Dagiti Bituen iti Kasuratan No usigek dagiti langitmo, ti aramid dagiti ramaymo, ti bulan ken dagiti bituen, nga inordenam; Ania ti tao, a sipapanunotka kenkuana? ken ti anak ti tao, a sumarungkarka kenkuana? Salmo 8:3-4
Pentateuko Ket nangaramid ti Dios iti dua a dadakkel a silaw; ti dakdakkel a lawag a mangituray iti aldaw, ken ti basbassit a lawag a mangituray iti rabii: inaramidna met dagiti bituen. Genesis 1:16 Ket inruarna isuna iti ballasiw-taaw, ket kinunana, Kitaem itan nga agturong iti langit, ket ibagam kadagiti bituen, no kabaelam a bilangen ida: ket kinunana kencuana, Kastato ti putotmo. Genesis 15:5 Nga iti bendision bendisionanka, ken iti panagadu paaduekto ti bukelmo a kas kadagiti bituen ti langit, ken kas iti darat nga adda iti igid ti baybay; ket ti bukelmo tagikuaendanto ti ruangan dagiti kabusorna; Genesis 22:17 Ket paaduekto dagiti bukelmo a kas kadagiti bituen ti langit, ket itedkonto iti bukelmo amin dagitoy a pagilian; ket iti bukelmo mabendisionanto dagiti amin a nasion iti daga; Genesis 26:4 Ket natagtagainepna ti sabali pay a tagtagainep, ket imbagana kadagiti kakabsatna, ket kinunana, Adtoy, natagtagainepko pay ti tagtagainep; ket, adtoy, ti init ken ti bulan ken dagiti sangapulo ket maysa a bituen nagruknoyda kaniak. Genesis 37:9 Laglagipem da Abraham, Isaac, ken Israel, dagiti adipenmo, a nangisapatam iti bagim, ket imbagam kadakuada, Paaduekto ti bin-im a kas kadagiti bituen ti langit, ket amin daytoy a daga a sinaok ket itedkonto kadagiti kaputotam, ket tawidendanto daytoy iti agnanayon. Exodo 32:13 Makitakto isuna, ngem saan nga ita: makitakto isuna, ngem saan nga asideg: umayto ti maysa a Bituen manipud ken Jacob, ket tumakderto ti maysa a Setro manipud iti Israel, ket kabilenna dagiti suli ti Moab, ket dadaelenna amin dagiti annac ni Set. Numeros 24:17 Ni Yahweh a Diosyo pinaadunakayo, ket, adtoy, ita nga aldaw, kas kadagiti bituen ti langit gapu iti kinaadu. Deuteronomio 1:10 Ket di la ket ta itangadmo dagiti matam idiay langit, ket inton makitam ti init, ken ti bulan, ken dagiti bituen, uray dagiti amin a buyot ti langit, maiturongda nga agdayaw kadakuada, ken agserbi