hatramin'ny voany ka hatramin'ny hodiny. 5 Mandritra ny andro rehetra ananany voady fitokana-monina dia tsy hokasihin-kareza ny lohany; mandra-pahatapitry ny andro izay nitokanany ho an'i Jehovah dia ho masina izy ka hamela ny volondohany haniry. 6 Amin'ny andro rehetra izay itokanany ho an'i Jehovah dia tsy hiditra am-paty izy; 7 Aoka tsy handoto tena izy na dia amin'ny rainy, na amin'ny reniny, na amin'ny rahalahiny, na amin'ny anabaviny aza, raha maty ireo, satria eo amin'ny lohany ny fitokanana ho an'Andriamaniny. 8 Amin'ny andro rehetra izay fitokanany dia masina ho an'i Jehovah izy. 9 Ary raha misy olona maty tampoka eo anilany ka mandoto ny lohany izay fitokanany dia hanaratra ny lohany amin'ny andro fanadiovana azy izy, dia amin'ny andro fahafito no hanaratany azy; 10 Ary amin'ny andro fahavalo dia hitondra domohina roa na zana-boromailala roa ho eo amin'ny mpisorona, eo anoloan'ny varavaran'ny trano-lay fihaonana izy. 11 Ary ny mpisorona dia hanatitra ny iray ho fanatitra noho ny ota, ary ny iray kosa ho fanatitra dorana, dia hanao fanavotana ho azy, satria nanota ny amin'ny faty izy; ary hanamasina ny lohany amin'izany andro izany izy. 12 Dia hanokana ho an'i Jehovah ny andro fitokanany izy ka hitondra zanak'ondry iray izay iray taona ho fanati-panonerana; fa ho very maina ireo andro teo aloha, satria voaloto ny fitokanany. 13 Ary izao no lalàna ny amin'ny Nazirita: Rehefa tapitra ny andro fitokanany dia ho entina eo anoloan'ny varavaran'ny trano-lay fihaonana izy; 14 Dia hanatitra ny fanatiny ho an'i Jehovah izy, dia zanak'ondry iray izay iray taona tsy misy kilema ho fanatitra dorana, ary zanak'ondry vavy iray izay iray taona tsy misy kilema ho fanatitra noho ny ota, ary ondrilahy iray tsy misy kilema ho fanati-pihavanana, 15 ary harona iray misy mofo tsy misy masirasira, dia mofo vita amin'ny lafarinina tsara toto voaharo diloilo sy mofo manify tsy misy masirasira voahosotra diloilo mbamin'ny fanatitra hohanina sy ny fanatitra aidina momba azy. 16 Dia haterin'ny mpisorona eo anatrehan'i Jehovah ireo; ary hateriny koa ny fanatiny noho ny ota sy ny fanatitra dorany;
1
Ny voady ho Nazirita
17 Ary hateriny ho fanati-pihavanana ho an'i Jehovah ny ondrilahy mbamin'ny harona misy mofo tsy misy masirasira; ary haterin'ny mpisorona koa ny fanatitra hohaniny sy ny fanatitra aidiny. 18 Ary ny Nazirita hanaratra ny lohany izay fitokanany eo anoloan'ny varavaran'ny trano-lay fihaonana, ary halainy ny volon-dohany izay fitokanany ka hataony ao anaty afo izay eo ambanin'ny fanati-pihavanana. 19 Dia halain'ny mpisorona ny soroky ny ondrilahy izay efa masaka sy mofo tsy misy masirasira iray avy amin'ny harona ary mofo manify tsy misy masirasira iray ka hataony eo amin'ny tànan'ny Nazirita, rehefa voaharatra ny lohany izay efa voatokana. 20 Dia hahevahevan'ny mpisorona ho fanatitra ahevaheva eo anatrehan'i Jehovah ireo; ho masina ho an'ny mpisorona izany ho fanampin'ny tratra ahevaheva sy ny soroka asandratra; ary rehefa afaka izany, dia vao mahazo misotro divay ny Nazirita. 21 Izany no lalàna ny amin'ny Nazirita izay mivoady ny amin'ny fanatitra ho an'i Jehovah noho ny fitokanany, afa-tsy izay zavatra azony atao; araka ny voady izay nivoadiany no hataony araka ny lalàna ny amin'ny fitokanany.
