Fahamarinana tanteraka ara-baiboly Hoy Jesosy taminy: Izaho no lalana sy fahamarinana ary fiainana; tsy misy olona mankany amin'ny Ray, afa-tsy amin'ny alalako. Jaona 14:6 Miezaha mafy ho amin'ny fahamarinana hatramin'ny fahafatesana, ary Jehovah hiady ho anao. Mpitoriteny 4:28
Boky Dimy Voalohany Ary hoy izy: Isaorana anie Jehovah, Andriamanitr'i Abrahama tompoko, Izay tsy nanaisotra ny famindram-pony sy ny fahamarinany tamin'ny tompoko; fa raha izaho teny an-dalana dia notantanan'i Jehovah aho ho any an-tranon'ny havan'ny tompoko. Genesisy 24:27 Tsy mendrika na dia kely akory aza aho tamin'ny famindram-po rehetra sy ny fahamarinana rehetra izay nataonao tamiko mpanomponao; fa ny tehiko ihany no nentiko nita ity Jordana ity; nefa ankehitriny efa tonga antoko roa aho. Genesisy 32:10 Iraho ny iray aminareo, ary aoka izy haka ny rahalahinareo, fa ianareo hotazonina ao antranomaizina, mba hozahana ny teninareo, na marina na tsia; fa raha tsy izany, raha velona koa Farao, dia mpisafo tokoa ianareo. Genesisy 42:16 Ary koa, mifidiana eo amin'ny olona rehetra izay lehilahy mahay sy matahotra an'Andriamanitra, dia lehilahy marina izay mankahala ny fieremana; ka manendre mpifehy arivo sy mpifehy zato sy mpifehy dimam-polo ary mpifehy folo hifehy azy. Eksodosy 18:21 Ary Jehovah nandalo teo anatrehany ka niantso hoe: Jehovah, Jehovah Andriamanitra, mamindra fo sy miantra, mahari-po sady be famindram-po sy fahamarinana, Eksodosy 34:6 dia diniho sy fantaro tsara ary anontanio tsara; ary raha indro fa marina tokoa izany zavatra izany, ka natao teo aminao izany fahavetavetana izany, Deoteronomia 13:14 Izy no Vatolampy, tanteraka ny asany; fa ny lalany rehetra dia amin'ny rariny avokoa; Andriamanitry ny fahamarinana Izy, ka tsy misy ratsy ao aminy; marina sy mahitsy Izy. Deoteronomia 32:4
FIAINANY TALOHA Koa ankehitriny, matahora an'i Jehovah, ka manompoa Azy amin'ny fahitsiana sy ny fahamarinana; ary ario ny andriamanitra izay notompoin'ny razanareo tany an-dafin'ny Ony sy tany Egypta; ka manompoa an'i Jehovah. Josoa 24:14 Fa hoy ny tsilo tamin'ny hazo: Raha hohosoranareo ho mpanjakanareo tokoa aho, dia avia ianareo ka mialofa ato amin'ny alokaloko; fa raha tsy izany, aoka hisy afo hivoaka avy amin'ny tsilo ka handevona ny sederan'i Libanona. Mpitsara 9:15 Kanefa matahora an'i Jehovah ianareo, ary manompoa Azy marina amin'ny fonareo rehetra; fa eritrereto izao zavatra lehibe nataony ho anareo izao. 1 Samoela 12:24