Lalàn'ny Hery ao amin'ny Baiboly Tsy mba simba ny hery tsy manam-petra ananan'i Jesosy Kristy.
Ary Jesosy nanatona dia niteny taminy ka nanao hoe: Efa nomena Ahy ny fahefana rehetra any andanitra sy etỳ an-tany; koa mandehana ianareo, dia ataovy mpianatra ny firenena rehetra, manao batisa azy ho amin'ny anaran'ny Ray sy ny Zanaka ary ny Fanahy Masina sady mampianatra azy hitandrina izay rehetra nandidiako anareo; ary, indro, Izaho momba anareo mandrakariva ambarapahatongan'ny fahataperan'izao tontolo izao. Amena. Matio 28:18-20 Fa hahazo hery ianareo amin'ny hilatsahan'ny Fanahy Masina aminareo, ary ho vavolombeloko any Jerosalema sy eran'i Jodia sy Samaria ary hatramin'ny faran'ny tany. Asan'ny Apostoly 1:8
Boky Dimy Voalohany Ary fantatrareo fa tamin'ny heriko rehetra no nanompoako ny rainareo. Manankery hanisy ratsy anareo ny tanako; fa Andriamanitry ny rainareo efa niteny tamiko omaly alina ka nanao hoe: Tandremo mba tsy hasianao teny akory Jakoba, na soa na ratsy. Genesisy 31: 6,29 Ary hoy Izy: Tsy hatao hoe Jakoba intsony ny anaranao, fa Isiraely; fa efa nitolona tamin'Andriamanitra sy tamin'ny olona ianao ka nahery. Genesisy 32:28 Ry ROBENA, lahimatoako ianao, heriko sy voalohan'ny tanjako, manan-tombom-boninahitra sy manan-tombom-pahefana. Genesisy 49:3 Koa izao indrindra no nampaharetako anao, dia ny hampiseho aminao ny heriko sy ny hanambarana ny anarako any amin'ny tany rehetra. Eksodosy 9:16 Ny tananao ankavanana, Jehovah ô, efa malaza amin'ny hery; ny tananao ankavanana, Jehovah ô, manorotoro ny fahavalo. Eksodosy 15:6 Raha tsy ankasitrahan'ny tompony, izay efa fofombadiny ho vadiny, ravehivavy, dia havelany havotana ihany izy; tsy hahazo mivarotra azy amin'ny firenena hafa izy, satria efa namitaka azy. Eksodosy 21:8 Ary Mosesy nifona tamin'i Jehovah Andriamaniny ka nanao hoe: Jehovah ô, nahoana no mirehitra amin'ny olonao ny fahatezeranao, izay nentinao nivoaka avy tany amin'ny tany Egypta tamin'ny hery lehibe sy ny tanana mahery? Eksodosy 32:11 Ary hotorotoroiko ny avonavon'ny herinareo, ka hataoko toy ny vy ny lanitrareo, ary toy ny varahina ny taninareo; Ary hifamely toy ny manenjika sabatra izy, na dia tsy misy manenjika aza; ary tsy hahajanona eo anoloan'ny fahavalonareo ianareo. Levitikosy 26 :19,37 Koa ankehitriny, mifona aminao aho, aoka hiseho ny herin'ny Tompoko, araka ny teninao hoe: Nomery 14:17