SAMSONA Mpitsara 13 1 Ary ny Zanak'Isiraely nanao izay ratsy eo imason'i Jehovah indray, ka dia natolotr'i Jehovah teo an-tànan'ny Filistina efa-polo taona izy. 2 Ary nisy lehilahy avy tany Zora amin'ny fokon'ny Danita, Manoa no anarany; ary momba ny vadiny ka tsy niteraka. 3 Ary Ilay Anjelin'i Jehovah niseho tamin-dravehivavy ka nanao taminy hoe: Indro, momba ianao ka tsy miteraka; nefa hanan'anaka ianao ka hiteraka zazalahy. 4 Koa mitandrema ianao ankehitriny, ka aza misotro divay na toaka, ary aza mihinana akory izay zava-maloto. 5 Fa, indro, hanan'anaka ianao ka hiteraka zazalahy; ary tsy hokasihin-kareza ny lohany; fa ho Nazirita ho an'Andriamanitra hatrany an-kibo ny zaza; ary izy no hanomboka hamonjy ny Isiraely amin'ny tanan'ny Filistina. 6 Dia nanatona ravehivavy ka nilaza tamin'ny vadiny hoe: Nisy lehilahin'Andriamanitra tonga tamiko, ary ny endriny dia tahaka ny tarehin'anjelin'Andriamanitra, mahatsiravina indrindra, ka tsy nanontany Azy aho hoe avy taiza izy, ary tsy nambarany tamiko koa ny anarany. 7 Fa hoy Izy tamiko: Indro, hanan'anaka ianao ka hiteraka zazalahy; koa ankehitriny aza misotro divay na toaka ianao, ary aza mihinana akory izay zava-maloto; fa ho Nazirita ho an'Andriamanitra ny zaza hatrany am-bohoka ka hatramin'ny andro hahafatesany. 8 Dia nangataka tamin'i Jehovah Manoa ka nanao hoe: Tompo ô, aoka hiverina aty aminay indray ny lehilahin'Andriamanitra, ilay nirahinao, ka hampianatra anay izay hataonay amin'ny zaza izay ho teraka. 9 Ary Andriamanitra nihaino ny feon'i Manoa, ka dia nankany amin-dravehivavy indray Ilay Anjelin'Andriamanitra, raha nipetraka tany an-tsaha izy; fa Manoa vadiny kosa tsy teo aminy. 10 Dia nihazakazaka faingana ravehivavy ka nanambara tamin'ny vadiny hoe: Indro, niseho tamiko indray ny lehilahy izay tonga tamiko tamin'ilay andro. 11 Dia nitsangana Manoa ka nanaraka ny vadiny, dia nankany amin-dralehilahy ka nanao taminy hoe: Hianao va ilay lehilahy niteny tamin-dravehivavy? Dia hoy izy: Izaho no izy. 12 Dia hoy Manoa: Aoka ho tanteraka anie ny teninao. Ahoana no hitondrantsika ny zaza, ary inona no ho vokany aminy? 13 Ary hoy Ilay Anjelin'i Jehovah tamin'i Manoa: Izay rehetra efa nolazaiko tamin-dravehivavy dia aoka hotandremany avokoa. 14 Izay rehetra avy amin'ny voaloboka dia aza avela hohaniny, ary aza avela hisotro divay na toaka izy, na hihinana akory izay zava-maloto; izay rehetra nandidiako azy dia aoka hotandremany. 2
Ny voady ho Nazirita
15 Ary hoy Manoa tamin'Ilay Anjelin'i Jehovah: Masìna ianao, aoka izahay hihazona Anao mandrapamboatray zanak'osy ho Anao. 16 Dia hoy Ilay Anjelin'i Jehovah tamin'i Manoa: Na dia tananao aza Aho, tsy mba hihinana amin'ny haninao Aho tsy akory; ary raha hanolotra fanatitra dorana ianao, dia aoka ho fanatitra dorana ho an'i Jehovah izany. Fa tsy fantatr'i Manoa fa Anjelin'i Jehovah Izy. 17 Dia hoy Manoa tamin'Ilay Anjelin'i Jehovah: Iza moa no anaranao, mba hanomezanay voninahitra Anao, rehefa tanteraka ny teninao? 18 Ary hoy Ilay Anjelin'i Jehovah taminy: Nahoana no manontany ny anarako ianao? Fa miafina izany. 19 Dia naka zanak'osy sy fanatitra hohanina Manoa ka nanatitra izany teo ambonin'ny vatolampy ho an'i Jehovah; ary nanao fahagagana Ilay Anjely, raha nijery teo Manoa sy ny vadiny. 20 Fa raha niakatra ho amin'ny lanitra ny lelafo avy teo amin'ny alitara, dia niakatra teo anatin'ny lelafo avy teo amin'ny alitara Ilay Anjelin'i Jehovah. Ary raha nijery izany Manoa sy ny vadiny, dia niankohoka tamin'ny tany izy. 21 Ary tsy niseho tamin'i Manoa sy ny vadiny intsony Ilay Anjelin'i Jehovah; dia fantatr'i Manoa fa Anjelin'i Jehovah Izy. 22 Ary hoy Manoa tamin'ny vadiny: Ho faty tokoa isika, satria efa nahita an'Andriamanitra. 23 Fa hoy ny vadiny taminy: Raha sitrak'i Jehovah ny hahafaty antsika, dia tsy ho nandray fanatitra dorana sy fanatitra hohanina tamin'ny tanantsika Izy, ary tsy ho naneho antsika izany zavatra rehetra izany, ary tsy ho nilaza tamintsika izany zavatra izany toy izao ankehitriny izao. 24 Ary niteraka zazalahy ravehivavy, ka ny anarany nataony hoe Samsona; dia nitombo ny zaza sady notahin'i Jehovah. 25 Dia nanomboka nanosika azy indraindray ny Fanahin'i Jehovah tany amin'ny tobin'i Dana, teo anelanelan'i Zora sy Estaola. Mpitsara 14 1 Ary nidina nankany Timnata i Samsona ka nahita vehivavy tao avy amin'ny zanakavavin'ny Filistina. 2 Dia niakatra izy ka nilaza tamin-drainy sy reniny hoe: Efa nahita vehivavy tany Timna avy amin'ny zanakavavin'ny Filistina aho; koa alao ho vadiko izy ankehitriny. 3 Dia hoy ny rainy sy ny reniny taminy: Moa tsy misy vehivavy va eto amin'ny zanakavavin'ny rahalahinao, na eto amin'ny fireneko rehetra, no dia mandeha maka vady amin'ny Filistina tsy mifora ianao? Dia hoy Samsona tamin-drainy: Alao ho ahy izy, fa izy no mahafinaritra ahy. 4 Fa tsy fantatry ny rainy sy ny reniny fa avy tamin'i Jehovah izany, satria nitady izay hiadiany tamin'ny Filistina Izy; fa tamin'izany andro izany ny Filistina no nanapaka ny Isiraely. 5 Dia nidina nankany Timnata Samsona sy ny rainy aman-dreniny. Ary nony tonga tany amin'ny tanimboaloboka tany Timnata izy, dia, indro, nisy liona tanora nierona taminy. 6 Dia nilatsaka tamin'i Samsona ny Fanahin'i Jehovah, ary nosamatsamahiny toy ny fanasamatsamahiny zanak'osy ilay liona, nefa tsy nisy na inona na inona teny an-tànany; ary tsy nambarany tamin-drainy na tamin-dreniny izay efa nataony. 7 Dia nidina izy ka niresaka tamin-dravehivavy; ary nahafinaritra an'i Samsona ravehivavy. 8 Ary rehefa afaka kelikely, dia niverina haka azy izy ka nivily hizaha ny fatin'ny liona; ary, indro, nisy tantely sy tantely tao amin'ny fatin'ny liona. 9 Dia nalainy teny an-tànany izany, dia nihinana teny am-pandehanana izy; ary nankany amin'ny rainy aman-dreniny izy, dia nanome azy, ka dia nihinana izy mivady; nefa tsy nambarany taminy fa nalainy tao amin'ny fatin'ilay liona ny tantely. 10 Dia nidina ho any amin-dravehivavy ny rainy; ary nanao fanasana teo Samsona, fa izany no fanaon'ny zatovo. 11 Ary rehefa nahita azy izy ireo, dia nitondra namana telo-polo lahy hitoetra ao aminy.
