Kyrgyz - Courage Is Beautiful - Psalm 27

Кайраттуулук Тоорат Жер жүзүндөгү бардык жаныбарлар, асмандагы бардык канаттуулар, жер бетинде сойлоп жүрүүчүлөрдүн баары жана деңиздеги бардык балыктар силерден коркуп, үрөйүңөр учсун; алар силердин колуңарга салынып берилди. Башталыш 9:2 Ушул окуялардан кийин Теңирдин сөзү Ыбрамга аян аркылуу келди: «Коркпо, Ыбрам, Мен сенин калканыңмын, сенин сыйлыгың абдан чоң». Башталыш 15:1 Кудай баланын үнүн укту, ошондо Кудайдын периштеси асмандан Ажарды чакырып: «Сага эмне болду, Ажар? Коркпо, анткени Кудай баланын үнүн ал жаткан жерден укту», – деди. Башталыш 21:17 Ошол түнү Теңир ага көрүнүп: «Мен сенин атаң Ыбрайымдын Кудайымын. Коркпо, анткени Мен сени мененмин, кулум Ыбрайым үчүн сага батамды берип, тукумуңду көбөйтөм», – деди. Башталыш 26:24 Үчүнчү күнү, алар ооруп жатканда, Жакыптын эки уулу, Динанын бир туугандары Шымон менен Леби, ар бири кылычын алып, шаарга тайманбастык менен кол салып, бардык эркектерди кырып салышты (Башталыш 34:25). Ал: «Силерге тынчтык болсун, коркпогула, силердин Кудайыңар жана атаңардын Кудайы силерге каптарыңарга кенч салып берди. Акчаңарды мен алдым», – деди. Анан ал Шымонду аларга алып келди. Башталыш 43:23 Ал мындай деди: «Мен Кудаймын, атаңдын Кудайымын. Мисирге баруудан коркпо, анткени Мен ал жерде сенден улуу эл жаратам». Башталыш 46:3 Жусуп аларга: «Коркпогула, мен Кудаймынбы? Силер мага жамандык ойлогонсуңар, бирок Кудай муну жакшылыкка айлантты, бүгүнкүдөй болуп, көп адамдардын өмүрүн сактап калуу үчүн. Андыктан коркпогула, мен силерди да, балдарыңарды да багам», – деди. Ал аларды сооротуп, жылуу сөздөрдү айтты. Башталыш 50:19-21 Муса элге мындай деди: «Коркпогула, токтогула, Теңирдин бүгүн силерге көрсөтө турган куткаруусун көргүлө. Анткени силер бүгүн көрүп жаткан мисирликтерди мындан ары түбөлүккө көрбөйсүңөр». Чыгуу 14:13