Amateeka ga Baibuli ag’Amaanyi Amaanyi ga Yesu Kristo agatuukiridde tegayonoona.
Awo Yesu n’ajja n’abagamba nti, “ Amaanyi gonna gampeereddwa mu ggulu ne mu nsi.” Kale mugende muyigirize amawanga gonna, nga mubatiza mu linnya lya Kitaffe, n'Omwana, n'Omwoyo Omutukuvu: Mubayigirize okukwata byonna bye nnabalagira: era, laba, ndi wamu nammwe bulijjo, okutuusa enkomerero y'ensi. Amiina. Matayo 28:18-20 Naye mmwe mulifuna amaanyi, Omwoyo Omutukuvu bw'amala okubatuukako: era muliba bajulirwa gye ndi mu Yerusaalemi ne mu Buyudaaya yonna ne mu Samaliya n'okutuukira ddala ku nkomerero y'ensi. Ebikolwa 1:8
Ebitabo Ebitundu (Pentateuch). Era mumanyi nga n’amaanyi gange gonna mpeereza kitammwe. Kiri mu buyinza bw'omukono gwange okukulumya: naye Katonda wa kitaawo n'ayogera nange ekiro eggulo ng'agamba nti Weegendereze toyogera na Yakobo ekirungi oba ekibi. Olubereberye 31:6 ,29 N'agamba nti, “Erinnya lyo toliyitibwa Yakobo nate, wabula Isiraeri: kubanga olina obuyinza eri Katonda n'abantu ng'omulangira, era owangudde. Olubereberye 32:28 Lewubeeni, ggwe mubereberye wange, amaanyi gange, era entandikwa y'amaanyi gange, ekitiibwa ekisukkulumye, n'obuyinza obusukkulumye; Olubereberye 49:3 Era mu bikolwa byennyini olw'ensonga eno nkuzuukizza, okulaga mu ggwe amaanyi gange; n’erinnya lyange litegeezebwe mu nsi yonna. Okuva 9:16 Omukono gwo ogwa ddyo, ai Mukama, gufuuse gwa kitiibwa mu maanyi: Omukono gwo ogwa ddyo, Ai Mukama, gumenye omulabe. Okuva 15:6 Bw'anaaba tasiima mukama we eyamufumbirwa yekka, kale anaamukkiriza okununulibwa: okumuguza eggwanga eddala taliba na buyinza, kubanga yamulimba. Okuva 21:8 Musa ne yeegayirira Mukama Katonda we, n'ayogera nti Mukama, obusungu bwo bunyigiriza ki eri abantu bo, be waggya mu nsi y'e Misiri n'amaanyi amangi n'omukono ogw'amaanyi? Okuva 32:11 Era ndimenya amalala ag’amaanyi go; era ndifuula eggulu lyo ng'ekyuma, n'ensi yo ng'ekikomo. Era baligwa ku bannaabwe, nga bwe kiri mu maaso g'ekitala, nga tewali amugoberera: so temuliba na buyinza kuyimirira mu maaso g'abalabe bammwe. Eby’Abaleevi 26:19 ,37 Era kaakano, nkwegayiridde, amaanyi ga Mukama wange gabeere manene, nga bwe wayogedde, . Okubala 14:17 Balamu n'agamba Balaki nti Laba, nzize gy'oli: kaakano nnina obuyinza okwogera ekintu kyonna? ekigambo Katonda ky'ateeka mu kamwa kange, ekyo kye nnaayogera. Okubala 22:38