3
Ny voady ho Nazirita
12 Ary hoy Samsona taminy: Hanao fampanonona aminareo aho; koa raha lazainareo amiko ny heviny ao anatin'ny hafitoana amin'ny fanasana ka fantatrareo, dia homeko lamba telo-polo sy akanjo telo-polo miova ianareo. 13 Fa raha tsy mahalaza amiko kosa ianareo dia homenareo lamba firakotra telopolo sy akanjo telopolo miova aho. Dia hoy izy ireo taminy: Lazao ny fampanonona mba hohenoinay. 14 Dia hoy izy taminy: Avy tamin'ny mpihinana no nivoahan'ny hanina; Ary avy tamin'ny mahery no nivoahan'ny mamy. Ary tsy nahalaza ny fampanonona tao anatin'ny hateloana izy ireo. 15 Ary nony tamin'ny andro fahafito dia hoy izy tamin'ny vadin'i Samsona: Taomy ny vadinao hilaza ny fampanonona aminay, fandrao hodoranay amin'ny afo ianao sy ny ankohonan-drainao; efa nanasa anay va ianareo haka izay anananay? Moa tsy izany va? 16 Ary nitomany teo anatrehany ny vadin'i Samsona ka nanao hoe: Halanao aho, fa tsy tianao tsy akory; efa nanao fampanonona tamin'ny zanaky ny fireneko ianao, nefa tsy nolazainao tamiko ny heviny. Fa hoy izy taminy: Indro, na dia ny raiko na ny reniko aza tsy mba nolazaiko taminy, ka ianao va no hilazako izany? 17 Dia nitomany teo anatrehany nandritra ny hafitoana izay nisian'ny fanasana ravehivavy; ary nony tamin'ny andro fahafito dia nolazain'i Samsona taminy, satria nitori-po taminy izy; ary izy kosa nilaza ny fampanonona tamin'ny zanaky ny fireneny. 18 Ary nony tamin'ny andro fahafito, raha tsy mbola nilentika ny masoandro, dia hoy ny lehilahy tao an-tanàna taminy: Inona no mamy noho ny tantely? Ary inona no mahery noho ny liona? Dia hoy izy taminy: Raha tsy nampiasa ny ombivaviko ianareo dia tsy ho nahita ny fampanonona nataoko. 19 Dia nilatsaka tamin'i Samsona ny Fanahin'i Jehovah ka nidina nankany Askelona izy, dia namono telo-polo lahy tao, ary nalainy ny fitafian'ireo ka nomeny ho an'izay nilaza ny fampanonona ny akanjony. Dia nirehitra ny fahatezerany ka niakatra nankany an-tranon-drainy izy. 20 Fa ny vadin'i Samsona kosa dia lasan'ny namany, izay efa nataony sakaizany. Mpitsara 15 1 Ary rehefa afaka kelikely, tamin'ny taom-pijinjana varimbazaha, dia nitsidika ny vadiny Samsona nitondra zanak'osy ka nanao hoe: Hiditra ao amin'ny vadiko ao amin'ny efi-trano aho. Nefa tsy namela azy hiditra ny rain-drazazavavy. 2 Fa hoy ny rainy: Nihevitra aho fa efa halanao mihitsy izy, ka dia nomeko ho an'ny namanao; moa tsy tsara tarehy noho izy va ny zandriny vavy? Masìna ianao, alao izy ho solony. 3 Dia hoy Samsona taminy: Ankehitriny dia tsy hanan-tsiny amin'ny Filistina aho, na dia hahatonga izay hahatezitra azy aza. 4 Dia lasa Samsona ka nisambotra amboahaolo telonjato; dia naka zavatra hatao fanilo izy, ary nampifanendreny ny rambony tsiroaroa ka napetrany teo anelanelan'ny rambony roa ny zavatra hatao fanilo. 5 Ary rehefa nampirehetiny ny fanilo, dia nalefany ho any amin'ny varin'ny Filistina izany, ka nandoro ny amboara sy ny vary mbola mijoro ary ny tanimboaloboka sy ny oliva koa izy. 6 Dia hoy ny Filistinina: “Iza no nanao izao?” Dia hoy ny navalin’izy ireo: “I Samsona, vinanton’ilay Timnita, satria nalain’ilay lehilahy ny vadiny ka nomeny ho an’ny namany.” Dia niakatra ny Filistinina ka nandoro azy sy ny rainy. 7 Dia hoy Samsona taminy: Na dia manao izany aza ianareo, dia mbola hamaly anareo ihany aho; ary rehefa afaka izany, dia hitsahatra aho. 8 Dia namely azy izy ka nahafaty be dia be; dia nidina izy ka nitoetra teo an-tsefatsefaky ny harambato mitresaka any Etama. 9 Dia niakatra ny Filistina, dia nitoby tany Joda ka niely tany Lehy. 10 Ary hoy ny lehilahy amin'ny Joda: Nahoana ianareo no miakatra hamely anay? Dia hoy izy: Hamatotra an'i Samsona no niakaranay mba hanao aminy araka izay efa nataony taminay.
4
Ny voady ho Nazirita
11 Dia niakatra tany an-tsefatsefaky ny harambato any Etama ny lehilahy telo arivo avy amin'ny Joda ka nanao tamin'i Samsona hoe: Tsy fantatrao va fa ny Filistina no manapaka antsika? Inona izao nataonao taminay izao? Dia hoy izy taminy: Araka izay nataony tamiko no nataoko taminy koa. 12 Dia hoy izy ireo taminy: “Hidina hamatorana anao izahay, mba hanoloranay anao eo an-tanan’ny Filistinina.” Dia hoy i Samsona taminy: “Mianiàna amiko ianareo fa tsy hamely ahy.” 13 Dia niteny taminy izy ireo ka nanao hoe: Tsia; fa hamatotra anao mafy tokoa izahay ka hanolotra anao eo an-tànany; fa tsy hamono anao tsy akory izahay. Dia namatotra azy tamin'ny tady roa vaovao izy ka nitondra azy niakatra avy teo amin'ilay vatolampy. 14 Ary raha tonga tany Lehy izy, dia nanakora azy ny Filistina; ary ny Fanahin'i Jehovah nilatsaka taminy, dia tonga tahaka ny rongony nodorana tamin'ny afo ny tady teny amin'ny sandriny ary afaka tamin'ny tànany ny fatorana. 15 Ary nahita valanoranom-boriky vaovao izy, dia naninjitra ny tànany naka azy ka namono arivo lahy tamin'izany. 16 Ary hoy Samsona: Tamin'ny valanoranom-boriky no nahafatesako arivo lahy, eny, antontany maro be; Tamin'ny valanoranom-boriky no nahafatesako arivo lahy. 17 Ary rehefa nitsahatra niteny izy, dia nariany ilay valanorano teny an-tànany; ary ny anaran'izany tany izany dia nataony hoe Ramatlehy. 18 Ary nangetaheta indrindra izy ka nitaraina tamin'i Jehovah hoe: Hianao no nanome izao famonjena lehibe izao tamin'ny tanan'ny mpanomponao; ary ankehitriny ho fatin'ny hetaheta va aho ka ho latsaka eo an-tànan'ny tsy mifora? 19 Dia nampitresahin'Andriamanitra ny fitoerana hoboka teo amin'ny valanoranom-boriky, ka niboiboika avy teo ny rano; ary rehefa nisotro izy, dia nody ny ainy ka velona indray izy; koa izany no nanaovany ny anarany hoe En-hakore, izay any Lehy mandraka androany. 20 Dia nitsara ny Isiraely roa-polo taona tamin'ny andron'ny Filistina izy. Mpitsara 16 1 Ary Samsona nankany Gaza ka nahita vehivavy janga teo, dia nandry taminy. 2 Ary nisy nilaza tamin'ny Gazita hoe: Tonga eto Samsona. Dia nanodidina azy izy ka nanotrika azy nandritra ny alina teo am-bavahadin'ny tanàna ary nangina nandritra ny alina ka nanao hoe: Raha maraina, raha maraina ny andro, dia hovonointsika izy. 3 Ary nandry Samsona mandra-pamatonalina, dia nifoha tamin'ny mamatonalina izy ka naka ny vavahadin'ny tanàna mbamin'ny tolana roa, dia nongotany izy mbamin'ny hidiny ka nataony teny antsorony, dia nentiny niakatra ho any an-tampon'ny tendrombohitra izay tandrifin'i Hebrona. 4 Ary rehefa afaka izany, dia tia vehivavy tany amin'ny lohasaha Soreka izy, Delila no anarany. 5 Ary niakatra nankany amin-dravehivavy ireo andrianan'ny Filistina ka nanao taminy hoe: Kolikoleo izy, ka izahao izay itoeran'ny heriny lehibe sy izay fomba handresenay azy mba hahazoanay mamatotra azy mba hampahoriana azy; dia samy hanome anao sekely volafotsy arivo amby arivo avy izahay rehetra. 6 Dia hoy Delila tamin'i Samsona: Masìna ianao, lazao amiko izay itoeran'ny herinao lehibe sy izay hahazoana mamatotra anao mba hampahoriana anao. 7 Dia hoy Samsona taminy: Raha fatorany amin'ny tady maitso fito izay tsy mbola maina aho, dia ho osa aho ka ho tahaka ny olon-kafa. 8 Dia niakatra ho any aminy ireo andrianan'ny Filistina nitondra tady vaovao fito izay tsy mbola maina, dia namatotra azy tamin'ireny ravehivavy. 9 Ary nisy lehilahy niafina niaraka taminy tao amin'ny efitrano anatiny. Dia hoy ravehivavy taminy: Indro ny Filistina hamely anao, ry Samsona! Dia notapahiny ny tady, toy ny fanapahan'ny kofehy rongony rehefa mikasika ny afo. Ka dia tsy fantatra ny heriny. 10 Ary hoy Delila tamin'i Samsona: Indro, efa namitaka ahy ianao ka nilaza lainga tamiko; koa ankehitriny, masìna ianao, lazao amiko izay hahazoana mamatotra anao.
5
Ny voady ho Nazirita
11 Dia hoy izy taminy: Raha fatorany amin'ny tady vaovao izay tsy mbola nampiasaina aho, dia ho osa aho ka ho tahaka ny olon-kafa. 12 Dia naka tady vaovao i Delila ka namatorany azy, dia hoy izy taminy: Indro ny Filistina hamely anao, ry Samsona! Ary nisy olona niafina tao amin'ilay efitrano anatiny. Dia notapahin'i Samsona ho afaka tamin'ny sandriny toy ny kofehy ny tady. 13 Dia hoy i Delila tamin’i Samsona: “Mandraka ankehitriny dia mbola namitaka ahy ihany ianao ka nilaza lainga tamiko; lazao amiko izay hahazoana mamatotra anao.” Dia hoy izy taminy: “Raha tenonao amin’ny tenona ny volo fito amin’ny lohako.” 14 Dia nofatorany tamin'ny fantsika be ilay izy, dia hoy izy taminy: Indro ny Filistina hamely anao, ry Samsona! Dia nifoha tamin'ny torimasony izy ka nesoriny ilay fantsika be sy ny tenona. 15 Dia hoy ravehivavy taminy: Ahoana no anaovanao hoe: Tiako ianao, nefa tsy amiko akory ny fonao? Efa intelo ianao no namitaka ahy izao, nefa tsy mbola nolazainao tamiko ihany izay itoeran'ny herinao lehibe. 16 Ary rehefa nanery azy isan'andro ravehivavy ka nahasosotra azy, dia tsy nahafinaritra azy intsony ny hanao izany. 17 Dia nambarany azy ny tao am-pony rehetra ka hoy izy taminy: Tsy mbola nokasihin-kareza ny lohako, fa Nazirita ho an'Andriamanitra hatrany an-kibon-dreniko aho; koa raha haratana aho, dia hiala amiko ny heriko, ary ho osa aho ka ho tahaka ny olona rehetra, 18 Ary rehefa hitan'i Delila fa efa nambarany azy ny tao am-pony rehetra, dia naniraka izy ka nampaka ireo andrianan'ny Filistina nanao hoe: Miakara amin'izao indray mandeha izao, fa efa nambarany ahy ny tao am-pony rehetra. Dia niakatra ho any aminy ireo andrianan'ny Filistina nitondra vola teny an-tànany. 19 Dia nampatory azy teo an-dohaliny izy; dia niantso lehilahy iray izy ka nampanaratra ny foto-bolo fito tamin'ny lohany; dia vao nanomboka nampahory azy izy, ka niala taminy ny heriny. 20 Dia hoy ravehivavy: Indro ny Filistina hamely anao, ry Samsona. Dia nifoha tamin'ny torimasony izy ka nanao hoe: Hivoaka tahaka ny teo aloha aho ka hangovitra. Nefa tsy fantany fa Jehovah efa niala taminy. 21 Dia nisambotra azy ny Filistina ka namotsitra ny masony, dia nitondra azy nidina tany Gaza ary namatotra azy tamin'ny gadra varahina; ary nitoto vary tao an-trano-maizina izy. 22 Kanjo nanomboka naniry indray ny volon-dohany rehefa voaharatra izy. 23 Ary nivory ireo andrianan'ny Filistina mba hanao sorona lehibe ho an'i Dagona andriamaniny sy hifaly; fa hoy izy: Efa natolotry ny andriamanitsika eo an-tanantsika Samsona fahavalontsika. 24 Ary rehefa nahita azy ny olona, dia nidera ny andriamaniny ka nanao hoe: Efa natolotry ny andriamanitsika eto an-tanantsika ny fahavalontsika, ilay mpanimba ny tanintsika, izay nahafaty maro antsika. 25 Ary rehefa faly ny fony, dia hoy izy: Antsoy i Samsona mba hanaovany filalao ho antsika. Dia niantso an'i Samsona avy tao an-tranomaizina izy, ka dia nataony filalao teo anatrehany izy; dia napetrany teo anelanelan'ny andry izy. 26 Ary hoy Samsona tamin'ilay zazalahy nitantana azy: Avelao aho hitsapa ny andry izay iorenan'ny trano mba hiankinako aminy. 27 Ary feno lehilahy sy vehivavy ny trano, ary tao ireo andrianan'ny Filistina rehetra, ary teo antampon-trano koa nisy lehilahy sy vehivavy tokony ho telo arivo, izay nijery an'i Samsona nanao laolao. 28 Ary Samsona niantso an'i Jehovah ka nanao hoe: Jehovah Tompo ô, mifona aminao aho, tsarovy aho, ka ampaherezo amin'ity indray mandeha ity monja, ry Andriamanitra ô, mba hamaliako ny Filistina noho ny amin'ny masoko roa. 29 Dia notanan'i Samsona ny andry roa teo afovoany izay nanohana ny trano, ny iray tamin'ny tànany ankavanana, ary ny iray tamin'ny tànany ankavia.
6
Ny voady ho Nazirita
30 Dia hoy Samsona: Aoka hiara-maty amin'ny Filistina aho. Dia niondrika tamin'ny heriny rehetra izy; ka dia nianjera tamin'ireo andriana sy ny vahoaka rehetra izay tao ny trano. Ary ny maty izay novonoiny tamin'ny nahafatesany dia be noho izay novonoiny fony mbola velona. 31 Dia nidina ny rahalahiny sy ny mpianakavin-drainy rehetra, dia naka ny zanany ka nitondra azy niakatra, dia nandevina azy teo anelanelan'i Zora sy Estaola tao amin'ny fasan'i Manoa rainy. Ary nitsara ny Isiraely roa-polo taona izy.
SAMOELA 1 Samoela 1 1 Ary nisy lehilahy Efraimita anankiray tany Ramataima-zofima any amin'ny tany havoan'i Efraima, Elkana no anarany, zanak'i Jerohama, zanak'i Eliho, zanak'i Toho, zanak'i Zofa. 2 Ary nanambady roa izy, Hana no anaran'ny vadiny iray, ary Penina no anaran'ny iray; ary Penina nanan-janaka, fa Hana kosa tsy mba nanan-janaka. 3 Ary ralehilahy niakatra isan-taona avy tao an-tanànany hivavaka sy hamono zavatra hatao fanatitra ho an'i Jehovah, Tompon'ny maro, tao Silo; ary tao koa izy roa lahy, zanak'i Ely, dia Hofinia sy Finehasa, mpisoron'i Jehovah. 4 Ary rehefa tonga ny andro namonoan'i Elkana fanatitra dia nomeny anjara iray ho an'i Penina vadiny sy ny zanany lahy ary ny zanany vavy rehetra. 5 Fa Hana kosa nomeny anjaran-droa, satria tiany izy, nefa Jehovah efa nanidy ny kibony. 6 Ary ny rafiny koa nanorisory azy mafy mba hampalahelo azy satria Jehovah efa nanidy ny kibony. 7 Ary izany no nataon'i Elkana isan-taona, raha niakatra ho any an-tranon'i Jehovah Hana, ary izany koa no nanorisorenan'ny rafiny azy, koa nitomany izy sady tsy nety nihinan-kanina. 8 Dia hoy Elkana vadiny taminy: Ry Hana, nahoana ianao no mitomany? Ary nahoana ianao no tsy mihinana? Ary nahoana no malahelo ny fonao? Tsy tsara kokoa aminao noho ny zanaka folo mirahalahy va aho? 9 Dia nitsangana Hana rehefa avy nihinana sy nisotro tao Silo izy. Ary Ely mpisorona nipetraka teo amin'ny sezany teo anilan'ny tolàm-baravaran'ny tempolin'i Jehovah. 10 Ary Hana dia nalahelo fanahy indrindra ka nivavaka tamin'i Jehovah sady nitomany mafy dia mafy. 11 Ary nivoady izy ka nanao hoe: Jehovah, Tompon'ny maro ô, raha mba hitsinjo tokoa ny fahorian'ny ankizivavinao Hianao ka hahatsiaro ahy ary tsy hanadino ny ankizivavinao, fa hanome ahy zazalahy, dia homeko ho an'i Jehovah izy amin'ny andro rehetra hiainany, ary tsy hokasihinkareza ny lohany. 12 Ary raha mbola naharitra nivavaka teo anatrehan'i Jehovah izy, dia nodinihin'i Ely ny vavany. 13 Fa niteny anakampo i Hana, ka ny molony ihany no nihetsiketsika, fa ny feony tsy re; ka dia nataon'i Ely fa mamo izy. 14 Dia hoy Ely taminy: Mandra-pahoviana no ho mamo ianao? Esory aminao ny divainao. 15 Dia namaly Hana ka nanao hoe: Tsia, tompoko; vehivavy malahelo fanahy aho, fa tsy nisotro divay na toaka aho, fa mamoaka ny ato am-poko eto anatrehan'i Jehovah. 16 Aza atao ho zanakavavin'i Beliala ny ankizivavinao; fa ny haben'ny fitarainako sy ny alaheloko no nitenenako mandraka ankehitriny. 17 Dia namaly Ely ka nanao hoe: Mandehana soa aman-tsara; ary homen'Andriamanitry ny Isiraely anao anie izay nangatahinao taminy. 18 Ary hoy izy: Aoka hahita fitia eo imasonao ny ankizivavinao. Dia lasa nandeha ravehivavy ka nihinana, ary tsy nalahelo tarehy intsony izy. 19 Dia nifoha maraina koa izy ireo ka nivavaka teo anatrehan'i Jehovah, dia lasa nody ka tonga tao an-tranony tany Rama; ary Elkana nahalala an'i Hana vadiny, ary Jehovah nahatsiaro azy. 20 Ary nony tonga ny andro, dia nanan'anaka Hana ka niteraka zazalahy, ary ny anarany nataony hoe Samoela, fa hoy izy: Tamin'i Jehovah no nangatahako azy. 7
Ny voady ho Nazirita
21 Ary Elkana sy ny ankohonany rehetra niakatra hamono zavatra hatao fanatitra isan-taona ho an'i Jehovah sy ny fanalam-boady nataony. 22 Fa Hana kosa tsy mba niakatra; fa hoy izy tamin'ny vadiny: Raha tsy efa nisara-nono ny zaza, dia ho entiko hiseho eo anatrehan'i Jehovah izy, ka hitoetra ao mandrakizay. 23 Ary hoy Elkana vadiny taminy: Ataovy izay tianao; mitoera ihany mandra-panoranao azy; ary aoka Jehovah no hanatanteraka ny teniny. Dia nijanona ravehivavy ka nampinono ny zanany mandra-panoranao azy. 24 Ary nony efa nisara-nono ny zaza, dia nentiny niakatra niaraka taminy izy mbamin'ny vantotr'ombilahy telo sy lafarinina iray efaha ary divay iray tavoara, ka nentiny ho ao an-tranon'i Jehovah tao Silo izy; ary mbola kely ny zaza. 25 Dia novonoiny ny vantotr'ombilahy iray, ary nentiny ho any amin'i Ely ny zaza. 26 Ary hoy izy: Tompoko ô, raha velona koa ny ainao, tompoko, izaho ilay vehivavy nitsangana teto anilanao ka nivavaka tamin'i Jehovah. 27 Ny hahazoako ity zazalahy ity no nivavahako; dia nomen'i Jehovah ahy izay nangatahiko taminy: 28 Koa dia atolotro ho an'i Jehovah kosa izy; eny, raha mbola velona koa izy dia atolotro ho an'i Jehovah. Dia nivavaka teo anatrehan'i Jehovah izy.
Jaona Mpanao Batisa Lioka 1 1 Satria maro no efa nikasa handahatra fanambarana ny amin'izay zavatra efa ninoana marina tokoa amintsika, 2 Araka izay efa natolotra antsika, dia izay efa nahita maso sady mpitory ny teny hatramin'ny voalohany; 3 Dia sitrako koa, rehefa nofantariko tsara ny zavatra rehetra hatramin'ny niandohany, ny hanoratra aminao araka ny filaharany, ry Teofilo tsara indrindra, 4 Mba hahafantaranao tsara fa marina tokoa izay zavatra nampianarina anao. 5 Tamin'ny andron'i Heroda, mpanjakan'i Jodia, nisy mpisorona anankiray atao hoe Zakaria, isan'ny antokon'i Abia; ary ny vadiny dia avy tamin'ny zanakavavin'i Arona, Elizabeta no anarany. 6 Ary samy marina teo anatrehan'Andriamanitra izy mivady sady nitondra tena tsy nanan-tsiny araka ny didy sy ny fitsipika rehetra nomen'ny Tompo. 7 Ary tsy nanan-janaka izy, fa momba Elizabeta; ary efa samy antitra izy mivady. 8 Ary raha nanao ny raharahan'ny mpisorona teo anatrehan'Andriamanitra izy araka ny filaharan'ny antokony, 9 Araka ny fanao amin'ny fisoronana, dia anjarany ny hiditra ao amin'ny tempolin'ny Tompo handoro ditin-kazo manitra. 10 Ary ny vahoaka rehetra nivavaka teo ivelany tamin'ny ora fandoroana ny emboka manitra. 11 Ary nisy anjelin'ny Tompo niseho taminy teo amin'ny ankavanan'ny alitara fandoroana ditin-kazo manitra. 12 Ary nony nahita azy Zakaria, dia taitra izy ka raiki-tahotra. 13 Fa hoy ilay anjely taminy: Aza matahotra, ry Zakaria; fa efa nohenoina ny fangatahanao; ary Elizabeta vadinao dia hiteraka zazalahy aminao, ary Jaona no hataonao anarany. 14 Ary ho faly sy ho ravoravo ianao; ary maro no hifaly amin'ny hahaterahany. 15 Fa ho lehibe eo anatrehan'ny Tompo izy ary tsy hisotro divay na toaka sady ho feno ny Fanahy Masina hatrany an-kibon-dreniny aza. 16 Ary maro amin'ny Zanak'isiraely no hampodiny ho amin'i Jehovah Andriamaniny. 17 Ary izy handeha eo alohany amin'ny fanahy sy ny herin'i Elia mba hampody ny fon'ny ray ho amin'ny zanaka, ary ny tsy manoa ho amin'ny fahendren'ny marina, hamboatra firenena voaomana ho an'i Jehovah (Jer. 1. 1).
8
Ny voady ho Nazirita
18 Ary hoy Zakaria tamin'ilay anjely: Ahoana no hahafantarako izany? fa efa antitra aho, ary efa antitra koa ny vadiko. 19 Ary ny anjely namaly ka nanao taminy hoe: Izaho no Gabriela, izay mitsangana eo anatrehan'Andriamanitra; ary nirahina hiteny aminao aho ka hilaza aminao izany teny mahafaly izany. 20 Ary, indro, ho moana ianao ka tsy hahay miteny ambara-pihavin'ny andro hisehoan'izany zavatra izany, fa tsy mino ny teniko ianao, izay ho tanteraka amin'ny fotoany. 21 Ary ny olona niandry an'i Zakaria ka gaga noho izy naharitra ela tao amin'ny tempoly. 22 Ary rehefa nivoaka izy, dia tsy nahay niteny taminy; ary dia takatr'izy ireo fa efa nahita fahitana tao amin'ny tempoly izy; ary izy nanao baiko taminy, dia mbola moana ihany. 23 Ary rehefa tapitra ny andro nanaovany fanompoam-pivavahana, dia lasa nody tany an-tranony izy. 24 Ary rehefa afaka izany andro izany dia nitoe-jaza Elizabeta vadiny, dia niery dimy volana ka nanao hoe: 25 Izao no nataon'ny Tompo tamiko tamin'ny andro nitsinjovany ahy hahafa-tondromaso ahy amin'ny olona. 26 Ary tamin'ny fahenina dia nirahin'Andriamanitra ny anjely Gabriela ho any amin'ny tanàna iray any Galilia atao hoe Nazareta, 27 Ho any amin'ny virijina iray izay voafofo ho vadin'ny lehilahy atao hoe Josefa, avy tamin'ny taranak'i Davida; ary ny anaran'ny virijina dia Maria. 28 Ary niditra tao aminy ilay anjely ka nanao hoe: Arahaba, ry ilay nohasoavina, ny Tompo momba anao; nosoavina noho ny vehivavy rehetra ianao. 29 Ary nony nahita azy izy, dia taitra tamin'ny teniny ka nieritreritra izay tokony ho hevitr'izany fiarahabana izany. 30 Ary hoy ilay anjely taminy: Aza matahotra, ry Maria, fa efa nahita fitia tamin'Andriamanitra ianao. 31 Ary, indro, hitoe-jaza ianao ka hiteraka zazalahy, ary ny anarany dia hataonao hoe JESOSY. 32 Izy ho lehibe ka hatao hoe Zanaky ny Avo Indrindra; ary Jehovah Andriamanitra hanome Azy ny seza fiandrianan'i Davida rainy; 33 Ary hanjaka amin'ny taranak'i Jakoba mandrakizay Izy; ary ny fanjakany tsy hanam-pahataperana. 34 Ary hoy Maria tamin'ilay anjely: Hanao ahoana re no hahatanteraka izany, fa tsy mahalala lahy aho? 35 Ary ny anjely namaly ka nanao taminy hoe: Ny Fanahy Masina ho tonga aminao, ary ny herin'ny Avo Indrindra hanaloka anao; koa ny Masina Izay haterakao dia hatao hoe Zanak'Andriamanitra. 36 Ary, indro, Elizabeta havanao dia efa mitoe-jaza koa, na dia efa antitra aza; ary izao no andro fahenina amin'izy izay natao hoe momba. 37 Fa tsy hisy tsy ho tanteraka amin'Andriamanitra. 38 Ary hoy Maria: Inty ny ankizivavin'ny Tompo; aoka anie ho tonga amiko araka ny teninao. Dia nandao azy ilay anjely. 39 Ary Maria niainga tamin'izany andro izany ka nandeha faingana ho any amin'ny tany be tendrombohitra, ho any an-tanàna anankiray any Joda; 40 Ary niditra tao an-tranon'i Zakaria izy ka niarahaba an'i Elizabeta. 41 Ary nony ren'i Elizabeta ny fiarahaban'i Maria, dia nibitaka ny zaza tao an-kibony; ary feno ny Fanahy Masina Elizabeta, 42 Dia niantso tamin'ny feo mahery izy ka nanao hoe: Voatahy samy vehivavy ianao, ary voatahy ny hateraky ny kibonao. 43 Ary avy aiza no ahatongavan'izao amiko, no mba tonga aty amiko ny renin'ny Tompoko? 44 Fa, indro, raha vao ren'ny sofiko ny feon'ny fiarahabanao, dia nibitaka noho ny hafaliana ny zaza tao an-kiboko. 45 Ary sambatra ianao izay nino; fa ho tanteraka izay zavatra nolazain'ny Tompo taminy. 46 Ary hoy Maria: Ny fanahiko mankalaza ny Tompo,
9
Ny voady ho Nazirita
47 Ary ny fanahiko efa ravoravo tamin'Andriamanitra, Mpamonjy ahy. 48 Fa efa nijery ny fahambani-toetry ny ankizivaviny Izy; fa, indro, hatramin'izao dia hataon'ny taranaka rehetra hoe sambatra aho. 49 Fa ny Mahery efa nanao zavatra lehibe tamiko; Ary masina ny anarany. 50 Ary ny famindram-pony dia amin'izay matahotra Azy hatramin'ny taranaka fara mandimby. 51 Naneho hery tamin'ny sandriny Izy; Nampihahaka ny mpiavonavona tamin'ny fiheveran'ny fony Izy. 52Nampietry ny mahery hiala amin'ny seza fiandrianany Izy, Ary nanandratra ny ambany kosa. 53 Ny noana novokisany soa; ary ny mpanankarena kosa nalefany niala maina. 54 Niahy an'i Israely mpanompony Izy, fa tsaroany ny famindram-pony. 55 Araka ny nolazainy tamin'ny razantsika, tamin'i Abrahama sy ny taranany mandrakizay. 56 Ary Maria nitoetra tao amin'i Elizabeta tokony ho telo volana, dia nody tany an-tranony. 57 Ary tonga ny andro hiterahan'i Elizabeta, dia niteraka zazalahy izy. 58 Ary ny mpiara-monina aminy sy ny havany nandre fa efa nanehoan'ny Tompo famindram-po lehibe taminy; dia niara-nifaly taminy ireo. 59 Ary tamin'ny andro fahavalo dia tonga izy ireo hamora ny zaza, ary ny anarany nataony hoe Zakaria araka ny anaran-drainy. 60 Fa ny reniny namaly ka nanao hoe: Tsia, fa hatao hoe Jaona izy. 61 Fa hoy izy ireo taminy: Tsy misy amin'ny havanao izay manana izany anarana izany. 62 Ary nanao baikon'ny moana tamin-drainy izy ireo ny amin'izay tiany hiantsoana azy. 63 Ary nangataka takelaka fanoratana izy ka nanoratra hoe: Jaona no anarany. Dia gaga avokoa izy rehetra. 64 Dia nisokatra niaraka tamin'izay ny vavany, ary nivaha ny lelany; dia niteny izy ka nidera an'Andriamanitra. 65 Dia raiki-tahotra izay rehetra niara-monina taminy; ary niely teny amin'ny tany havoan'i Jodia rehetra izany teny rehetra izany. 66 Ary izay rehetra nandre dia nandatsaka izany tao am-pony ka nanao hoe: Ho zaza hanao ahoana re ity? Fa ny tanan'ny Tompo nomba azy. 67 Ary feno ny Fanahy Masina i Zakaria rainy ka naminany hoe: 68 Isaorana anie ny Tompo Andriamanitry ny Isiraely; Fa efa namangy ny olony Izy ka nanao fanavotana ho azy, 69 Ary nanangana tandroka famonjena ho antsika tao amin'ny taranak'i Davida mpanompony Izy; 70 Araka izay nampilazainy ny mpaminaniny masina hatramin'ny voalohany indrindra, 71 Mba hovonjena amin'ny fahavalontsika isika, sy amin'ny tànan'izay rehetra mankahala antsika; 72 Hanefa ny famindram-pony tamin'ny razantsika sy hahatsiaro ny fanekeny masina, 73 Ny fianianana izay nianianany tamin'i Abrahama razantsika, 74 Mba hanomezany antsika ny fahafahana hanompo Azy tsy amin-tahotra, satria afaka amin'ny tanan'ny fahavalontsika isika, 75 Amin'ny fahamasinana sy ny fahamarinana eo anatrehany, amin'ny andro rehetra hiainantsika. 76 Ary ianao, ry zaza, dia hatao hoe mpaminanin'ny Avo Indrindra; Fa hialoha eo anatrehan'ny Tompo ianao hamboatra ny lalany; 77 Hanome ny olony ny fahalalana ny famonjena amin'ny famelana ny helony, 78 Noho ny halehiben'ny famindram-pon'Andriamanitsika, izay niposahan'ny mazava avy any ambony ho antsika, 79 Hamirapiratra amin'izay mipetraka ao amin'ny maizina sy ao amin'ny aloky ny fahafatesana, Hanitsy ny diantsika ho amin'ny lalan'ny fiadanana. 80 Ary ny zaza nitombo ka nihahery tam-panahy; ary nitoetra tany an-efitra izy ambara-pihavin'ny andro nisehoany tamin'ny Isiraely.
10